黃金泰利's Profile

酷熱端午節下午入到去餐廳見到得2個待應以為會好亂啦，但由於行到好熱門口見到餐牌又唔係太貴所以都照坐低。出奇地好快有人幫我哋落單，叫左2個set lunch，有湯有主食有飲品一次過落單，飲品都無要求後上，但好神奇先來左個湯飲完之後先上主食，食完主食先上飲品好有次序，好似望住我哋食完先上咁。唔會一次過上到成檯嘢！湯係一般，但我食牛肋好有牛味又軟硬適中，意粉鹹度剛剛好又一條條好分明。飲品凍咖啡，咖啡無比冰沖淡。很好的體驗，$68個set又無加一真係唔錯。…Read More

星期六下午三點去到以為睇錯，點解會咁少客人架，我叫左杯手沖咖啡，咖啡有跟杯水，細緻位幾好。好多打卡，cafe都無跟水。環境氣氛不錯，但如果可以播下香港音樂會好d，可能咁啱聽唔到。…Read More

午餐外買個味菜牛肉炆米，等左10分鐘有得拎，回到office一打開已經覺得好乾，食左一口，完全覺得係炒米咁又乾又無味，跟住見到條黑色以為係燶左，我夾走佢但覺得好硬，之後用手拎起佢看看，發現原來係鐵絲。立即唔食拎返去餐廳，我去到餐廳到比返個男上年紀收銀員睇有鐵絲，佢反應好淡定話“咁我幫你換一個”，最後我都係退錢，由於飲品我無拎返去，所以佢扣返飲品錢。但佢除手就丟左個米粉，完全無意改善。呢間野大家睇路啦！…Read More

星期六坐360上昂坪,去大雄寶殿拜完神,打算上大佛之前食D野先,見到呢間咁多人食又有人排隊,咁就去排隊買野食,我地揀左d糕點,酸齋同咖哩齊同米粉,糕點好味唔太甜。米粉D味道好奇怪都唔知咩味,咖哩齋好精彩咖哩味好似街邊咖哩魚蛋咁既味,但酸齋味道都好一般又唔太酸,但好"林"老人家都食到。但唔知有無睇錯好似見到有用牛奶制雪條賣。但呢間店都唔平架！總結只有糕點最好味,其他就......下次會試下隔離果間先。…Read More

上網睇到好多媒體介紹酒店綠茶主題下午茶自助餐,因為女朋友係綠茶控所以訂位試下有咩咁特別。我地3點正去到要排隊等入座,心諗咁多人食應該唔會太差,入去到感覺幾大下。我出去拎食物,途中見到好多人碟中都有"三文治",心諗緊係咪好好味或者好特別呢？一出到去食物區見到d食物已經想笑,雜果沙拉(好似地x牌罐頭雜果),茄汁豆同腸(又係似罐頭),好d有炸雞同炸排骨(但2個牌子交換左,如果有人唔食雞或豬真係多謝晒),牛肉粥(好似白粥後加牛肉),反而乾蒸牛肉最好味，好啦講返主題綠茶野,最好味係綠茶雪糕,其他竟然無印象啦！呀好似有綠茶冷麵但無綠茶味。結論綠茶主題得個名取巧,要做主題都要比多d主題野先得架!…Read More

想食晚餐行過女人街見到呢間入左去試試,入去睇到坐左一半人。見到餐牌壽司同刺身類貴左D,所以叫左三文魚頭鍋,芝士海鮮烏冬同芒果卷。芝士海鮮烏冬: 無咩芝士味,海鮮都係一般蜆好細粒烏冬都算ok!三文魚頭鍋: 有魚餃位好好多肉好滑好好味呀!成個魚頭都食清😜，但金針菇只有2條少左d,有粉絲係底吸晒魚湯味。芒果卷d芒果唔酸都唔錯,下次會再試其他野食。p.s.食滿$150加$40有三文魚刺身(大約10片都唔會好薄)。…Read More

睇了網上推廣好似好吸引,滿心喜歡去試一試,點知中伏了。我們2個人6:45到去,老闆話7點開始落單,在等待過程中得知餐廳在6點左右因為所有食材賣完,所以暫停營業準備7點後再營業。在7點左右老闆派號碼給每個客人,之後就下單當晚只有蜆粉同椰子雞湯,之後等到8點見到其他人有得食我們還未有便向老闆查詢,老闆問我重有咩未到,我們事實咩都未有,所以知道老闆搞錯單,以為出左食物比我地。之後食物來到一看之下感覺太差,椰子雞湯感覺似茶餐廳例湯,湯味道椰子味多過雞味,湯就真係只有湯沒有材料連椰子絲或者一片雞也沒有。蜆粉只有3隻蜆同幾條芽菜同米粉感覺很普通,等了咁耐就只有咁既食物,第一次食已經感覺太差了,一定唔會再去。…Read More

