貓大人's Profile

本身住呢個屋苑好耐，老實說，真係好少上二樓行，住咁耐都無幫襯過呢間，亦唔多覺二樓有野食，依家好似新開左間咖啡店，而今日拎淘寶咁啱見到呢間，決定試試。睇相都知係頹，但頹得來有心機，野食係即叫即整，要等10分鐘左右。9菜水餃係自己包，屋企味度，唔會重味精，亦夠大碗。牛扒併餐肉煙肉飯（餸可自選）,黑椒汁，用料唔會有什麼特別，但勝在材料無雪味，而且牛扒唔韌無根，黑椒汁調味不錯，整體算好食。個飯送紙包飲品，如要罐裝加3蚊。成件事80幾蚊，呢個質素，CP值唔錯，街坊街里唔挑剔的話多個好選擇。起碼一定抵食過樓下呀一豬扒同果間酸辣粉，好食過果間兩餸飯同佢對面糖水鋪。…Read More

睇另一YouTuber介紹話好食，我又喜歡食貝殼類，見呢度有用蠔仔同蟶子做既菜，價錢又唔貴，今日的起個心試下。叫左個類似花雕藥膳蒸蟶子既野，一個小云吞湯，一個炸紫菜蠔丸；唔夠飽，叫多左個下午茶餐：選了海鮮燜飯配醬油皮旦之類既野，送汽水。個名只係大約，唔exactly記得個名，大體上都做得唔錯，好食，只是炸蠔丸無咩味。最後最後要叮囑一下，千祈千祈唔好飲蒸蟶子果個湯/汁，純用來調味，唔係比你來飲的，超咸，飲左洗腎都似。…Read More

網上睇到有個YouTubers 介紹，講到好好，最終book左來試，食完堅係覺得好食！係樣樣都好食，你去酒店食buffet 都未必樣樣好食，但呢度係！雖然點心紙上食物選擇唔算多，但唔hea，高質精緻！特別推介係：無野唔推介！出面自助區既食物同樣高質！脆皮咕嚕肉可稱一絕！！其他都高水平！送既龍蝦食得出係新鮮龍蝦！碗翅夠味有金華火腿！！係食過既點心放題中最高質！！仲有...服務都好好，收碟積極，待客有禮貌！！…Read More

呢間由兩位年青人主理的“90後“,可能門面比較簡潔，無乜貼哂相咁，又無把做起的食物陳列出來吸引人，初時感覺平平無奇，不太顯眼，但食過一次之後，可以咁講，現時小西灣的小食類食店，佢係最好食既！！點解咁講？雖然佢大部份乜丸物丸都應該係拎貨返來，但唔係差貨，質素起碼中上，所以10一串又真係唔算貴，仲有自制辣汁可選辣度，又好有心思整個標示辣度的小膠牌！小食選擇亦多，除一串串丸類，仲有碗仔翅,魚肉,撈面,仲有炸銀魚仔，奄酸蘿白，鴨舌等等，睇得出好有心機做，質素又唔差！！最欣賞佢既碗仔翅,18蚊差不多有出面碗半份量,用料唔hea又好食，有時係佢地度買買埋埋當飯食，真係唔錯！希望兩位後生keep住水準，市道逆景下比d耐心，好野係終會被發現的！！…Read More

雖然之前已寫過一次呢度嘅食評,再來一次都忍不住要寫多篇,今次講嘅係佢嘅服務,真係5星級水準,後生仔有前途,疫情過後老細真係要加佢人工!!20/2下午1:00再次到來佬食佢嘅brunch,由於前菜小食係任食任,我地一行三人餓鬼投胎,當然唔放過狂叫,因為食物真係好有水準,一次叫6個湯佢都唔會好似有d餐廳咁覺得你地叫得多,比面色你睇,對食物又會細心講解,三個人之中只有我叫田螺,我叫一份,佢都會提我,有禮貌地話,一份得一粒,可叫多幾份wor,最後我一個人叫了3份。收碟又一家問過你先收,放低食物又會同你講係咩,水亦會自動幫你酙,。基本上成個樓面得佢一個,又落單又上菜,又埋單又執碟一腳踢,無怨言,keep住有禮貌,又會巡下睇下其他檯有咩需要,雖然話疫情客唔多,但亦好多人係無心機做,佢比得呢個水準service,我很讚賞!!…Read More

