dalki*'s Profile

之前曾經同老公到SOHO本店，品嚐博洛尼亞的丹麥麵包，一試難忘。事隔多月，博洛尼亞已開多了兩間分店，尖沙咀這間位置十分便利，餐廳比本店更有規模，裝修modern，而且有一半座位可望到維港景色。可惜感覺太商業化了，還是比較喜歡原店的純樸風味。最前面那排海景位設最低消費一百蚊吉列豬扒三文治丹麥麵包夾著燒汁吉列豬扒、沙律椰菜絲; 豬扒炸得香脆，肉質好juicy，燒汁配料份量哈到好處，沒有蓋過主角豬扒的味道。配上香草炸薯條，味道偏淡，但值得稱讚的是侍應上菜時主動遞上茄汁以供客人點薯條吃。 明太子意粉明太子意粉整得好惹味，意粉好煙韌。配上一塊丹麥麵包，今次以芒果布甸取代了蕃茄仔奇異果，不太甜幾清新！蜜糖雪糕香濃的雲尼嗱雪糕舖上糖霜杏仁片，配上丹麥麵包，絕佳配答。二人一口氣吃左4塊丹麥麵包，真是大滿足…Read More

今日過佐敦辦點事，忍唔住再來回味澳牛的常餐。可惜未到12點，只能吃到早餐....揀左火腿通粉、炒蛋多士、凍奶茶。通粉很普通，炒蛋也不是特別滑，只有烘底多士比較好食，香脆熱辣。不過這個餐勝在份量多，價錢實惠。食完個早餐還未夠喉，於是叫多碗熱蛋白燉鮮奶。好滑、奶味十足，好好味好滿足…Read More

對"魂"慕名以久，但小店一直爆滿，被長長的人龍嚇怕了，一直未有機會吃到。難得今日老公在外辦事，可提早6點黎排隊，但已有30人排系佢前面!! 害老公在門外吸足個半鐘廢氣 真係搵食艱難7點半到我地入店，咁啱攞到bar枱中間位冇被木板隔住，唔洗坐自閉位!我點了"太極"，老公則想試限量供應的"青龍"。麵條我選了"正常"即不軟不硬的，但這硬度啱晒我，煙韌彈牙。墨魚汁湯底，加上蟹膏後，味道更濃郁！叉燒只有一塊，不是那種入口即溶的半肥瘦叉燒，有點失望，不過肉質軟嫩，味道還好；還有豐富的配料︰木耳絲、蔥花、溫泉蛋（半隻），可惜味道只屬一般　老公則盛讚"青龍"的菠菜汁湯底很清新，配上魚子醬、蟹肉，味道一流 係追求健康人士的不二之選！…Read More

老公一早訂了位同我來試這間傳聞中 "好抵食" 的SOHO美式餐廳。餐廳是開放式廚房設計，客人可一邊品嚐美食，一邊觀摩兩位印度藉師傅準備食物。點完餐後，大約十分鐘，餸菜便落逐上枱。凱撒沙律：配料十足，面頭舖滿芝土粉，味道濃郁滋味。茄汁海鮮意粉：意粉很彈牙，茄汁很濃，酸酸辣辣，非常惹味開胃！秘製辣雞翼 (原味)：雞翼焗得很香，外層香脆，內裡還保留肉汁。我們沒有要求"加辣"，原味已有微辣，但很合我們口味。Poutine煙肉芝士肉汁焗薯條：新鮮出爐，香脆熱辣，但略嫌咸了點！一定要趁熱吃，放涼了味道口感就差很遠...款款都美味到停唔到口，我們兩公婆可以一口氣掃晒4大碟餸，真係飽到上心口！但非常滿意呢餐，期待好快再來幫襯！聽聞這裡的pizza也做得不錯，下次再來一定會約多幾個朋友，可以點個pizza share食！唯一不足之處是店子很小，枱櫈排得密密麻麻，很擠迫，坐得有點不舒服！張枱亦很細，根本放唔晒咁多碟餸，要借用隔離枱放。…Read More

