ricky456's Profile

咁岩去開屯門做嘢，老婆又係附近。有d餓大家就周圍搵食。點知行行下見到e間鋪頭貼咗好多相，好似有幾多嘢食。就決定試下見到佢魚蛋燒賣做緊優惠$10 10粒所以即刻叫咗個魚蛋燒賣嚟食，最估唔到係佢個辣汁幾好食，連相都唔記得影佢個辣汁應該點啲咩嘢都好食見佢有即燒串燒當然要試埋，不過舖頭就冇得坐要企喺度食，不過都還好啦小店型式試咗牛肉，豬肉，羊肉，魷魚…等等真係好耐冇試過一間串燒咁好食，燒嘅時間啱啱好唔會太乾又唔會太濕，佢醃得好入味。味道全部都啱啱好。可惜我又唔係經常去屯門，如果唔係每個禮拜都食一定肥死老闆都幾健談，一路食吓嘢吹兩句都幾開心…Read More

無意中係某外賣app發現此店，見有煲仔飯所以專登過去試一試佢，因為外賣app要運費專登早少少去到,舖頭好細得幾張枱，所以主要都都係坐街。不過原來好多人食，仲有蛇羹，不過今次都係試佢煲仔飯，叫咗個臘腸排骨雞煲仔飯加個可樂。好快落咗單之後原來要即時俾埋錢，咁當然冇問題啦。因為身上得一張$500咁就俾佢找啦唯有，叫咗個飯加可樂總共$68 。之後個阿姐問我有冇散紙，我話冇得一張，但睇佢個款好似唔係好想收，佢話近排好多假銀紙喎，但我問佢咁你有冇八達通啊？咁佢又冇話有定冇最尾佢都有收到錢找俾我，但係我話冇散子嘅時候佢就裝我個銀包，我覺得以下真係幾冇禮貌我呃你咩，就算我有$100我都有權唔俾㗎？上菜時間還好，應該等咗6至8分鐘到，煲仔飯太濕，不過有啲飯焦嘅，臘腸好難食，不過雞同排骨OK。總括嚟講我唔會再去啦，純粹講食物質素都唔會再去。…Read More

一路都見到e間好漢堡包店，因為平時都見幾多人行。同埋佢關晒Jordan嘅相喺度，所以印象深刻今日有經過見冇人就諗住試吓，原來睇返佢套餐都唔係好貴，50幾蚊，而家食個麥當勞都分分鐘貴過佢上餐都好快，叫咗一個牛一個豬。 估唔到個包同塊漢堡扒都好好食，熱辣辣個包仲少少脆脆地。薯條都OK，佢加咗啲鹽同黑椒個牛肉漢堡扒都幾有味，個豬都好好食好有味絕對食完之後會令你想下次都會再食好彩我哋入嚟嗰刻冇乜人，之後就有多啲人嚟食同埋外賣，店員都好有禮貌住附近真係值得你試吓…Read More

上司請食飯，大家都無食唐述所以諗住試下。Book咗lunch tkme 1230, 不過好似聽講book位要落訂地方ok嘅，不過可能間咗房關係，枱好似唔太多，服務正常。點心可以加1件，2件。。。因為4個人食，有好多都係得3件不過我就覺得唔低食啦，4個人叫點心，湯飯，酸菜魚，甜品。雖然唔係我埋單至實質幾多錢，但係應該都$4000走唔甩。請問唔係話難食，但係好多都冇特別最有印象係個泡菜蘿蔔糕，和牛生煎包，酸菜魚都OK . 其他都真係冇乜特別就算下次有人請食飯再嚟呢度我都唔會去…Read More

夏日熱辣辣。食完lunch想搵d甜品食下行行下記得e個商場有甜品所以決定試下去到都幾大間鋪，可能3,4點時間。都唔太爆場。坐位都闊落，冷氣又夠搵位坐之後自己出去order. 叫左個雪糕 + diy 5樣料。。都好快上枱，員工都好有禮貌份量都幾多 1個人食都好飽下2個人一碗可能會好d珍珠同芋圓幾煙靭同有口感雪糕應該係牛奶公司d freind, 都ok ge仲要冰底，真係透心涼真心ok幾好食希望佢地長做長有，等我遲d又可以去食過…Read More

