mike8348's Profile

好多時去食飯都係上forum 或者朋友介紹，今次去呢間都係朋友帶過我去食麵，覺得好好味所以今晚帶女朋友去試！仲講笑話帶佢去食五佰五蚊一盅龜苓膏帶女友去到果頭唔係好認得路，七點幾去到，爆晒。不過專程黎到，點都等啦！好在都唔係等好耐。上次黎食麵舖裏面冇乜人，就咁睇舖內外既裝璜，我真係以為係一間涼茶舖！其實裏面有d逼，可能我太大份講返食物，今次本來諗住食麵，上試食過既香茜牛展麵同牛筋麵都好好味，仲好多謝負責人請我同朋友飲好好味既五花茶。不過睇睇餐牌又想試下套餐。今次揀既套餐係60蚊一客既中式套餐，一送一菜一湯白飯任裝，岩晒大飯桶。食得落既話仲可以食埋河粉、米粉同麵。湯唔錯，亦多料。我就揀左濃味既蝦醬蒸豬頸肉，女朋友就揀較清淡既鯪魚肉蒸豆腐。蝦醬蒸豬頸肉，蝦醬絶唔孤寒，夠味之餘送飯一流，豬頸肉幾彈口。鯪魚肉蒸豆腐就絶對份量十足，女仔一個人實食唔晒，我梗係要"幫手"食啦，雖然好味，但係可能因為蝦醬味濃，所以呢味送就比較淡口，可能有機會就先食豆腐先。最特別係女朋友一食碗飯就大讚好有飯味，又真係喎！食飽飽，飲杯茶，黎個甜品，人生一樂也。甜品有好多款式，有糕點，有糖水。但係都要試食過既椰汁馬豆糕，因為真係好好味，負責人話佢地既馬豆糕係用鮮椰汁去煮(其實唔記得佢講過既煮法係乜，等大家去更正)，所以糕本身較一般結實，界開都唔會散，我覺得加埋馬豆，好有嚼勁。除左馬豆糕，仲試左味道好清新既, 菊花馬蹄糕，因為佢有較重菊花味，但係略嫌馬蹄太少，冇馬豆糕咁好咬口同埋菊花味佔大部份變左馬蹄菊花糕！本來仲想試好多好多食物，但係實在太飽，唯有下次再去或者搵多d朋友一齊去試埋其他野！…Read More

之前係某forum見過有人介紹過呢間嘢，覺得幾吸引，所以同一班朋友去試吓。去到都幾多人。食物主打自助燒烤，另有刺身、壽司、熟食如烏冬、炸物如天婦羅等等…同朋友座抵，侍應就會為你奉上一個拼盤，最特別同期待就梗係帆立貝，仲幾甜，最可惜係一人一粒，唔係任叫。第二一定要食就推介牛肉粒，好稔，同黑椒汁好夾！炸物都ok，不過比較油，再加埋食肥牛，都好快飽壽司呢，水晶蝦幾甜，值得一試。刺身反而麻麻，冇乜味啤酒汽水任飲，但係個雪櫃雪唔切咁多飲品，好在冬天冇乜所謂。食完每人仲送你一個雪糕。有咁多嘢食，可以去試吓，尤其係食肉獸或者鐘意食牛嘅朋友。整體我覺得都ok嘅，但係仍有改善空間，如食物質素，可能比較咀刁，但係差唔多價錢但比較有質素嘅日式放題的確仲有好多選擇。…Read More

之前都有聽過宜家傢俬有cafe賣好抵食o既熱狗同埋好出名o既肉丸，不過就次次行過沙田果間都冇食過。 近排知道德福果間搬o左去megabox。天氣咁熱，唔去沙灘就最好行商場，於是就去行o下順便就去試下間cafe。當日係星期六所以都比較多人，一去到門口就可以見到間cafe 差唔多爆晒，唯有邊等位邊睇o下有咩食。瑞士肉丸10粒$19，薯條$8，提子包$2，汽水$7任飲。唔知係咪眼大睇過龍，搵唔到餐牌有熱狗。瑞士肉丸最好味，感覺足料，不過就覺得d味濃過d汁，令到d汁好似冇乜味。肉丸仲配有烚薯仔+果醬。我覺得薯仔又幾新鮮喎！成碟野份量都唔少。薯條賣相就得，粗身感覺比老麥果d口感要好，但係最失望係唔脆同埋冇鹹味。總括o黎講，如果行開宜家就一定要去，咁o既價錢都算係唔錯，不過就係因為薯條扣晒分。同埋就係行完晒成個宜家先係三樓o既出口見到有熱狗同埋爆谷賣。點解唔可以係cafe 試晒全部野呢?…Read More

對上一次o黎呢間餐廳已經係上年冬天o既事，果次係因為同女朋友塔錯船去索罟灣，行完山返去榕樹灣果邊已經開始入黑。兩個人唔知食乜好，咁o岩行到去呢間餐廳門口，侍應好熱情推介我o地入去。見到餐廳裝潢同格調都幾好，價錢又ok，咁就入去試o下，都覺得唔錯。今個星期六見難得有陽光，想去離島玩，去o左南丫島行完上風車等等景點之後，決定再去呢間餐廳。諗住可以坐最近海果幾張枱，不過已經比人座o左南瓜忌廉湯好有南瓜味，多士上枱仲係熱同脆，醮湯一流。我揀o左招牌燒豬仔骨，大大份，豬仔骨上面有醒胃甜酸茄醬，令豬仔骨燒出o黎少o左油膩感。另外配菜有南瓜、胡蘿蔔、以及大量薯角，大胃王一定夠食。至於女朋友今次揀o左海鮮燴意粉，賣相唔錯，佢話ok，不過就冇比我試佢最欣賞餐茶o既奶茶係茶、奶、糖係分開上可以自己調教口味喎~.~兩個人食個有情調o既海景晚餐埋單大約HKD $260，侍應服務都唔錯，值得一試！…Read More