半年前同老公黎過呢間餐廳，環境優雅舒適，店員親切友善，食物又做得好，一直想encore! 於是趁清明復活節長假前夕，再來回味! 由於堂食只有十多個位，一定要預先訂枱!Starter~ 我們一致選了忌廉南瓜湯，配香酥牛角包。但總覺得今次的南瓜湯比較稀，沒有上次的濃郁！Main Course~ 我選了蕃茄鮮蝦蜆肉長通粉，香濃的茄汁加足料的海鮮，配上彈牙的長通粉，真的好好味！老公選的煙三文魚白汁長通粉，亦做得相當不俗！很喜歡品嚐這裡的咖啡及甜品：蜜糖加黑咖啡，入口甘甜，與甜品更是絕配，食後唔會有太溜的感覺。個餐只包普通的鮮奶咖啡，老公點的雲呢嗱鮮奶咖啡要加５蚊轉的。樹熊拉花圖案很可愛呀！是日甜品分別是：玫瑰花茶慕絲蛋糕、豆腐慕絲蛋糕 & 荔枝慕絲蛋糕豆腐慕絲蛋糕味道相對淡些，應該先吃，質感香滑猶如食緊真的豆腐。之後到玫瑰花茶慕絲蛋糕，散發出淡淡的玫瑰花茶味。荔枝慕絲蛋糕味道為三款中最濃的，亦最有驚喜，外面很少吃到荔枝味蛋糕，裡面還有荔枝肉粒，好特別好好味！…Read More

中午同同事黎Times Square 吃lunch。餐廳提供半自助式午餐，我們四人一致選擇牛扒餐。另外，自助吧枱上有多款沙律、火腿、生果、麵包及甜品任食，都算多選擇，但味道普通，沒有驚喜。本來諗住間餐廳主打牛扒，味道質素唔會差得去邊... 吃左碟沙律後，主角牛扒終於出場，賣相幾吸引~ 放在木板上，grill得幾靚，可惜沒有其他配菜或汁，顯得有點單調，需要再問才會有mustard。我們都要求medium7成熟，但我果塊一切開時仲有血水出!! 隔離男同事話唔介意吃生d，於是同我交換，但我切開佢果塊的另一邊，又係出血水，而且仲好韌、好難咬，又無乜肉味!! 最後我只係勉強吃了少少，剩了一半! 唔知呢次係咁啱師傅失準定塊扒質素差，總之要我俾咁嘅價錢，係銅鑼灣可以搵到其他更好味的選擇!! …Read More

見好耐無吃韓國菜，於是老公提議試阿利水 雖然有預先訂位，但當晚餐廳亦沒有爆滿，可見人氣一般！不過，估唔到兩位用饍亦能享受十小碟前菜，感覺好抵！而且味道不俗，最喜歡是青瓜、著仔同泡菜，不太辣而帶點甜味 好後悔點了"拌飯"，味道頗淡，而且很快放涼了，早知吃石頭鍋飯好過！有專人幫我地燒"雪花牛"，有肉味，但牛肉厚得濟以至好韌！"海鮮豆腐湯"最後先上，成碗都係辣湯同豆腐，只有幾只蜆，仲要有沙 …Read More

約左老友到銅鑼灣吃飯，見MIST在OR獲得不少好評，於是過來一試。MIST標榜fine dining，裝潢西化，與一般日式拉麵店有異。座位寬闊舒適，環境寧靜，很適合與朋友敍舊吃飯。 吃了兩款拉麵(鹽味&味噌)，味道不過不失，但沒有驚喜；叉燒片很腍，入口即溶；溫泉蛋入味，與拉麵是絕配。 但要收百幾蚊一碗，感覺有點不值！只吃拉麵有感單調了點，我們還點了沙律：牛油果汁做得不錯，但可惜太濃，蓋過魚生的鮮味。另外，煙燻帆立貝很鮮甜及香，值得推薦! …Read More

上午到會展參加活動, 晏晝老公陪我到金鳳品嚐傳統美食。人龍不長, 好快攞到位。點左快餐 ~ 雪菜肉絲米+菠蘿包+凍奶茶, 再加招牌雞批。剛剛出爐的雞批, 酥皮好鬆化, 又足料, 真係好好吃 凍奶茶茶味濃郁、香滑, 好鍾意 雪菜肉絲米落足料, 但味道一般。可惜菠蘿已放涼了, 感受唔到有咩特別好食 …Read More

一直想同老公去試呢間新開食店, 自開業已來一直旺場, 原本預左起碼等半個鐘, 但最後選擇了坐BAR枱, 唔使15分鐘就攞到位。我的選擇: 豚肉略為乾身, 但勝在汁夠多, 再配上鎮店之丼, 真的不錯 老公的選擇: 味道略嫌淡了些, 但可以接受 …Read More