好少好少寫食評，但真心想支持一下小店！前排少咗去觀塘，少咗幫襯，今日去開駱駝漆特意再去食晚餐，原來而家叫餐可以任食沙律/shake shake薯條，叫咗紫菜味薯條，薯條一上食到停唔到，好好味🤤可能今日平日，人客唔多，又可以舒服坐低慢慢傾偈。☺️🫶點咗香煎柚子雞腿燴飯，肉質嫩，皮又脆，今次啲飯感覺食極都係暖笠笠嘅！呢個雞腿永遠都係心目中no. 1好味嘅❤️另外點咗煙三文魚配蒜香青醬炒意粉，感覺今次份量多咗，食物仍然keep到水準 😋👍呢度環境靜靜地又有歌聽，唔洗上商場排隊又要同人逼，同朋友食飯吹下水真係一流。老闆說話唔多，但係有禮又親切，永遠見佢密密做唔停手。佢哋有訂造蛋糕，都有唔少人來拎蛋糕。門口有玻璃櫃可以叫千層蛋糕做飯後甜品，價錢合理又好食。香港最近有好多餐廳結業，唔想周圍都被大集團壟斷，真係要身體力行支持小店💪 …Read More
