SemiCon's Profile

已有多時沒寫食評了, 有點執筆忘字....不過提起意興去寫食評皆因想為自己同認識十多年好友的慶生飯局而寫... 嘻嘻~~~個人真的超愛食壽包, 所以今年其中一餐慶生飯局都選上鴻星, 貪其大大壽包可滿足一下大胃口 三個女孩子, 食不到太多, 連想食北京填鴨都要留待下次才食.. ><先講服務: 朋友仔早於三日前訂位, 準時到達, 其實都唔滿, 不過裝修都不錯. 坐下不久, 有位侍應姐姐走過來, 問我食唔食海蔘, 最搞笑係, 佢手上真的拿著一條海蔘在碟上, 而且條海蔘仲郁的... 果刻真的嚇一嚇....哈哈...不過, 侍應們服務不錯, 經常都微笑示人... 加分!!再講食物:燒味拼盤: 叉燒, 雞拼燒腩仔 - 叉燒雖然較瘦, 但一點都不硬和鞋, 反而好林而且多汁, 送飯一流!! 雞也不錯, 很嫩滑!! 燒腩仔皮很脆, 不太肥!! 整個拼盤很快被KO了....鮑片扒時蔬 - 鮑片很入味, 份量十足, 可惜醬汁太杰, 很膩的感覺! 本以為有點蔬菜可省點膩的感覺, 但很奇怪, 沒想過會用上白菜, 沒有減低膩的感覺, 反而有點格格不入! 所以呢碟餸不太受歡迎! XO醬帶子蒸豆腐 - 個人偏愛豆腐, 所以很多時食中餐都會點有豆腐的菜式, XO 醬帶點辣, 配上帶子和豆腐淡味食物, 很好的配搭! 豆腐很清, 帶子很甜, 這個菜給我第二次encore了!! 壽包 - 今日的主角, 為了食它而來的!! 熱辣辣和大大個壽包, 食一個真的很飽足!! 一整個咸旦王, 岩晒愛咸旦的朋友仔!! 連蓉份量剛好, 不會過甜, 旦王大且流王, 真的很想encore, 可惜真的太飽了!! 紫米露 - 免費的糖水, 由於太飽了, 真的食不下了.....這次慶生晚飯, 服務和食物都不錯, 如有更多朋友仔一齊食就更佳, 可以點更多餸菜和北京填鴨呢...…Read More

同友人二人到九龍城晚飯, 有打算過食泰菜, 但因為最近熱氣得很, 所以決定放棄, 退而求其次食了廣東菜... 經常經過粗菜館都沒有意思一試, 因為原以為是上海菜, 原來誤解了. 是廣東菜而已.....一入餐廳, 裝潢都不錯, 但由於地下無位, 被安排到樓上雅座, 但原來二樓跟地下的裝修好不一樣....地下的座位都較舒服. 二樓的只是普通舊式餐廳一樣...但都無所謂, 最重要食物好食! :)坐低後看到牆上推介的十款菜式, 由於只有兩人, 不能點太多, 所以只算了其中一點點的推介食物...鮑汁乳鴿 - 比想象中沒什特別, 跟平常的豉油皇乳鴿不無多樣....可能expectation高了, 所以覺得名不符實, 但其實味道不差的!! 蜜汁東坡骨 - 醬汁惹味, 送飯一流! 東坡骨肉質淋且鮮甜. 兩舊已可以KO一碗白飯呢!! 咸魚醬炒通菜 - 分量較多. 炒得很青綠, 很惹味的一碟炒菜. 但略嫌薑絲太多.個人較喜歡椒絲腐乳多點. 香辣田雞 - 選了少辣, 但都頗辣. 田雞很入味, 爽口. 口感頗佳. 不錯之選!服務不過不失, 伙計可能聽到我說冷氣吹到我, 過了一會發覺冷氣沒再吹到....細心加分!!…Read More

