winn in's Profile

每日行過都見到好多人幫襯，今日終於可以準時落樓食個飯，就決定落腳大員。點咗素滷味，上餐時聞到好香，雖然香味同喺台灣食嘅滷味有啲分別(人生去過四十幾次台灣，非常記得台灣嘅係咩味)，不過，仍然好期待，因為本人好少喺香港食台灣菜。但係......啲汁都只係暖嘅，其他配菜都係冰凍，不足5分鐘之後，全碗都變凍食😑講真，打工仔匆匆忙忙食個午餐，唔會要求服務有咩溫度，但食物無溫度就……😐另外，食完飯返上office，個身好大陣油煙味，食肆嘅ventilation好重要(食環署有嚴格規定)……同埋唔知點解，門面餐牌上面嘅價錢同掃code落單時候嘅價錢……係唔一樣。…Read More

同狗仔出街玩完好肚餓，但一個人一條狗坐得舒適嘅選擇唔太多，由於呢間餐廳係寵物友善又可以坐室內，一於試下。點咗大啡菇意大利飯，飯唔稀爛有口感，汁有菇菌香，如果鍾意食清淡甚至會覺得濃，不過一餐半餐我ok嘅。大啡菇煎得好香，仲有香料調味過，菇香更突出，如果再大隻少少就更正值得一提嘅係，老闆好親切，會向你解釋menu然後作出推介。而且睇得出佢真係鍾意狗，會走埋嚟同狗玩，又準備零食餵狗(仲要係靚嘢)。另外一位間知係咪佢媽媽，一樣鍾意狗，當日最後個廚都出埋嚟玩狗下次會再嚟，想試埋menu上其他菜式，不過因為懷孕嘅關係，暫時無緣試佢哋嘅飲品了。…Read More

可能大家要求唔同，所以comment有啲兩極，平時唔寫食評，不過希望寫幾句叫店舖進步。午市 $88，自助形式，但同步叫外賣飯盒嘅食客都係攞同一堆食物，所以熱盤好快攞哂，冇refill。地方淺窄starbucks都大間過佢，熱盤只係得六款(包括白飯)，湯有一款糖水有一款，炸物都係凍嘅。可能本人食嘢比較清淡，感覺菜式頗鹹及油膩，例如五條菜心用清水過一過 ，一層厚厚嘅油浮曬上面，又例如炒麵好鹹， 重口味嘅食物同職員冷漠嘅態度成對比。印象最深刻嘅係下圖嘅香蕉釀苦瓜。…Read More