磨爛席's Profile

好耐冇打食評啦~ 因為一直在忙, 加上沒有吃過甚麼特別覺得值得推介的食店.但突然想起這間食店, 決定抽空上來打打食評.第1次去呢間食店已是在剛開業時, 和朋友吃完後是不願置評.但3月尾時, 朋友再相約吃晚飯, 為了遷就朋友, 就決定去'再決一戰'步入店內, 都唔少人wo! 心想.. 附近咁多食店呢度都咁多人?! 好好食咩?記得朋友點了回鍋肉, 銀芽鱔糊和飯食物來到時, er?! 點解樣都唔同埋ge? 唔通..唔好講咁多, 食啖先~ 搞咩黎呀? 點解咁ge? 今次出奇地好食wo!朋友一笑, 2個人三扒兩bu就食唒2樣野啦~ 嘩.. 好滿足.. 好耐未食過咁有水準既野朋友仲話俾我知, 呢度個個星期都會出新菜式架, 仲晚晚都有'是晚推介'添咁又幾有新鮮感wo, 起碼唔唒食黎食去都係果d ma!但係美中梗係有不足啦, 就係叫親湯麵都係等好耐先有得食第1次到而家都係咁樣, 趕時間/肚餓既朋友就千祈唔好叫啦~ 除非你eq好高啦到而家我同呢個朋友約就出黎都會o係呢度晚飯, 次次食完都好回味朋友, 記得多同我'聯絡'呀! 去食記得試下回鍋肉同銀芽鱔糊呀! yummy:)…Read More

O係街食飽飽飯, 想食甜品結果打包回家食滿記開左咁耐都冇試過呢間, 就請屋企人食下啦~~叫左..鮮什果涼粉(椰汁)-- 涼粉一般, 什果唔算多, 唔太新鮮白雪黑珍珠-- 白雪係villia底, 有香蕉, 龍眼, 芒果, 阿答子, 明列子; 好多料好好味, 呢個食得過架!!芒果白雪黑糯米-- 黑糯米球入面有芋頭, OK粉, 白雪底抵讚, 因為好香好正!! 芒果都OK甜, 得半個P.S. 因為TAKE AWAY, 拎到返屋企個樣比較樣衰了~~ 問門口侍應係咪呢度叫外賣果陣, 佢冇乜禮貌:( 環境因為TAKE AWAY所以不適用 3個糖水$85蚊, 又唔係特別好味, 今次真係食名牌~~ 但係白雪果D都唔差的, 可以試下!!…Read More

男友因為約了朋友宵夜, 所以決定來呢度陪我醫肚次次黎親都食豬軟骨拉麵~~今次決定要下第2樣, 叫左烏賊拉麵, 芒果汁同 叉燒拉麵等左一陣野食就到了烏賊拉麵-- 湯底一般, 伴菜的青豆比較生, 食了一條後放棄另外2條了:( 麵OK, 烏賊好似比以前細舊左少少, 但都OK彈牙, 有少少粒粒墨魚肉O係入面, 叉燒就得2片, 1片2個5蚊咁大叉燒拉麵-- 男友的, 男友之前話呢度既叉燒幾好食, 眼看都有5,6片, 好似比我果D大片少少芒果汁-- 芒果唔靚, 支汁有點沈色, 不像之前咁好味, 不過都係季節問題JE~P.S. 今日見到, 原來佢地6麵果陣係有用秒錶計時架BO..唔知係咪因為我地比較夜先食, 侍應有點HEA了, 不過叫佢都會應你既; 同埋有時佢地講野太快太'縲'.. 聽唔到佢地講咩~有MEMBER卡, 9折~ 不過計返即係唔收加一咯…Read More

