devilcmo's Profile

昨天本來想食餸󠄁子，見換了新店，不止有餃子，更有米線和湯飯，正合心意，就試試吧！兩個人叫了豬雜米線和肉片豬肺湯飯。兩樣的份量都很足豬雜米線的豬雜很新鮮，洗得得乾淨，沒有騷味，湯底很鮮甜湯飯很大碗，飯就浸在湯裏，並不是湯和飯分開上；熱辣辣的，肉片淋滑，豬肺一樣是新鮮乾淨，沒有血水味，湯的薑味很濃，還有些菜絲，整體可以打分85分！兩個人食得飽飽也只盛惠一百零幾文，實在抵食。今晚又要在附近食飯，二話不說，再度幫趁。今晚兩個人，叫了胡椒豬肚雞湯飯，和一份煎手工韮菜餃；大大碗湯飯，古椒味稍淡，但薑味香，豬肚夠淋，雞件都有雞味，還有不少菇菇和菜絲，飯量不少。煎韮菜餃有驚喜，一客有十隻，餃子細細隻，煎得外脆內軟，但個饀又唔乾，韮菜味香濃。有機會會再試吓其他湯飯和小食。…Read More

同朋友食lunch叫咗鐵板雞扒司華力腸芝士蛋蓋飯嚟到見到雞扒上面和鐵板上面的芝士碎完完整整的一條條，而且完全無煙，鐵板亦無吱吱聲，有點古怪，摸摸鐵板，完全唔熱，冷冰冰的食落所有食物都係室溫溫度，唔好話熱，暖都唔暖😥感覺好難受咁用隻普通碟都得啦！做咩要話鐵板？定係個人對「鐵板」的認知有誤差？都算但用隻普通碟上枱既食物，至少都應該係熱卦！但又唔係囉！以為叫咗個冷盆塊雞扒又實又無味道，條腸硬崩崩的，得飯底啲豉油點吓至食到一半好彩個蕃茄湯係少少熱，不過覺得飲緊茄羔水，得杯熱檸茶真係滾熱辣…Read More

點心全部都唔熱蒸點只是微暖炸物全是凍的鵝肝春卷唔脆，外皮燶又硬椒鹽豆腐又是凍的蝦餃明顯是翻蒸再翻蒸蝦腸叉腸連微暖都不是，只可以說是室温，蝦和叉燒都是硬硬的煎蘿蔔糕一夾就碎爛魚肚粟米粥又是微暖，只有粟米，跟上的一小段油炸鬼，又凍又硬叫了香片，同飲滾水無分別用餐時間90分鐘，一點左右入座，坐到2點幾才有人來要結帳，望望四周，全場半滿…Read More

已到過幾次食lunch地方舒適，set lunch 價錢合理，都多元化，會有burger n fries, pasta, steak, seafood類，跟朋友叫過不同主食，味道不錯不過pasta 份量太少了，女仕都吃不飽，所以之後再沒有orderBurger and fries 好味, 薯條新鮮炸今次去食有牛和豬，豬比牛好食。…Read More

點解齋有芹菜？蕃茄濃湯雜菌湯烏冬蕃茄膏湯至真，只有半個蕃茄切件雜菌數數埋埋都無8片，指甲咁大，同幾條椰菜碎烏冬半個份量都無除左個湯係熱之外，一無是處唔太餓，本想食個下午茶應該要去對面買多個面飽填填肚…Read More

初三要外食，好似唔太多選擇。走過幾條街，唔想食茶記同老麥，是但入去呢間泰國菜館。招呼得有禮貌很殷勤，環境都算乾淨舒適。但食物水準同質素，真有待改善要幾樣嘢都無，上菜又慢，過年期間，算吧！叫過第樣囉！都沒太大期望。先嚟冬陰公湯，味道偏酸，但熱辣辣，坐在門口沒趟門吹著風，當暖暖身吧！泰式生菜包，師傅今日輸左馬？鹹到食唔到第二件或者鐘意重口味既會啱食泰式濕炒河粉，個汁多到好似湯河粉咁，仲要用碗上，一大碗獻汁湯，河粉係一疊响碗底鹽燒烏頭，正常，係細條啲，筷子咁長，勝在熱辣辣，個醮汁都幾好味。青咖哩海鮮，味道ok 但成兜只有汁，所謂海鮮，得兩隻蝦仔、一片魷魚、一隻兩節手指咁大既青口、一舊仔魚，上枱時好似人地食剩餸咁馬拉盞炒椰菜心，全晚最可取既一碟。…Read More

