Karlos0323's Profile

呢日嚟到黃埔嘅「新鮮圍煮」食火鍋，晚市座無虛席非常熱鬧👍🏻我哋叫咗金裝套餐，開胃小食叫咗涼拌海蜇，微微嘅辣味好開胃，作為前菜好適合😝加拿大象拔蚌刺身拼盤，除咗象拔蚌之外，仲有北寄貝、帆立貝、赤蝦，刺身非常新鮮，爽口彈牙，帆立貝大大粒🤪花膠濃雞湯湯底，火鍋湯底一上枱，就見到成個湯係金黃色勁濃郁，店員仲會將成塊花膠剪落去湯底，絕對係真材實料🥰四寶丸拼，分別有鮮蝦丸、鮮墨丸、芝士鮮牛丸、貢丸，大大粒新鮮多汁😝手切本地肥牛，牛肉鮮嫩，肉味香濃，放落去淥幾下已經可以食😍時令海鮮，當日嘅款式係蜆以及蝦，海鮮鮮甜，蝦肉紮實，有竹籤穿實完全唔怕整污糟雙手😆火鍋六寶拼，除咗以上咁豐富嘅配料，仲可以自行選擇六款火鍋配料，我哋叫咗牛柏葉、水魷、金紗魚腐、蜂巢冰豆腐、鮮味炸魚皮、炸西班牙黑毛豬午餐肉，魚腐吸收晒湯底嘅濃味，午餐肉外層微脆😍時令蔬菜，蔬菜新鮮翠綠，放落湯底好滋味☺️最後仲有淮山麵，以及勁大杯凍檸茶，成餐火鍋盛宴都好高質🥰…Read More

呢日喺尖沙咀見到一間又霸氣又華麗嘅火鍋「九五至尊」，入面裝修富麗堂皇，座位之間好闊，而且仲有好吸引嘅優惠，只要喺社交平台分享佢哋嘅專頁，就有免費湯底😍我哋當日叫咗胡椒豬肚湯鍋，湯底濃郁超足料，就算未落任何火鍋配料，淨係食湯底配料都已經好好食🤪海鮮拼盤，一大盤海鮮好豐富，有齊鮮鮑魚、蟶子王、扇貝、大蝦、大蜆😝全部都好新鮮大隻，味道鮮甜爽口😋美國精選封門柳，肉味香濃，放落去淥幾秒已經食得，大大塊好有口感☺️手打墨魚滑、手打蝦丸，自由控制大細，好香嘅墨魚同蝦味，超彈牙過癮🥰午餐肉，微微煎過，外脆內軟，放入火鍋又得，就咁食又得😎分享專頁除咗有免費湯底，仲有麻辣鴨血同蜂巢豆腐任食😝真係超抵👍🏻…Read More

最近喺尖沙咀發現到一間靚靚西餐廳，而位置亦都非常方便，就喺美麗華酒店正門嘅旁邊，有一條電梯，只要上一層轉左就係，非常易搵👍🏻入邊嘅格局好有情調，燈光微暗，定時亦有本地藝術家嘅畫作展出，例如係本地藝術家黃獎，當日亦有獨角獸嘅畫展出，好得意😝除咗高水準嘅食物，呢度仲有live Band，再增添更舒適嘅氣氛😎煙燻烤雞翼，雞翼外脆內軟，醬汁香濃惹味，令人非常開胃🥰海鮮意大利飯，豐富海鮮風味，有齊青口、蜆、蝦肉，鮮甜多汁，而且海鮮飯味道濃郁，絕對高質😋法國鵝肝牛柳，一上枱見到厚厚嘅牛柳，配上飽滿嘅鵝肝，勁吸引🥰鵝肝肥美，脂香感十足，入口即化😍而牛柳肉味好香，亦非常軟腍，點上醬汁味道再升華一個層次🤪豐富嘅西餐，再配上雜果賓治，清甜爽口，鮮艷嘅橙色同成個晚餐都好夾，帶嚟怡人嘅視覺享受😋…Read More

今日去到元朗，食一間CP值超高嘅地道台灣菜，味道非常正宗👍🏻一口雞魯肉飯，一口雞份量好多，每件都炸到金黃色，外脆內軟熱辣辣，加上魯肉好香，食到唔想停🥰芋泥肉鬆蛋餅，芋泥同肉鬆多到差唔多湧出嚟，勁勁勁滿足😆蛋味十足，而且蛋餅皮香脆，芋泥同肉鬆嘅鹹香味亦好夾😋乾拌麵配花枝丸胡椒湯，麵條爽彈入口順滑，同醬料嘅味道非常融合，整體好惹味🤪而花枝丸胡椒湯，每啖都散發住胡椒香味，花枝丸亦大大粒😝台灣菜點少得冬瓜茶，味道清甜涼爽，茶味當中包圍住淡淡冬瓜香，解渴絕對一流😍…Read More

