12lpt's Profile

紫調的氛圍環繞住成間餐廳，顯得格外浪漫優雅，卡位如同小包廂的空間非常適合同朋友、情人同進晚餐。餐廳是開放式廚房，可以欣賞到廚師精細地擺放出每一道菜色，廚房環境乾淨衛生，更可了解到他們使用的食材，透明度非常高，令人吃得安心，重點係一點油煙味都沒有的。帶子蟹肉牛油果他他配薑薑黑醋汁作為前菜真的沒有可挑剔的。法包脆軟適中，麵包會有鹹味，配搭帶子蟹肉、牛油果溶、三文魚籽同黑醋汁一齊吃，味道絕對配合得開胃又不膩。（必點菜）香蒜橄欖油海虎蝦扁意粉三隻海虎蝦同扁意粉比例是一比一，完全滿足到一啖意粉，一啖蝦。蒜味香濃，扁意粉煮得夠煙韌，會有些小辣。薩他羊架配楓香乳酪醬伴蘋果肉桂藜麥沙律羊架份量十足，賣相爆分。羊架唔會騷，配埋滑流香甜的乳酪，吃落啲味好夾之餘，又唔會搶晒羊架的嘅味。蘋果白茶梳打嘢飲好吸引，賣相精緻，甜度適中。…Read More

呢日搵到間好吃漢堡餐，個包大之餘又多饀，唔夠仲可以配埋啲小食。炸燒賣是必點的，外脆之餘又唔乾，番薯條梗係要點埋啦，熱辣辣吃、加上甜甜地，會吃唔停口！B5 香辣煙肉蘑菇芝士牛肉堡個皮會有少少燶，唔冇影響到啲味。我鐘意食少少辣，所以對啲鐘意，但又唔食得辣嘅人嚟講，都係唔錯嘅選擇。牛肉唔會好咸，仲會有少少淡，勝在有煙肉同辣醬搭夠番薯條炸燒賣，好懷舊嘅味。p.s 店內有洗手機，啱晒食之前同後，方便洗手👍🏼…Read More

正謂：「早起的鳥兒有蟲吃。」今日一大早就約左個朋友嚟食早餐，食完先再番學🙈因爲要上一個好漫長的課堂，硬係要食個醒神早餐🥣。 .西營盤地鐵過去都係4-5分鐘，係遠遠處已經可以睇到我最喜歡的藍綠色，心情都即時開心晒。Coffeelin Affogato with elderflower gelato濃苦遇上清甜，一拍即合。不得不說香港少有的咖啡口味，淡淡清甜花香味意式雪糕 （是日有四種口味可選）混合濃縮咖啡，咖啡層次特別，入口微微的酸甜，無雜味，非常的順口。Truffle mushroom panini外脆內軟，夾滿滿黑松露味的菇配水牛芝士，口味好夾。可能平時唔鐘意漲起的麵包，所以panini係我鐘意的小麥包之一，夠口感。天氣咁熱，又想飲凍咖啡，咁啱仲糾結緊飲咩嘅時候，店員就介紹左限定特飲咖啡，平時係屋企自己沖咖啡都會加啲有氣的水，估唔到出面都飲到，所以二話不說，試飲！！一啲都唔會令人失望，真係涼透心最後最後選左朱古力布朗尼蛋糕，哇，好有驚喜，係流心咖，仲要好脆軟，朱古力味好濃郁，加埋少少海鹽一齊食，真係食多幾件都唔怕膩。.咖啡店就硬係休閒的代表，呢度嘅環境舒靜，仲有一個小書櫃，放左幾本咖啡書，中，英，日都有，對咖啡狂嚟講，呢度係不二的選擇。.p.s 我都有其中一本咖啡書😍…Read More

午餐時間到左，唔知食咩好？梗係要食銅鑼灣嚟講數一數二好食嘅麵店啦。.車仔麵餸嘅種類10幾款，我地各自揀左3餸都係$42，餸同麵嘅比例啱好，麵嘅精華係牛腩汁，除非講聲，唔係每一碗都必有腩汁，個湯唔會好咸之餘，仲有微甜，連湯清晒成碗都冇問題🥰.三餸：魚腐+冬菇+牛肚 / 豬紅+豬皮+蘿白 全部都極度入味同好淋，牛肚同豬紅係去到入口即溶，冬菇大大舊，吸晒啲腩汁，好juicy。.仲有每一碗都有好多菜咖，所以係4餸❤️…Read More

