eataly's Profile

今日同朋友去荃灣南豐紗廠行街，就去附近嘅The 5B private corner 食晏，由南豐紗廠行過去都只係幾分鐘路程，都算近～我本身係一個素食者，而同我同行嘅朋友就係肉食者！我哋分別叫咗一份自家製手打牛肉芝士漢堡餐同埋一份烤珍寶蘑菇漢堡餐🍔😋！我個大啡菇漢堡份量啱啱好仲疊得好靚😁唔會食到周圍都係😆，真係要讚嘅係成個餐由個麵包到配菜都好用心製作，個包係烘過而且仲好鬆軟😍，啲薯條食到尾都仲係脆(可能太好食我食得比較快😂)，啲菜係撈咗少少source，好味道！最後整碟食晒無浪費～會繼續支持！👍🏼…Read More

星期日同朋友係附近教堂彌撒後一齊食晏，之前都有來食過晏（因為住附近），難得個朋友來開荃灣就帶佢來呢到來試下！呢到裝修好舒服，同外面個石屎森林完全兩個世界，環境舒服又靜，感覺唔會好似商場餐廳咁。。。嘈！我地坐係窗邊bar枱，個景都算開揚嘅，仲有海景tim😆！我地點左黑松露雜菌意粉同埋豬扒漢堡，個黑松露好creamy好好味😋，我朋友點嘅漢堡塊豬扒係勁大片，佢話應該係切開個包再分別塞2塊豬扒入去😆，仲有啲咖啡☕️都唔錯可以一試👍🏼…Read More

今晚同屋企人去徳發打冷，我地地叫左鵝片，烏頭，蠔餅，司奄，辣酒花螺同糯米飯，我地個個都讚好食！烏頭煮到啱啱好，好軟口！蠔餅好香脆！我爸食司奄食到唔停手，仲讚不絕口！叫左咁多碟菜加3支大啤同一罐可樂都只係620蚊，真係好抵:)仲要讚一下啲服務，我地食司奄嘅時候，個老闆仲問要唔要檸檬水洗手又比埋紙巾，真係好貼心…Read More

第三次來，今次同2位超咀叼嘅朋友來食，佢地都勁讚兼話會encore! 我地叫左剁椒中辣魽魚，夠辣而且一路加湯都無減辣度，食到最後個湯仲好好味😋！魚皮都好好味😋！…Read More

今日係大埔做嘢！求其就去左大埔超級廣場間板前食晏，極度失望😔！我地叫左吞拿魚腩、牡丹蝦、油金魚等等。價錢絶對唔平，牡丹蝦要35蚊一件，所謂的大吞拿魚腩要35蚊件，很簿很簿😑！件牡丹蝦超細隻，同元氣9蚊嘅赤海蝦無分別，片吞拿魚勁簿又無雪花，我地仲以為比錯左😔！2個人食唔飽埋單要350蚊，真係好唔抵囉！…Read More

今晚除夕夜, 去倒數前我同朋友相約先去食除夕晚餐, 咁我朋友早前聽同事介紹呢間餐廳價錢合理, 食物又唔錯, 就個多星期前已打電話預約訂枱, 當時餐廳confirm左個reservation, 仲話2日前會打電話再confirm多次, 到尋日我朋友都未收到餐廳電話就心血來潮打去問, 點知個服務員話搵唔到個booking仲問我朋友有無比deposit, 我朋友就同返佢講無人要求先比deposit, 當時只係fax左張menu過來都無要求先比錢, 我朋友就開始, 除夕夜間間餐廳都full, 咁我朋友就問佢可以點 個服務員用極之不負責任既態度回答話搵唔到個booking, 幫唔到我朋友! 咩餐廳! 我覺得佢地好不負責任, 試都唔試就話幫唔到!!!! 再好食既食物都要有好既服務配合, 呢個餐廳我地永遠都唔會去囉!!!…Read More

今日下午六點半去到這間餐廳，可能係平日，人唔算好多，都算full，不過唔洗等位。侍應姐姐真係好快手，不過服務都唔係咁差，我哋兩個女仔食完之後，佢仲問我哋好趕呀(唔知係唔係因為見到我哋食得好快、所以咁問)。試左個餐：1)凍lemon tea 的確幾好飲，唔太甜2)叉燒通粉：叉燒真係好食，通粉唔會太林3)火腿：好味，夾埋多士食，唔錯4)多士：正，多牛油，又熱^___^5)炒蛋：超正，份量真係好多(對我來說)記得之前有人post過話個炒蛋無乜味，據我而言…水準超出我想像, 如果一般茶餐廳都願意咁落本, 就唔會產生這樣的餐廳來la 總結：我覺得…懂得響受的人才懂得欣賞, 有沒有花過心思與心機, 從食物中就能夠顯現出來!!…Read More