呢日嚟到旺角覓食，見到呢間「麻辣香鍋」，入到去已經聞到滿滿嘅辣椒香氣，鍾意食辣嘅人一定唔可以錯過😝熗炒土豆絲，土豆絲份量好多，口感爽口，而且油份控制得好好，唔會一夾起就滴晒油，辣度適中好惹味，配上白飯已經會食到唔停🥰泡椒田雞，全部田雞都起晒骨，啖啖肉好滿足，田雞肉鮮甜滑溜，再加上有萵筍等嘅配菜，令到整體嘅味道好多元化😋招牌香鍋，有三種辣味選擇，我哋選擇咗醬香微辣，只要任選五款餸就可以起炒，見到咁過癮，我哋就叫咗鯛魚片、餐肉、金針菇、牛肉、雞軟骨、娃娃菜、青瓜、薯粉，合共八款餸😆一上枱見到成個香鍋咁豐富，炒得味道好均勻，幾種肉類都唔會過鹹，而金針菇，娃娃菜同青瓜好新鮮爽口，最後加埋薯粉吸收晒所有辣汁，絕對夠晒飽😍最後食辣嘢點少得飲返兩罐🤪…Read More

呢日喺太子搵到一間工業風嘅西餐廳，入邊環境非常有情調☺️牛油果芒果蟹肉他他，味道好清新，牛油果同芒果嘅甜香味好出，再加上蟹肉他他的新鮮，兩者融合好開胃😍滿滿蜆肉蝴蝶粉，個名絕對冇改錯，成碟蝴蝶粉勁豐富，真係好多蜆肉，加上濃濃嘅醬汁，好高質😋安格斯Prime有骨肉眼 15oz配沙律，我哋另外加咗檸檬鹹蛋黃，肉眼扒大大塊，肉味好濃，加上鹹蛋黃令到味道再昇華，一切開見到牛扒顏色好靚，軟腍無筋😝西班牙油炸鬼，表面佈滿朱古力醬，再加上雪糕一齊食，滿滿嘅甜味令人好滿足🥰青蘋果莫吉托，味道爽甜，一飲落口有輕輕嘅酒味，再加上薄荷葉嘅爽朗，好易入口🤪…Read More

最近嚟咗元朗嘅「七福神和食亭」，日式居酒屋就幾時都咁鍾意食🤪首先前菜叫咗一份蟹籽沙律，咁大份好豐富，而蟹籽亦都份量好多，非常清新開胃👍🏻海膽蟹肉茶碗蒸，蛋蒸得非常滑溜，加上有海膽同蟹肉嘅鹹香，配搭簡直一流🥰芝士焗天火蠔，大大隻蠔配上邪惡芝士，芝士愛好者一定鍾意😝蟹味噌甲羅燒配鱈魚乾，蟹味噌濃郁，散發着新鮮嘅香氣，再配上鱈魚乾，脆脆嘅口感同蟹味噌融合埋一齊☺️鹿兒島鰻魚飯團，鰻魚汁完全沾滿飯團每一粒飯，食落口亦有微微嘅焦香，實在高質😍西京燒銀鱈魚，魚肉肉質細膩，口感滑溜豐滿，而且外層燒到金黃色，絕對係味蕾嘅享受😋壽喜燒牛肉烏冬，壽喜燒湯汁鮮甜，牛肉大大塊，再加上烏冬吸收晒所有湯汁，一路煮味道越嚟越香濃😆網燒牛扒，一上枱見到牛扒嘅顏色咁吸引，粉紅色鮮嫩多汁，肉質軟腍，再點上醬汁令到味道更昇華😍芝士富士山乳酸梳打，白色配藍色好靚，見到心情都靚啲😆炎炎夏日最適合👍🏻…Read More

