kissfaye's Profile

朋友介紹黎到深水埗試新嘢，小店選擇雖然唔多，但出奇地每款都好食，真係貴精不貴多首先食個朱古力曲奇🍪，超多朱古力呀，第一次食到流心嘅效果，正，加埋杯可可杏仁奶，同平時嘅好唔同，成杯好濃郁好厚身，好足料👍🏻之後食完雞批再即刻落單試埋個鴨脾批，好好味😋成個批都係料，係食過最多料嘅批！鴨批出面真係好少食到，好惹味，好鍾意❤️回頭率極高呀🤓 食用時，店員又好細心咁俾佢哋自家製嘅辣醬我哋試，同個批又係好夾，唔會太辣，唔小心食咗兩碟仔😂…Read More

男友生日飯，一早訂台whatsapp埋圖畫生日公仔。點知未食完野，女待應就上生日甜品，想點？七點咋，係咪咁趕要我食埋快啲走？仲要甜品係無畫圖😓😓😓 講左應該有圖，唔信要check，check 完就咩都無講一句唔好意思都無，就捧走個甜品！咩事？😡要再等廿分鐘先畫好圖再上。咩氣氛心情都無晒啦我好希望貴店嘅老闆睇到，正視一下個女待應嘅服務態度，我見到我唔係第一個投訴佢!我真係純粹為左個生日公仔而選擇貴店，但得到個咁嘅安排，我好失望…Read More

第二次食，海鮮沒第一次的驚喜，但總算不過不失，唯一差嘅係個蠔，係我食過熟蠔最差嘅一次，直頭想吐出黎🤮同埋內堂真係好熱，我地一行五人被安排坐角落位，愈食愈熱，食到一身汗，完全感受唔到有冷氣囉，仲差過坐出面咁。認真要改善下…Read More

經過幾次都無試過，感覺唔平，咁偏但又同市區差唔多價錢，一試就發現係值嘅。平日黎得幾台客，叫左刺身飯，質素唔錯，如貴價野，份量比想像多。另外個三文魚魚頭就偏咸左啲，牛肉他他就正常啦。下次會再黎…Read More

屯門隱世小店，八人慶生飯，點左好多野食，全部都好有驚喜，好好味，好足料，店員又好好咁不停為我地倒水，大愛個黑松露焗雞同蟹膏飯，其他魚呀串燒呀刺身呀都好食，整體真係好唔錯，一定會再黎！…Read More

知道尖沙咀開左分店，經過當然要買返杯啦。可能因為落雨好快就可以落單，仲有得試飲添，係我大愛嘅earl grey 呀❤️，之前係cwb 已試過芋頭，已經好滿意，今次試飲完就即揀珍珠earl grey latte, 店員都幾好禮貌解釋甜度，揀左微糖，岩岩好，白色珍珠真係如坊間評語一樣，好有咬感，仲食到有甜味，係我食過嘅最好味嘅珍珠。。之前真係中伏得太多次喇🤦🏻‍♀️茶底都好夠味，幾清香，杯野整體黎講真係唔錯👍🏻…Read More

同事介紹黎，為免星期五難搵地方就一試。環境幾好，台唔多，靜靜地適合幾個人傾計。頭盤要左田螺加田雞薯蓉，呢個配搭幾特別，田雞好肥美，正！兩個主菜，鱸魚幾好味，但好細舊。另外係龍蝦長通粉，有少少伏，因為個味有啲怪食到有苦味。。。😓😓再揀左薯條同雜菜做伴菜。。。成70蚊一碟，但份量少到喊🤦🏻‍♀️…Read More