johnnysossl's Profile

晚市禁令前席嘅下午茶雖然地方細，但坐落又幾舒服😌係九龍城一間幾有特色嘅茶記😋裝修幾懷舊，有打卡位🤩食物方面一定要試下厚切餐肉蛋治😍樓面哥哥極力推薦，點知真係好好食😍色香味呀😍常餐個麵都Ok嘅，不過出奇地足料！😋好過出面啲好多，啖啖肉！🤩呢個紅豆西多又係唔試唔得，好多紅豆，不過唔中意甜嘅可能唔啱食！美中不足係食到最尾個包就散散地😟總結就係，一定會再回頭黎食嘢！🤩仲有好多都未食，但伙記又推薦！飽到食唔到唯有下次再黎🤪…Read More

勁抵食嘅泰國餐廳冇太大期待咁入去食，點知質素出乎意料之外嘅好。首先佢啲菜式都算多，價錢唔係太貴，我哋4個人叫咗4個菜，1個湯，1個甜品同兩個椰青埋單每人約$170，超級抵食。食泰國菜必食嘅金邊粉質素都十分滿意，都幾大碟。冬陰功湯都十分足料，有好多隻大蝦，十分好飲。冰凍椰青又大又多椰肉，飲哂仲可以挖埋啲肉食。全晚最好食嘅就係個甜品，芒果糯米飯，芒果超級甜而且份量多，4個人都夠食，椰汁又香又濃，唯獨啲飯可以再多少少就好。下次會再去食！…Read More

小清新cafe💛裝修都幾靚又用心，坐墊上有假草，仲有個area 係成塊草地咁，啱晒我哋啲港女去打卡影相。但空間太窄，容納太少人，而員工則更少，上菜落單得一個人做哂，所以等嘢食嘅時間都長。唔太建議超級肚餓嘅時候上去食，去high tea relax 下幾都唔錯，但最好記得book 咗位先去，因為都見到好多人等！食物嘅份量都足料，味道不錯。啲炸薯條又大又粗，豬肋骨都幾好食，一咬啲肉同骨即刻分開。而嘢飲都幾唔錯，水果沙冰系列好好味，最中意係熱紫薯牛奶，超級好飲，紫薯味勁濃勁香。間唔中同朋友一齊食飯嘅好選擇！…Read More

一直都唔中意食車仔麵，但呢間唯一一間食咗好多次都食唔厭，所以一定要比個正評佢！食物質素高💛必食瑞士汁雞翼同埋辣魷魚，個湯真係無得頂，未試過車仔麵都可以咁入味，腩汁湯底真係好正，一定要試！豬大腸個口感真係好正，入口即溶！羅白甜到無人有，加埋辣辣地又咸咸地嘅湯汁真係好開胃！腐乳通菜又係好好食，基本嘢！魚皮餃應該係叫貨的？白菜餃應該係自家制，唔錯，好入味！今次兩個人去，食咗200蚊價錢都幾貴下但份量足，一碗真係好飽，另外啲小食都係食唔曬，但真係好好食😢…Read More

新蒲崗入面比較有特色嘅一間餐廳之前食過幾次不過都係食allday breakfast！今次黎食呢間出名嘅蛋包飯，同行朋友就食海南雞飯，常餐公仔面。不過反而我覺得佢個海南雞飯更好食！蛋包飯黎講，蛋要滑係基本，呢間嘅蛋係幾唔錯，不過個飯就無咩驚喜，可以再多少少調味好啲！海南雞飯真係唔錯嘅，不過個油飯可以再入味啲，啲雞都好新鮮，件件雞脾肉黎，仲送埋湯同熱飲，認真抵食！常餐個麵真係要扣分，試咗佢個咖喱湯底，點知無味，唔識形容，反正就係無咖喱味嘅齋湯仔仔麵，值得一提係個包，係幾好食，不過都係基本嘢！價錢親民，真係抵食夾大件！睇下圖埋魚柳就知！…Read More

6月份感謝際，二人同行一人免費，又有50蚊coupon所以今個月都幫襯咗幾次！午市因為人唔多，所以好快入座晚市就要早啲去，都要等成半個鐘頭！配菜選擇都算係咁，不過丸類就比較少。蔬菜選擇較多，同埋Fill嘅次數都多！牛肉反而失望，第一次上嘅同埋之後加嘅係咪唔同？好似係第一轉咩都好食啲咁。豬同雞都係正常嘅，不過雞嘅份量真係好少，每次得幾舊咁，要叫多幾次！服務都幾快手，係午市時慢啲，有時漏單，員工放飯時無人理。衛生還好，枱同枱之間都有距離。整體都幾好，咁嘅價錢都合理。…Read More

疫情之前都成日食放題好不容易先等到疫情穩定先食放題點知咁失望😾今個月第二次，都係幫襯同一集團。食物選擇係多，但係剌身真係一睇就知唔新鮮食落去口感仲係常溫，真係食唔落口。落單不停落，漏單不停漏食個榴連炸彈等半個鐘，係咁催單，侍應又叫我再落過，點知最後黎咗十幾粒，點食？剌身落5件比2件，落2件比5件，點夠你玩，無落單嘅又比幾件你。甜品選擇少，雪糕櫃長空都無人理，得返啲無人要嘅雪條。熟食，炸物個啲，熱都唔熱下，都唔知攞咗幾耐先拎比我。侍應嘅衛生都好差下，手指係掂到食物，又無帶手套，唉，失望😞…Read More

服務好，環境一般，食物質素(咁嘅價唔會再食第二次)服務方面✅廳面嘅侍應即叫即到！好細心講解每一個菜嘅特色，又會建議客人食咩。食完餐包又會主動問你加唔加包，又會幫客人fill 水！環境方面✅個境無咩特別，消費得咁嘅價錢有個海景睇都正正常常，但係枱同枱之間距離太近，變相室內會嘈啲，唔係傾計嘅好地方，比較適合家庭聚餐/Girlstalk食物質素✅鴨腿沙律個個真無得輸，會令我再去嘅可以都係因為佢，但係個招牌菜真係大失所望，大家試一次就好了最後建議係，兩個人去的話，一份沙律同一份主菜已經夠食，千奇唔好叫太多👍💪…Read More