catherine70188's Profile

很多朋友都喜歡日本菜，尤其omakase ，今次選咗一個套餐，有前菜、味噌湯、主菜和甜品， 由廚師發辦，每一道菜都充滿期待，感覺好正！前菜：酸甜茄子松葉蟹，嫩滑鮮味茶碗蒸，好醒胃！十三貫壽司 鯛魚、油甘魚：魚肉比較清淡，再有海甜蝦、赤身、魷魚、北寄貝新鮮美味；深海池魚、赤貝肉質爽脆味鮮甜！拖羅 （蛇腹）魚腹部位，油份比較多一些，輕輕炙燒再用紫菜包裹吃，肥美不油膩！秋刀魚（季節時令）上面加有薑蔥蓉， 增加魚香味！銀雪魚：用比較細小的魚，魚肉面加有金山寺麵豉醬！左口魚裙邊：抹上燒魚豉油再炙燒一下，增加魚油香味，再加有柚子胡椒，滋味無窮！ 三文魚籽：壽司上鋪滿大大粒三文魚籽， 用杯盛載著，有滿瀉的感覺！吞拿魚手卷：用特別的卷法，令整件手卷放滿吞拿魚碎，每一啖都好滋味！最後品嚐味噌湯和抹茶雪糕，一頓豐富的晚餐，好滿足！…Read More

今天和朋友剛巧放假，便相約一齊行街睇戲，行到攰攰地，又未夠鐘睇戲，就响尖沙咀美麗華商場muji, 嘆過下午茶先 ，環境好舒適，餐廳有好多款式選擇：有素食套餐、飯餐和甜品餐，我哋就揀咗蛋糕及飲品，都好抵食喎！宇治抹茶紅豆芝士撻 抹茶加紅豆，係好好配搭，軟滑香甜好 creamy, 紅豆有少許口感, 呢個甜品係我其中一款至愛! 芒果撻裏面有很多新鮮芒果，果肉香甜，但唔會太甜，撻皮香脆，加埋一杯美式滴濾咖啡，香氣撲鼻，一邊傾一邊品嚐甜點，原來感覺都好舒暢好寫意！…Read More

朋友生日，揀咗位於尖沙咀一間餐廳慶祝 ，餐廳環境舒適，裝潢優雅！點咗沙律、串燒、主菜和甜品，非常豐富！無花果脆薯蟹籽沙律 新鮮沙律菜、無花果和青瓜絲，上面加有蟹籽、蟹柳絲和脆薯，清新開胃！蔥拖羅三色紫菜taco壽司手捲 Taco手捲用香脆天婦羅紫菜包裹著, 上面放滿香蔥拖羅、青瓜絲和大大粒的魚籽，口感豐富！跟著幾個串燒有：西班牙黑豚玉子燒、鮑魚釀雞翼、日本豆腐、雞中翼。加埋一杯 Grapefruit 和 Passion Grove，味道酸甜，品嚐美食好選擇！迷你蟹玉蟹肉酥盒撻酥盒撻放滿蟹肉絲和蟹籽，上面伴有蟹黃 ，整件入口，蟹肉絲好鮮甜好有滿足感！北海道辣味魷魚肝松葉蟹肉意大利麵 辣味魷魚肝汁，把松葉蟹肉的鮮味大大提升，加上意大利麵軟硬適中，味道微辣，調教得非常好！菠蘿焦糖燒 ：菠蘿經燒烤後份外香甜！ 北海道牛乳紅豆布丁：牛乳布丁加入紅豆蓉唔太甜，布丁順滑香甜！…Read More

今天和朋友飯聚，揀選咗位於尖沙咀的一間日本壽司店，店舖剛巧做週年祭季節限定大優惠 ，主打自選壽司，食材好新鮮，主要來自北海道、九州和沖繩，打折後好抵食！前菜：上面加有松葉蟹碎的絹豆腐、香甜嘅鮮蕃茄和爽脆帶有微酸的水母，前菜非常醒胃！十四貫深海池魚、蜜柑鯛：廚師用一些唔太濃味的鮮魚，打開我們的味蕾！跟著就是北海道間八：上面加上鹿兒島麵豉醬，將魚肉帶出鮮味！鰈鮫魚（即右口魚）：上面還放了一件灼燒過的魚邊，增加口感！車海老：用火灼燒一成熟九成生，令蝦肉有質感且鮮甜！新鮮帆立貝、赤貝：上面加些檸檬汁，飯內加有柚子皮，好清新！赤身、中拖羅、秋刀魚（上面加薑粒、洋蔥）味道鮮甜！金線鯛（又名紅衫魚）、 金目鯛 、黑鮭魚係深海魚，所以味道非常鮮美，食到好香甜嘅鮮魚味！最後還有香濃麵豉湯及濃香嫩滑嘅抹茶奶凍，一頓豐富的晚餐，好滿足啊！…Read More