很久沒有分享過食評了. 最近總是忙忙忙, 幸好友人安排飯局, 我才可食到我至愛的炸豬扒 :)之前已聽聞丼吉的人氣爆燈. 果然聞名不如見面, 不設訂座已是意料中事. 估不到的是友人早在6點半在門外等位都等了45分鐘呢!!幸好我們獲分配卡位, 可以舒舒服服詳談一番 :) 看看餐牌, 花多眼亂... 既想食炸豬柳, 又想食炸蝦, 更想食炸豬扒....最後, 我們分別點了兩款小食和四set定食.凍豆腐 - 豆腐異常香滑. 入口有豆漿感. 加上木魚點綴, 味道不錯! 薯仔沙律 - 紅蘿蔔, 青瓜和薯仔加上洋蔥的沙律. 由於有洋蔥的關係, 令沙律味道更為突出.炸豬扒定食*2 - 炸豬扒炸得程金黃色, 香脆無比. 肉質鮮嫩而肉汁豐富. 外脆內軟真的口感非常!! 真的令我回憶大阪的炸豬扒感覺 炸蠔炸豬柳定食 & 炸蠔炸豬扒定食 - 蠔非常肥美, 汁多肉厚. 而且炸得香脆! 炸豬柳跟炸豬扒不相伯仲, 但口感更佳! 雖然等位時間更長, 但整體服務不錯. 可見侍應是well train的. 他們見我們影相時主動幫忙, 親切有禮, 每隔一段時間會看看我們有什麼需要. 順帶一讚的是, 白飯和椰菜是任添的!! 令我這些細胃人士可免卻浪費. 而大胃王也可以任食. 很不錯呢!!…Read More

一直都想試下Stonegrill的石燒午餐, 貪佢可以用citibank credit card 抵食得多. 今次終於有機會一試...坐低後侍應送上餐牌, 除了citibank的優惠lunch外, 仲有其他lunch set選擇...但我同男友仔為左慳慳地, 所以點了兩set citibank的精選石燒午餐. 侍應同我地講原來用其他咭都同樣可以使用呢個優惠...咁又唔錯喎呢個set其實都幾豐富呢..... 橙汁橙汁幾鮮甜, 酸酸地, 幾開胃. 餐前麵包, 好軟熟, 而且暖笠笠, 加上醋同檻欖油, 實屬開胃 香濃蘑菇忌廉湯忌廉湯有好香濃既蘑菇味, 而且不會過杰. 本來對蘑菇湯無太大好感既我都KO左成碗呢!! 石燒美國牛小柳配珍寶大菇本來我倆以為份量好少, 但又出奇地OK喎! 上枱時牛小柳大概只有兩至三成熟, 侍應先介紹一下最佳既食用方法後, 我地開始自己慢慢將牛小柳放O係石板上燒熟. 侍應話如果要七成熟的話, 大約燒兩分鐘, 如果八成熟就要燒三分鐘. 對於第一次食石燒的我倆, 當然既新鮮且好玩啦! 話咁快已經燒好一件牛柳, 開始燒珍寶菇, 菇既底部本來已經係黑色, 加上可以生食, 所以只係燒左一陣就食喇.... 牛柳好淋而且好有牛味, 加上牛肉本來無落鹽同黑椒, 所以味道可以自己調較. 而菇本身都有一點點水份, 加上伴碟的燒汁幾惹味! 配菜薯仔放在石板上燒一會先食口感更佳, 因為薯仔表面可燒得香脆, 裡面就軟林林, 好好味呢!!紐約芝士餅芝士餅本身夠實, 味道不會過甜, 芝士味濃郁! 可惜餅底唔夠實! 伴碟的士多啤梨雖然細粒, 但非常清甜. 幾鍾意的一客甜品!! 飲品熱檸茶/凍檸茶都不過不失. 服務方面都幾周到, 侍應於送主菜上枱時都會問食客之前有無食過, 如果無的話就會好細仔地介紹一下食法. 另外, 每送上一款食物前都會清理好枱面上的東東..... 服務態度良好...唯一唔好的, 就係個SET本來只係129蚊, 加埋一理應係142蚊左右, 但係加一收費係以個SET原價黎計的...呢樣佢會寫明就有少少取巧吧!整體黎講, 成個LUNCH都食得好開心, 舒服, 而且食物質素中上! 下次可以黎試下晚餐呢!…Read More