我奄尖聲悶,憎人富貴厭人窮,真係好少讚人,亦好耐無讚,但呢間野真係好好食,CP值亦好高,講緊嘅係佢嘅週未及假日早午餐(weekends & holidays brunch), 每位誠為198,另加一。任食嘅係15款前業菜及4款甜品,雖然有d係要加錢,但食過嘅質素都好唔錯。當日食過嘅前菜包括:黑松露野菌湯羅宋湯凱撒沙律巴瑪火腿蜜瓜香草田螺焗薯蓉來佬汁雞翼脆炸雞翼黑松露炒蛋多士黑松露薯條除在脆炸雞翼之外，其他都中上水準之上,唔會因為任食而比d cheap野你,抵贊!!食過嘅主菜包括:黑松露野菌意粉(5星級水準,好過好多大餐廳,又唔駛加錢!!)燒西班牙橡果級黑毛豬配蘋果蓉(+$50,同樣5星水準,係有豬肉味,有肉香,從未試過豬都咁好食!!)美國頂級穀餇肉眼扒(+100,呢個扒都好有牛味,又無根,女女話好食程度係1億/1百...好似誇左dd...)甜品食過:法式焦糖燉蛋(水準不俗,唔太甜,再凍d更好)來佬梳乎厘(頂級推介,好食過太平館,有微微檸檬味!!)兒時回憶(香焦船)(正常水平,始終香蕉同雪榚都係固定水準嘅野)迷你火燄雪山(唔係好習慣個酒味,一般水準)果日樓面得兩個人返工,但都勸快有禮,值得一讚!!好滿意的一餐,雖然地點有少少唔太就腳,但食物水準及服務搭夠!!誠意推介,會返頭再來。…Read More

好耐無寫食評,但剛同朋友幫襯完,有感而發。1)唔算平,3個人食最貴果個餐,埋單1200找1蚊,400/位,但任飲任食無啤酒,餐紙提供的食物選擇以呢個價位亦唔算多,一張是海鮮,約有十樣野選,鲍魚是要參加social media遊戲先有。另一張是雞翼等炸物,仲有一張是只有三款選擇的點心,話即叫即蒸,要等好耐先來,牛肉是用口叫,並非寫紙落單田,而且d野唔算好食。2)職員多是黑口黑面無表情,臨走前想叫多次海鮮,但店主態度極不情願,話"比埋你勒"。話係任食,又係幫襯最貴果個餐,點解叫多碟海鮮咁有問題,朋友只是叫了兩片带子與兩片鲍魚,我們亦沒浪費食物,食得很乾淨,此種服務好有問題。3)無限時其實只限最貴果個餐,其他餐好似限時90分鐘。4)地方環境很逼很淺窄,出入位不算方便。以上實話實說,400/位其實好多選擇,幫唔幫櫬自己決定嗎。…Read More

未去過第一次去這大名鼎鼎的咖啡弄，多人,要等位,預左,等左約廿分鐘,終於入得,但又限時,叫餐時仲有位正字先鋒抖正我讀錯佢地產品名！我叫菠蘿沙冰是不可以的,要叫鳳梨冰沙，我叫拿破倫又錯是"黃金拿玻倫千層批"我叫野莓優格沙冰又錯是叫野莓優格冰沙,那個窩夫我索性唔讀名就指餐牌話"呢個"...食物來到味道無甚特別,好好食又唔係好差又唔係,但台灣品牌最引以自豪的高質服務,沒有了。我知道就是我這樣寫,這店仍會其門如市,不要緊,說真話,香港人就是犯賤!!不知所謂以後不再來了。…Read More

