thai god's Profile

琴晚屋企人打電話嚟，話表妹突然上嚟食飯。我唯有放工去斬料加餸。8點左右冇咩人， 量完體溫後 ，就直入去燒味位置睇睇有咩靚燒味，可能太夜關係好多野都買晒了。買了叉燒＄50 比想像中少，心諗都幾貴下🤔叉燒唔會好肥，口感唔會好似食紙皮咁“鞋”😂佢d 叉燒汁甜甜地幾好味， 送飯唔錯斬料嘅話叉燒都係一個選擇唔錯選擇…Read More

lunch成日出街食飯諗食咩真係好頭痛😔價錢唔想太貴又唔想咁多人（苦惱中）。咁啱路過見到大快活冇咩人排隊食飯，二話不說唔想諗就行入去睇睇。蜜味燒雞髀意粉＄36雞髀份量唔算太細中size，雞皮脆肉嫩有肉汁好香口。值得一讚👍意粉口感唔會煮得太淋啱啱好個蜜汁都好味少少鹹甜甜地👍…Read More

放工路過vwalk商場，見到有間天仁 當時仲要係冇人排隊。成日都飲奶茶，今日就試下桂花味加珍珠先😋味道選擇正常冇少甜冇少冰，味道比想像中冇咁甜， 有好濃郁桂花清香味👍珍珠彈牙冇失水準…Read More

我家寶貝肥仔最愛食提子包仲要係多提子，我每次經過見到A-1 Bakery都會買，好多時到下午已經買晒了，所以今日特登早少少嚟買。個包最吸引之處係個size成塊面咁大仲要裡面勁多提子😍一食就會食到唔停口，真心覺得好抵食但係最近幾日前經過見到佢地嘅提子包好明顯係縮咗水個size比之前細咗一半，開頭都半信半疑，之後問店員原來係同一款。真心覺得係咪因為多人買，所以間接變相包嘅份量少咗咁多。小朋友最愛其中一款😋…Read More

今日屋企人生曰我地去咗去新開vwalk睇戲順便食埋晚飯，新商場都幾舒服唔太多人。晚飯後，經過見到Italian Tomato好多人買蛋糕，蛋糕款式都有好多選擇，外表好靚好吸引 睇見都想食實在太多款式好吸引，每樣都想食 三心兩意下我哋選擇了朱古力芒果慕斯蛋糕🎂朱古力蛋糕一向比人感覺都比較甜，這一款沒有我想像中咁甜，軟熟度都唔錯幾好。蛋糕裏面係朱古力蛋糕加芒果味mousse，我個人唔太鍾意食mousse，所以覺得芒果層mousse麻麻地， 芒果肉粒粒有一半都係比較酸。有少少失望整體都滿意👍😋味道7/10🎂美觀8/10🍰回頭8/10…Read More

今日係長沙灣附近做野，放lunch時見到有間薩莉亞，開咗咁耐都未試過食lunch時段，於是去排隊試試。lunch時段都幾多人又多學生哥食，等了差不多15分鐘先有位。地方環境都幾乾淨，職員安排速度都幾快手整理好。見到menu lunch set鐵板燒雞辣腸雞球幾吸引份量好似幾多，一於就試試。我選擇要湯和沙律， 粟米忌廉湯幾好飲唔會好稀至於個雞扒可能我期望太高，條辣肉腸好難食食了半條就冇要，而塊雞扒都係一般。下次唔會再食…Read More

琴日同我個寶貝肥仔出去太子買校服，之後見時間尚早就係附近行行。無意間經過一間餃子店，唔係經過門口都睇唔到。貪食鬼嘅我緊係會望望門口嘅 menu啦😆望見餃子都有好多唔同款式選擇，見到個湯底寫住冇味精。（個人最鐘意冇味精嘅湯底 真材實料）心諗冇味精都唔知真定假🤔。門口姐姐見到我，態度好熱情話入面有位入來試試。心諗就試試你個湯底係咪真係冇味精入到去店舖地方唔算大，一坐低就睇到張枱都幾污糟好多豉油漬，好明顯係抹唔乾淨:(芝士粟米餃子餃子都幾大隻飽滿，裡面餡料唔會乾爭爭有肉汁，芝士仲有拉絲效果 但係個餃子皮比較厚，個人唔太鍾意。湯底椰子海帶鮮雞豬骨，都飲到有椰子味湯底幾濃郁，最重要真係無味精 差不多飲曬成碗都冇口渴涼拌手拍青瓜都幾大碟細＄15 涼伴藕尖分量都幾多，個人覺得比較辣＄28 芝士粟米餃子 芝士真係有拉絲效果 甜蜜蜜雞中翼味道一般，都算入味…Read More

今晚屋企突然有事冇飯開要食自己😔而我嘅首選就緊係係就近嘅唐記鳳爪排骨飯真係平、靚、正可能放工時間都比較多人排隊，但姐姐手腳都好快，等咗太約5分鐘左右。唔知係咪好耐冇食關係，覺得好似比以前好食咗好多，又或者可能我太肚餓啦😆 飯嘅份量都唔算太少，有2隻鳳爪排骨都有4-5粒咁嘅價錢真係覺得好抵食，食完都覺得有飽肚感。我個人好鍾意佢哋d飯係用瓦盤蒸完先入飯盒，d飯會新鮮d好食好多， 飯嘅口感軟硬適中唔會好 淋。…Read More