補返1st oct 2008先青森在屯門來說都是有名食日本野既地方以食好味既日本野來說價錢都唔算太貴6點9到, 已經要等位了不嬲都知道佢地地方淺窄但要食好野所以都冇乜所謂:)4人行.. 叫了蟹子沙律-- 好大碗呀, 上面好多蟹子~~ 我呢個蟹子迷真係睇到都興奮!! 沙律係生菜c mix 青瓜~ total感覺好好麵豉湯-- 一人一碗~ 唔係濃味果隻麵豉, 佢係比較清果隻, 衰在tofu粒都冇, 我覺得以前好似有架:(芝士年糕-- 好味係好味, 煙煙un un, 芝士迷必愛, 但比較貴少少吞拿魚沙律壽司-- 不過不失, 入面係tuna mix左salad醬做饀( 8 pcs)長版三文魚壽司-- 真係長到可以包唒成舊飯架土佐豆腐-- 超好味, 真正外脆內軟, 好滑好滑~~ 記我要督個窿灌d汁入入面先食呀, 好味d架!! (4 psc)蒜片一口牛-- 唔夠以前好味~~ ok ge..燒三文魚骨腩-- 唔食魚的我, 冇掂過仲叫左一個叉燒拉麵架, share黎食, 食到底連湯都飲唒waitress都算有禮貌, 走既時候都有講88.最開心係唔加一, 仲要有多粒雪米滋食~~ yummy4個人食到飽飽先, $27x, 抵!…Read More

11th oct 2008daddy慶起.. 無啦啦車左我地出去食糖水:)以前都黎過呢度~ d 野都幾好味架!! 屯門黎講都算唔錯好耐冇黎, 有新menu.. 不過加左價冇計啦, 樣樣都貴..一坐落就好多人喇(坐門口).. 好彩早少少叫左..鮮什果黃金魚翅(new), 榴槤小黑球, 雲呢拿雪糕小黑球, $25百搭(朱古力雪糕+芒果 & 椰汁河粉+涼粉)鮮什果黃金魚翅-- 一黎果陣好surprise呀, 又整得真係幾似~ 叉一'住'放埋鼻到, 嘩~~ 陣陣honey味, 真係冇誇張~ 扥底仲有鮮果同少少涼粉添, 唔鍾意食'水旺旺'野既朋友o岩唒榴槤小黑球-- 10足便宜版榴槤飄香, 榴槤好香呀, 好好味~ 小黑球(黑糯米球)都好大個, 抵食過乜記好多呢!!雲呢拿雪糕小黑球-- 雪糕有少少melt, 可能因為有'水'既關係, 小黑球入面粒粒芋頭, 可惜唔夠粉$25百搭(朱古力雪糕+芒果 & 椰汁河粉+涼粉)-- 自己配搭~ 朱古力雪糕好好味, 因為有'水'所以食唔清楚椰汁河粉陣味, 因之前食過佢地個椰汁河粉好好味架!好完好滿足, 飽飽咁返屋企啦~~諗起都想食~~…Read More

11th sept 2008上年來食過一次都ok, 所以今次同男友行完街街又來吃男友發板叫了個$158 2人set, order左酸辣湯(有2個湯揀架) & 花雕醉雞 & 千層咕嚕肉 & 瑤柱蛋白炒飯同男友在玩nds 一陣野食就來啦..酸辣湯-- 嘩.. 好酸呀, 我好食得酸架, 第1個反應都酸到咪唒眼 嘩!! 真係好酸呀, 好'梗'.. 男友話好勁胡椒粉味, 本身我又唔係好好酸辣湯, 好勉強地飲唒一小碗T^T 男友都放棄左半碗花雕醉雞-- 雞好生呀, d骨仲滲唒血呀>< 滑都okay, 少少酒味, 隻酒唔只一隻酒, 應該係2隻酒mix埋千層咕嚕肉-- 一般, 炸得唔係好好透, 波波形係幾特別既, 汁都係一般.. 有點稀瑤柱蛋白炒飯-- 離譜!! 都唔係炒飯黎既!! 唔係用菜心, 用芥欄!? 蛋白正常ge, 仲有瑤柱唔係all都係瑤柱囉, 係溝左d假翅當瑤柱囉 飯就一d咸一d冇咩味, 個飯一定唔係炒既!! 完全係一d粉飯既特徵都冇囉, 根本係撈出黎既走果陣都有開門, 講多謝唒, 都okay既但係$158真係唔抵囉!…Read More