與舊同事聚舊，有個食開e間小店所以就去試下，平日收工時間去 [大約18:00~18:30]好快爆場全部都有book位。。當然細鋪頭人數有限啦都幾多嘢食wor又。。。不過全部係串燒嚟嘅好岩同朋友坐下，飲下，吹下水因為朋友係熟客，全部廚房發板 味道意外地好食全部嘢都好好食3個人食左大約10零款嘢食，一人一串 + 3杯啤酒 + 1支清酒。。。埋單 每人大約360 咁又ok wor,因為e d地方通常都會好貴。。仲以為要1人500起跳…Read More

見到荃灣開咗越南仔，一路都冇食過，所以決定去試吓。點知就出事啦！星期六去到唔使等位咁啱，啲位又細又窄又逼。都唔緊要嘢食好食都冇所謂嘅兩個人去食，叫咗兩個粉兩杯嘢飲，加個下多士！咖啡同個火車頭好快就到，但個咖啡係冇乜咖啡味嘅，我唔係啲咩食家，但我人生飲過嘅越南咖啡最難飲係依間個粉係常溫，嗰三件生牛肉好似都浸唔熟咁。個湯更加唔使講完全係垃圾我已經加咗佢比嘅蒜蓉同辣椒不過蝦多士OK嘅，芝士味都可以！起碼好食過坪洲嗰間。唔使點沙律醬都好好食之後另一個檬粉等咗半個鐘都唔嚟，叫啲侍應佢哋全部都係唔理你嘅，不斷咁自己喺度傾偈最後真係忍唔住大聲咁嗌佢哋佢哋先有反應，之前有個同佢講，完全都冇幫追最後叫佢唔使追啦，你幫我取消就算，都係嗰句，一取消就即刻出嚟啦所以以後都唔會再食呢間，back list…Read More

同女朋友屋企人食飯，話想食任食又唔想太遠。。。所以就搵咗e間試下。。。openrice訂定位，食最早段（17:30)埋單4個人$17xx好似。。原來家下d任食已經去到e個價真係太耐無食。。店員都好有禮貌同效率 上嘢收嘢都好快手 都無乜漏單情況QR自己落單方便刺身都幾有驚喜，收貨 燒蝦都好好食，so far所有嘢都幾好好多一家大細嚟食可能無期望去食，所以都覺得好好。。外面都有d嘢食比你拎，有小小熱嘢，冷盤等等！嘢飲都幾多，又有啤酒，清酒，梅酒等…Read More

日日都唔知食乜好，見屋企附近勁多嘢食嘅路得偉有新嘢，所以就試下啦 類似兩送飯d friend, 不過就一盒盒整好晒 細細盒都幾得意所以買左幾個送番屋企試下 有鴨血，辣雞，肉餅，梅菜扣肉等。。。4樣嘢，仲有例水送番到屋企都仲暖 果道都不覺不失的，不過價20蚊一細盒就有小貴我覺得不過試下又無乜所謂不過神奇嘅事發生，食完果晚肚柯左3次，女朋友都係唔知係油丫定唔衛生啦 節第二日我都仲係肚柯左幾次所以點都好，無下次啦 太可怕…Read More

朋友發現到碼頭有新韓國嘢，當然要去試食下原來係以前鴻x堂同"Starbxxxx"個位，一邊係店，一邊係堂食位，雖然地方唔大，但係都有大概12個位你喺邊度冷氣,不過就有d位先吹到囉😂 有好過無ge...都幾多人叫，不過就外賣多。。。 叫左個炸雞餐，加18蚊有個飯仔同汽水。。等餐時間還好，大約等左5~8分鐘 不過汽水唔夠凍 不過份糧都多，我咁大食都食唔晒炸雞好脆好夠味，蜂蜜焦糖味好出飯就有d濕。。不過都無食晒間中食下幾好，不過要等冬天先我🤣🤣🤣🤣…Read More

本身去食另一間鋪頭仔，點知好多人。。。唯有再行下，之後就試下e間老爹去到12點半大約，唔太多人不過走果時要排隊唔係好明。。鋪頭感覺好似家庭式經營咁，有set lunch同其他餐。。。都幾多選擇既。。。我叫左個午餐60幾蚊，我朋友食三文魚意大利飯。。。1xx 有d小貴我覺得有凍飲，餐湯，餐包凍飲唔使加錢，因為有加e服務費。。湯我叫左周打蜆湯，水一樣。。。無味杯奶茶仲搞笑，睇相唔講以為我飲好立克仲要唔甜嘅，完全唔知e杯係乜嘢嚟不過都費事叫佢換，都唔知可以換啲乜嘢。幫我豬扒飯好特別，飯小。。正常男人食完唔會夠飽結論係永遠唔會再食…Read More