今日中午在這店買了一客鍋貼，一個炸豬扒菜飯，一個排骨菜飯及一碗雪菜肉絲麺，店員工作態度粗疏求其，尚未齊料便把所有野pack埋塞比客人，我回到公司后發現，兩個菜飯均沒有比餸，是有飯無餸的！打電話去查詢，要求它們送外賣把有關的餸送回，它們亦拒絕，而其實，觀乎我去購買時的情況，它們是很悠閒，並不怎樣忙碌，而且他們是有外賣熱線送外賣的，佢地話唔會送，你得閒就自己拎。返到去拎，從相中可見到：好忙?好多客咩？我向它們投訴，我都未講送去邊，佢地已經話唔識路！今時今日咁既服務態度，鐵定入黑名單！莫講話d野都唔算好食，就是好食都唔會再幫襯！…Read More

閒日OFF，去搵朋友食飯，佢要開工就佢地方，去咗牛頭角工業區食，心諗“死啦，呢D位置無野好食嫁WOR，又大乜乜，大物物呀！？定係D傳統嘅工廠快餐食堂？！:(點知佢話附近開咗間好正嘅意大利西餐廳，叫我一齊試下！！！工業區嘅西餐廳，搵都驚難搵，但朋友教路原來很容易，由牛頭角地鐵站出，對面已經有去傲騰中心（OCTA TOWER）嘅SHUTTLE BUS，搭到總站落車隔離間工廠大廈便是所在地大平洋中心！！再唔係喺在牛頭角地鐵站出向番九龍灣方向行為10﹣15分鐘，觀塘官立小學對面有專線小巴68號，一樣方便！！我貪小便宜選了前者～電梯大堂咁多部𨋢，有朋友指示在LIFT LOBBY2，選擇1號或4至6號嘅𨋢，就可以好易好直接咁到達目的地，一間叫”Precious"嘅西餐廳。真估唔到工業中心內竟可別有洞天，門面靚之餘裡面亦唔失禮，陳設充滿藝術氣息，圍著牆邊是用畫框掛著很多歐美的電影海報，吧枱前陳設的盆栽原來是各種新鮮的香草！！大廳上不規則的吊著懷舊FEEL的烏絲燈，單是陳設已很討好！！相信當區工作的人除了多個飯堂之外，在此蛇竇叉叉電減減壓都認真唔錯！！講番食物先，叫咗個“忌廉磨菇蝸牛意大利飯，配是日西湯甘筍忌廉湯，（此餐廳的SET是湯或飲品二擇其一，已向老板建議可否優惠價加錢飲埋嘢，睇下遲D會否從善如流！）忌廉磨菇蝸牛意大利飯即叫即製亦唔係等好耐，飯粒飽滿不太硬，忌廉汁濃濃的黏在飯粒上，調味亦恰到好處，好似有點黑松路的味道唔知會唔會自己攪錯～蝸牛煮得很淋，鬆軟有咬口但唔韌，看似份量細但切勿低估，男人食都覺得很飽肚～甘筍忌廉湯濃厚有甘筍香，如果熱D時飲更正！！:):):)新張埋單有八折，41元完美滿足的一餐，仲想點！？:)…Read More

其實食過好多次，早午晚三餐，加埋下午茶都食勻哂，坦白說，真係覺得樣樣都好食！！今次食個下午茶餐，都有飯比你選擇，最啱D食LATE LUNCH的人；叫了香矛豬扒飯跟熱飲，埋單只是32蚊！份量亦正常！唔會整個迷你SIZE呃你錢！豬扒是燒的，不是坊間一些茶記炸完再回鑊加香料炒出來便算！:)豬扒有肉香帶著少量脂肪位，燒后肉質鬆軟甘香，仲細心配上一小碟點豬扒用的蒜蓉魚露（這是的推測的成份）；更添惹味！飯的質數亦不錯，有飯香！而且軟硬適中，配上少少黑豉油，讓白飯味道不會那麼單調，剛剛好！！由於不是一灘汁去配飯，以及調味洽可，如增加配搭一些蔬菜，便是右好味右健康的一餐！！熱央的水準亦出色，右香右滑！很滿足的用餐經歷！！！…Read More

