greentealegend's Profile

舖頭主打赤醋壽司 魚生新鮮 而赤醋可以令魚生嘅鮮味更突出 好少見小店有呢一份心思👍👍-但其實我覺得個海鮮丼出色過壽司海膽好新鮮 🍣蛋黃橙黃色應該用左靚嘅日本蛋成個丼飯滿滿嘅蛋汁 同新鮮魚生 超級夾同超級好食👍-另外仲有叫咗薄燒A5和牛 🥩🥩俾左細細個pan自己燒 幾特別和牛嘅雪花幾靚仔 入口即溶 配鹽醬最夾 🤤 A5黎講都幾抵食-而家做緊promotion 每張枱跟人頭送1份和牛三文治 送黎講 不過不失啦😂😂😂-見到好多其他食客食壽喜燒鍋望落好大份 下次有機會會再去試！😊-環境乾淨企理 最難得嘅係服務態度非常好整體體驗唔錯 希望繼續保持落去！💕💕💕…Read More

上網見到有唔少人介紹專登約埋成班朋友用book枱食 👯‍♀️一行8人 店員話可以盡量安排房我哋坐 因為咁岩我哋係平日去又好好彩當日無乜其他大枱 最後都安排到房俾我地 勁開心！☺️我哋成班朋友都覺得依間真係正！值得推介！ 其中青檸明爐魚同咖哩蟹係一！定！要！試！明爐魚酸辣調味啱啱好 勁開胃😻個人口味覺得唔會太辣 (利申:平時食開中辣)魚肉夠厚滑 無乜骨 個汁好正 仲有火熱住🔥！成班朋友狂搶！好想另外嗌一碗湯拎返屋企煮麵食 認真！🤣 可惜無得另外叫湯 咖哩蟹個咖喱真係世界級！🦀🦀唔知點解泰國菜啲咖喱次次都係蟹先會加蛋，但加左真係好食好多！😻因為依個咖喱，薄餅同蒜蓉包都加左幾次！🤣🤣🤣😻😻 無影到好多相 因為次次一上枱唔搶就俾人食左 但唔緊要 因為一定會再去！依兩樣係最滿意，其他都唔錯，好食過好多其他泰國餐廳，食完有好滿足的感覺 ！☺️☺️☺️…Read More

屋企人話身邊有唔少街坊推介呢間餐廳就帶埋我哋試，發現原來屋邨酒樓都可以做得有水準，的確值得推介。特別我最中意係個牛柳粒，勁好食，連啲薯仔都好脆口，上枱唔夠10分鐘已經俾人清晒。另外酸菜魚都好正，有大量寬粉，湯底唔會死咸，濃濃香椒麻香味，魚塊亦夠滑，份量合理。避風塘炒蟹有驚喜，炸蒜好香，惹味，蒜蓉夠香脆帶焦香，蟹肉厚而且做到唔止蟹殼有味，肉都入味，屋企人都覺得味道有驚喜。屋企人就話中意個堂剪BB豬。其他炒菜蒸魚白切雞嗰啲就一般正常酒樓水準。整體來講真心算係附近酒樓比較好嘅選擇，價錢人均都三百幾左右，我諗帶埋屋企人食係幾好嘅選擇。…Read More

#黑松露吉烈牛 #祕Openrice 見到好多好評就去試結果係有啲伏 難食稱唔上 但無必要等個幾鐘去食黑松露味好淡 牛有小小筋 🍖🍖油溢味太重 成張枱同隔板都油淋淋環境真係麻麻地 抽風形同虛設😭好似係廚房入面食咁 個飯素飯整得好hea 🤬🤬🤬飲品好少選擇 得汽水😑😑一個定食大概$200 D side dishes #薯條 芝士醬好淡#雞泡魚乾 就好普通 整體黎講真係唔係好推介😅😅價錢都偏貴 環境真係好麻麻😆味道十分普通📍secret chefs (Heung Shing Street)G/F, 22 Heung Shing Street, Tsuen Wan…Read More

#祕魯日本菜 Nikkei 最近見到外國成日試nikkei依種菜種即係祕魯日本菜 發現原來中環都有 就出發試下❣❣ Lomo Saltado “EI Taco” $100個Taco皮唔係crispy 🌮🌮又唔係平時soft taco 果種質感 似餅咁有啲奇怪😅😅 個sauce 就酸酸辣辣 整體一般Buri Tiradito $155刺身個賣相有啲差 啲葱亂pat 上去咁 但味道ok 個sauce唔會搶左魚鮮味 😻 #Ceviche Japones $140味道似泰國青咖哩同魚生唔夾 食唔到鮮味 哂左條魚🐟🎏 Secreto of TokyoLma $280慢煮伊比利亞豬 個sauce 好惹味肉夠厚 肉質好淋 肥瘦適中 😋😋 #Picanha $180好厚肉 勁滿足❣旁邊啲fried sweet photo好crispy 🍠🍠 甜品 Lady Marmalade $120蛋糕太乾 Sorbet溶得好快同太酸 唔太夾 🍧 Overall 成個dining experience 係ok嘅食物環境唔差 除左嘈左啲但想講返 去前已經講左唔坐bar枱 到左照安排我地坐bar枱但明明見到勁多空枱 依個位有啲扣分🙃🙃 📍TokyolimaG/F, 18-20 Lyndhurst Terrace, Central…Read More