11th sept 2008男友又黎接我放學, 我肚仔餓所以又黎食野今次梗係又食下午茶啦~~ 抵d嘛叫左雞漢堡salad($22)+凍利賓納(+$2) & 泰式海南雞米粉($24)+凍??(+$2)雞漢堡salad-- 雞漢堡第1次聽, 薄身, 唔油, salad幾ok, 有apple呀, 椰子果d, 都算幾多料, 如果成碟份內再多d就好喇!!凍利賓納-- 味道o岩o岩好泰式海南雞米粉-- 原本配河粉的, 因冇唒所以轉左米粉, 偷食左米粉一啖, 好似mc d' 泰式辣醬果d味呀, d味幾得意wo!! 但唔知點解泰式有7味粉=-=凍??-- 男友的覺得今次比上次好食, 俾返個good你啦!!p.s. 近wall果邊2人架位, 如果拎個大旅行袋一齊坐既話真係窄到不得了…Read More

行到10點幾, 同男友又黎呢度食飯一入去冇人問你幾多位同自己搵位坐已成習慣, 所以冇乜所謂order左魚柳鴨胸意粉+紅湯+凍0茶 & 焗卡邦尼蟹柳吞拿魚長通粉(+17轉左set)+白湯+凍華田等一陣, 傾下計野食就黎紅湯-- 賣到尾唔夠就溝左粉'軒', 搞到d湯唔係清的, 男友飲左一半冇飲白湯-- 冇cream味, 冇誠意, 個白湯好怪, 似白汁魚柳鴨胸意粉-- 男友食焗卡邦尼蟹柳吞拿魚長通粉-- 完全唔可以算係卡邦尼囉, 失望:( 只可以係叫白汁.. 面果d芝士幾好味, 但少左d, overall呢個都ok凍0茶-- 男友凍華田-- 夠味, good!埋單不嬲都淡淡一句"多謝"就算, 有時連多謝都冇真係嬲嬲地…Read More

12點, 去買左個桶餐$108返屋企同男友share黎食$108+左$4轉左做2支支裝汽水(百事&7-up)有member卡呢個月又第2次用所以有95折, 多謝盛惠$ 106.4返到屋企d雞仲暖暖地~108餐有..9件雞-- 半辣半唔辣, 味道一般, 唔太差唔太好, 但唔知點解一隻雞全奕都冇, 唔開心:(辣汁蘑菇香飯-- 少汁, 同少飯, 比平時食開仲少左, 但味都係咁上下家鄉雞皇飯(8安士)-- 又係少汁少飯, 汁ok, 但飯有點漿格格脆薯塊-- 唔脆, 超級勁少, 係愈黎愈少至真, 但味ok2件香熱栗米-- 冇食2杯馬鈴薯蓉-- ok4杯汽水-- +$4轉左2支汽水p.s. o係買果陣有2隻辣雞未有住, 因為佢其他野執好唒既關係已經袋埋一袋, 佢又拎第2個盒黎入2件雞俾我, 真係有點唔環保, 其實打開個蓋放埋落去味得囉, 個桶仲有好多位架p.s. 2 執餐好似慢左少少..…Read More

