Uenyi's Profile

係銅鑼灣收工, Dinner前約朋友一齊去食個串燒飲杯啤酒傾下計。原來銅鑼灣有這一種樓上的燒肉店, 位置係大街好易搵, 一入到去好有去左日本居酒屋既感覺, 而家有疫情, 用板擋住左每一桌都有安全距離十分細心。啤酒十分之抵, 完全係三五知己飲酒談心既好場地。我地2個人選左係吧枱坐底, 對住廚師, 十分有味道。第一道係前菜 螢光魷魚塩辛 聽個名都已經夠曬特別, 一上黎係 生勾勾, 滑山山既, 睇落可能覺得有d噁心, 但我就喜歡佢夠特別, 出面好小可以見到有得食呀! 夾起左一條直接放入口, 又幾新鮮, 佢有小小似生蠔咁滑, 第2個食法就係可以放係碟加小小調味, 咁樣比就咁食更有鮮味, 近近影仲有眼睛, 食起黎十分有趣。第二道就係 燒鱈魚乾, 依個十分抵食, 買黎配酒是一流, 燒到好香好脆, 遠遠就已經聞到香味! 期後因為收工太餓, 等唔切慢慢既串燒, 於是先叫了一個石鍋溫泉蛋豚肉飯。有雞蛋仲有鋪滿滿既豚肉，好好味，一人一個已經可以吃飽再準備歡暢飲酒同小食。小食我地分別叫左豬大腸串 蒜芯豬肉卷西班牙夾心肉，因為食左飯所以叫唔多串燒呢！豬大腸串 燒得好香，同平時食到滷水味係完全唔同嘅風味，好香口，完全就係配啤酒既良品！蒜芯豬肉卷口感特別，外軟內脆，食落唔會好油膩，因為中間有蒜芯。最後係西班牙夾心肉十分推介，脂肪比例十分均勻，識落雖然有少少油膩，但配酒就啱啱好，下次再同朋友談心，三五知己聚會，呢度係一個10分好嘅選擇…Read More

係銅鑼灣返工，四圍都好多嘢食好吸引，不過都偏貴。所以今日嚟到希慎廣場嘅food court 食飯。見到呢間燒鵝店，同朋友決定一試。吸引嘅係佢有老火湯！老火湯料十足，平時小湯水既必點，甜甜咸咸咁好好味！我哋兩個人叫咗兩個餐，其中一個餐仲有一碟菜，完全係健康之選。講返啲主角，朋友嘅係一個滷水鵝飯。滷水鵝味十分香濃皮都好鬆脆一啲都唔韌。而我點嘅係雙拼飯，點左個招牌滷水鵝肉之外，仲點左個鵝腎做雙拼。鵝腎十分香口，平時出邊好少有得食，呢度食起嚟滷水味十足之外，味道仲出乎意料，一啲都唔so 而係好香好重鵝味。最後我哋重點左兩隻滷水蛋，一樣係滷水味十分濃，店員仲好細心咁樣將啲滷水分開俾我哋，可以隨着自己鍾意嘅程度加入飯嗰度，完全係健康嘅一餐呢。有趣的是更會教你點享受美味既漏水鵝！如果平時少食鵝肉，必要試試呢！…Read More

今日喺銅鑼灣返工，午餐同同事一齊叫外賣，嚟到呢間粉面店，我們點左一個蝦條炸旦河，牛雜麵，仲有一個牛筋撈粗，拎到返公司仲熱辣辣，湯同面分開。我點既牛筋撈粗十分好味，粗麵軟硬度剛剛好再加埋撈麵汁唔會好鹹，係大熱天時唔想食湯麵，撈麵就係最好嘅選擇。啲牛筋好多好多，軟林林，一咬啲肉汁必晒出嚟，整得好好食。同事嘅牛雜麵麵底十分多，牛雜都好入味，煮得啱啱好唔會硬。不得不提的是另一位朋友嘅炸彈墨魚蝦條河粉！充滿墨魚味，好出色，平時出邊比較少見，炸魚旦都好彈牙。後來先知道原來這是一間黃店，店主十分有心，而且他家的丸類都是自家手打製造，湯水都是特別烹調的，比起其他店入味呢。最後不得不提的是，這家店在銅鑼灣鬧市中，但價錢只在$3-40元左右，好抵食呢。…Read More

