為食羊咩's Profile

平日未到12點去到，冇人，問店員係咪喺櫃檯order,佢話入去坐低order, 當時未有客人，我就揀咗海景卡位😊全店得三張卡位另外仲有幾張正常檯，店面唔大望望餐牌 要加一叫咗cheese burger, fries,Earl Grey lemonade 包包唔算大個，塊牛肉都厚嘅 但味道唔算好出色，夾咗都幾多生菜，食到最後會出水整到個包好濕。個薯條就正常嘢冇特別，杯lemonade Earl grey 味好淡，少少甜都清新。成餐$179個景係正嘅，喱餐覺得一大半價錢係比個景食物只算一般喱個價錢有更好選擇😃…Read More

下午茶算係成個商場嚟講算平 就試試佢入到去冇人理你嘅 自己主動入坐蝦頭油炒飯拼兩串豬串燒 熱飲 $50 另加一侍應攞杯熱奶茶埋嚟 睇到個拓盤好污糟，又倒瀉咗啲喺個盤個杯放到上嚟 係有啲奶茶綑住個杯底邊勁核突杯嘢係唔熱嘅嚟到個飯又係唔熱嘅 唔似係即炒唔即炒都整熱啲啦跟住啲飯係硬嘅乾嘅蝦油味係完全冇嘅 串燒還可以 不過亦都係唔熱嘅泰國嘢嘅熱即係暖？全程食嘢啲侍應不停喺我檯面攞嘢去fill攞完鹽 胡椒就攞糖再嚟就攞餐具兜其實可以一次過攞走哂唔洗逐樣嚟攞咁騷擾總結係唔會再嚟 除咗平 冇優點 …Read More

天氣勁好入西貢行吓，行行吓見到聽人介紹過喱間海鮮加工，於是行返去碼頭艇仔買咗三樣海鮮去試試😃第一樣上檯係油鹽水卜卜蜆蜆好大粒肉，唔會過熟，咸味啱啱好，啲湯汁飲咗幾啖超鮮甜👍🏻第二樣 豉油皇九節蝦味道又係剛剛好 唔會蓋過蝦嘅鮮味第三樣 椒鹽瀨尿蝦餐廳基本上落調味都好輕手 但又唔會話淡好手勢👍🏻而且上檯時間好好 逐樣食完至上檯另外仲叫咗個海鮮豆腐羹$98材料普通但味道好好食完海鮮再飲個羹，完滿詳細加工費冇問😛另外叫咗枝忌廉全單$39x尚算公道👍🏻…Read More

睇到有介紹喱間福建食店覺得唔錯，去開深水埗買嘢就搭幾個站巴士嚟喱度食。 五點幾到仲趕得切下午茶，價錢超級抵👍🏻$39有主食小食同飲品其他單點都唔貴叫咗下午茶餐 炸醬麵 炸扁食 可樂個麵影相前已撈開咗😛味道近似台灣肉燥 好香炸扁食 夠鬆脆 喱種皮好易炸過火 佢就炸得啱啱好 另外叫咗海蠣煎$56 海鮮滷麵$58 海鮮滷麵配料好多 先炒過再放湯 夠哂熱辣辣 份量足海蠣煎煎得好香 蛋味出哂嚟 啲海蠣本身咸咸地所以都唔洗點佢比嘅醬 以上喱啲菜式係咪熟口熟面呢？😀喺喱度價錢相宜得多 份量足 雖然地點唔太方便 但係都值得一嚟👍🏻…Read More

其實經過喱間店已經好多次，一直冇食過，直到最近行過望到佢做六週年優惠比佢吸引咗，但第一次食都係試招牌嗰款穩陣啲😆名就唔記得啦，係一款兩塊pancake拼雪糕嘅，等咗一陣有得食啦一邊牛奶雪糕 一邊係兩塊梳乎厘pancake, Pancake 上面有層脆焦糖，畢少少雪糕同pancake一齊放入口，又凍又熱口感不錯，雪糕質地同味道都唔馬虎，一間小店喺旺角開店做到6年真係唔容易，食物質素有返咁上下至得，這樣一份$60，價錢好合理，店對出地方算濶落，企喺度食都不覺狼狽，會再食😊…Read More