就嚟又新年，所以就去深水埗買下啲新年嘢同揮春行完買完之後，又係時間搵個地方食少少嘢同坐下休息吓行行吓見到有公和堂，仲要有兩間舖位裝修都好新淨，一間舖頭就keep住左八九成以前嘅裝修，另一間就完全新裝修！所以我就去新裝修嗰間度食啦去到都幾多人下，不過都有位嘅兩個人叫咗一個熱豆腐花，一個凍豆腐花，同一個薑汁豆腐雪糕！凍豆腐花就稍為失色少少，唔知點解間間豆腐花都係熱嘅豆腐花好食過凍嘅:(不過佢哋嘅豆腐花都有豆味同滑最驚喜係個豆腐雪糕！個雪糕食到好香好滑，上面有啲糖膠咁嘅嘢好濃薑汁味真係好正好好食！我諗就算經過唔堂食都要買返個雪糕試吓必食推介個人…Read More

聽朋友講e間車仔面ok,又可以轉撈面去開果頭所以決定去試一試。。不過上去都有d煩，上去要scan街市個安心，去到鋪頭又要scsn多次地方就傳統大排檔feel,得幾張枱。。。夏天我應該食唔到自己落order叫野食，叫個撈油面，雞翼尖，豬腸，紅腸等等。女朋友都係油面撈，冬菇，豆腐卜，等好快上枱，個碟都好懷舊 不過分量比較少唔係好夠😅味道好一般。。。個面林到唔知食緊乜。。唔難食嘅。。不過真係冇特別一般中嘅一般不過個冬菇，豆腐卜係ok ge但係就真係剩係得依兩樣嘢OK所以之後都唔會再食…Read More

女友生日所以提早係1個月前上網訂嘅，訂要入埋credit card,會有email confirm. Booking 48小時前可免費取消去到個環境幾舒服，燈光比較暗 request左window set第一次食唔知試咩好，叫左職員介紹 每位員工都好有禮貌最後叫左6隻生蠔，一個龍蝦湯，不過鵪鶉沙律，一個威靈頓牛扒（原來要預先訂，好彩咁岩有一份先食到）每樣嘢都好滿意， 生蠔都會教你由邊隻食到邊隻佢地嘅變化。。龍蝦湯好濃郁鵪鶉沙律好驚喜好好食威靈頓牛扒都非常之好食，不過就好飽生日仲有個甜品送，不過味道就麻麻哋總括嚟講係好食嘅，環境都好舒服，不過可能都幾爆場嘅關係都有少少嘈咁當然價錢都算貴啦，埋單3700百幾蚊不過個人覺得係要試一次ge…Read More

夜晚自己一條友食唔知食乜好周圍行。。行吓行吓見到依間日本嘢，所以就好食唔好食到時一次啦。。。一個去都有兩個人叫緊到會嗰啲，我諗應該味道都OK掛舖頭就主打外賣㗎啦一睇就知，因為得四人枱同埋一行吧枱我諗總數座位都唔會多過8個。不過佢個價錢牌價錢都唔算特別平以太子區來講，最後叫個海膽蟹膏蟹肉當飯+可樂，總數130幾蚊！價錢話貴唔貴話平唔平囉叫做，但係正常你見佢店面比呢個價錢你就會覺得好似有啲唔抵囉，因為我見餐牌上面其他魚生飯係去到400,500一個俾錢嘅時候攞張$500出嚟，點知佢話爛咗唔收！我望一望張銀紙我先至係爛咗少少我諗一cm內嘅長度啦。。佢話俾銀行話得多所以唔收喎！咁佢態度上綱冇嘢嘅但係你會覺得唔舒服囉，不過最後我用八達通俾咗錢嘅到江山原來有個麵豉湯仲有三隻煎餃子，味道都OK嘅！不過呢個價錢可以有更好嘅選擇囉我覺得…Read More