難得Sem break, 約左幾個同學仔食餐好既晚飯. 事前通過投票一致決定去荃灣. 因為大家想傾下考試題目, 所以打算搵間可以坐得耐而且舒服既餐廳. 本來都擔心olive既燈光太暗唔方便我地傾考試, 所以預先book定兩間餐廳, 打算有back up. 最後大定都選擇olive cafe...我同另一同學仔先到, 預先留位有一好處係可以坐卡位. 比較舒服. 等埋其他同學後開始點菜.我地分別點左:-煙三文魚他他伴木瓜牛油果, 有同學極力推介, 所以大家都讚成一試. 果然有辦有眼. 賣相異常吸引. 味道亦相當不錯. 最上層的煙三文魚咸咸地配上下層的牛油果同木瓜, 有生果既鮮甜加上三文魚的質感, 口感幾豐富, 加上成個碟邊的提子沙律醬, 酸酸甜甜, 好醒胃! 成個前菜既display好靚好吸引....菠菜/煙肉焗生蠔, 經侍應介紹, 四隻蠔可選菠菜焗或煙肉焗. 本來我都唔太好蠔的, 所以只試左煙肉焗既半隻, 焗得幾香口, 但唔知焗既蠔本來係咪應該會比較多水, 切開半隻後, 見到殼上有較多水, 但整體呢幾隻蠔味道中規中矩. 自選意粉(三款配料), 選左帶子, 蟹肉, 煙三文魚, 扁意粉, 配汁十五十六揀忌廉茄汁同忌廉蛋黃汁, 最後都係揀左忌廉茄汁, 但一d茄汁味都無. 雖然係咁, 但成個意粉都好好味, 意粉有咬口, 帶子, 蟹肉, 三文魚分量幾足, 反而覺得三文魚可以減少少分量, 加多點蟹肉更佳. 香煎果仁三文魚配新鮮薯蓉伴青檸牛油汁, 三文魚上煎得好香脆, 加上果仁更有口感. 但略嫌唔夠汁. 薯蓉有點點南瓜味, 但好好味. 扒紐西蘭肉眼扒配美國煙肉焗薯及素菜沙律*2, 肉眼扒分別一份七成熟, 一份八成熟. 雖然比想象中熟, 但都好淋, 而且好有肉味. 配上燒汁更惹味. 焗薯唔知係咪面有煙肉既關係, 比較喊, 但中間味道適中. 肉眼扒的餐跟鵝肝鴨胸卷. 非常惹味的一個appetizer, 鵝肝雖有少少腥, 但係加上鴨胸味道一流. 香燒澳洲羊鞍配新鮮薯蓉, 由於我唔食羊, 所以無試, 但同學仔話羊扒好好味, 好淋而且燒得外脆內軟. 味道不錯. 食物水準真的可以講得上above average. 每款都好好味, 服務方面都不差, 侍應好有禮貌, 招呼殷勤. 我地都未開口已經過黎問我地係咪需要幫手影相.…Read More

本來我同友人都認為, 日本餐廳無論各方面都理應不太差, 但今天終於見識到呢間另類日本餐廳~!先由等位開始, 友人比我先到, 在門外拿了飛仔排隊, 其實前面都無其他客, 但突然見到一對情侶被侍應帶位入坐. 已覺奇怪. 後來另一侍應見到, 同友人講佢地個位比較不太舒適, 會再另安排位置給我倆...但事實上, 友人比呢pair情侶更早到, 就算位置不佳, 都理應先給我倆? 都算了吧, 反正只多等一張枱. 友人叮囑侍應幫我倆安排梳化位置, 後來都能辦妥.當我到達後, 點了兩個lunch set, 侍應送上兩set餐具並放於籃內, 當我倆正準備用餐具時, 發現籃內四隻刀刀叉叉無一乾淨. 叉上面有已乾透了的飯. 而刀更有一小張紙巾緊緊貼著....