#黃店 #隱世小店🌟Japanese – styled marinated egg yolk Toast ($68)🍳SUPER YUMMY!! The toast was thin and crispy. 🥚🌸 It matched well with the egg yolk and had a buttery texture. Recommended.🎋🌟Beef wellington (Reserve required) $638 (too pricey 💸💸)It was reasonably cooked, the beef was tender but a bit salty to me. Personally, not a fan.🥩🥧But my friend think it was perfect. So I guess it really depends on personal preference. 😖🌟Prawn Pasta MUST TRY! ($168)🍝Strong taste of garlic! The Prawn was yummy and pasta cooked al dente.🦞🦞🌟Raspberry Sorbet – very refreshing taste and nice presentation. Perfect ending for the meal. 🍧🔛 I can feel their effort to create an atmosphere for fine dining but a bit fail to be honest.😅 Foods were not bad🙌🏻 but staff were not attentive enough, table and cutlery were not cleaned well and was a bit oily㊙️㊙️. Overall considering the food quality, still a nice place worth for a visit. 💛🧡💛…Read More

牛角次男坊平時好中意食牛角飯 所以見到牛角都有丼飯就決定試下🥳🥳#燒牛肉丼 疊到好高好吸引 但其實個碗中間係突起左 所以實際份量只係正常😂牛肉片不過不失 偏薄好香 燒肉汁惹味 #燒鹽麴牛舌丼定食牛舌都幾彈牙有口感加埋汁 好好食🥳個人認為好食過燒牛肉飯但兩個個飯都一般 雖然有好多汁同紫菜但同牛角飯係有分別唔知係咪兩款唔一樣嘅米我食落感覺都係牛角飯好食啲😂😂整體不過不失 成set大概80蚊左右包野飲仲有個細沙律 小貴…Read More

禁晚市堂食前打邊爐 如果唔係都唔知幾時先有得去😅😅花膠雞煲大概$298任食 食物種類都多😋不過就無乜海鮮 唔太適合鍾意食海鮮嘅朋友環境係懷舊香港風味 幾有特色好多小細節 可以滿足喜歡影相打卡嘅人 🍲🍲湯底揀左花膠雞湯 味道正常但好足料最正嘅有兩塊好大嘅花膠 真係接近A5 size🤣煲到好淋一大啖花膠咁食勁滿足!!🎏🎏剩係食個花膠都飽飽地🤣🤣🤣另外雖然係任食 但啲牛都好大碟任食火鍋黎講 價錢算合理😛服務都算attentive 不過唔去太夜去 因為佢地大概0930左右就收枱催人走 依樣就有小小掃興 🤣🤣 但整體都係可以一戰😋😋…Read More

美人鍋 $400一個鍋 份量寫係二人份量 但我就認為似一人多啲我地兩個人加左兩個烏冬先飽 可能係我地大食😆湯底十分油 菜係新鮮但一人一條已經食哂😂😂😂但雞只係得骨無乜肉肉丸更係一夾就散毫不彈牙 零口感 整體感覺勁似食菜頭菜尾 三文魚框飯 大概$60黎到先知竟然係壽司size （份量小過手卷）完全俾佢啲相呃左🤣🤣相係正常飯size 職員亦無提醒過實物差咁遠出到黎係成份法國料理咁 依種營商手法真心笑左好食都可以放過佢 但味道係劣到爆魚太老無鮮味得個鞋字調味係淡淡豉油 飯太多水做唔到粒粒分明 真係勁劣相信餐廳係sell環境service咁環境的確係舒服同有氣氛可惜部分侍應態度十分惡劣 長期圍埋吹水 叫幾次先黎帶位個哥哥更全程西面 依個價位依種服務依種食物係有啲「喜出望外」😆😆整體用餐體驗令人極度失望 想感受下咩叫與圖片說明不符嘅可以一試價格偏貴 貴得黎無service又難食一定無下次…Read More