平時返工係公司附近lunch都唔知食左咩落肚,所以放假對自己好d同女朋友搵左間高級日式餐廳，而且間餐廳係新開。一上去門口見到多酒,但唔係平時見開果d日本清酒,而是紅酒白酒果d,少在日式餐廳見到,入到去見到一排公仔，D公仔好特我都未見過,聽聞係老闆特別訂造,再望下周圍,原來可以望到海景架!估唔到銅鑼灣餐廳都有咁既環境好意外。我點左個特上刺身定食,女朋友點左素菜御膳。侍應介紹左我飲一杯cocktail叫<Sakura dream>,杯cocktail一來已經忍唔住要影返幾張相因為太靚啦！飲第一啖先有玫瑰味然後再有荔枝味好重最後先有酒味,味道好有層次,真係好介紹。女朋友叫左杯西柚汁味道好重唔似有加水。湯好清晰但好有味道係自己煲出來的味道,唔係用粉或醬開出來感覺。主菜來啦!侍應好小心放低,然後細心講解每種食物同食既次序。先食貝類肉質好厚,味道甘甜,好實在感。海膽肉深黃色,味道清甜,入口嫩滑。牡丹蝦肉質鮮甜有彈性。吞拿魚魚腩白色雪花好平均好靚,入口真係既溶除既散發濃濃魚油芳香。其實所有食物D味覺好細緻,真係要親身食過先知道,呢間餐廳值得再去,一個lunch有非凡高級體驗。…Read More

平時lunch都去呢間食午餐,午餐有4個餸揀2個連熱飲有湯都係$40通常一個菜一個肉都唔錯。但今日天氣凍凍想試下"上海粗炒",我落左單,侍應姐姐大叫師傅有粗炒,原來粗炒係既炒,碟粗炒一上枱熱烘烘,d菜重好爽無炒過龍,D肉係一條條絲,味道唔錯太重,上海粗炒係正常多油,但食完無口乾算係咁,或覺得價錢偏貴,有個店員姐姐叫我下次試下炸雞肶佢話好大隻好好味可獎配擔擔麵好香架。但呢間除左午餐其他都貴左d。都係出左糧先試其他啦！…Read More

新都城一田新開張打去睇下去之前係葵涌廣場食左午餐先,係地下行左一個圈見到呢間店舖裝修好新,好似係新開,咁入去試試啦！入到睇差唔多都滿座,心諗應該幾好味掛,睇餐牌唔算多野食,我叫左酸菜魚淮山麵,唔多舖頭有淮山麵所以便試試。等左一陣先來豆漿先第一淡飲落去感覺好普通唔太重豆味，之後麵來左先試下d酸菜,唔感好酸有微微辣味都可以,淮山麵好幼好滑口感幾好,再試下d魚好滑都有魚味，葵涌廣場來講都算幾好算,如果經過都會再食。…Read More

天氣凍凍想打邊爐上去openrice睇下有邊間吸引,睇到蒲頭島5點入座超平優惠去試下,原本諗住咁平無好野點知有驚喜。星期日晚5點幾已經全場滿座,好彩一早約左位,我地揀左個珍味什菌鍋，一入座侍應扲左2支好似做實驗咁既飲品佢話係果汁，但味道好怪。佢有d食物同飲品係自助,飲品有五花茶,羅漢果,汽水重有罐裝紙包好多選擇。野食有蔬菜盤同一d周邊食物例如午餐肉,腸仔等,但肥牛竟然係自己任拎。重有點心紙有蝦,海鮮等。個湯底來到好驚喜好清晰d材料睇得好清楚十分好,左口魚好大件但好滑好好味,D雞又唔多肥件都好滑唔錯,蜆就味道怪怪地,蝦就細隻D但幾爽。但揀左好多野無來d丸無來試唔到,侍應好似唔多夠,好難搵到佢地。但都想再去食!…Read More

星期日下午二個人係尖沙咀找野食第一時諗到去厚福街好多餐廳一定會搵到間啱食，最後見到呢間門口有個餐牌好似好平就入左去。$48可以食到一個台灣涮涮鍋麵尖沙咀已經難有，重有包凍飲 ！可以選三個餸再加個拉麵，而且用個鍋加上個爐熱住，個員工拎出來時候見到好靚好似影相出來咁，菜都好新鮮但餸唔多，拉麵都好多食唔晒。叫左杯珍珠奶茶， 奶茶上面竟然加上Oreo 碎又大大杯，味道就一般。下次還是會來試下晚上火鍋，因為食緊聽到好多電話打來BOOK晚上火鍋，好似幾吸引。…Read More

同女朋友好耐無食buffet，上OPENRICE找左呢間下午都唔洗二百元咁就去試下，果日唔算多人。每次食buffet一定會先食魚生同海鮮，三文魚脂肪分佈都幾平均自幾好，平時要排隊有師博切完幾片想食多D要排幾次，但呢間係成碟放出來想食幾多夾幾多，壽司D飯都算OK唔會好凍。青口都幾新鮮唔洗野真接食，不過蝦唔算太大隻。湯有西湖牛肉羹同周打蜆肉湯2款都味淡淡地。熱食最受歡迎係蒸魚，但食過之發現係食過火唔滑，但味道都可以。有炆牛尾都幾林，羊肉好蘇唔多好味。沙律菜都幾新鮮唔錯架，重有巴拿馬火腿連蜜瓜但蜜瓜唔甜。最好味甜品係椰汁黑糯米，重有DREYER’S甜筒食。…Read More