即時叫侍應更換. 侍應送上第二份餐具, 仍然如是, 最後竟然換了三次才有較乾淨的餐具使用. 最奇怪的是, 每個侍應見到呢批污糟得很的餐具都沒什反應, 連眼都沒多望一眼. 換好餐具後, 先試試lunch set內的餐湯, 羅宋湯, 味道不過不失, 跟餐沙律亦不外如是, 但沙律碗崩了幾忽仍然使用就是奇怪.主菜蒜蓉雞扒飯味道不錯, 汁較杰身, 但味道濃郁. 雞扒份量比想象中較多, 兩人share食都食不了. 蒜蓉粒炸得香口灑在雞扒上不錯. 吞拿魚意粉味道有點像肉醬意粉, 意粉爽口, 可惜味道不夠濃郁. 但仍是不過不失. 最後加10蚊配餐飲, 本來飲品凍檸茶亦無甚特別, 但特別在, 我點選了少冰, 上枱時竟一粒冰都沒有, 糖水分開送上, 落了大半杯糖水亦是無味. 檸茶不凍之餘有點暖暖地. 檸檬苦澀. 整體來說, 係一杯難飲的檸茶...真的從來無想過, 檸茶都可以這樣差...最後逼於無奈叫侍應取消10蚊餐飲, 寧到外面的7仔買飲品好過了.... 其實覺得食物/飲品味道唔ok要求取消都好平常的事, 侍應之後還要瞪著我, 這算是什麼態度??正常來說, 日本公司/餐廳理應對服務水準非常嚴格, 但我倆真的非常不明白呢間餐廳會有以上種種問題? 究竟係個別事件還是呢間餐廳的作風一直如是?? …Read More

男友仔生日當日, 特別黎到BLT食個BIRTHDAY LUNCH! 雖然食BURGER 要百幾二百蚊真係有D貴, 但一年一次, 加上男友仔鍾意食BURGER就無所謂啦!!我地差唔多一點左右到, 已經坐滿客, 幸好只等左一陣就有位了.. 雖然位置並不prefect, 但都尚算可以! 我地兩個人點左兩款burger同薯條,真係好飽呢!!Australian Wagyu - 口感豐富的burger! 和牛好好味, 肉質鮮嫩味美. 配上生菜蕃茄等蔬菜更加鮮甜清新. BLT Burger - 果然係招牌貨, 牛肉異常地厚身, 好淋而且好有牛味! 但個人認為略為乾身少許.Fat Fries - 炸得好香脆而且好薯. 因為太飽, 唯有放棄整整半份. 但配上burger一齊食真的好好味喔.Red Velvet cupcake - 侍應見男友仔生日, 特意送俾我地的. 非常貼心的服務! 雖然個人對呢個旦糕仔既味道有點保留. 可能我地對於太酸的旦糕不甚喜好, 所以只係食左少少就放棄了....食物唔錯, 服務更加不在話下. 侍應見我帶左爉燭已好有善地幫忙攞火機點火, 仲不忘讚我地有新意, 用burger當生日旦糕, 最後仲幫我地合照至滿意收貨, 最估唔到既係, 送上cupcake賀男友仔生日, 真係意想不到呢!!…Read More

無意中發現OR有優惠, 見食評唔錯, 所以今年男友仔生日決定食日本野慶祝一下. 早於一星期已打電話訂枱. 十分期待的一餐生日飯呢!早於七點多已到達中環, 但大鄉理的我倆對港島區簡直是路盲, 幾經波折, 終於找到餐廳的正確位置, 對於對港島區幾乎0認識的我倆, 只用了大約二十分鐘找已算不錯! 入到店內, 環境清靜, 只見侍應及廚房幾個員工. 但一個食客都無呢~坐低後, 二話不說, 已表明我倆要點的正正是從OR download出來coupon的龍蝦和牛二人套餐! 驟眼看, 套餐份量不算太多. 