近兩星期沒有出街吃飯了，今天特意和朋友揀選咗一間日本料理的鐵板燒餐廳，環境舒適，套餐仲好抵食！～有機野菜沙律～ 加咗藜麥的野菜沙律，清甜可口！～蟹肉魚翅蒸蛋～蟹肉魚翅的搭配，令蒸蛋鮮甜嫩滑，口感豐富！～虎蝦～（加168元升級珍寶大蝦） 蝦頭的膏鮮甜味美，蝦肉爽口彈牙！～美國安格斯薄燒～（加298升級和牛薄燒）和牛捲著香蔥蒜粒燒，令和牛肉味提升，份外滋味！～魚子醬鵝肝多士～ 鵝肝煎得香脆內軟，加埋魚子醬多士一齊食，味道非常好！～銀鱈魚～ 肉質鮮嫩，外表香脆，特別的醬汁，增添魚肉鮮味！～汁物～味噌湯加入海帶、豆腐、腐皮，味道豐富！ 甜品係豆腐雪糕，把整頓晚餐劃上完美句號！…Read More

和朋友好鍾意食串燒，今日呢間餐廳主要以雞為主，但都有很多選擇的。首先揀咗煙燻鹿兒島燒腩，好濃煙燻香味，腩肉肥瘦均勻，好滋味！京蔥雞、雞腎、雞橫隔肌、雞胸紫蘇葉、 雞皮和雞蠔肉，每個部位都有不同口感，但味道鮮美！雞胸軟骨好特別，和一般軟骨唔同，脆硬少少，但送酒一流！雞中翼用鹽燒方式，還帶有微微蒜香味！換換口味，點了一些蔬菜：茄子、冬菇、日本銀杏、青椒仔、蘆筍、雞髀菇、翠玉瓜和珍珠番薯仔，可以清一清味蕾！還有牛舌、鱈魚乾、厚揚上面加有木魚絲，可令豆腐味道提升！雞油渣炒枝豆、雞油炒雜菜、雞油炒拉麵 ，用雞油炒的各種食物，香味濃郁，份外惹味！果味氣酒（巨峰味 ），烏龍茶割燒酎，係食串燒最佳拍檔！甜品係日本燒湯圓（花生、芝麻），熱熱地覺得好特別！…Read More

都好耐冇嚟中環太古廣場，今日相約朋友到商場行街食飯，見到有間泰國菜館，菜式唔錯好吸引，環境又舒適，就決定食泰國菜啦！泰式東北小食拼盤 有生菜包、炸茄子、香草豬肉丸及香草醬腸，加埋佢嘅特制醬汁，少少酸辣可減低油膩感！泰式珍寶蟹肉炒金邊粉 粉係好爽口，配埋海鹽、花生碎、蒜粒份外惹味！海鮮冬蔭功 味道酸辣恰到好處， 非常適合香港人口味，冬蔭功裏面有各式鮮味海鮮，再加上佢用小爐把湯暖著，令每一口湯都暖暖在心頭！菠蘿海鮮肉鬆炒飯 （配大蝦）菠蘿鮮甜，配埋海鮮肉鬆嘅炒飯，口感豐富，大蝦鮮甜爽口！手工班蘭葉包雞 雞肉鮮嫩還帶有班蘭葉香味，配酸甜加少許辣的醬汁，好滋味！Fresh Mango Smoothie & Fresh Coconut Smoothie 係100％鮮果製造，非常清甜可口；還有一杯 Green Apple Mint Soda, 酸甜帶有薄荷香味，感覺清新舒服！…Read More

