kwok88's Profile

行開荃灣探朋友，經過望到呢間餐廳好似幾多野揀，同朋友試一試。問題出現係個牛肉麵，講真咁硬嘅牛展唔應該拎出黎賣，一半食一半要掉左佢，差啲忍唔住想叫佢換過另一樣野，不過見其他野食都正常，所以無咁做，希望佢改善下。…Read More

諗住食下糖水，就會諗起滿記嘅榴槤忘返同榴槤／芒果班戟。等左好耐，差不多成年，以為過左疫情會好啲，但都唔見個餐牌出番班戟，惟有食榴槤忘返。太可惜了，如果唔再有得食佢個班戟，我會少啲幫襯。…Read More

好少可食到變壞嘅芒果糯米飯，今日難得一試。佢個椰漿變左味，仲要變埋質地，連個芒果都雪壞左。店舖應該要check下有無變壞先好賣俾人。:( 之前試過食千層糕就ok 無事，無諗過今次中伏了。…Read More

襯住天氣無咁熱，和家人再度到訪南大門食海鮮，同前幾次一樣，海鮮煮得好味，海鮮又新鮮。值得一讚嘅係服務好好，侍應姐姐們勤快服務，特別係細妹細心嘅服務，令成餐飯都食得愉快。下次再有機會，再黎食過…Read More

見到openrice有得book位，下午2點半或者3點都仲有位，另外仲話有8折，咁咪試下啦。叫完餐，無啦啦送個蕃茄頭盤，心想咁好服務？！即加分。到埋單時，先覺得伏。原來蕃茄頭盤係要硬食你28蚊，真係無諗過呢啲餐廳都要咁收費:( 另外，原來個8折係要3點半前埋單先有，但條款無寫清，你話book3點8折，又點3點半埋單？仲寫明可以食90分鐘，有陰人嘅感覺，感覺唔係咁老實。食物味道ok, 係比較細碟，食下食下其實都唔平，預平食要抵食嘅人唔推介，預人均400至500。…Read More

平時佢啲肉眼牛扒都幾好食，見佢轉左牛肩扒諗住都應該差唔多質素，點知……中伏了！！塊扒啲根仲多過肉，其實真係唔好賣俾人，因為無咩人食到，好彩我都未係老人家，咬到幾啖，但都食到牙痛。另外仲有啲正常牛肉唔應該出現嘅“穌”味……🥴希望佢繼續到以前嘅質素，等我得閒都可以買下。…Read More

今日第一次試，其他點心都ok 正常水平，佢好在有得逐粒逐粒單點蝦餃，虽然係贵左少少，但起碼岩一個人食不過個問題出左係個甜品上，楊枝甘露真係幾難食，似係將啲现成芒果汁就咁倒落去，仲要芒果肉一粒都無，可以咁的嗎…？！😧😧😧😧…Read More