因為工事今日黎到灣仔開會, 於是今日Lunch就由同事帶我到左一間漢堡店買外賣回公司食。因為唔想係出面用人迫, 所以我地一開始就選擇外賣, 我們一共點了最熱門既芝士牛肉漢堡和雜菌蘑菇芝士漢堡, 再加一個小食炸洋蔥圈和朱古力奶昔, 平均一人百幾蚊。係等外賣既途中, 坐係店入面發現其實好舒適, 有好多客人既照片都裝潢都好美式, 而且仲有大電視, 好適合happy friday既一家餐廳! 外賣好快拎到, 熱騰騰既漢堡十分吸引, 我地都引唔住食幾個炸洋蔥圈先! 真係好so脆呀! 咸味arm arm好, 絕對唔會好似出面果d咁太油太咸! 令人一食上癮。而奶昔更是邪惡到極點, 十分香濃既奶油味, 完全係最傳統美式奶昔, 用左濃濃既奶油去打, 朱古力味香, 一飲落去十順滑, 特別係大熱天時絕對忍唔到口不停飲! 番到公司打開外賣, 漢堡已經香到令同事望曬過黎! 因為佢每個包上都查左香牛油煎熱, 包好鬆軟, 而我果個係牛肉, 十分軟熟而且都係充滿牛油既香味, 真係好正! 朋友既係素食, 蘑菇打到好似肉餅咁, 口感一流! 而夾係中間既蔬菜都好新鮮, 口感十分好, 外賣也不會不好吃!…Read More

今日係朋友生日, 於是請她去了一家充滿少女心的cafe晚餐, 這家CAFE原本也經常來買飲品, 因為他的芝士奶蓋十分出色, 喝了無數家飲品店, 這家的芝士味可以說是十分濃和突出! 一試翻尋味! 今次是第一次幫襯晚市, 我們8點左右到達, 需要等位, 疫情期間仍然生意十分好。我們先點了 一人一杯芝士奶蓋飲品, 分別是: 芝芝芒芒 和 紅火龍果芝士奶蓋, 兩杯都十分足料, 充滿果味真材實料。芝士奶蓋更是不用說了, 一如以往的十分豐厚, 喝到最底都仍有十分濃的芝士味, 真係好好飲呀! 而食物方面我們點了2個主菜, 軟殼蟹牛油果包 和 鵝肝牛油果醬意大利飯。這兩樣菜都十分有水準, 完成想不出在這種樓上小cafe可以吃到性價比咁高既西餐! 軟殼蟹牛油果包 十分香口香脆, 最特別的是配上了 明太子汁! 這個配合十分好, 帶一點點鮮味而且有點點原本明太子的辣味, 當中還有一片牛油果作解膩, 食落去十分Match, 而且跟餐有薯角, 十分飽肚也好邪惡! 係出面比較小有既配搭。而令一個 鵝肝牛油果醬意大利飯 也比想像中出色很多, 鵝肝煎我剛剛好, 而中間既牛油果醬剛好做到一個平衡既作用, 食落不會很滯, 而意大利飯煮得很合亞洲人口味, 不會是那種很生很硬的口感, 好有驚喜, 主菜2個人share剛剛好, 如果要比分我可以話係十分呢! 最後我們坐了很久, 還追加了一個甜品是 原味梳乎厘! 十分穌軟, 入口即溶, 主菜平均先百零蚊一個, 梳乎厘則是不用90蚊, 加埋2杯芝士果荼, 吃到超級飽, 一人埋單先2百左右, 十分高的性價比呢!…Read More

