foodie_bunny's Profile

主打豆乳食品，有鹹有甜，選擇多樣豐富，令人眼花繚亂，更會不定時推出期間限定，保持新鮮感。D24榴槤豆花 ($74)以豆花作為底層，配搭榴槤果蓉、榴槤奶蓋、特調椰奶、白玉同黑糖，甜度適中。豆花富豆香，白玉軟糯煙韌彈，榴槤果蓉用上D24蘇丹王品種，口感綿密，帶有濃濃榴槤香氣。多芒楊枝甘露 ($48)用咗大量新鮮芒果粒、西柚肉同西米製成，好足料，啖啖濃郁芒果香，而且唔會好甜。牛油果鰻魚玉子粢飯 ($55)栥飯即叫即整，餡料澎湃，更採用即炸油炸鬼，酥脆香口，再配上肉鬆、青瓜絲、牛油果、玉子同鰻魚，香濃惹味，一啖有多重滋味，飽肚又滿足！…Read More

除咗食物受歡迎外，蛋糕同樣出色，之前食過軟心巴斯克性價比高，而且低糖少油，口感輕盈，罪惡感低！口味選擇豐富，總有一款啱你口味！仲送埋生日金色圓插牌同閃燈，儀式感滿滿！最近出咗新口味，梗係要同朋友開心share！芒果巴斯克軟心Burnt Cheesecake ($198)面層鋪滿新鮮芒果肉，無用果膠Frozen啲果肉，值得一讚！質感綿密濕潤，香滑creamy，仲有唔少芒果肉，整體水果比例極高，啖啖都食到多汁果肉，口味清新，加埋曲奇餅底，層次滋味更豐富，絕對係誠意之作！楊枝甘露拿破崙 ($198)打開盒即刻聞到芒果香同陣陣牛油香！拿破崙酥皮即焗即製，每切一下都聽到清脆嘅咔嚓聲，有好多新鮮芒果肉同西柚，好足料！…Read More

突然好想食小菜，作為地膽嘅朋友就帶咗我去佢食開嘅飯堂試吓。蜜汁叉燒王 ($138)叉燒肥瘦平均，蜜汁包住叉燒，食到蜜汁嘅清甜但又不失叉燒原有味道，甜而不膩。拔絲鳳梨咕嚕肉 ($98)粉漿唔會好厚，入口有脆口感，唔會覺得油膩。肉質鬆軟，又夠掛汁，每舊咕嚕肉都沾有酸甜醒胃醬汁，送飯一流！欖菜肉碎四季豆 ($98)四季豆爽脆入味，仲要去晒兩邊嘅筋絲，唔會食到有渣，值得一讚！食落鹹香帶微辣，而且仲有少少甜味，又唔會好油。…Read More

放工相約朋友happy hour，來到日式居酒屋又怎少點得來杯清酒，輕酌一番。八爪魚沙律（洋風風味）八爪魚口感彈牙，加上酸甜開胃的醬汁，味道清新。海膽吞拿魚壽司色澤鮮艷，引人食慾，以鮮美的吞拿魚，配上鮮甜的海膽，滋味不已。厚燒玉子鬆軟多汁，散發濃厚蛋香，味道甜滋滋的。雞中翼雞皮焦脆，雞肉口感結實而又嫰滑，十分適合配清酒享用。海鮮天婦羅盛盒 & 野菜天婦羅盛盒色澤金黃，皮衣夠薄，入口香酥鬆脆而毫不油膩。清酒煮蛤蜊石頭湯蛤蜊體積相當大，肉厚嫩滑，帶有淡淡酒香。牛肉石頭燒飯熱騰騰，攪拌均勻時香氣四溢，脆卜卜的飯焦更是精髓所在！吃進嘴裡的一瞬間，味道充滿不同的層次！…Read More