「四季椰林海南椰子雞」喺深圳非常出名，而家喺香港已經可以食到啦🤪店員服務態度好好，點餐之後亦有教我哋火鍋點樣煮會最好食👍🏻呢到主打四個椰子一鍋湯，唔加一滴水，湯底清澈鮮甜，而且雞隻係用海南文昌雞，放入鍋之後只需要等沙漏5分鐘，就可以開蓋食雞🥰雞肉鮮嫩，吸收晒全部椰子湯，每一啖除咗雞嘅香，仲有勁鮮甜嘅椰子味😍而配料方面亦都好豐富，潮汕非遺丸類雙拼，魚蛋新鮮清甜，牛丸彈牙多汁，絕對高質😋貴州紅托竹蓀，夾起一片片放落火鍋，同樣吸收晒椰子雞湯味，口感爽滑好得意😝3秒響鈴及娃娃菜，食火鍋點可以冇呢兩樣嘢😆響鈴果然只需要浸3秒就食得，娃娃菜新鮮爽口👍🏻金牌非遺臘味煲仔飯，食完咁豐富嘅椰子雞煲，竟然仲有大大碗煲仔飯，香氣十足，加上臘腸芋頭，店員仲好細心問我哋需唔需要飯焦，絕對係煲仔飯嘅精髓🥰…Read More

呢日收工突然好想食泰國菜，所以就嚟到太子，發現呢間非常有驚喜嘅泰國菜小店😝酥炸蝦餅，蝦餅上枱熱辣辣，而且每一塊都炸得金黃色，非常酥脆，咬落口蝦肉彈牙，再配上泰式辣醬真係最好嘅配搭☺️雜菌椰子雞湯，勁足料滿滿嘅椰香味，再加上雞嘅鮮甜味，整體唔會太鹹，絕對係解渴開胃嘅首選🥰菠蘿炒飯，原個菠蘿夠晒風味，而且配料豐富，肉鬆、蝦球、腰果佈滿晒整個炒飯，飯粒分明唔油膩，非常高質😍泰式海鮮炸麵，成個麵炸到好高，好似停留喺半空中咁，夠晒過癮🤣炸麵脆口，再加上豐富海鮮嘅醬汁，有齊魷魚以及大蝦😋…Read More

星期六放假咁開心，梗係夜晚去食個豐富嘅自助餐，最滿足就係各式各樣嘅食物都有齊，慢慢食慢慢傾，真係好放鬆👍🏻呢日我哋嚟到沙田帝都酒店嘅柏麗廳，入面座無虛席，香港人真係好鍾意食自助餐😆一開始就想主攻凍海鮮，一出到去見到滿滿嘅海鮮堆積成山，實在太震撼😆而且仲有龍蝦以及生蠔任食，絕對唔可以放過🤭凍海鮮區隔離仲有魚生刺身，以及日本壽司👍🏻龍蝦肉顏色雪白，冇雪藏味，啖啖肉，生蠔肥美新鮮😋呢度提供紅白酒任飲，仲有雞尾酒，坐低飲返幾杯先盡興☺️另一邊有中式燉湯，亦有西式嘅酥皮湯，滿足晒兩種口味😎亦有即煎鵝肝多士任食，熱辣辣脂香感爆滿🤪隔離仲有佐賀和牛，可以鐵板燒或者牛扒，肉質細滑，肉味濃香🙈芝士和牛漢堡，大大塊芝士勁邪惡，芝士控唔可以錯過😍北海道白樺豚壽喜燒，好多人排隊，壽喜燒醬汁香甜濃郁，全部都可以任食🥰熟食區亦有各種唔同嘅美食，有中式嘅蒸鱔、鴨掌、又有避風塘龍蝦鉗、麻辣豬紅，亦有西式嘅卡邦尼意粉😀排晒長龍嘅仲有心太軟，一切開見到流心朱古力湧晒出嚟，實在好治癒😝…Read More

呢日好想食串燒，就喺元朗搵到呢間「好燒式」，店員服務態度亦好好，一坐低已經有為我哋介紹推薦嘅菜式，然後仲有免費送咗一碟枝豆，食吓食吓又一粒，好開胃😆燒鱈魚乾，口感酥脆可口，每一啖都有魚嘅鮮味同燒烤嘅香氣，配上沙律醬，味道非常夾🥰香煎鵝肝配紅酒汁，大大塊鵝肝實在好震撼，入口即化，鵝肝肥美豐富，完全係勁滿足😋蒜蓉燒蠔，燒蠔同樣大大隻，新鮮多汁，配上香口嘅蒜蓉，好惹味食到唔想停🤪輪到串燒啦🙌🏻雞腎串、西班牙黑毛豬肋串、安格斯牛肋串，串燒帶有淡淡嘅炭燒香氣，雞腎質地綿滑，咬勁十足。黑毛豬肋串肉味香濃，安格斯牛肋串肉質嫩滑無筋，就算燒烤後都保持住肉汁🙌🏻芝士燒龍蝦，足料好大隻，表面佈滿晒芝士，真係好邪惡好滿足，每啖都有龍蝦鮮味，而且好厚肉😋黑松露野菌雞肉意粉，忌廉汁好creamy，而且滿滿嘅黑松露味，熱辣辣夠晒份量😍…Read More