最近成日出黎銅鑼灣做野, 聽講依邊多野食, 於是同同事黎依邊食飯, 估唔到有間咁得意既野。間鋪頭主打係石頭燒肉, 把高級的牛肉放在預先加熱左既石頭上煮熟, 有點似鐵板燒原理, 但因為石頭比鐵板既溫度更柔和, 所以令肉更軟更不會焦掉。而這家店主打日式風味, 所以同時也有鰻魚便當可以點, 因為我們都想試, 於是便點了一個美國上級牛小排和一個蒲燒鰻魚丼! 有自肋調味料站先上黎的係美國上級牛小排! 看著貼在旁邊的教學, 我們先靜等20秒再打開, 牛肉在石頭上嗶咧嗶咧的響, 油四處飛淺, 香味和牛味十足, 只是提一提大家不要穿白色衫去食...不然就會彈到成衫油漬呢! 一切開牛小排, 可以看到入面紅紅的半熟, 可以隨自己喜歡的熟度再把牛在石頭上煮熟, 這對於熟度有要求的人來說十分合適呢! 而之後上來的鰻魚飯, 想不到是一整條的份量上! 切開了三折, 汁雖然比較小可是它用了日式傳統的雞蛋絲做襯托, 甜甜的加上一點鰻魚汁, 配上白飯, 十分有風味。總結來說這一家店很有特色, 係疫情期間去不到日本, 也可以來這裡一嘗日式小餐店風味呢!…Read More

今日約左一個好耐無見既朋友食Lunch, 行過金百利商場, 見到依間麻辣派對好似好多人排隊等位咁, 於是便決定一試。食店就係SOGO正門斜對面, 十分易找。一上到餐廳, 先係比佢既裝潢吸引左, 真係好派對FEEL, 燈光偏暗但有打燈, 顏色完全係少女心, 打卡好靚。我地坐低無耐就比個菜單吸引住, 好多選擇, 最後決定叫左一個飯同一個面加一個小食。由於我唔係好食到太辣, 於是分別只叫左小辣同bb辣。首先到既係 水煮鮮牛肉, 跟餐有野飲而且還有白飯, 這是點了小辣的, 但一黎到就比成碗的辣椒嚇到了....見到不同種類滿滿的辣椒, 牛肉都浸在最底, 想必十分入味, 朋友一開始便大口大口的吃, 牛肉很嫩很辣, 超級入味, 而它的汁配飯是剛剛的好, 而且份量都十分大, 配著飯吃完了一碗還有不少牛肉剩下, 可以再添一碗白飯配著吃! 而之後到的則是我點的 牛筋面。因為我不太吃到辣, 這是bb辣。看起沒有很辣, 有一點偏紅的辣湯, 牛筋也是十分足料, 十分入味之如不會煮得太老, 咬下去軟軟的。而面條是幼面, 比起外面配米線, 這裡配著幼面吃可以突出到湯的味道, 面條入味而有彈牙有咬口, 完全有過去在中國四川旅行時吃到的辣拉面條的風味, 十分地道。最後來的是小食: 戀味牛肚(小辣) 無論是口感還是入味程度都十分好, 香港比較小有可以吃到的小食, 這一碟如果不太吃到辣的人可以選BB辣, 因為我們點了小辣, 可能因為一早俺製的, 十分入味, 所以比我們點的其他2個菜都更辣, 差點吃不到呢! 愛辣之人不可以錯過!! 最後跟餐還有2杯飲品, 朋友點的 水果茶 十分吸引, 有新鮮水果泡著, 包括西瓜可以在吃完辣之後解解辣和清熱, 喝下去酸酸甜甜的, 十分值得一喝! 而我點的是凍奶茶, 奶類品有助減低辣感, 而這裡的奶茶更可以自由選擇冰度甜度, 十分貼心! 只是大家記得要帶備紙巾, 因為這兒沒有紙巾提供的, 一盒要加$3, 如果不想吃到滿頭大汗, 就記得要準備啦!…Read More