天氣熱辣辣，令人無咩胃口，朋友提議食越南嘢。南越金絲網蝦春卷（4條）將清爽嘅生菜包住酥脆香口嘅春卷嚟食，口感豐富，減少油膩感之餘更添清新。越式惹味粟米條粟米條加咗啲甜辣醬汁，開胃惹味。越式秘製香茅豬仔骨豬仔骨外層焦香，帶有少少脂肪，食落甜甜味，口感爽彈。鹹檸豬頸肉撈檬豬頸肉爽彈，檬粉撈咗碌冧味道酸酸甜甜，好清爽。[嫲嫲南越湯] 金邊粉（牛肉、牛肉丸）牛肉丸口感彈牙，肉味香濃，金邊粉滑溜，索晒啲湯汁，好入味。香茅青蘋果茶味道清香，涼快清爽。…Read More

餐廳主打創新東南亞菜式，分兩層，有室內同戶外座位，可以飽覽維港美景，散發住異國情調，好啱同gathering或節日慶祝。Thai Beef Tartare with Bone Marrow牛肉他他幾清新，配上脆片同泰式醬，鮮香惹味，增添口感上嘅變化。Hamachi Ceviche油甘魚厚身，配搭柚子、芥末醬同泰國檸檬油，集香辣清新於一身。Baked Sambal Sous Vide Black Cod Fish黑鱈魚肥美嫩滑，充滿油脂感，配上辣中帶甜嘅參巴醬，啱啱好中和油膩感。Tom Yum Coconut Risotto with Hokkaido Scallops and Sea Urchin帶子鮮嫩，意大利飯被醬汁包圍，口感creamy，飯入面有蘑菇，令整體口感更加豐富，微酸帶辣，夠晒惹味。Happy hour點可以唔飲酒盡興吓？Wohoo, What A Day!酒感柔和，帶有椰香，味道清新微甜。…Read More

能夠在apm屹立逾多年，食物質素絕對有水準。裝修以傳統日本風格木系為主題，環境闊落，卡位更可以自成一角與朋友聊天，坐得舒適。特選四人前料理 ($1480)選擇繁多，最後我們選了套餐不用為選擇而煩惱！由前菜，刺身、壽司、燒物、湯、主食到甜品，一應俱全，滿足不同人的喜好！豚肉沙律沙律菜爽脆，豚肉肉味濃，配搭濃郁香醇胡麻醬，吃起來很清爽。刺身四品包括：三文魚、油甘魚、赤蝦和磯煮鮑魚，刺身厚切新鮮，磯煮鮑魚爽彈。海の幸 海膽卷以肥美魚生配以爽脆醃蘿蔔，再綴以鮮甜海膽，食落充滿口感。牛舌鹽燒2串牛舌爽彈，嫩中帶脆，調味適中不過鹹。免治雞肉2串免治雞肉加入富嚼勁的雞軟骨，吃起來更富質感。鯛魚野菜石鍋湯鯛魚湯呈奶白色，散發陣陣魚香，野菜吸盡湯汁精華，味道鮮甜濃厚。鐵板A4和牛薄燒和牛捲着洋葱和蒜片，既香口又平衡油膩感。鐵板蟹肉炒飯粒粒分明，乾爽不油膩。甘味以北海道牛乳奶凍作結，入口散發淡淡奶香。…Read More

環境寧靜舒適，燈光柔和，空間感十足。香烤豬頸肉配青木瓜沙律配甜辣醬 ($89)份量十足，豬頸肉份量多，肥瘦適中，口感爽彈，沙律爽脆，加埋甜辣醬就更惹味。香煎虎蝦配辣蕃茄汁意粉 ($124)虎蝦爽口，意粉入味又掛汁，微辣惹味，令人食唔停口。法式西多士配自家制雜莓醬 ($58)西多士色澤金黃，口感鬆軟，充滿牛油香，點埋酸酸甜甜嘅自家制雜莓醬有助解膩。伯爵茶鮮奶巧克力($42)口感順滑，香濃朱古力味中滲透淡淡茶香，甜度適中。…Read More

