羊師奶羊咩咩's Profile

呢間火鍋店真係非常唔錯，我哋叫咗豬肚雞鍋，個湯好鮮甜，店員仲會為客人浸熟雞件，雞件啱啱熟，口感滑溜，非常美味。其他食材亦非常高質素，肉類同蔬菜都好新鮮，西洋菜同萵筍都好清甜，蝦滑條同爆汁牛丸都好鮮味。佢哋自家出品嘅竹蔗茅根馬蹄清甜美味。餐廳環境整潔，餐具亦非常乾淨，令用餐體驗更加舒適。最重要係，服務人員親切有禮，令客人感受到賓至如歸嘅款待。而且唔算太貴，非常值得推介，下次一定會再嚟 😃😃👍🏻👍🏻…Read More

前兩晚試咗佢哋嘅馬友一夜干，原來係佢哋嘅師傅自己用新鮮嘅馬友醃製同風乾，燒到外皮好香又脆脆哋、入面嘅魚肉仲好嫩滑同鮮味，不過師傅話呢條馬友唔係時時有，如果想食可以提前同佢哋預訂睇吓有無先，祝鍾意食魚嘅朋友仔都會有緣試到😋😋🐟🔥 同場加映鹽燒虎蝦同串燒秋葵同好香甜嘅燒菠蘿，放咗工或者放假去放鬆吓、飲返杯🍶🍻🥃、食吓燒物🦐🐟🍢🔥，的確幾Chill 😌😌💛💛…Read More

【天龍咖喱🍛】睇完YouTube嘅Flat Out 地板油(前蘋果日報員工講車經嘅Channel) 介紹呢間嘅咖喱同牛肉薯餅，又見大牌檔2.0呢度有谷友提過佢哋，前兩日咁啱經過，於是就入去試吓~ 佢哋嘅孜然羊架燒得好香、軟熟多汁，個咖喱唔係一般嘅茶餐廳或者泰式咖喱，係比較有原始香料同原材料嘅味道、接近南亞特色嘅咖喱，如地板油介紹，薯餅配咖喱汁係好夾、好美味嘅，而奶醬酪餅就比一般嘅奶醬多或者夾餅有層次，另外仲有試咗佢哋嘅特飲嘅椰子冰同柚子梳打，都好好味，有機會大家都可以試吓😋😋💛💛…Read More

家庭式小店，見師傅密密包、密密煎，每逢傍晚都排哂長龍，生煎包$6一個、鍋貼 $13三隻 ，皮唔太厚，啲饀好多汁好鮮味，點啲豆板醬仲惹味，如果新鮮出爐即刻食個底仲脆卜卜添😋😋🥟🥟…Read More

手工之作 - 蝦膠釀雞翼見到隔離枱叫咗一碟，望落好吸引，於是又叫嚟試吓，一碟有六隻，蝦膠新鮮彈牙，雞翼有微微咖哩味，有鑊氣炸得金黃香脆，啖啖肉，幾過癮，期待下次試吓佢嘅蒜香骨。…Read More

東江飯店喺元朗已經超過廿幾三十年。馳名雞飯，每碟出品都由老闆親自逐殼逐殼滾熱雞汁將半熟嘅雞淋到僅僅熟，滿滿嘅心機同珍貴嘅手藝做出又嫩又鮮嘅滑雞！配上幼滑唔太咸嘅沙薑醬，的確令人一試難忘！值得推介！😋😋…Read More