因為疫情最近都好小出街食野，但因為朋友唔開心於是就出黎傾計慰問下，由於心情唔好，當然食好d啦！選左依間位於灣仔既法國菜餐廳，睇個門面已經好吸引，燈光優美裝潢簡單得黎令人好放鬆有家既感覺。因為限聚令以至場內坐位有限，所以見到門外有不小人等位，好彩我地事先已經book左位，所以唔洗等就可以入場。一入到去待應放底餐牌之後都有簡單講解同預先講定有一d時令菜色已賣完，真係估唔到生意咁好呢。我地2個人主要係想試多d，於是點左2個前菜2個主菜同2杯夥飲全部share，原本仲叫左一個甜品，不過最後因為太飽Cancel左。估唔到佢既份量十分之大，完全對得起個價錢呢！由前菜講起啦，我點左個吞拿魚牛油果他他，他他係法國餐黎解作生牛肉，不過依度既意思係全生咁解，食慣魚生既香港人絕對唔會抗拒依道菜，吞拿魚好新鮮，夾埋牛油果醬一齊放入口軟綿綿既口感真係好正。而朋友則點左一個黑松露蘑菇湯，口感濃凋，仲配上一塊脆卜卜既香蒜牛油多士！接著就是主菜啦，我地分別點左帕爾馬火煺蕎麥薄餅同極致羅西尼牛排。前者真係好特別，係出面極之小有可以食到類似既主菜，而且份量相當大（我們原本仲以為是小食黎呢哈哈），講番味道，帕爾馬火煺睇上去唔明顯，但味道都好出，以蔬菜去襯托到成個薄餅既味道，咬落去有小小似Pizza但又唔會好似Pizza食落咁濟，仲有流心蛋黃流出，十分juice，好特別，值得一試！下次會想試另一個口味（香煎帶子配白酒忌廉的蕎麥薄餅），應該味道會更野味更Juice~而另一主菜羅西尼牛排我們點了３成熟，上碟出到黎熟度剛剛好，一咬落去十分有肉汁，厚度十足，很有咬口，牛味都十分到位，配上一點襯底的薯蓉同烤洋蔥真係好好食，而因為係羅西尼，所以佢既汁都係特別調製的，不同於出面餐廳普通既汁，性價比十足。最後要講就係兩杯果汁，都是用新鮮生果現打而成的，十分健康。（牛油果蘋果青瓜汁，香蕉熱情果蜂蜜）…Read More

旺角雖然真係好多野食, 但其實日日度番工都會食到厭, 最近聽朋友講有間餐廳可以睇到旺角夜景, 靜靜地又好有FEEL既西餐廳唔錯, 於是即刻抱住好奇既心態即刻上去幫襯下!我地黎既時段係下午茶時間, 由3點開始到傍晚。一睇Meun都唔錯wo, 平平地60蚊就有交易, 我點左一個漢堡包, 薯條, 仲送一個小甜品! 絕對對得起依個價wo! 再黎講下D食物水準先! 朋友點了一個煙三文魚意大利面(橄欖油,白酒, 蒜片) 濃濃的汁不算油膩, 吃下去淡淡都有香香的橄欖油味道, 面質亦十分正常, 不會煮的過份軟或硬, 味道洽到好處。而到我個漢堡卻竟然有小驚喜呢! 肉汁十分豐富, 面包質地都唔會話過硬而咬到人口軟, 依個價錢絕對吸引! 而佈置方面都十分精緻, 簡約既歐洲風, 室內會有圓形卡位, 適合小情侶去約會, 重點係仲有個露天室外位, 可以看到十光十色既街景! 而且了解之後及現原來餐廳仲有酒同類似水煙既野!!之後如果約朋友chill下完全都可以再黎依間!…Read More