新年當然要一聚，朋友知道我鍾意食日本菜，帶咗我嚟呢間人氣居屋酒試試。金龍珠海膽吞拿魚蓉卷($158)用料十足，大量海膽、吞拿魚蓉再加自定醃漬蛋黃，啖啖奢華邪惡。金糖盒 - 蟹肉三文魚籽日式豆腐 ($128)賣相擺盤有心機，齋睇已經流口水！蟹肉配搭三文魚籽，加上酥脆嘅最中餅，一啖入口勁滿足。去居酒屋當然要食吓串燒！自家製雞皮蝦 ($58)雞皮脆嫩滿油香，蝦肉爽彈，邪惡又美味。厚燒牛舌芯 ($58)厚切牛舌軟嫩多汁，口感爽脆有咬口。戰神鍋。兵庫縣生蠔鍋 ($680)一盤有好多隻，蠔肉飽滿肥厚，蠔味澎湃，入口啖啖肉。額外追加A4鹿兒島和牛(2塊) (+$188)脂肪分佈均勻，肉嫩多汁，每一啖都有濃郁牛肉香。戀丼 - 月見等厚燒牛舌三文魚籽($238)牛舌厚身，軟腍juicy，咬落去爽口彈牙，加上滿滿三文魚籽同蛋香十足嘅蛋汁，增添層次。…Read More

Espresso Alchemy進駐將軍澳，以後又多一個地方享受悠閒嘅一天。青醬雞胸沙律配檸檬醋醬 ($92)雖然係雞胸，但一啲都唔會嚡熠熠，而且調味得宜，沙律菜爽脆，加埋酸酸甜甜嘅檸檬醋醬，味道清新。香煎虎蝦配辣蕃茄汁意粉 ($129)虎蝦厚肉，口感爽彈，蝦味香濃，每隻都有去蝦腸，值得一讚！意粉入味帶辣勁，開胃惹味。Baileys Chocolate (Alcoholic) ($73)Baileys味突出，酒香醇厚，但同時亦滲透淡淡朱古力味，易入口又唔好甜。…Read More

近排發現了一間尖沙咀的居酒屋，神隱於酒店內，如果經開金巴利道君怡酒店真係不可錯過！味醂雞泡魚乾味醂魚乾肉汁豐富，口感香甜，非常惹味。吞拿魚腩蓉小卷以新鮮的吞拿魚腩作小卷，入口鮮嫩，綿綿口感，讓人著迷。汁燒日本雞肉雞肉串經汁燒後，仍然做到嫩身口感，帶有微妙的甜香，啖啖滋味。燒日本五花腩香燒後的五花腩外焦內嫩，油脂在口中化開，肉香濃郁。銀鱈魚西京燒銀鱈魚魚肉細膩，鮮味十足，口感滑順，吃上一口讓人陶醉。牛肉昆布湯烏冬昆布湯底鮮香濃郁，烏冬彈牙順口，再有嫩身牛肉，讓人感受到滿滿的幸福感。…Read More

行街行到攰，想搵個地方坐下食吓嘢，見到佢嘅圓拱形設計，比佢吸引咗。青醬雞胸沙律配檸檬醋醬 ($93)份量十足，青醬雞胸入口好清新，有陣陣香草味，而且仲有微辛，質感柔軟，有驚喜，沙律菜爽脆，加上檸檬醋醬好清爽。烤雞菠蘿漢堡配檸檬乳酪醬及焗薯 ($128)麵包酥鬆，烤雞厚身香口，菠蘿香甜多汁，加埋檸檬乳酪醬更添清爽。西多士伴鮮漿果及雪糕配楓糖漿或自家制海鹽焦糖醬 ($76)楓糖漿自家制海鹽焦糖醬2揀1，西多士外脆內鬆軟，點埋自家制海鹽焦糖醬，甜中帶鹹，滋味誘人。伯爵茶鮮奶巧克力 ($48)濃醇朱古力中慢慢滲透伯爵茶茶香，清新不膩。…Read More