等了一會, 侍應先送上餐前小食, 鴨胸, 味道清清地, 幾爽口. 初初我倆還以為呢個已經係我地set中其中一款食品, 但原來餐的食物之後才慢慢送上.凍豆腐豆腐好滑, 豆味香濃, 配上紫菜味感更豐富梅子黑豚荔枝從未想像過原來荔枝除了當生果外, 還可以用豚肉包著燒. 豚肉好香脆, 肉汁先甜. 荔枝好香, 而且多汁, 豚肉包著荔枝一同食時, 口感好得意, 香脆之餘又有生果的清爽多汁! 本來我不太好荔枝都被呢款串燒吸引了....仲有仲有, 食時感覺有種莫明的開心...可能因為生果的清甜美味有關吧! 是驚喜之作!鴨胸大蔥有了第一款串燒的高度評價後, 非常期待之後的呢!! 之後上的鴨胸大蔥亦係驚喜之作! 因為我從來食有蔥的東東都會將蔥拎走, 但見第一款串燒味道唔錯後, 胆粗粗的試一試. 果然有驚喜! 蔥味不會過份地掩蓋鴨胸本身的味道, 而且鴨胸本身加上燒汁, 香脆肉嫩, 是不錯的一款串燒呢! (但如果大蔥愛好者, 可能會覺得蔥味不夠喔!)雞腎試了兩款串燒後, 等了好一會兒雞腎才送上. 雞腎味道中規中矩, 但異常香口, 不會太硬. 但食一串真的夠了明太子雞胸經過雞腎串燒後, 之後的明太子雞胸亦是驚喜之作! 明太子鋪滿雞胸. 雖然全個表面都鋪滿明太子, 但味道不會過咸, 返而非常惹味!! 雞胸本身無乜味, 但配上明太子又異常地配合! 北海道帆立貝侍應初送上的帆立貝不禁令我"嘩"了一聲. 因為帆立貝非常大粒, 誇張講有點像波板糖呢! 雖然份量珍寶, 但又不致於鮮甜無比, 一般般吧了.或者因為帆立貝本身無味吧!冬茹+茄子食到呢度, 我倆已經飽了. 冬菇味道中規中矩, 沒什驚喜, 茄子更加不外如是, 所以每款只食了一件, 留肚食主角!和牛+龍蝦半隻本來我對和牛認識不多, 侍應送上時話佢地用的和牛係A4的. 哈哈, 其實我都唔知A幾先係最好, 但佢講得, 我都相信係好野呢!:) 和牛好淋, 好有牛味. 有入口即溶感, 而且肉汁非常多! 好好味呢! 龍蝦好香濃味美! 鋪上芝士燒熟外面有少少苦, 但中間的肉仍是香滑無比! 好鮮甜呢!!稻庭冷烏冬烏冬煙靱非常, 好有口感. 加上醬汁更一流, 可惜我倆已飽得很, 所以只KO了一半已經需要放棄了!! 但呢個烏冬係好好味的, 只可惜太飽而已...朱古力雪糕]最後用香滑的朱古力雪糕做總結係非常完滿的選擇. 朱古力好香滑但味道未算最香濃. 但到了最後一款食物, 已經沒太多要求了. 總結呢餐真的食得非常滿足! 最後一提, 我倆足足包了場兩個小時, 服務都很不錯! 有機會真係會再黎的!!! …Read More

立春之日, 同學仔們為我預祝生日, 本想打邊爐, 但個個都話喉嚨痛, 結困被逼放棄! 最後改選和民~因為大家都要返學, 所以逼不得已九點過後先用宵夜當晚餐! 本來以為9點後會較少人, 但我地都等了差不多半小時先有枱呢!一坐低, 大家好雀躍點選食物, 因為實在太肚餓了~ 最後點了八款食物兩款甜品, 非常飽足完成呢餐生日飯.重溫一下當晚飯局:-食物方面:明太子香薯比薩 - pizza幾厚身, 色水較淺, 侍應送上時雖然燈光較暗, 但都可以清楚睇到餅底色水較淺, 一度懷疑未熟. 幸好食落又唔係呢! 薯仔片幾香, 正岩我呢個薯王, 明太子味道清香. 