因為朋友遠從外國番黎, 所以今日Lunch同佢去左公司附近一間酒樓食。長期係外國住既香港人, 最掛住既就一定係香港既點心!所以今日見依間酒樓係正旺角, 交通十分便利,而且睇過唔貴, 便決定一試。一入到去酒樓裝潢十分新淨, 無一般酒樓咁老土,好光鮮亮麗, 有好大塊玻璃窗, 可以一邊嘆茶一邊望到繁華既香港街景,對於長期係外國或黎香港旅行既朋友一定覺得好特別, 十分推介!我地2個人點左6個點心, 分別係:杞子桂花糕黑松露香茜餃鮮蝦菜苗餃懷舊乾蒸牛肉燒賣西班牙黑毛豬叉燒腸韭黃金菰火鴨絲腸2個人食6個點心剛剛好夠飽, 我地1點幾到場, 人唔算多, 可以慢慢坐,佢d點心雖然一d都唔夠精緻,但至在味道夠特別。我特別中意佢個黑松露香茜餃!黑松露味十分突出, 估唔到同香茜可以咁夾!係出面十分少見既配搭, 有小小中西合壁既feel, 係外國番黎既朋友都大讚!可能個人十分愛餃既關係,除左黑松露香茜餃,鮮蝦菜苗餃 都係我覺得要推薦既菜色!蝦同菜苗都好鮮甜,餃皮都好通透! 咬落去好有口感!最後都要提一提個 西班牙黑毛豬叉燒腸好特別用左西班牙黑毛豬做叉燒腸~食落好有口感, 又係第一次見既配搭!食落同普通叉燒相似又有小小唔同!加上2個腸粉就上菜時都比較特別, 佢唔似一般酒樓咁倒d是油汁上去,而係分開上,對於平時中意食比較清淡既朋友黎講,係一個十分好既idea~整體來講, 一d都唔貴, 一人一百蚊左右, 可以坐到佢落場關門,幾舒服,下次都會帶外國朋友黎食, 比佢地食下香港菜呢!…Read More

今日收工想同同事傾計, 於是搵左間糖水鋪食小小野。依間野平時聽就聽得多, 食真係第一次。旺角咁多糖水鋪, 食依間絕對有原因! 裝潢靚之如, 仲有好多不同款既甜品! 我想食窩夫但朋友想食普通台式芋圓涼粉, 睇左幾間得依間可以滿足曬我地2個要求! 先係我既窩夫, 點左芒果雪糕口味, 脆卜卜既窩夫底係即叫即做, 同平時出去食果D名牌店來比, 其實相似度極高, 食落無咩分別都好鬆軟同外脆內軟但價錢就親民好多, 加埋朋友個芒果芋圓涼粉, 2個人加埋食左90蚊左右, 絕對抵食!…Read More

拍拖紀念, 係歐洲住過3年, 男朋友知我中意食意大利菜, 上網搵左好耐先搵到依間餐廳! 係香港真係好難搵到一間正統既意菜, 今次依間係商廈入面既高級餐廳, 好適合情侶黎慶祝, 首先好中意佢個梳化位, 可以攬埋一齊座 XD (最好要BOOK先),之後我地一入到去就比裝飾吸引左, 放左好多意大利面出黎, 仲有即場有3份1個人咁大既切芝士步驟可以睇, 感覺好似真係番左歐洲D餐廳咁呢! 原來依度既PIZZA同PASTA係主打, 但因為唔想熱氣, 只點左PASTA意粉。佢既意粉因為係家傳秘方, 所以好有風味, 偏硬同十分重既小麥味, 同係意大利食到既質感有9成相似! 我地點既係 Rigatoni Fegati Grasso, 係肝咁解, 因為想試特別野, 抱住中伏心情點, 黎到及現十分驚艷! 因為類似肉醬既肝醬完全無腥味, 平時唔太食內臟既男朋友都接受到~D醬灌滿曬每一粒長通粉! 下下食落口都會B D汁出黎, 口感十分有趣。而前菜我地點左Prosciutto di Parma, 係一道傳統既意菜之一, 相比起出邊連所式高級餐廳十分抵食! 最後仲叫左2杯果汁, 奇異果汁好濃, 而另一杯Mocktail叫New Mother, 味道十分好, 酸酸地十分開胃! 食多一碟芝士都唔會覺得漏呀!…Read More