雪糕以北海道3.6牛乳同希臘低脂乳酪製作而成，配料醬汁選擇豐富且獨特，甜品控不容錯過除咗可按個人喜好自由配搭，更有預設口味，減省選擇困難症嘅煩惱每杯都份量十足，賣相惹人矚目，打卡一流！乳酪雪糕酸甜開胃，質感濃厚軟滑，味道清新滿足杯 ($58)配3款配料 + 1款醬汁，額外配料每款+$5芒果肉香甜，杏仁脆片薄脆可口，焦糖杏仁太妃糖帶有陣陣咖啡甘香，抹茶奶凍Q彈，茶味濃郁回甘，加上Baileys朱古力醬散發淡淡酒香，瞬間將味道提升至另一層次。牛角杯 ($60)可自選2款配料+1款醬汁，額外配料每款+$5咖啡蛋白霜糖輕盈酥脆，荔枝甜美，繽紛樂鬆脆香甜，濃郁嘅抹茶牛乳醬同酸甜清爽嘅乳酪雪糕融合，將味道層次提升，係令人上癮嘅滋味…Read More

裝修設計走復古風格，到處都充滿異國風情，食物主打泰式fusion菜，選擇多樣豐富，令人耳目一新！Lunch set包是日餐湯/沙律、前菜、飲品同甜品，夠晒豐富。烤大蝦海鮮椰香喇沙飯 ($118)喇沙飯粒粒分明，每粒米飯都有香濃嘅喇沙汁，入味有咬口，惹味又唔會太辣！海鮮方面，除咗有青口同大蝦，飯入面仲有蜆肉同魷魚，用料十足。蟹肉抹茶白咖喱米通 ($118)蟹肉份量多，以抹茶融入白咖喱，獨特而創新，令人驚喜，米通點咖喱汁食，風味十足。提拉米蘇奶蓋巴斯克芝士蛋糕 ($78)賣相吸睛誘人！淋咗提拉米蘇奶蓋後，帶嚟令人難以抗拒嘅芝味，錦上添花，啖啖鹹香，滋味無窮！開心果奶蓋咖啡 (+$36)開心果控不容錯過！濃郁香滑嘅開心果奶蓋遇上香醇咖啡，兩者完美融合，一試愛上！…Read More

之前食過流心巴斯克芝士蛋糕覺得好正，最近見佢推出咗新口味，趁住佳節就帶佢返屋企同屋企人開心share！原個蛋糕有兩個size，分別係5”同7”，個別口味仲有切件選擇，可以一次過試多幾款口味。除咗可以喺舖頭取貨，仲可以喺美孚外賣店同觀塘工場自取，夠晒方便！凡購買4款指定口味巴斯克芝士蛋糕(開心果、特濃芝麻、朱古力、夏威夷果仁)都可以免費加配開心果果+脆脆，脆脆亦有4款口味可以自由配搭，包括: 芝麻脆脆、夏威夷果仁脆脆、開心果果仁脆脆&朱古力脆脆。5”開心果軟心cheesecake每個蛋糕仲會免費跟生日牌、燈同蠟燭，誠意十足。蛋糕濕潤綿密，中間有軟心效果，好誘人！面層有開心果仁脆脆同開心果碎，口感層次豐富，每啖都散發住濃厚堅果香，入口唔甜膩，令人忍唔住一啖接一啖，絕對滿足到對開心果嘅慾望。baileys將香醇濃滑嘅baileys融入蛋糕中，散發出陣陣酒香，令人回味無窮。蘭姆葡萄濕潤軟滑，粒粒提子乾酒香濃郁多汁，口感更有層次。榴槤未食已經聞到陣陣榴槤香，食落榴槤味道濃厚。伯爵茶吉士流心伯爵茶吉士流心細滑柔軟，散發茶香，底層有威化餅，增加口感。…Read More