#芋泥紫薯吐司 🍗🍡🥰#芋泥 #紫薯 口感好綿密 份量十足一淡咬落成口芋泥紫薯感覺好滿足吐司烘得剛剛好 但紫薯無味芋泥亦只有淡淡芋頭味 整體好淡 真係食得出係無添加無調味😅#魯肉飯 唔錯 魯肉半肥瘦 有油香 🍗🍗但無酸菜就好似差啲嘢咁 仲有個炸物 不過太普通所以廢事影#蜂蜜綠茶 同 #高雄珍珠紅茶都係一般 無驚喜 不值多提☕🍵服務員大部分係年青人無乜service可言 比較hea😅😅整體 平平無奇 芋泥無添加無乜味無特別🙃🙃…Read More

Gordon Ramsay 係海港城間Maze Grill無左換左間新西餐 Harbourside Grill環境好好望住維港個海景🌉就算唔係窗口位都幾舒服幾Chill新開幾個月 服務質素都不錯Main course 叫左cod fish同雞胸春卷🎣魚唔係特別滑 魚下面有啲湯浸住唔熱但好清甜成個感覺清淡唔油膩 食落無罪惡感😘雞胸春卷 個春卷就普通雞胸本身都好難煮得好食而依間餐廳都比唔到任何驚喜雞胸一樣係咁又鞋又乾🥶本身鍾意食墨西哥辣椒見到Menu 有個墨西哥辣椒薯蓉幾特別 🌶唔係周圍見到就試埋 個薯蓉好滑雖然綠綠地色但其實無墨西哥辣椒味就咁直接食d墨西哥辣椒撈薯蓉原來又幾夾幾香口🤩🤩整體主要都係食個景 好chill同relaxing食物質素合格 Service 好好…Read More

咁岩經過見到排長龍嘅新餐廳就試下咩料 8點等到夜晚9點幾先有位 舖頭入面係咁播啲幾chill嘅泰文歌 配上暗黃色調 幾好feel 叫左個pad thai同芒果糯米飯Pad thai 份量好多 2個人share都可以偏重蕃茄味 有穫氣 街坊店黎講幾正而芒果糯米飯就甜度適中 賣相普通 但又係好足料勁多糯米同椰汁 芒果唔酸 但芒果太小 食完啲芒果仲有剩好多糯米飯如果啲芒果大粒啲會正好多整體都大份夾抵食 味道唔差 啲員工都幾好傾唔怪得街坊店都咁多人排 我見佢地自己沖青檸加檸檬梳打黎飲幾得意 但我menu見唔到 就多口問句咩黎個呀姐勁好人沖左杯請我飲俾我試下😅😅😅 …Read More

非常有heart又唔貴既隱世fusion 菜位於大角咀富貴街一去到已經有人介紹飲咩酒食咩菜我地叫左個魚生海鮮飯 小小串燒燒鴨胸 仲叫左啲chorizo 送酒飲所有食物都係十分高水準魚生海鮮飯 夠香調味剛剛好雖然串燒一般水準正常發揮🍗但個鴨胸整得好好唔會鞋口 油而不膩 諗返起都流口水個廚師話會定期轉menu所以今次食到下次未必食到😆😆雖然環境較細 但係充滿誠意既餐廳有種溫馨既感覺 食物相當高質 價錢合理好適合一路飲酒一路慢慢傾計性價比好高 (廚師同我地講 如果男士們想製造浪漫 可以同個廚師預早商量菜單 廚師可以配合你既budget tailor made off menu既course set 啲女仔黎到唔洗諗食乜 好似廚師發辦咁 輕鬆製造儀式感…Read More

大推西班牙海鮮飯🦞飯粒厚度適中 面頭有飯焦內裏軟熟粒粒分明海鮮唔單止完全無急涷味 食落仲新鮮彈牙多汁飯入邊仲有salami 充滿咸香 算係高質西班牙海鮮飯🥘🥘唯一缺點係個portion 唔夠大😁😁 另外揀左四款級數嘅伊比利亞火腿拼盤 iberico ham platter 有一款30個月白毛豬 三款黑毛豬分別係36, 48 同64個月個人認為最好食係36個月油分夠多味道唔太咸反而64個月既就最重咸味 油脂相對無咁多食完陣咸香仲會留係口腔一段時間 yumyum😇雖然餐廳主打伊比利亞火腿但係個西班牙海鮮飯更出色值得一試🤪🤪…Read More

Teppanyaki Lunch set only cost about $300 to $350. Teppanyaki dinner usually cost about $800 - $1200 which means the lunch set here was half price cheaper than dinner. Super worth to try. I chose the Seafood lunch set ($350) here. It includes fish, scallop, salmon and prawn, side of veggies with fried rice/fried noodle. Light refreshment include salad, miso soup and Japanese kimchi. Nice environment and outstanding customer service. Food were presented beautifully. Although foods are a bit oily (usually cooked with quite a lot of butter and oil), its acceptable to me and the taste is above average. Chef cooked in front of us which is highly IGable.It can reserve table from 12:00pm to about 2:00pm. Good choice for a lunch meeting with friends.…Read More