焦糖茶走's Profile

中午去開Mega Box，就同老人家過來飲茶，lunch time都好滿座。一入到去就見到乳鴿同煎堆一車車咁推出來， 差不多枱枱都有叫。好明顯係一個重要的signal → 必食😆原來午市做緊買一送一，我地當然不能錯過。 乳鴿上枱熱辣辣，皮脆肉嫩，咬落多汁， 絕對抵食！👍煎堆仔的賣相同顏色都相當吸引，四個大大粒都係$20。火喉炸得啱啱好，外面脆 內裏煙韌，甘香可口， 果然值得叫。😋其他點心就不過不失，可能我地食完乳鴿 同煎堆已經好飽，無法再細味😆估唔到呢個午餐有驚喜😋…Read More

平時好少會去食燒肉，今次出席友人安排的飯局， 偶爾放題一下。友人book了週末lunch時段， 上到去一定要齊人先可以入坐，因為用餐有限時。入到去發覺個格局唔錯，因為位處高層又有大玻璃窗，光線充足，感覺開揚。而且lunch time好少人， 無打仗的感覺，食得好舒服 。 研究完個menu，我哋決定叫SRF極黑牛餐牛肉的質素好好，望落好新鮮而且牛味十足，我哋已經搞不清部位的分類 ，總之就不斷encore！😋我建議可以放棄雞肉同豬肉，專攻牛肉💪 海鮮的選擇就麻麻，我哋order的大部份海鮮都漏單，有一個用錫紙碗裝住的蜆，燒咗半個鐘都未滾😣自選蔬菜區選擇亦不多， 最推介係菠蘿， 燒完又甜又juicy😋我個人不太著重放題種類是否豐富，只要主角的牛肉質素高，已經覺得好讚！👍…Read More

我真係好鍾意飲茶，出發踩單車前，當然要來醫飽個肚。 本來以為假日一定會好多人等位，點知去到唔使等， 我哋兩個人 即刻有位。見到落單紙好豐富，樣樣都想試，特別係一啲懷舊嘅點心。 我哋循例都係叫蝦餃燒賣嗰幾味，口感同味道都唔錯。另外再叫左個籠仔荷香鮮斑飯， 個飯一上枱我地 即刻呆咗，個份量超乎我哋想像。 原本以為係一至二人份量，點知嚟到先知係四人份😮 兩個人硬著頭皮食，最尾都係食唔曬啲飯，有啲浪費……本來仲諗住叫個甜薄撐作結尾，依家都唔係間間茶樓有賣甜薄撐，難得遇到。但係因為食個飯食得太飽，所以無緣一試，唯有寄望下次。總括而言，呢度真係大件夾抵食，下次入嚟大埔玩我會再食多次。😋…Read More

突然想食烏冬，但間鋪的入口好隱閉，睇完商場水牌，仲要問人先搵到。原本已經好抵食，tea set就更實惠。 烏冬保持一向水準，但自選食物質素麻麻，而且選擇較少。 可能我第一次食丸龜係喺日本， 所以有咗比較，日本丸龜嘅天婦羅超讚。由於係平日，間舖又自成一角，所以冇乜人。我揀咗個落地玻璃的窗口位坐， 曬住太陽hea咗一個下午。 要enjoy一個悠閒嘅下午茶，又有寫意的環竟原來唔一定要去文青cafe。😆 我真係好彩，估唔到喺呢度都有cafe嘅享受。😂…Read More

去完誠品，就過左嚟搵嘢食。本來只係想入嚟食個沙律做晚餐， 結果忍唔住叫咗其他嘢食。😆我哋order咗椰香青咖哩青口蜆+Four Season pizza +芝士焗蟹肉配多士椰香咖哩青口蜆，分量不大，但青口肉同蜆肉都好嫩滑，配埋個汁好惹味。Four Season pizza，即係有哂四種口味， 對於兩個人嚟講，pizza的份量超級大。 可以一次過試曬四隻口味都係一個唔錯嘅選擇，本人最鍾意係Five Cheese😍口味濃郁,但邪惡感十足🙈芝士焗蟹肉配多士， 蟹肉的鹹香味好突出， 漏晒黃油，配多士一絶！我地兩個人飽到不得了，無辦法再食得落個梳乎厘，唯有下次先再試～…Read More

週末入長洲探朋友，次次臨走前都會搵個甜品食下。 喺碼頭附近嘅巷仔發現呢間小店， 好乾淨好光猛，雪櫃入面放滿一支支糖水，非常吸引。試咗皇牌桃膠、芋圓，都好滿意。😋王牌桃膠十分足料，飲落啖啖都係桃膠，大大嚿，又q又彈，口感十足😍而且又唔會太甜。芋圓同樣份量十足， 落料好豐富，一個人根本食唔曬，要同人share先KO到！估唔到呢間小店賣嘅糖水咁高質，好有驚喜！ 而且佢個糖水包裝好方便，可以一邊行一邊食，食唔曬又可以冚返個蓋， 拎上船又得👍期待下次入長洲再試😋…Read More

