lmc0219's Profile

食開魚鈁都有兩年了，點知一次經過話要結業，真心難過，以為以後都冇得食魚春魚卜等等美食，畢竟喺香港真係好難搵到😭仲諗住專登去筲箕灣另一間食添……今日經過深水埗，發現原位置有新鋪頭開緊，仲要名字都差唔多，即刻去睇下，竟然真係重新開咗。不過時間問題今日就冇喺度食，不過相信食物質素都會保持水準以前食過咁多次出來冇諗住comment，今次失而復得之後先發現真係要好評支持下，俾更多人知道，先可以支持到中意嘅餐廳繼續營運～…Read More

鄉下四川，但自己本身就唔係好中意食辣嘢，尤其自細老豆成日喺屋企整川菜，更加逆反🤣長大後都係盡量避免食川菜……但之前某日實在唔知食咩好，見到呢家評分都幾唔錯，就想“不如試下啦，俾多次機會”，結果一發不可收拾。d香鍋真正做到香，又唔係太辣，完全顛覆了我對川菜只係夠辣先有味嘅認知。之後又試過京蔥羊肉，海鮮鍋，夫妻肺片，鮑魚雞煲等等，質素全部都唔錯，雖然最中意都係香鍋。近排已經成為我嘅飯堂，唔知食咩時呢間都係first choice，唔知係咪四川人血脈覺醒呢🤭…Read More