greatgreatshare's Profile

大三巴一帶必食人氣抹茶甜品🍵大三巴行到攰，唔係淨係得豬肉乾食嫁！仲有抹茶飲品、雪糕、葡撻等住你！🥧流心葡撻（$18/一個，$28/兩個，$53/四個）有多款味道選擇，我地揀左開心果流心、原味澳門葡撻、抹茶拿鐵同啵啵珍珠葡撻，全部千層皮非常鬆脆，趁熱食一流！🧋抹茶拿鐵（中$39，大$42）抹茶味非常濃，聽講原料係來自160年歷史既宇治田園播磨園。不過稍甜，建議凍飲比較適合！🔆店舖亦會定期為不同明星應援，去既時候係乒乓波運動員孫穎莎，鍾意運動既一定唔可以錯過呀🏓…Read More

依間糖水舖開左好耐，不過只得外賣店！🫓榴槤糯米糍（$20）糯米皮薄又軟，啖啖榴槤肉，鍾意榴槤既朋友必食！🥭楊枝金露（$33）有咁多芒果肉，對得住個價錢！如果西柚肉再多啲會更好，甜度適中👍🏻🍮香芒布旬（限時優惠$8.4）超抵食之選！發覺店舖既芒果類甜品都超足料，好味😋☕️手磨芝麻糊（$24）中式糖水一樣出色，芝麻糊夠哂「傑」，養生一流！🌸玫瑰花茶凍（$16）平平地之選，估唔到真係有玫瑰花茶味，好清香，有驚喜！…Read More

最近想搵地方食餐好，問左幾位澳門朋友，不約而同都推介依間餐廳🌟話如果旺季，有機會要排隊等位，建議大家預先訂位📥🥩鎮店之寶：黃金蒜香豬肋骨（$248）成塊面咁大既豬肋骨，燒出黎外面少脆，裏面肉汁豐富，加埋秘製醬汁一流！🍔豬扒包 （$42）比遊客區既豬扒包有誠意10倍，淨係見成寸厚既豬扒，就知有幾足料🥘庫塔海灘蝦蝦蝦籽意粉 （$108）適合食得辣既朋友，蝦唔算太多隻，但配合醬汁同蝦籽依個有特色配搭，睇得出老闆既用心🥗經典三文魚沙律（$70）三文魚非常新鮮，配埋酸酸甜甜巴醬汁，好岩夏天食，非常開胃🤤🍹斑斕椰子沙冰（$45）刁廚綠水（$35）兩款都係斑斕飲品，充滿Bali風情，邊食豬肋骨邊飲就岩哂🍍海鹽菠蘿燒（$38）絕對驚喜之作，一定要試！加埋熱情果醬，菠蘿酸甜味更加突出，非常清新解膩…Read More

每次去親澳門玩，都專會搵唔同餐廳既葡國菜食下😋今次試依間味道都唔錯，值得推介！馬介休球（$98）係有水準出品，炸完上枱熱辣辣，魚同薯仔比例剛剛好，好足料👍🏻🥗章魚沙拉（$159）估唔到有咁多八爪魚，整得好淋，配埋沙律三色椒，非常清新，好岩夏天食😌咖喱軟殼蟹（$240）啖啖蟹肉，炸待脆口黎又唔會油膩，有水準！經典西式海鮮燉飯（$418）初時望價錢覺得稍貴，但一上枱見到咁多海鮮，就知道物有所值😍蝦超大隻，蜆、青口、魷魚等都好足料，非常滿足！…Read More

放工後weekend放假唔知同friend去邊度吹水？唔想返大陸咁遠，近近地澳門都有得諗🍻有朋友話俾小師奶知，依間酒吧餐廳係澳門開業多年，仍然屹立不倒🅰️筷子基同銀河都有分店，就知有質素保證！🍸🍹飲品（$96)餐廳有多款手調飲品，有酒精無精酒都有，仲有機會調酒師隨機特調款式，絕對有驚喜😍🍟🍕餐廳仲有各款配酒既小食炸雞翼（$68）、黑松露薯條（$68）、日式雞肉串（$68）、吞拿魚pizza($158)、鹽酥雞（$68）全部上枱都熱辣辣，非常香脆可口，送酒食一流😋…Read More

依家預制菜太氾濫，要搵間好似依度百分百香港製造既餐廳唔容易，所以絕對有質素保證🅰️食物：全部點心價錢公道，上枱都好有效率，而且夠哂熱辣辣🔥蝦餃（$17）老套果句，皮薄餡料足，有質素👍🏻叉燒包（$22）包好軟熟，叉燒多到漏哂出黎！鮮蝦腐皮卷（$32）啖啖鮮蝦，腐皮沾有個芡，好味😋韭菜魚蓉蓮藕餅（$32）蓮藕釀滿魚肉，經炸過後表面脆脆一層，好香口🤤煎釀虎皮椒（$28）虎皮椒好食，餐廳炸野點心出品唔錯👍🏻紅燒乳鴿（$45）細細隻，但都有肉食過下癮，燒出黎上枱熱辣辣，香脆又有肉汁🔥櫻花蝦蘿蔔糕（$22）蘿蔔糕煎得好香，櫻花蝦唔算好多，但吊到個味出黎🦐五香芋絲春卷（$24）春卷好脆口，炸點心係有水準既👍🏻豆漿（$13）…Read More