眼見這間餐廳已經開了數年~ 自己也幫襯了他們年幾, 今次一於幫他們寫個食評:)由於家住屯門, 所以這裡會是星期日family day的必到站莫看於店舖雖小, 但被長期在這裡工作的侍應熱情的招待也有莫名其妙的親切感很喜歡到這裡進餐, 因為他們的餐牌每天也會不同款式(+幾蚊仲可以轉特定的果汁添)但絕對不是今天吃"焗蕃茄豬扒飯", 明天吃"焗蕃茄雞扒飯"般無賴看過他們的外賣紙, 很佩服諗餐牌果個人, 因為原來已經列明一個月的每天有什麼餐一次過要諗30日的餐仲要唔可以咁相同, 真係少d腦汁都唔掂又唔係玩即興, 所以唔唒擔心係因為果款材料比較多而做果款菜講返前幾天來吃的鐵板餐先, 揀左牛扒同雞奕配飯(可以揀2款餸再配飯/意/薯菜)牛扒-- 唔un, sizes唔會太細, 但醃得冇之前咁好味雞奕-- 比平時油左少少, 但可以接受, 唔會入面生飯-- 有時好彩會有炒飯架鐵板好夠熱, 落汁之後會幾大聲 除左飯之後仲有薯條同菜類伴碟架!!薯條係波浪薯條黎架, 食咁多次都冇油淋淋$29黎講食到咁既quliaty真係好抵食不得一提就係之前食過一次係咕嚕肉飯, 真係超好味!!咕嚕肉一定係即整, 因為真係十分香脆又唔厚粉, 係我呢個咕嚕肉迷食過最好食既咕嚕肉個汁都好好味, 唔會太酸唔會冇味, 我仲記得係廚房入面果個白白淨靚仔哥哥整架(帶眼鏡架)我係佢小fans黎架, 因為佢煮野好好味, 有時見到佢o係水吧就會叫水吧既野食見到佢o係廚房就會叫廚房既野食 佢煮野好有水準架, 食咁多次都冇"死"過xd不過前幾天來吃鐵板餐果次唔見左佢呀 唔同佢o係度果陣咁好味呀..希望下次再黎果陣會食到佢煮野既啦..…Read More

開飯啦~ 開飯啦~ (9th sept 2008)約左男友同男友媽咪一行3人食晚飯男友媽媽鍾意食中菜, 男友之前食過話幾好食所以就黎試下:)9點幾, 都坐左幾多枱, 但唔唒等位坐近電視附近, 有聲有畫, 哈哈3個人叫左第一炒, 琥珀合桃咕嚕肉 同 柚皮遼參上菜算慢, 之前既服務態度一般啦, 過得去既第一炒-- 幾好味, 有蝦有帶子, 好新鮮, 美中不足係d豆食到有'jar'琥珀合桃咕嚕肉-- 肉炸得好味, 唔油, 合桃好香柚皮遼參-- 好貴食 遼參2條分別最多得4寸長, 有約5棵開邊既白菜仔, 同2大塊柚皮, 上面灑滿蝦子; 遼參幾爽口, 白菜仔點汁都幾好味, 柚皮比較咸, 淋淋地, 送飯食比較好都幾飽, 坐下睇下電視, 唔算太嘈, 坐得幾舒服, 不過唔知點解咁耐都唔會收野, 收唒野後原來仲有西瓜食, yummy:)男友記得我入黎前o係門見到話想食雙皮奶(有凍/熱), 所以後尾都叫左一個熱的, 我同男友媽媽share黎食; 幾香幾滑, 唔錯, 係甜左dd咁多o者, 就算我幾飽都食唒佢.. 哈哈p.s. 後尾有一個短髮冬姑頭既女(應該係manager), 佢幫我落雙皮奶好好笑容有禮貌, 叫佢俾我隻碗仔我等我可以share黎食, 佢仲幫我用埋熱水6下隻碗, 我真係未遇過咁細心既, 所以服務果4分係俾佢既點解得一張相? 因為之後都掛住食所以冇影咯總結: 滿意的一餐, 不過有點貴是真的…Read More

