6月2號食呢間野。想講呢間野味道真係唔差，嗌咗個冷麵同鐵板豬肉，一開始食到舔舔脷。以為又揾到一間可以經常食嘅韓國野。dxxm估你唔到，食到一半喺辣豬肉食出只曱甴，仲要得翻個殼。大佬啊，有冇咁大整蠱，我食左一半你先出現，仲要唔係全屍。人生真係第一次食到曱甴，真係想死。即刻同個韓國老細講，佢就急急腳話no pay no pay然後收走左個豬肉。然後我同佢話，我地食到一半，食到蟲咁點啊？佢就指住張單話no pay no pay。本身都唔想寫衰佢，但係今日嚟尖沙咀食飯又諗起呢間嘢，即刻反胃唔想食，大家睇路…Read More