呢間牛腩店必定會經常去食，大愛多蔥同埋金錢肚，呢度嘅清湯味道清甜，為左唔想啲辣椒醬沾到個湯，所以用左匙羹裝左少量，加埋辣椒醬味道一流。河粉份量對我嚟講可能有少少多，下次會記得少米粉🙈…Read More

一直想食好耐，每次唔係準備收檔，就係休息。今次咁啱係港島個邊，於是啲起心肝再去一次。.我地好快就等到位，由於排隊個時已經點好左食咩，一坐低就食得。呢幾日天氣都熱熱地，點番杯凍奶茶解下涼，奶茶茶味香濃，沒有茶澀味，沖得啱好。之然未食麵之前我地先食左奶醬多士，好脆，奶醬啱好，食完都唔覺得膩。.主角要登場：我地都點左豬扒兩餸，一個豬扒肉丁，一個就豬扒煎蛋。豬扒是用黑椒腌製，味道啱好，肉丁帶有點辣，啱晒鐘意食辣嘅我。.p.s 有嘢飲有麵食又有奶醬多，價廉物美👏🏻一定會番嚟再食。…Read More

赤柱廣場係一日遊的好地方，嚟到可以享受早、午和晚餐，散下步，吹下海風，感受一下無憂無慮的日子，但遠離繁囂就無咩可能，皆因赤柱廣場被打造成假日多元化市集的地方，自然吸引到好多人嚟一日遊，我就係其中一個👋.我地1點就入到去赤柱，行左一輪之後，比呢度的青口拉左入嚟，揀左好耐，決定點多三款小食，避風塘一口粒牛粒、墨西哥粟米片拼盤、煎虎蝦配辣肉腸絲燴白豆，再點多二杯雞尾酒，lime frozen margarita & grapefruit juice salty pelican。 .幾款輕食啱好配到雞尾酒，所以份量剛好足夠我地2個唔算大食嘅人，而且都唔需要再點主食，再點的話，會坐係度睇埋日落食晒晚餐🥣。.p.s 無揀錯，最吸引到我地的還是青口。…Read More

睇完展覽，出咗嚟玩左咁耐，但未到食晚飯時間，見少少肚餓，咁啱又見到渣哥茶記裝修中，準備新店。二話不說，沖去德福廣場的渣哥醫肚。哇，唔使講有得排隊先最好，條隊長到比足時間我地左諗又諗，左度又度，啱啱好決定到食咩就輪到我地😄。由於辣度無得選擇，所以買左全部都係辣嘅，魚蛋係我鐘意食個種，細細粒有咬口。仲有豬皮蘿蔔，大大碗，食完體力番晒嚟😋.足料生菜魚肉碗仔翅，試過你就知，只可以簡單形容下，就係好味🤣.p.s 出自内心，經過九龍灣見到「不反胃通知書申請中...二月見」，呢一刻比它的大型字幕吸引到，全城期待呢間即將來臨的「打躉茶記」。…Read More

約左朋友3點3，午茶時間，唔使等枱，不過都爆場，成班人約埋一齊，傾下計同埋可以輕鬆下。.朋友想點手工蛋糕🍰，但被告知售罄。估唔到咁早就買晒，係米想逼我地下次又嚟：P下午茶時間，餐都會跟埋嘢飲，點左墨西哥薄餅，配雞肉、墨西哥辣椒、車打芝士，再加薯條。熱辣辣烘出嚟，車打芝士熔晒，咬第一啖已經有拉絲，整體口感好軟，個薄餅睇落有少少竉，但勝在夠脆。朋友分左一半車打芝士煙肉牛肉漢堡比我，個麵包烘得好脆，由於下午茶時間，份量唔會好大，所以食完都係啱啱好，唔係我大食🤪。.p.s 如即場在門外買麵包蛋糕於場內進食，需加服務費。…Read More