好耐無寫食評了，但此店非寫不可。之前團購幫襯，堂食過一次，雖然處於the one, 但門面麻麻之外，裡便亦唔見得好坐。刺身飯套餐，上次飲了罐製zero,今次規擧突改唔比選罐裝氣水。堂食要另比8蚊小費，凍飲再加兩蚊！去食記得帶碎紙包！被要求加強食品描述，如下：飯如隔夜飯般硬，刺身飯中此乃甚具創意特色，但考驗消化能力。刺身是下欄位置的頭頭尾尾邊皮位，甚為環保，值得一讚！我都算食得腥都覺得d刺身好腥，由於刺身飯有傳係愈腥代表愈鮮味，只怪本人冇口福唔識欣賞！但師傅刀法如神地把正常一片刺身大小簿切到6-8塊！而且對豉油毫不吝嗇，比了約雨湯匙咁多，真係抵讃！冰檸茶有檸檬三片！非常正宗！且細心的附上飲管一支，抵讚！今次選take away,張券明明寫堂食客人先要比8蚊加一，今次突然更改為take away都要比8蚊加一，我諗我都take away,企喺度等仲有什麼服務可言要收加一？我一入門口就有位伙記背住「得」喺度唔知埋數定上網傾電話，理都唔理你，呢d service都要8蚊加一？可能呢d係現時國內流行，高度自由民主方式服務，果然創新！加埋外賣膠盒再收4蚊，凍飮兩蚊要total補14蚊食刺身飯，真係抵到爛！不過下次唔去了！…Read More

在富榮花園返完學，順到行天橋想去油麻地坐地鐵，途中在碧街經過此店，見佢門口的食物相片賣相吸引，所以入去試試。老板及伙記兩人都是尼泊爾女士，廣東話一般，誠意搭夠。:)我依從相片中賣相叫了泰式雞肉炒金邊粉，凍檸茶及雞肉奄列。原本小店的位置與陳設我都沒太大祈望。但食物送來，是出奇的好!所有食品即叫即做，炒金邊粉很有水準，味道小小帶甜酸，D粉不會炒到爛哂，仍然一絲絲，濕度剛好且有咬口!水準之作。另外，個雞肉奄列香得交關，連在隔離枱的食客都話好香，問係咩菜？奄列內除了雞肉還有些蔬菜，重本的用上了草角豆(LADY‘S FINGER），草角豆切細片整體配合雞肉及煎香了的蛋皮，有種HOME FEEL的幸福感覺。價錢真係嚇死你!炒金邊粉只是25元，加一元仲有凍檸茶，即是成個餐連凍飲都是26元！！雞肉奄列20元大大份且高水準！！真係要幫襯都要快，因為我已建議佢加價同更改這個叫“煎蒸餃子”的古怪店名。…Read More

野唔算好食，食物種類少咗，落極單唔來要三摧四請。重未試過張枱吉哂要等野食來。最離譜是落了單d野唔來，我朋友已經兩度同侍應講，問佢使唔使落過另一張單，定係侍應代為跟進跟進。最后d野double ;個部長帶點發爛渣的問我們想點。我們重新再解釋一次漏單事件佢先好似無野。大佬呀，今時今日咁嘅服務態度？！我地自問又唔麻煩又唔嘥野都算好顧客啦！我明通貨澎脹可以令你地蝕入肉，or平時見到太多人浪費食物而一時眼火爆，但sorry,我想我不會再幫襯law!…Read More

朋友有車，特登揸車入來，試佢地嘅意粉，朋友話呢度嘅白汁意粉超正，所以想話來試下，為免兩個人都叫白汁嘅野，老板推荐我試佢地“辣汁海鮮意粉”（大約係咁叫。。唔記得清楚）而老友就食白汁吞拿魚意（大約係咁叫。。唔記得清楚），我FRIEND話“白汁吞拿魚意”依然的高水準，白汁不是坊間搵”粉“開果種，意粉軟硬剛剛好，配上豆漿一杯，一樂也!而我果碟紅卜卜，一看上去以為好辣，點知食落右唔係。。有D似酒店大蝦沙律味，少少辣，好清新，我叫了杯凍零茶，夏天食有點消暑之感，老板熱情有禮右好人，下次試下其他野支持下先!…Read More