平日11點幾一個人去到門口冇staff,自己入去啦，指住卡位問呀姐可以坐嗎？佢話好呀好呀坐低佢攞住兩杯水問係咪兩位呀？我話一個呀，佢居然話：下？！一個人坐卡位呀？ 哎 算啦算啦環望成餐廳都係得兩檯人我至想坐卡位唧，况且我從頭到尾冇話過我兩個人喎，呀姐咁講嘢都有嘅🤨叫咗碗船河 $68加一湯同餸ok,但啲河粉呢，仲係層層疊咁，食落仲有陣怪怪嘅粉味，似淥唔透咁嘅服務同食物質素 熱飲仲要另加$12（我冇加）我唔會再食🫠…Read More

閒日12:30前到唔洗排隊，但入面都坐咗九成滿啦點咗蟹膏蕃茄湯濛好多料，有蟹餅、半粒蕃茄、生菜、芽菜、扎肉、豬紅、豆卜、薄荷葉，呀！仲有兩小片豬腩片仔嘅先飲啖湯，酸酸地鮮甜嘅，蟹味冇乜，想要蟹味就要食一啖蟹餅啦，唔錯㗎係有蟹味嘅，濛係幼身偏淋，都掛到湯，出面餐廳嗰啲呢就粗身比較爽，但就唔係好掛到湯，各有各好啦。豆卜同豬紅入哂味，扎肉唔會切到薄it it，爽口，正👍🏻正唔正宗我就唔知啦，不過整體味道係好嘅，$60好過食痰仔啦😆食完出嚟已經排咗大概十個人啦🫣😆…Read More

放工買外賣回家食，一份鍋貼一份生煎包，大酸辣湯，蔥油餅一塊放工時間，撞啱生煎包同鍋貼起鍋時間，新鮮熱辣，返到屋企都仲暖暖哋，生煎包咬開仲有肉汁滲出👍🏻👍🏻👍🏻👍🏻鍋貼都好味，同樣煎到個底脆脆夠香口，兩款硬要我揀一樣再買我會揀生煎包，麵皮厚啲包肉冇咁漏😊其實兩款都係12蚊就有四粒，買哂兩款都唔肉赤啦😆酸辣湯要碗大嘅， 好足料，我係唔食得辣嘅，所以冇另外叫加辣，食落酸辣度就剛剛好👍🏻👍🏻👍🏻😊仲有蔥油餅，香噴噴，係油啲，咁話明蔥油餅就梗係油啦😆面頭洒咗芝麻再香口啲😋整體食物對得起價錢有突，有誠意小店值得支持，會繼續幫襯👏🏻👏🏻😋 …Read More

叫咗黑糖珍珠鮮牛奶（個名可能唔啱）冇得少冰走冰要加錢咁照叫正常款啦結果一路行過隔離排隊買燒賣一路飲飲幾啖已經冇咗半杯飲完睇吓 成半杯都係冰呀味道正常，但成三十蚊杯有15蚊係買冰過份左啲囉…Read More

食嘅係神虎，湯好味，麵係半透明嗰種（唔係一瘋糖嗰種），蔥同洋蔥份量提味啱啱好，嗰兩粒肉丸真材實料不多粉，叉燒偏淋有少少少少焦香味👍🏻仲有粒蛋夠蛋香應是日本蛋，醃得亦夠入味，係會再想去食嘅店。最後提提店員想跟足日本店做法找錢時要交到客人手上而唔係放喺個兜比客人自己執😉…Read More

一場入到大埔，睇定有咩美食，見東記算高分就去試試，可能星期日關係，現場充滿等位人士，各舖位有自己檯椅，如想快點有位可坐隔離茶記位幫襯飲品就可以叫東記嘅麵，唔知係咪多人，做到啲呀姐唔得閒落單，同佢講野冇咩反應，落單後仲話要等四十分鐘，心諗有冇咁誇？！最後等左三、四個字就有得食叫左雪菜豬扒粗同雲吞豬扒粗啲粗麵煮到好淋，湯底同豬扒都係冇咩味，特登去食我覺得有啲失望😞，只係雪菜味道唔錯，雲吞如果唔係又係煮到個皮淋哂都ok嘅🙄⋯⋯…Read More