男友食燒味飯, 我唔想食, 所以就買左mc d'"安哥" 返上次食晚麥香雞包($8)同朱古力奶昔($8.8)其實我唔係好鍾意佢地分開一個落order一個汁野食搞到好似好亂好多人咁..:(麥香雞包-- 汁多D, 生菜正常, 咬落去索索聲, sizes同止次差唔多朱古力奶昔-- 比上次好左少少, 多返d朱古力味, 一樣夠凍夠杰身, 返而開始 溶果陣朱古力味重返d, 凍野真係會令甜味減少最唔明白既係一樣野, 點解我上次買果陣個女仔同我講個奶昔係$8.5, 點解今次我買係$8.8架!? 不過我冇問佢點解呀..p.s. 我發現同一個雪糕新地, 唔同地方竟然有唔同price, e.g. leung king $6.8; 屯門市中心 $7.1; 另外我仲好似見過mk賣得仲貴d添呀!!…Read More

9th sept 2008, 琴日的..由於男友想食燒味飯, 所以我就去左買啦(我自己食mc d')唔算等得耐, 叫左叉燒油雞飯+凍啡叉燒油雞飯-- 叉燒OK, 唔太乾, 不過男友點都話美心燒味好食D凍啡-- 不嬲呢度既啡都幾好像, 不錯我次次去親愛務態度都唔差架, 算係幾有禮貌~~不過最唔明係加凍飲, 如: 啡, 可力呢D點解加錢都要加成7蚊咁多:(…Read More

男友提出今日lunch叫pizza食, 我當然和議啦以男友住的地方黎講, 所做order的地方應該係呢間唔知點解次次叫親pizzahut外賣都覺得電話聽order果d人好'機械'.. 可能太'機械'式的禮貌training掛叫左點點扭扭批套餐($211 ), 點點扭扭批(大, 8件) 一個 + 香蒜肉絲意粉 一客 + 繁星雞塊拼魚圈 一客 + 兩罐7-up次次出親新野都會試下架, 除非好唔吸引啦, 亦都會好準時o係指定time內送到 點點扭扭批-- 大批8件, 整體ok, 最衰係個芥末醬, d醬好'攻'nose, 完全破壞唒個pizza, 如果個醬轉做茄汁會更好!! 仲有成大盒芝士醬俾你點, 有d似supermarket買用黎點餅乾果d, 咸咸地香蒜肉絲意粉-- 好香蒜味, 好食!!繁星雞塊拼魚圈-- 都係咁, 差不多7-up-- 好夠凍呀, 哈哈p.s. 由於個批太大食唔唒, 結果留起左, 今朝拎出黎用oven焗返熱黎當lunch食, 點知仲好味!! 因為唔知點解d甾淡味左好多, 好surprise, 哈p.s.2 環境：不適用, 因為take away…Read More

行開呢頭就諗起食呢度, 之前都黎過幾次由於過左10點關係, 可以叫宵夜set(但宵夜set都要成$36, 仲未計凍飲, 不過o係mk食係咁架啦)落單佢聽完你講就算, 好似一句說話都冇出過!?叫左炭燒豬頸肉飯+凍奶茶 & 蝦醬肉鬆炒飯+凍華田 & 拼盤上菜speed ok, 但都係就咁放低就算果隻炭燒豬頸肉飯-- 豬頸肉好似少d, 得4塊, 同個飯對男仔黎講真係比較細..凍奶茶-- 男友的蝦醬肉鬆炒飯-- 唔覺有肉鬆存在, 飯有點油凍華田-- 黎既時候我望左一陣先知邊杯係華田=-= 同杯野好快就o係面出左一層水, 有點淡同比較甜, 可能多糖水拼盤-- 貴食, 60幾蚊, 3串串燒個醬ok, 4舊春卷+幾塊生菜(不過唔敢食d生菜)+3件一口粉卷男友話似粉果=.=+好少好少蝦餅埋單叫左好耐都冇人黎, 叫個卷髮呀姐佢應該一陣先記得返, 但又叫第2個過黎埋=-=, 仲味我地係咪埋單, 你話呢!?p.s. 有電視睇, 同前幾次相比今次比較差; 同2人set加左價但都係果d野食, 起碼加左20幾蚊, 以前最貴果個都唔過200, 而家就要$218…Read More