去澳門食左咁多次葡撻食到悶？可以搞搞新意思😎有店舖推出將葡撻融入法式style,包你感到新奇有趣！法式冰火葡撻（$46）🧊🔥店員先拎個非常鬆脆既千層撻底，再fill滿「冰凍雪糕」後鋪上滿滿焦糖。之後用火槍加熱燒一燒焦糖，變成一層「微熱」香脆焦糖。最後加上金箔點綴，好有高級感👑15年巴薩米可醋橄欖油撻（$46）老實講，依個配搭小師奶都係第一次試，初初亦非常懷疑個味道🙈但一試之下卻愛上左佢😱醋又微微酸味，配搭雪糕甜味竟然非常夾👍🏻絕對值得一試！…Read More

想同朋友去澳門食得精緻啲，但又唔想食一式一樣既酒店。誤打誤撞之下，搵到依間令人難忘既餐廳！主廚特製蟹肉釀蟹蓋（$195）上枱時好有驚喜，估唔到個蟹蓋都幾大😱啖啖蟹肉，配埋香脆既蒜蓉包，不知幾想再encore!薯絲馬介休（$248）馬介休球食得多，但依個整法第一次食👍🏻馬介休本身少少鹹，混合埋薯絲好開胃，亦好飽肚。加上擺盤亦可精緻，建議一試！配埋fruit punch同汽泡酒，為今次澳門之行留下美好回憶🩵…Read More

本來係網上被餐廳既-86度咖啡吸引朝聖，但去到竟被佢其他產品吸引，心大心細😆睇黎要去多幾次先試得哂所有野！☕️波斯 Persia ($58)開心果，朱古力及咖啡星人的樂園。底層是開心果及朱古力奶昔，加入中度烘焙的House SOE作基底，中層是咖啡奶油再以無限制瀑布開心果秋栗蓉蓋頂，靈感來源於杜拜朱古力及秋栗之愛奏！🍮被咖啡店耽誤的焦糖布丁 （$38）布丁有手掌咁大件，面頭淋上滿滿既焦糖，蛋味濃郁十足 。建議唔好睇少佢，食完都好飽😋櫻花蝦濃蝦汁意面伴半熟蛋 （小份 $28，正常份$42）以蝦豐富的鮮味築起整個意粉，咖啡的感官感覺是缺乏鮮味（umami)。鮮味是一種由氨基酸和核苷酸引起的獨特美味。點一碟這爆鮮的意粉，配襯你杯中的咖啡，讓你感官也能鮮味起來。今餐非常滿足，每樣食物上枱時，店員都會耐心詳細介紹，係好有heart既小店🩵…Read More

🙂🙂今日朋友黎澳門想食葡國菜，但又唔想食黎食去果幾間，於是就搵左依間試下，估唔到有驚喜葡國雞 （$208）係香港食唔到既味道！個汁係葡國菜先有，個人認為係葡國菜必食首選👍🏻葡式烤香腸（$158）估唔到上枱勁有儀式感😆師傅會切成薄片，雖然係薄，但香腸仍然鎖到肉汁，食落好有質感！葡式鴨飯（$258）依個極力推介👍🏻個飯吸哂鴨既油香，食落非常滿足，夠哂邪惡🤤綜合小食拼盤（$275）有好多香港少有食物，例如馬介休球，樣樣一兩件試下都係唔錯，建議一定要趁機試下！…Read More

氹仔最近新開左間韓國人主理餐廳，專賣少有既濟洲熟成黑毛豬肉，豬肉更香更嫩滑😋仲要餐廳入面切有乾濕熟成櫃，誠意十足🥩🐖乾濕式熟成豬肉套餐 （600g) ($690)套餐包括多個部位豬肉：帶骨豬裡脊肉、豬肋排、帶皮五花肉等，由於全部熟成超過15日，所以就算厚切都非常軟熟嫩滑🌟再配合不同食法，帶出濟洲豬獨有風味，係其他餐廳少見！🐄生拌韓牛 （$350）平時食西式薄切比較多，今次第一次試韓式都會怕生。但師傅加入蛋黃、韓式醬、麻油等調味後，食落非常易入口，絕對會想不斷食🦀韓國花蟹醬油蟹 （$260/隻）醬油蟹非常新鮮，蟹膏十足，每啖都食到蟹膏香氣，唔洗飛去韓國旅行都大飽口福🥘濟州豬肉辣醬湯 配飯 （$140）🧊冷麵 （$120）其他主食亦難唔到廚師，還完韓國地道味道🇰🇷辣醬湯唔會死辣，但帶出大醬同豆腐、豬肉既香氣，送飯一流！食到熱辣辣，最好配返個冷麵解辣解濟🫖米酒 （$80）🍸水果梳打 （$49）食韓國菜必備飲品！淡淡米酒香配合韓燒，絕對係一流既享受。除左酒外，餐廳亦有多款水果梳打飲品，總有一款岩你口味…Read More