週末經過見到，就入去食個下午茶。 間舖頭好新淨，幾好坐。我哋叫咗鮑魚火腿撈丁特餐+瑞士雞髀撈麵特餐賣相好靚仔，炒蛋上面有黑松露醬， 撈丁上面有兩粒罐頭鮑魚，望落感覺唔錯。 可惜食落個撈丁冇味，兩粒鮑魚係凍嘅，連跟餐塊多士都係凍嘅……個瑞士雞髀撈麵一上枱令人譁然！ 因為我未見過茶餐廳嘅雞髀可以咁大隻， 好似火雞雞髀咁大隻。 原本佢隻碟已經大過個頭， 隻雞髀大到都差啲放唔落，望到的確令人好興奮。 都係嗰句， 食落隻雞髀又老又鞋，瑞士汁撈麵都冇咩味……總括一句， 味道與賣相不符。…Read More

星期日行完山，終點係山頂，入夜開始有d寒意，所以想買杯嘢暖下肚。見到呢間鋪好多人，又未試過，就諗住湊下熱鬧。 點知真係"一試難忘"！入到去條龍都幾長下，排咗一陣突然之間聽到收銀有好大噪音，仲嘈過啲人聲。原來係有個staff用發洩式掟收銀機的動作，喺度埋數。 我見到都驚一驚，佢好似控制唔到自己情緒咁。😨然後到我order的時候，我就拎起檯面個menu，企係原地回頭confirm朋友的選擇，只係幾秒的時間。誰不知那位製造噪音的staff突然凌厲高聲呼喝我放低個menu！我嘗試同佢解釋因為menu反光所以我先拎來睇，但佢不斷用唔鹹唔淡嘅普通話呼喝我，完全聽唔到我講嘅係廣東話。😰 佢咁嘅精神狀態令我覺得好唔妥，佢根本冇辦法接收正常言語的溝通，所以我冇再嘥時間理佢。 而且我面前嘅收銀員 俾左我一個"你懂的”嘅眼神,我立即回佢一個”我明白"嘅微笑，繼續我嘅order。其實我目的只不過係行完山後，想買杯嘢飲暖下肚，唔洗對我惡言相向。喺我等候飲品期間，留意到呢位製造噪音嘅staff(粉紅染髮), 身上掛住店長的名牌， 著實令我驚訝！ 佢嘅行為表現，完全唔符合佢嘅職銜。 在位高者，理應係解決問題，而唔係製造更多嘅問題。 我建議資方應該定期評估員工的精神情緒，從而判斷員工是否適合前線對客工作。決定得喺山頂插旗開店，某部分都肩負咗宣揚香港嘅責任。 唔好因為不勝任嘅員工，而影響其他人對香港嘅印象。講返杯茶，我叫咗杯芝士茉莉毛尖熱茶。 開頭仲擔心芝士同熱茶唔太夾，但飲落都ok。 佢哋嘅芝士奶蓋比較薄，質感欠奉 。 對比起來，喜茶嘅芝士奶蓋厚好多，質感綿密。 今次係第一次幫襯，應該都係最後一次。👎…Read More

中午同老人家黎飲茶， 繁忙時間都唔使等位，即入。 轉手後裝修光猛咗好多，座位頗為闊落，坐得好舒服。點心同小菜嘅選擇好多，仲有d好少見的懷舊點心， 淨係望張點心紙已經好吸引！鮑魚燒賣+七彩蝦餃果然冇令我失望，大大件，蒸的火候剛好，表皮冇溶冇爛，餡料都好新鮮。 但包點的味道就稍為遜色， 雖然公仔的賣相好可愛，不過唔太好食。而令我最有驚喜的係紅棗糕～ 材料的比例配得好好，所以口感煙韌，又q又彈口。 食完之後，陣紅棗的香味仲留喺個口同鼻腔入面，真係齒頰留香😋 有一點我感覺不太好，就係佢用的膠杯膠碗膠碟，大大影響用餐的感受。 其實佢收的茶錢已經比普通茶樓貴，用的竟然係毫無質感的膠餐具，確實有d失望。 另外佢的銅茶壺設計好有問題，令我多次燙親手。呢度嘅食物質素唔差，但餐具嘅細節就令人印像大打折扣，有點可惜。…Read More