今日和朋友到銅鑼灣食鐵板燒，餐廳環境舒適，設計主要係兩張吧檯，客人望住廚師烹調食物，另有一番風味！點咗一個極尚和牛2人套餐：有前菜、活燒海鮮、和牛、湯和甜品非常豐富！西柚蝦沙律：新鮮沙律菜加有西柚粒，味道清新！活燒澳洲龍蝦：龍蝦燒到七成熟再加入蝦膏一齊再爆炒，香味濃郁，蝦肉鮮嫩爽口 ！活燒南非鮑魚：肉質鮮味彈牙！和牛薄燒：用上鹿兒島A4和牛，捲著香蔥燒香，香蔥增添和牛香味，係好好配搭 ！雜菜用牛油炒香，份外清甜！ 牛舌厚燒：係我非常喜愛的一種食物，有嚼口但不覺太勒！日高昆布蜆湯：用先前的龍蝦頭加上蜆、昆布一齊煮成，味道鮮甜可口！海膽海鮮炒飯：飯粒加入海膽海鮮炒，香氣撲鼻，味道豐富！…Read More

朋友從外國回港，便相約到大澳一日遊， 早上出發從東涌乘11號巴士到大澳，需時一小時15分；到埗後四圍遊覽和欣賞風景非常舒服！當然唔少得品嚐一下當地小食，如雞蛋仔、茶果非常美味！沿路一直行會見到一座係舊警署改建的酒店，2樓係餐廳，到咗中午時分，我哋就在酒店餐廳食晏，各人點選一個套餐有湯、主食、甜品和飲品，都幾豐富！牛肉漢堡配炸薯條：牛肉漢堡大大份加上係粗薯條，感覺特別好味！雜菌蝦肉卡邦尼意粉：味道好好，意粉可以硬返少少就更理想！咖哩牛腩配白飯：牛腩肉質鮮味，咖哩汁尚可，但無太大驚喜！甜品係雜果慕絲，唔太甜好好味！總括嚟講，可能今次點的食物比較普通，但在餐廳裏面，邊食飯邊欣賞海景，清幽的環境，就非常舒適寫意！…Read More

每次想食豚肉串燒，一定想起這間店舖，因他除主打豚肉串燒，還有很多選擇，我和朋友都非常喜歡！前菜係酸甜蕃茄，好醒胃！刺身盛有三文魚、油甘魚、帶子和赤蝦，海膽加在紫菜上面吃，鮮甜味美！原條魷魚筒：經燒烤後醮上醬汁， 更可帶出魷魚鮮味，肉質又彈牙！煙燻豬腩：豬腩肥瘦均勻，煙燻後外表微脆， 肉嫩而且有肉汁！牛油果伴芝士：牛油果上面伴有木魚絲和芝士，加上牛油果的軟滑，層次感豐富！上等豬脷串、 豬小腸串、 豚肉豬腦串，都係屬於豬內臟，如果接受到，係會感覺幾特別，且有嚼口！林檎紅薑豬肉卷：豬肉卷裏面放有蘋果紅薑，好清新香甜，唔覺豬肉肥膩！花生苗卷：豬肉包著花生苗做串燒，花生苗爽口，還帶有一股獨特的香味！味噌煮：裡面放有日本蘿蔔、油揚，吸收了味噌的味道，好滋味！燒菠蘿呢個甜品，係我和朋友的至愛，所以覺得份外香甜！乳酸味氣酒和巨峰梳打，係我地食串燒必有的飲品，酸酸甜甜，減低串燒的油膩感覺！…Read More

今日和家人到東涌東薈城行街，差不多晚飯時間，想食個簡單晚飯就回家。經過見到間正斗，睇佢餐牌還有晚飯小菜，就入去試試。點多三個餸，仲諗住可以食埋雲吞麵添！三杯雞煲：雞肉味道幾好，配料有很多青椒、洋蔥和香菜，送飯一流！ 帶子蒸豆腐：豆腐和帶子上面用少去蒜頭豆豉醬蒸，味道清新！魚片炒菜心： 鯪魚肉煎香切片，都有魚肉味，加埋菜心炒，健康好味！個人覺得如果要求唔高的話，小菜都可以 ，跟住點埋雲吞麵，店員告知雲吞麵有一小碗的雲吞麵做緊優惠，裏面有三粒雲吞（29蚊一碗 ）咁就叫咗兩碗試試吧， 雲吞麵畀想像中大碗，麵質爽口彈牙，認真抵食！…Read More

