KelvenKC's Profile

西貢全記海鮮吃飯，加錢叫咗一條沙巴龍躉，上菜一食非常腥，純粹打算同餐廳反映，但部長話呢種魚就係咁腥，佢哋都沒辦法保證，如果臭咗就有問題，聽到呢個解釋我哋真係無語，當場呆哂，如果知道係腥點解唔供應另一款魚？或者用一個可以掩蓋腥味嘅做法？仲話自己米芝蓮餐廳？人哋成日話香港食海鮮係交智商稅，我終於明白點解咁講..根本就係因為有呢啲餐廳，又冇質素又收得貴，反映意見又唔肯改善，仲要價錢唔平，好難令到本地人同遊客有信心。…Read More

海南雞飯色澤好好，雞肉肉質鮮嫩多汁，加上香味十足嘅油飯同3款醬汁，簡直係絕配！同行朋友叫咗印尼炒飯，米飯鬆軟但唔會過分油膩，配料亦好豐富。味道香濃，又唔會太過辣。…Read More

原來Sabatini喺ifc 開咗分店，食咗個午餐覺得性價比好高，餐廳無敵景觀可以望哂維港海景!意大利頭盤好多選擇，自己揀咗幾款都覺得好新鮮，質數幾高，同朋友食唔停口麵包有幾款，夠暖，配少少橄欖油同黑醋食好搭意大利菜唔少得pasta，味道幾好，夠哂al dente!…Read More

見放假落街食個晏，去左附近康和車仔麵食，叫左幾個餸都係凍既，其中個韮菜餃係生既，店員聲稱冷藏完嘅豬肉係咁既色，點信佢？但如果係真咪仲恐怖過啲殭屍肉。 以後唔會再幫襯，啲食材太唔衞生。…Read More

本身食過呢間幾次，但質素愈來愈差，叫咗個half & half，結果打開唔知變咗啲咩，大雜亂咁，難食過狗糧，成個pizza係凍嘅。啲員工又黑面唔應人，以後都唔會幫襯。…Read More

今日早放工打算係屋企附近買碗崩沙腩麵食，見到呢間餐廳開左咁耐都未試過就一於去試下，點知就中左伏。所謂既崩沙腩根本同普通牛腩無分別，而且肉質嚡口。碗湯極咸而且飲完好口渴。最失望係話要腩汁，最後個麵餅乾到硬哂，所謂既腩汁呢？整體份量少得可憐，以呢個價錢係附近粉麵舖食應該會多一半。除左食物方面，餐牌標價都好有問題，餐牌上面寫左麵類價錢、雙拼加幾錢等等，但就完全無寫轉撈麵幾錢，最後到比錢先話撈麵加10蚊。呢啲餐廳真係食完一次就算，無下次…Read More