serB's Profile

本為與十位同事開心午餐，變左超級激氣既一餐。我地一行11人坐房既食左接近$2000，由頭到尾加左1次單都無叫過苦瓜炒蛋$138。講真一班同事食飯如果食左我地唔怕認啦。點知食到尾聲我地見鮑準鳳爪無黎追左幾次，突然有個女侍應衝入黎堅持話我地無落單，ok無落唔洗加返喇但佢屈我地食左碟苦瓜炒蛋。莫名其妙！根本無叫又無食，佢態度極差話我地唔認當送俾我地。個下大家好嬲因爲無叫又無食，佢話見到隻碟係我地台送出去但我地11個人都好肯定無食過囉。作為一間酒樓，咁既態度既員工屈客人，好想分享俾大家知。…Read More

呢間係素食既cafe, 係我呀妹介紹，同身邊朋友講開原來好多人知道呢間素食cafe。佢地而且仲用有機同公平貿易既食材，覺得健康d又幫到人。我試左Rose Latte用杏仁奶整既，淡淡玫瑰味；略嫌唔夠香滑。另外仲食左檸檬撻，口感同平時食既好唔同，餅底偏硬，撻面好特別既口感，唔膩，而且個人好鐘意佢個種酸酸地。另外我好欣賞佢地用鐵飲筒，夠晒環保。有機同公平貿易既食材我好buy。食野之餘，我自己買左竹既「針」版同杯墊，好好用👍🏻…Read More

是日晚餐：前菜包括木耳 （正常）蟹籽土豆絲 （凍冰冰，無味）沙薑豬腳 （無咩沙薑味）湯：氣窩雞 （好細窩，好油）主食：雲南過橋米線 （有羶味既雞肉、無料既、米線煮到爛咁款）係門口見到無咩人都心知不妙，但先生話試下所以就入左去。睇完餐牌覺得貴貴地，咁點左3個前菜，1個氣窩雞同米線就算。食晒前菜等左成個鐘都無上米線就問下，應該留單......過左10分鐘就上米線，佢係面前整，見到完全無料可言，得幾片雞肉、菜幾粒、香菜咁上下。一吃之下，臭羶味既雞肉都係第一次食到。所以呢間野真係不可一，不可再🙄…Read More

Waiter先把我帶到最暗的一角坐位，非常古怪是因為一排4坐位面向落地玻璃窗，對住街景。而且在餐廳轉角位，極為隱蔽。點了3款食物，先有椰菜沙律（味道普通，但附上甜脆多士加分）；再來一客8粒的焗蜆，不錯；最後是份量非常足的蜜糖豬排，可惜厚切的豬排非常老，有點難咀嚼。…Read More

是日放工做完face treatment就走去排隊，都9點鐘以為要等一世。點知行左15分鐘就有台，都幾ok! 見到換左食具，幾靚呀襯晒一set。order左8樣食物，等左10分鐘左右就慢慢上，不過人多關係，waiter有d求其。松葉蟹肉玉子保持水準，暖暖同薄薄既玉子係我最愛。…Read More

由識食朋友推薦，趁拍拖紀念日就去試試特別新疆菜。原本book左8:30坐出面但8點到達咁岩有位咪坐入面（最低銷費$250/位）。餐廳較暗但頗有特色，一出笠門已經見到特色裝飾。入餐廳時候用水洗三次會帶來好運喔，waiter話俾我地知既😊餐牌每樣食物都好吸引，無諗到咁多選擇。仲有肚皮舞表演，好有氣氛。食物大部分都好味，羊肉好味但唯一覺得唔抵係醉三樣，份量非常少但多謝$168（當然未計加一啦）最近埋單兩位$7xx! 推薦餐廳但唔建議食醉三樣（太貴）同炒七彩粉（難食，極咸，口感差）。…Read More