浜燒意思係海鮮在岸邊即捕即燒，是日本傳統烹調新鮮海鮮的方式；今日就嚟到銅鑼灣呢間餐廳，選咗一個二人套餐，佢就係主打用呢個方式烹調海鮮，令味道和肉質鮮味無比！蟹籽蟹肉沙律 新鮮沙律菜伴以鮮甜蟹肉、蟹籽，再淋上香醋，夠醒胃！刺身三點 厚切三文魚、拖羅，鮮甜而油脂豐富，但不膩口，大大隻赤蝦肉質好鮮甜！龍蝦浜燒（芝士 ）龍蝦肉質彈牙，鮮甜味美，拉絲芝士和龍蝦真係絕配！活帆立貝浜燒（清酒 ）用清酒烹調，令帆立貝保持原汁原味，更加鮮味、清甜！蒜香牛柳粒 牛柳粒嫩滑有少許嚼口，香蔥蒜片令牛柳粒鮮味更突出！龍蝦頭味噌烏冬 龍蝦頭熬製的味噌湯底，加上滑滑的烏冬，好滋味啊！…Read More

今日好想食串燒，就嚟到位於銅鑼灣呢間店舖，佢主打以豚肉做各式串燒，唔同部位味道同口感都各有特色！原來逢星期日至四，部分串燒還有半價優惠，好抵食！蕃茄配上蒜蓉、香蔥和醬汁，酸甜可口！牛蒡漬物有淡淡香醋味，入口爽脆 ！芝士竹輪午餐肉串：口感豐富，經過燒烤芝士味道更濃郁！雞翼串：特別選用細小的雞翼，外皮更香脆，帶有煙燻香味，肉質嫩滑！焦糖玉子燒：濃濃蛋香味，加上甜甜焦糖，好滋味！雞髀菇串、汁燒茄子串：燒香後淋上特製燒汁，醒胃！西班牙黑豚肩肉串、黑豚豬頸肉串、黑豚夾心肉串：肉質香嫩，油花分佈均勻，味道醃製恰到好處，非常惹味 ！豬顎骨肉串：肉質鮮味有嚼口！豬肝串、豬心串和豬腰子：食落和一般感覺唔同，口感特別！蒜心豬肉卷、紫蘇豬肉卷、九條蔥豬肉卷：豚肉裏面加有特別香味嘅蔬菜，將肥膩感覺全消除！食串燒不可少的乳酸梳打、薑汽水割燒酎，酸甜醒胃，還可幫助消化呢！…Read More

黎到上環一間樓上西餐廳食晚飯，環境清靜好舒服。揀選咗一個二人套餐，有前菜、沙律、餐湯 、主菜和甜品，非常豐富！ 烤蜜糖啤梨伴巴馬火腿沙律新鮮沙律菜配上清甜烤蜜糖啤梨，清新可口，還有巴馬火腿伴有芝士片，令沙律好有層次感！黑松露蟹肉多士 香脆多士上，放滿香濃黑松露醬配鮮味蟹肉，味道好夾，滋味無窮！海鮮湯 濃濃海鮮味，湯裡放有一隻新鮮大青口，令海鮮湯更加鮮甜！慢煮阿根廷紅蝦羽衣甘藍香草意大利麵 有四隻阿根廷紅蝦，鮮甜美味，意大利麵用羽衣甘藍香草醬汁烹煮，味道好特別！10oz美國頂級西冷牛扒 西冷牛扒五成熟剛剛好, 牛肉味濃，肉質鮮嫩！ 焙茶焦糖燉蛋 焦糖下面係濃濃茶香味嘅燉蛋，香滑味美，令人回味！…Read More

相約朋友到銅鑼灣逛街，就在附近搵咗一間韓國餐廳食晏先，餐廳裝潢擺設好有懷舊韓國風味，醬油蟹、韓式煎餅，一定唔會錯過！ ～韓大叔醬油拼盤～ 拼盤有醬油蟹、大蝦、鮑魚和溏心蛋，淋上精心調製的醬油，有種鹹香味道，和紫菜拌飯吃，好滋味！ ～韓式熔岩芝士煎蛋卷 ～厚厚的煎蛋卷，加上濃濃的熔岩芝士，令蛋卷更嫩滑可口！ ～泡菜煎餅～混和泡菜煎香，微微辣，外微脆內軟嫩，蘸上魚露，增添煎餅的鮮味！～芝士年糕拌飯～ 要趁熱把芝士年糕和飯伴混，有拉絲感覺，味道帶酸辣好特別！ ～韓式傳統鍋物～ 牛味鮮濃的牛肋骨，加埋鮮甜啲蘿蔔，令整鍋湯鮮味無比！～草莓梳打～ 梅子果醋梳打～ 兩個飲品都帶微酸甜好開胃，還可幫助消化呢！…Read More