估唔到食飯唔單只淨係食，仲有機會聽liveband或睇埋波，一次過滿足3個願望😆環境：餐廳裝修好有心思，畫上多幅壁畫，展現到香港繁忙既街景，好有特色🇭🇰另一邊廂有大screen係度，閒時播歌播mv,重要時刻則可以播球賽⚽️再另一面更有埋set up,俾liveband表演，實行多重享受🤤食物：🥗曼切戈芝士火箭菜無花果沙律 （$148）火箭菜好新鮮，唔會苦，配埋夏日水果無花果，非常適合夏天食，好fresh好開胃！🍗焗開心果寶雲蘇羊架 （$368）羊架食得多，但配開心果真係第一次試😋估唔到成件事勁夾，開心果甜甜既味道，正可以解羊架既油膩，非常聰明既配搭👍🏻如果份量多啲，會再更開心🙈🥘帶子咸蛋黃汁意大利飯 （$218）餐廳又再次俾到驚喜！咸蛋黃做汁非常入味，意大利飯吸哂啲汁，creamy得黎唔會快濟👍🏻加埋煎香既帶子，令我忍唔住清哂成碟！…Read More

間間連鎖餐廳去到悶？不防試下依間行波希米亞風路線既餐廳🏕️環境：餐廳每個角落都用心佈置，設有多個打卡位，包保高要求既靚靚閨密們、女朋友們都一定少女心大發🩵💙💜食物：🍹Boholic 精選水果茶（$50）水果茶主要有水蜜桃同火龍果粒，唔會太甜，係夏天消暑既好選擇！🥗輕煎北海道刺身帶子熱帶水果沙律（$98）餐廳用上super food羽衣甘藍做底，夠哂健康👍🏻啖啖新鮮水果，加煎得好香既新鮮北海道帶子，係好食既。🦀手工蟹肉餅配蟹黃龍蝦汁（$98）依個係超級好食，簡直係必叫首選！蟹肉超充足，煎香後再配埋蟹黃龍蝦汁，好想再食多幾啖呢🤤🥘輕煎北海道刺身帶子蝦湯意大利飯 （$158）個意大利飯吸哂蝦沙既精華，非常邪惡好味😈配埋帶子一齊食，非常滿足！🥩香煎美國和牛肩胛肋眼扒配自家製燒汁 （$258）最後一道菜最有份量，牛扒份量大足，自家製燒汁非常好味！想讚埋個伴碟薯蓉，非常creamy呢！…Read More

夏天成日都會熱到冇胃口食野，所以會想食多啲惹味易入口菜式🔥海南雞飯係我其中至愛！環境：依間餐廳成日聽人提起，但位置唔算多，所以要等一陣位先有得食。不過唔會太耐，因為turnover都算快！食物：最期待既海南雞冇令我失望，生熟度剛好，唔會生到出血水，亦唔會熟到好韌🐤三色醬油：黑醬油、辣醬同薑蓉都係正宗既味道👍🏻個薑黃飯都好食，我都好開胃，可以食哂成碗飯😆湯、菜、配菜則正常發揮。跟餐配埋個柚子蜜，夠哂滋潤🩵服務：餐廳樣樣都快，排隊入座算快，出菜速度都快，好有效率，所以大家唔洗俾條龍嚇親🤣價錢：溫泉雞套餐（$63），蒜香娃娃菜（$24）、熱柚子蜜（$16）（*另一間分店好似係北角和富道21-53號和富地庫B50-51號舖和富美食廣場C1及C2號舖，大家可以留意下！）…Read More

依間café 算係澳門咖啡店始祖！開左好多年，應該係好多附近學生放lunch既回憶🙂‍↕️餐廳咁多年都保持到質素，連個價錢都keep到當年價錢🙌🏻好西利！☕️棉花糖咖啡 （$29）估唔到咖啡造型咁得意😆燒焦棉花糖+咖啡奶泡，意外地好夾呢！🫖伯爵奶茶 （$19）有用真伯爵茶包，加埋奶同糖後，茶香、甜味剛剛好👍🏻🥞草莓冰淇淋鬆餅 （$59）即叫即整鬆餅好香脆，雪糕仲係用häagen dazs雪糕，簡直抵到爛！🥗沖繩墨西哥Taco rice ($45)價錢好抵，份量又多，完全用心製作，冇諗過食材加埋咁夾，非常創新！🥘日式親子蓋飯 （$45）滑蛋火喉剛剛好，做到好滑嫩🥰但雞同調味可以再濃啲，會更惹味💪🏻…Read More