在附近睇醫生，想食個light lunch見食評話有素食和不錯的咖啡便走入去坐陣食啲嘢，等醫生開診，店裏環境很舒適，一張大長枱和三數張小桌子，坐著的客人，不是在各自各畫著手提電腦，便昰三數人在閑聊著，倒很寫意入門站了兩分鐘，只見一個圍著圍裙的男生蹲在旁邊一張小桌上，與兩個少女閒聊著，最裏面一個圍著圍裙的女生正在帶著一個男人指手劃腳的介紹著甚麼.沒有人理會的一個人站著怪怪的，嘗試叫了那男生一聲，說是一個人，他隨手指著裏面説：有位就坐得，之後繼續背著門跟少女們聊著隨便坐下，在長枱上找不著餐牌或點餐紙，只有三幾本書或雜誌吧！又坐了兩分鐘，左顧右盼的不知如何是好，坐在的女孩子見我手足無措，跟我說：要自己去吧枱那邊落order的！啊！是自助形式！好的，走到吧枱旁，那圍著圍裙的女生看了我一眼，我正想問她如何落order, 因吧枱上沒收銀機cashier那些，吧内只有個男生埋頭唔知攪緊啲唔知咩飲品，還有一男一女坐在高椅上用laptop, 不知有甚麼可order也不知如何order😒,正想開口，那女生就轉過面繼續和那男人介紹些甚麼那時高椅上的女人才把目光又電腦螢幕轉過來問我：要咩？我說想order，問有無menu, 她指指前面幾本小冊子，我拿起來看了，只得三數頁只得飲品的menu, 問她還有甚麼，有吃的嗎？她說：我地無嘢食，只有兩樣小食，日日唔同，今日係chocolate cake同全素中東bread雖然我也只是為了那全素中東bread和一杯咖啡，才走進來，我也不介意自助式消費不過可否給點新來的客人一點基本指示呢！？外星人真不易融入地道文化，都係返去自己的星球好啲！禮貌地道謝了就離開了！…Read More

恕小人孤漏寡聞，食韓國料理，除左韓燒、石頭窩飯同部隊鍋外，其他食材食法無咩認識。行完街，見到間韓式料理餐廳唔太多人等，咪入去食餐晚飯囉！三個人被帶位到一卡位枱，但無韓燒既圓形鉄板，嗰款枱好似full晒，但入座時又無人問係咪要食韓燒，無得韓燒ok唔ok等問題，咁即係如要食韓燒就要轉枱？轉枱係咪要再等過呢？心諗唔韓燒無所謂啦！見menu有款長方形鉄板燒，中間有芝士醬咁，都幾特別咁，於是叫左一個，再加一個石頭鍋飯石頭鍋飯先到，個石窩幾熱，但個賣相好麻麻，所有嘢都無味，自己加左好多泡菜落去撈至有啲味個長鉄板上場了，底座有四個焟燭熱住，但四個女好似點香薰嗰啲咁細，等左5-8分鐘至見到中間部份既泡菜雞粒有啲煙，食落少少熱，芝士熔熔地但完全唔熱，側邊既醬油炒雞仍然係凍既，好慢好慢咁食，希望食完微熱既泡菜雞之後，醬油雞會熱啲，點知都係要搬過去較受熱既中間位置，微暖咁食埋去。其實係小女子太心急？定係呢款韓食係咁既呢？無論如何，笨一次就夠了…Read More

要跟舊店比較，對新經營者有點不公平，但的確有改善空間。Menu跟以前大致差不多，份量相若，但食物質素，講真個句，係比以前差左🙃要冬菇無冬菇、要魷魚無魷魚.......什錦麵完全無味，即使叫左加辣，都係淡戊戊，又無蘿蔔，咁話轉腸啦，點知係兩條白烚腸仔😳炸蛋咬落去係成口油，要lur番出嚟😢又無左個好味豉油，失色不少。碗仔翅味道依舊，但稀左，無咩料，仲見到佢落左粒濃湯寶店員好忙碌走嚟走去，工作好積極，但混亂，又打瀉嘢，要等好耐至有嘢上枱。希望只係新開未上手，希望唔好新不如舊啦！期待下次啦！…Read More