今晚想飲個湯，所以諗住搵間酒樓解決晚餐。第一次來呢度食，座位好闊落，加上平日唔多人，完全唔需要等位。見到羊腩煲$28, 即刻去馬😍羊腩煲並無因爲特價而hea做，好足料好多羊肉，完全唔羶，又不會太咸，$28真係好抵食！花膠響螺雞湯$98又係另一抵食之選，大大盅，夠5～6人份量，入面d料好多，淨係雞腳都成十隻，好出味，我地好滿意呢個湯👍卜卜脆蘿白，好醒胃，平衡到肉的油膩感，真係如其名好爽口好卜卜脆，十分有口感。板燒黑椒豬手，因爲太大份，知道一定食唔曬，所以一早打定包，所以無原圖😆以百零蚊的價錢算係咁，又大份，都幾惹味。不過點都有d雪水味，我發覺係香港食豬手都有呢個問題。呢餐的性價比算好高👍下次可以再黎開飯😋…Read More

經常會嚟呢度幫襯，因為佢啲嘢又大碟又好味。就算係平日，門口都有好多人排隊， 好旺場。今晚凍凍地，我地叫咗：啫啫雞煲+瑤柱上湯浸豆苗+冰梅骨 +必叫的鮑汁鳳爪❤️啫啫雞煲：好夠鑊氣，好惹味，雞的分量好足夠，送飯一流！瑤柱上湯浸豆苗：大大碟，比一般酒樓的份量大，豆苗煮得啱啱好，口感一流！冰梅骨：又係大大碟，酸酸甜甜好好味， 外軟內脆，兩個人最尾都係食唔曬～鮑汁雞腳： 呢個係我每次嚟食都會叫嚟做頭盤，保持到一貫嘅水準，雞腳十分入味又有膠質👍食過好多次金潮，次次都冇失望，會不斷幫襯…Read More

中午唔想煮，所以同老人家落樓下食個米線。第一次食呢間，環境尚算可以，位置好闊落，又有落地玻璃，坐得幾舒服。加分項目係有個自助水吧檯，好方便。可能冇咩人幫襯，店入面得一個員工，又落單又埋單一腳踢，好難搵到人，都要等一陣先有人落單。我哋兩個人都係叫咗米線魚餐，一份紅鮪魚 + 一份倉魚 。但係兩條魚都好乾，好明顯唔係煎，係炸出來，而且仲炸到過曬龍......而佢地用作招倈的鮮魚湯底亦係平平無奇，無鮮味的感覺......算啦，求其食餐晏，都無咩要求，係難為了老人家要食條硬邦邦的魚。…Read More

同小朋友去科學館，貪佢最就腳，所以入去解決午餐。我排隊的時候已經表明未齊人，可以喺出面等齊人先入。但個阿姐係咁chur我入去坐。一坐低，就狂問我幾時齊人，來來回回呼喝式問咗成十次！😡 由於當時已經叫咗午餐俾小朋友食緊，否則我會離場。👎再講食物質素，其實係冇質素可言……沙爹牛麵勁難食，頭抽乾炒牛河無味，連個餐包到唔想食… 重點係杯咖啡好酸， 我哋兩個大人飲完都肚屙😤😤😤其實我唔明佢哋落單的意義係為乜，因為每一台的食物都上錯曬，有staff直頭每次攞到食物埋嚟就會大嗌："係邊一枱叫㗎?”整體而言十分悪劣，除非係附近返工無得揀，否則可避則避！…Read More

weekend節目排到密密麻麻，搞到好夜先有得食晚餐。路德圍大部分食肆都試過，但咪食過呢間， 而且開到凌晨12點，就試下！叫咗蚵仔米線+牛肉飯+炸物拼盤蚵仔米線好足料，有好多粒蠔仔，粒粒都脹卜卜好新鮮👍 牛肉飯就中規中矩個炸物拼盤好地道，有幾款唔同嘅小食，好豐富，好好味當時已經好夜，所以都有好多人入來食甜品。 本來我哋都打算食完飯，叫埋甜品試下。但係我見到佢哋甜品的賣相就麻麻，下次再來食，我都會揀返食主食～…Read More

今日做野做到好晏，同同事諗住求其快脆食個晚餐。 行過板長，諗住都好耐冇食過， 就決定食佢！ 點知入到去，一個人都無，我兩個包場，當時係夜晚八點幾，心知不妙。 真係好耐冇食過板長，感覺選擇少咗好多。order嘅野好快到，因爲全場得我地一枱。個花之戀，筷子一掂就全部散曬，無從入口。芒果軟殼蟹壽司好唔新鮮 😫除左三文魚腩壽司係ok， 其他都唔想encore。 當時佢地已經進入收舖狀態，係濃烈的清潔液+漂白水環境，食清淡的壽司好有違和感，我地決定快速逃離現場。於是，我哋由坐低到離開只係留左二十幾分鐘， 完全符合"求其快脆"的初衷。😆…Read More