召集芝士控😆🙌🏻KFC推出期間限定嘅「三重芝士脆雞系列」，滿滿嘅芝士一定超滿足🤪🧀芝芝芝味脆雞，脆雞大大塊，外脆內嫩熱辣辣，表面佈滿巴馬臣、車打以及忌廉芝士粉，仲有勁香濃嘅車打芝士醬，一咬落口，每啖都「芝」味十足🥰🧀芝芝芝味雞腿包🍔，成個雞腿包勁厚身😝香嫩既巴辣雞腿扒，比三層濃郁嘅車打芝士包住，配上新鮮爽脆嘅蕃茄以及生菜，食到完全唔想停😍辣汁蘑菇香飯，以及經典葡撻，呢兩款絕對係KFC嘅經典，每次嚟都一定要食😋…Read More

牛魔王一年四季都會想食牛，呢晚喺荃灣見到呢間Day22 Steak，門口排晒長龍，聞到陣陣嘅肉香味🤪我哋叫咗一份鵝肝配安格斯封門柳二人餐🥰雜菜沙律，沙律菜翠綠新鮮，配上麻醬令人好開胃😆呢個餐亦有兩碗酥皮湯，圓拱形嘅酥皮，一篤開佢就好似拆禮物咁樣嘅心情，好有儀式感😝酥皮湯熱辣辣，入面係蘑菇湯，味道濃郁厚實👍🏻花蜜雞翼，外層微甜酥脆，入面嘅雞肉嫩滑，花蜜嘅甜味令人食到唔想停😍主菜嚟啦，12oz安格斯封門柳，配上鵝肝，一上枱見到厚厚嘅封門柳出晒煙，表面好豐富嘅肉汁，只要輕輕燒2分鐘就可以上碟，一切開見到好吸引嘅嫩紅色，肉味香濃，而鵝肝同樣大大塊，油香感十足，非常軟滑，入口即化😋😋茄汁炒意粉，每條麵條都沾上醬汁，細滑彈牙👍🏻套餐仲配上兩杯大杯裝飲品，我哋叫咗柚子蜜以及青檸梳打，果然大大杯夠晒份量，好滿足☺️…Read More

「鹵家」元朗超人氣嘅燒味，主廚之前仲喺五星級酒店工作過，品質絕對有保證👍🏻當日我哋叫咗一個二人餐，有齊兩款小菜，時菜一碟，仲有小食同嘢飲，非常豐富😆住家老火靚湯，熱辣辣，味道清甜，一啲味精嘅味道都冇🤪新鮮時菜，翠綠而且新鮮，煮得啱啱好唔會太硬，口感爽脆原汁原味🥰酒仙醉雞卷，雞肉嫩滑，再加上酒香味，雞卷厚度恰到好處，咬落口有層次感😍蜜汁叉燒王，表面佈滿蜜汁醬汁，融合咗叉燒嘅肉香同埋蜜汁嘅香甜，而叉燒肉外脆內嫩，肥瘦適中😋頭抽豉油雞，一上枱見到成碟豉油雞嘅顏色都好靚，每一啖豉油同醬汁都入晒味，雞肉鮮嫩，口感肥美☺️咁豐富嘅燒味，再配上白飯米粉，絕對係最佳嘅配搭😝…Read More

呢日去咗銅鑼灣廣場食中菜，「香馥樓」裝修有氣派，坐得非常舒適，而且店員服務態度亦好好，會主動加水加茶，好有效率👍🏻此外，夜晚九點後更加有宵夜時段👍🏻杞子花雕醉雞，雞肉鮮嫩多汁，入口即化，而且融合左花雕酒嘅香濃滋味，杞子嘅味甜同醉雞嘅鹹香味融合，口感豐富🥰香芒脆蝦球，蝦球大大塊，表面嘅香芒醬味道濃郁，一咬落口就感受到芒果甜味，入邊嘅蝦球熱辣辣😝杏汁菜膽燉白肺湯，杏汁味道突出，飲落每一啖都有杏汁香味，而且燉湯有微火保持住溫暖，非常細心😍香馥小炒皇，小炒王勁足料，份量好多，有齊蝦乾、魷魚、腰果、炸魚仔，勁香口惹味，令人食到停唔到😋…Read More