channganki's Profile

買咗杯鳳梨多多同黑糖珍珠烏龍奶茶，本身鐘意飲茶，兩杯都有茶香味。鳳梨多多有菠蘿嘅果肉，茶底係綠茶，有淡淡嘅清香。而黑糖珍珠烏龍奶茶就叫左少甜少冰，唔係好飲得出有黑糖嘅味道，但就有烏龍嘅茶味，與綠茶嘅清香有不同嘅味道。…Read More

成日搵唔同嘅台式飲品飲，但都無見過薄荷鮮奶，見到呢間竟然有，即刻叫咗黎飲， 叫咗少甜，冰量無得揀，雖然都少少偏甜，但都幾好飲!另外點左杯熱紫薯與我，奶比較稀，無紫薯肉，無得咬，無乜驚喜。…Read More

預早一個月一早book定嘅餐廳，去到見到有少量人排隊，門口掛住冇Walk in位嘅牌，入到去眼見餐廳座位數量不多，好彩有book位。點左一份海鮮意大利短通麵同埋一份洋蔥豬面肉汁意大利飲管麵。 豬面汁帶有蕃茄味及微辣，非常惹味。海鮮麵配搭紅蝦、大蜆，醬汁有濃濃嘅蝦味，非常好味。飲品叫咗玫瑰latte，有淡淡玫瑰味，那不錯。紅酒燴梨配冰糕，梨不太甜，唔會滯，冰糕是類似雪糕嘅物體。如果下次有機會，希望可以試到卡邦尼意大利麵及松葉蟹甲羅燒蟹膏意大利飯。…Read More

經過旺角，想飲杯台式飲品，發現呢一間未飲過，即刻過嚟買杯試試。本身鍾意飲茶，所以想叫杯奶蓋茶可以試試個茶底好唔好飲，但係見到個Menu主打係latte，門口仲放咗個綠茶拿鐵公仔，應該係主打，但要$45，喺未知道呢間店好唔好味嘅情況之下，今次就冇試，latte可揀牛奶或者豆奶，同所有飲品可以免費加珍珠。我叫咗杯凍靜岡培茶牛奶珍珠latte，同一杯熱可可牛奶珍珠latte，靜岡培茶latte好有驚喜，培茶茶味濃郁，溝咗牛奶仍然飲到一陣培茶嘅香味，質地較濃，有綿綿嘅奶泡，真係好好飲，與一般嘅珍珠奶茶明顯有分別。但係可可latte真係好一般，完全冇特別，質地亦較水，朱古力味同奶味都未見突出。培茶latte真係好好飲，呢個質素令我想下次再試$45嘅小山園抹茶latte，或者再飲培茶latte，誠意推介！…Read More

本身好鍾意食拉麵，聽到有好食拉麵都會去試。聽到有間東京米芝蓮一星，梗係要去試一試。我平日過咗lunch時段先去食，冇乜人完全唔使排隊。叫左主打嘅貝汁醬油拉麵和貝汁鹽味拉麵，特別之處係加咗大量大蜆一起熬製湯底。兩款拉麵除咗湯底，亦都加咗牛肝菌醬同黑松露醬/白松露油，味道比起其他拉麵係比較特別，如果想試清楚貝汁湯底，建議可叫鹽味，醬油拉麵的醬油味道比較重，吃不清楚貝汁嘅味道。拉麵麵量相對份量較少，相信只吃拉麵係唔夠飽。總括嚟講，拉麵味道係不錯，但係未至於一試難忘，$128呢個價位亦都有好多唔錯嘅選擇，呢個價錢食完唔飽，性價比偏低，打住米知蓮一星嘅名號，如果你真係好鍾意食拉麵，亦都可以一試。…Read More

專登嚟呢間舖頭食雞白湯拉麵，叫咗碗雞白湯拉麵同雞白湯沾麵，同一客餃子。餃子係較為淋身，並唔係煎香脆果款。拉麵嘅湯底有濃濃嘅雞湯味，但因為面鋪左好多洋蔥，撈埋一齊飲就較為搶左湯嘅味道，拉麵屬幼身，好掛湯。沾面湯底再為鹹一啲，比較飲唔出係雞湯，但同樣好味。兩碗麵都有低溫煮叉燒同雞肉各塊，大大塊唔吝嗇，肉淋身好juicy。溏心蛋亦好流心入味。我食拉麵主要睇湯底，呢間湯底非常出色，好好味，我最後好味到飲晒個湯底。我亦會再黎試埋其他味道嘅拉麵，如魚介豚骨！…Read More

叫左個Ribs同鬆餅配桂花雪梨果醬，幾好味！Ribs跟左士多啤梨果醬，果醬原來同ribs都好夾，ribs淋身，無筋，易入口。鬆餅鬆脆，有牛油香味，果醬有桂花清香同雪梨果肉，配埋牛油，好好味。飲品叫咗杯果醬soda同玫瑰蘋果沙冰，沙冰有濃濃玫瑰蘋果味，應該落左好多果醬，略為偏甜。平時我鐘意飲冷泡綠茶，搵緊支蜂蜜用黎沖綠茶，咁啱見到呢度用果醬沖飲品，即刻買左罐玫瑰蘋果果醬返屋企沖冷泡綠茶飲，或者用soda水沖都得。…Read More