hippo hong's Profile

我叫咗一個冬陰公海鮮粉絲/龍眼冰而家泰國菜喺香港嘅價錢一啲都唔平，海鲜粉一般七十蚊走唔甩。一見到五十蚊唔使，重有野飲，緊要試啦。首先份糧好足，淨係個粉絲一般女仔嘅食量都足以被Ko。海鮮用料唔似用雪臧料，足料之餘又新鮮！個湯底好好味！似煲出嚟，唔似用味精，食完唔會口渴！亦唔會太辣，亦冇一般冬陰公齋重香料味！支龍眼冰唔太甜，但清香！重有其他幾款野飲，香茅水/奶荼。不過可惜只有外賣，喺附近反工嘅就多一個選擇！…Read More

一直以來，數碼港都冇乜嘢好食，金記承接上手喺數碼港開茶餐廳，初時有啲期望，不過由早餐開始，首先選擇太少，午餐價錢亦貴，晚餐就未試過啦。有時叫外賣，試過漏俾飲料，好多時，跟餐多士有時什至冇烘過⋯⋯而且侍應太少，好多時做唔切⋯⋯不過，冇計，冇得揀…Read More

呢一間係廈門街嘅新鋪頭，首先就被佢門口的設計吸引着，簡潔舒服，好有日本小家庭feel，好有親切感 。至於菜式方面，相信係因為初期開舖選擇未必相當多，但就非常有特色。並非一般港式日本菜刺身、拉麵、壽司。而午餐設定，就好有港式三餸飯feel，八款之中選三款。推介菜式：三文魚南蠻漬 - 有少少似上海熏魚，但就沒有那麼硬同甜，食落比較清新。四日市風汁燒豬排個味道送飯一流，豬排厚切，但豬排嘅肉汁依然保持到，亦都夠 林吉列安格斯牛扒個吉列完全唔油膩，而且依然能夠保存肉汁。奶油紅菜頭起初以為係芝士焗，我諗住會好溜，但味道竟然出奇地夾，紅菜帶小小甜，而且有D清淸地嘅感覺！…Read More