一打韓燒即彈出好多炑八分店，分數不差即管試試。訂了1900點，現場未有人等位，入坐後陸逐坐滿兩人沒點套餐，散叫了三碟肉：牛小排三碟中最好味，很軟淋不鞋，但油脂不足牛舌不論我燒幾短時間都係韌的護心肉中規中矩沒驚喜，抵讚係每碟肉旁邊都有兩塊南瓜同菇，唔洗另外叫爐兩邊有蛋漿及芝士，兩者味道都偏淡，不能算美味，只能作填肚功能前菜中蘿蔔片酸酸地幾開胃，總結食物質素一般一路吃到最尾職員服務都幾勤快，上菜加蛋漿芝士都好快手，態度良好，但臨尾喺執哂檯之後諗住針杯水'了'埋牙坐多個字之際，就有店員衝埋黎話我地夠鐘交檯，留意返張單，我地1853分入座、限食個半鐘，被催交檯時為2010都未到，心諗洗唔洗咁急呀…Read More

知道銅鑼灣又有拉麵店新開，一於試試。點了博多濃厚豬骨拉麵，鹽味要多一點，超硬麵，油量普通。本想點餃子可惜當日已賣完／沒有供應。麵量算多，這𥚃硬麵唔係煮生啲咁嘅口感，而係爽口的 ，這個“爽“是比較少出現在這種日本幼麵身上，建議其他麵店點開“比較硬“的在這店點"超硬麵"就對啦。湯底要鹽味多一點，一開始食時是剛剛好，食左八成後的確會覺得咸了點，不過正式日本拉麵其實都係偏咸的。嫌咸的話點普通好了～豬骨湯很香濃，最後湯被飲剩幾啖，看似很油但不會令你覺得“飽濟“。叉燒普通,沒有對面某店的“豬騷"味即可，畢竟拉麵主角是湯和麵。＄68沒加一，店員勤快有禮，中上質素嘅拉麵，在之前“恒豐“營業真是委屈了她。希望這質素能Keep落去。食完出門口，看到某拉麵店門口的人龍，心想：不要排啦, 試試一幸舍吧,會有驚喜喔。…Read More

這裡假日下午茶＄76/位，價錢算是吸引。訂了15：00，說會hold 檯10分鐘，當日14:50到達，餐廳門口職員卻說己取消了Booking,真的O了咀，未回魂之時又說有客人取消了我們又有檯，看到電話有兩個missed call,聽回電話13：52留言: Ｘ小姐，我地而加幫你取消張檯先，有需要再打返比我地呀。訂位時職員並冇話會再致電confirm booking,而且我到達之時間亦還未到15：00，何解要咁快取消我張檯？這處理手法很需要改善。本想3個人叫兩個下午茶再另點咸食（例如 三文治之類），但這個時段就只供應＄76/位嘅tea set, 沒有其他選擇，只好點了3人份。頂層是壽司跟鵝肝三文治真好奇點可以切到咁薄嘅三文魚，隱約見到下面嘅飯，入口防如無物，完全食唔到三文魚嘅味。成個set最值得推介就是鵝肝三文治鵝肝大大塊但不會膩西餅跟最下層中式甜點很一般，如果說＄76/位在酒店下午茶,這的確是抵食，但抵食同好食係兩回事，而且這裡裝修環境及景觀亦沒什特別，不會令你食完想坐多會嘆嘆茶。不過再看看＄76/位這個價錢，不能有太高要求吧。…Read More

買了六粒，玫瑰Ｘ2荔枝，紅莓，熱情果，還有一款忘了，見她家好評幾多，一於試試她的macaroon,不過非常失望，應有味道是有，但甜得厲害，食到第三粒己經想投降，初試macaroon的人真的會被這個甜度嚇怕。我想我不會再買她的macaroon了。…Read More