早一排因為心情唔好, 口淡淡食咩都無曬胃口, 所以放工朋友就帶左我去依間餐廳食烤魚。係一間好地道既中式烤魚, 最近小左番深圳, 原來香港都可以搵到一家那麼平靚正既烤魚點。晚上7時左右到左門口都見有唔小人等位, 位置十分好找, 地鐵站直走便到了。也說是十分幸運, 等了5分鐘便有位, 係門口其實就已聞到一陣陣既烤食物味道, 一入店內完全就係被食物包圍既感覺! 又香又濃既魚味, 有辣有唔辣可以選, 呀姐仲十分好人, 推介左我地食小小辣既酸辣豆角味味! 黎到味道剛剛好, 對於平時唔太食辣既我都好接受到, 而魚既方面我地點左一條小邊, 再叫左小小菜同串燒, 而烤魚係會配飯或米線的, 所以2個人食係超級飽! 米線係魚湯米線，個湯味道好濃好正，條魚既精華都係曬度因為真係好香好好味, 所以胃口即刻番曬黎! 條魚入味得黎又鬆軟, 一D都唔多骨, 可以大口大口咁食落去, 濃濃既湯底有十分多香料同配料, 落足心機同真材實料, 因為太好食, 食完仲想加飯, 不過因為真係太飽啦。最後黎左串燒, 豬頸肉串超級好食! 原本以為烤魚主打, 對串燒無咩期望, 點知都一樣咁好食, 烤得來有點鬆脆又帶有肉汁! 完全野味! 如果下次心情唔好, 我諗我會再黎大吃大喝一餐! 一定可以令心情變好! 最後2個人叫左咁多野先係300蚊! 絕對抵呢!…Read More

又有一排無去元朗, 今次入去搵媽咪, 所以想同佢食餐好既, 依間野好似係讀書時已經存在, 今次經過見到又幾抵食咁, 所以就決定一試。我地選左最晚時段, 所以特別平, 以為咁夜入場會無咩野食, 點知仲不停補緊野食, 而且人客都keep住入場, 見黎得既都係拖鞋Hea衫, 應該都係街坊, 證明係常客, 應該真係好食。一開始會問我地要唔要要加錢加牛油紙鋪底, 可以吸油同無咁易燶, 決定食得健康, 所以要左。野食既種類十分多, 因為太餓, 於是飲左碗湯先, 好淡既湯, 但味道材料足, 證明無加咩味精, 再黎叫左壽司同刺身, 單次份量都唔小, 看起來亦新鮮。開始燒肉啦! 不得不提個金莎骨好好食, 仲有秘制叉燒都係必試!!! 好軟熟, 好香。一碟又一碟既肉食到飽, 蔬菜款式亦多, 最後仲食埋甜品, 款式太多, 又好飽, 只拎左其中一小部份, 個人最中意食木瓜布丁, 一口氣食左3個, 最後好滿足咁番屋企! 媽咪都話好抵食, 又可以坐得耐, 食左成2個鍾, 真係好抵。…Read More

搭車成日經過太子, 都見到依間野裝潢特別, 不過一直都無機會食, 今日收工得閒, 想同朋友搵個人小地方傾下少女心事, 於是就提出黎依度。 一入到去餐廳先被裝潢吸引, 係一間全自助既餐廳, 搵位坐底, 自己針水拎Meun, 再去櫃檯落單, 形式不似傳統餐廳, 加上燈光, 令人有一種放鬆既感覺。2個女仔, 胃口唔大, 叫左一個 芝士流心蛋大啡菇 同 菠菜芝士焗蠔 做前菜, 芝士流心蛋大啡菇 一切落去d蛋汁流曬出黎, 同菇既味道超級夾, 最重要係平, $30蚊就大大個。而菠菜芝士焗蠔 芝士味夠重, 生蠔也新鮮, 就因為市面常見而同大啡菇比較下稍為失色。到左主菜, 分別叫左 法式豬鞍 同安格斯肉眼牛扒。不得一提 法式豬鞍 配既紅酒蘋果粒十分好食。豬鞍亦十分鬆軟。牛扒既賣相相對不太吸引, 但就很地道, 配上一顆煎蛋和沙律, 健康之選, 味道也出奇地好吃, 質地也是剛剛好, 不會很油很硬。而飲品方面 荔枝接骨木特飲 和 香茅蜜桃烏龍茶都很清甜, 係很合適2個女仔黎閒聊晚飯打卡既餐廳。…Read More