「茶井」開在荔枝角工業區的某個角落，咁啱行開個頭搵嘢食先會發現到它的存在。呢日天氣有點凍，但無理由見到它就在你眼前，卻放過試它的機會。.以前一直飲開珍珠奶茶，最近口味都轉晒，呢日就點左2個唔同口味的茶，四季春同烏龍茶配芝士奶蓋。哇，梗係第一時間飲啦，第一啖已經滿口滑溜的奶蓋芝士，不停飲，幾啖之後先會飲到茶。哇，好涼快，茶同奶蓋芝士味道都幾夾下，短短5分鐘就飲晒：P.p.s 記得加大，細杯真係望落都覺得有點不滿足。同埋有得儲印花，有效期為60日。儲埋幾張，可以換幾杯，好滿足。…Read More

華姐清湯腩，幾年前有著米芝蓮指南必食推薦，到現在也不減他們的人氣。呢間係一位住天后的朋友介紹，佢話好耐無食，所以拉埋我陪佢食。我地名自點想食的，然後再分享大家的餸，之後加多一個牛腩汁紋白蘿蔔，估唔到好清甜，經過交換完畢，我個清湯金錢肚河望落好豐富，即時流晒水口（午飯時間，排左一陣隊，好肚餓）。.金錢腩唔使講，淋得嚟又唔會冇口感，好滑口，忍唔住食晒啲主菜，留番啲河粉配清湯。不過仲有白蘿蔔配搭，加番少少辣椒醬，話咁易就清晒成碗。.p.s 由於繁忙時間，被安排於廁所門外，背後有個洗手位置，咁啱幾個人洗手，一路食一路要顧住會唔會被人整濕個背，搞到自己好蝦碌。…Read More

由於限時90分鐘，我地都唔敢點太多嘢食，點左串燒，沙律同咖哩牛腩。話明限時，上菜時間都唔使等好耐就出晒，又幾好嘅，可以一次過影晒啲食物，整體來說，三個人的份量啱啱好，味道都唔會點失水準。香茅串燒牛 (3 PCS) $90 香茅串燒雞 (3 PCS) $80*整體個醬係好味過啲肉，肉唔夠入味。.越南蜜柚燒蝦沙律🥗 $108燒雞撈檬 $78*要加好多醬先好味。.西貢咖喱牛腩 $128*味道口感還可以，咖哩味唔算好特別，微甜。.青檸梳打 + 薄荷葉$46 2 杯凍青檸茶 $38 .p.s環境係幾舒適，久唔久食一次係接受到🤑…Read More

平時食開原味，點知今日好奇想試伯爵茶味，點知一食，成晚等天光。茶味濃到食落去係澀的，本身都有甜味，但甜味不足蓋左個澀味，茶係好香，但唔敢再試😑 乖乖地食番原來算了。…Read More

薯條的粉末係呢間店的精髓，每個味都想試，今日試住2個味先，芝士味就必點，但估唔到洋蔥酸忌廉味比芝士味還要出色，粉末足夠，所以吃完一條又一條，停唔到口，薯條熱啱好又夠脆，但我比較鐘意食軟嘅細薯條🍟。就咁食薯條點夠，所以試埋個mozzarellas sticks, 但冇粉末，個味始終爭少少🙈晚飯前時段，人手不足，只有一個店員，咁啱又用完啲機紙，個店員都唔好意思，後面越排越長隊，為左吃到，大家都耐心等待⌛️，多多體諒👏🏻…Read More

尖沙咀一向都多嘢食又多嘢飲，硬係唔少得珍珠奶茶，成日行過望到「小黑糖」都想買嚟試下。店名叫「小黑糖」，所以我地都研究左一陣，睇下係米所有嘢飲都有小黑糖🤔原來有小黑糖系列可以比大家揀，鐘意黑糖就要試下。 .2杯都好特別，泰好喝=太好喝，珍珠煮得好軟又有咬口，奶茶滑口茶味唔會太濃，睇佢細細杯咁，但飲完都幾飽肚小黑糖鮮檸冬瓜，味道酸酸的，記得遙完先飲。.p.s 好鐘意啲細冰，天氣凍少少，又想飲凍嘢，呢個就啱啱好…Read More