而且加上沙律醬味道更突出.魷魚燒 - 醬汁香口非常, 魷魚唔會過硬, 有少少脆. 非常惹味的一款食物!焗芝左年糕 - 年糕非常軟熟, 味道適中, 唯可惜芝味不足, 只有口感軟綿綿而已.豬扒煱 - 基本上係每次到和民的胆, 可以自己打蛋煮熟, 有得玩有得食! 而且好鍾意將豬扒連蛋食, 蛋好滑, 雖然本人唔太好洋蔥, 但將豬扒, 雞蛋連少少洋蔥實是唔錯配搭. 但唔明點解, 每次豬扒煱都例必較咸, 每次都要豪飯茶解喝帶子蟹肉丸子 - 炸得非常香脆可口, 初初仲以為裡面係芝士, 有少少流沙效果. 但蟹肉就唔太足料石煱海鮮奄列飯 - 上枱時已經香味撲鼻! 而且熱辣非常. 煱內都非常足料! 配上茄汁飯, 好惹味! 五個人食得好開胃! 推介!鮭魚石狩煱(味噌湯)加烏冬 - 鮭魚只有四小塊, 唔太夠喉呢! 但味道不錯! 豚肉幾爽口彈牙, 其他配料都不錯. 烏冬好彈牙, 非常有咬口, 可惜真的太少了. 每人都分不到五條呢! 豪華壽司盛合 - 壽司精細且的般. 三款口味任君選擇. 個人較喜歡鰻魚, 因為鰻魚上的醬汁甜甜的, 同鰻魚本身好match, 好好味!朱古力熔岩蛋糕 - 朱古力蛋糕好濃. 而且硬度適中. 配上朱古力醬有點漏, 但加上雲尼拿雪糕就可以中和一下. 雲尼拿雪糕異常香滑, 本來唔鍾意食雲尼拿雪糕既我, 都可以KO一個!紐約芝士餅 - 芝味適中, 但如果芝士愛好者可能覺得未夠芝味! 餅身同餅底硬度適中. 其實可以再實少少, 口感會更佳! 整體OK, 但我唔太喜歡旁邊的cream, 一來好肥, 二來好奶! 服務方面:服務有待改善. 其實當晚九點過後要等位都有點出奇, 只係平日非緊忙時間. 當我地入到餐廳內, 發現其實並唔係全full, 只係有d枱仍然未執好. 所以遲遲都無叫! 加茶攞餐具每次都要三催四請服務員先會幫忙! 其實整體食物質素唔差, 只係服務方面麻麻! …Read More

同朋友仔食飯, 揀麻布茶房因為貪其人不多而且可以訂卡位.坐得較舒適, 傾計都計得開心D. :)每次到麻布茶房都好想食甜品, 因為menu內每一頁甜品都好吸引呢!!當然, 還是主菜重要! 所以先點兩個定食. 一個為和風蕃茄鮭魚熱鍋定食, 另一個係壽喜牛肉熱鍋定食. 牛肉鍋先上枱, 其實沒什特別, 只是一般肥牛火鍋而已. 湯底清清地. 容易入口, 肥牛份量足一人食. 且而配有少許豆腐, 芋絲等等, 尚算不錯. 再配上白飯, 其實牛肉鍋幾好送飯. 另一蕃茄鮭魚鍋蕃茄湯底不過不失, 不算太濃味. 但只有三塊鮭魚就嫌略少. 不過味道都不差. 如果湯底再濃一點更佳! 飯後有鮮果杯係唔錯的配搭! 生果都幾甜呢!食飽主菜, 雖然已七成飽, 但仍然被甜品吸引住. 所以分別點了穩陣的巧克力聖代同草梅聖代. 其實兩個不同之處係一個係朱古力雪糕另一個係草梅雪糕, 新地仍然係雲尼拿味. 但由於我唔太想要草梅醬倒係新地面, 要求侍應唔否轉為朱古力醬時, 佢地竟然話唔可以呢! 但可以幫我走醬再另上一小杯朱古力醬....其實我覺得好奇怪, 點解佢地我淋上朱古力醬唔得, 而我自己淋就得呢? 不過算啦, 呢方邊唔再考究, 最緊要食到美味的雪糕...其實草梅雪糕真的好香滑, 而且草梅味不太甜. 所以對其特別偏好其實服務都不過不失, 不過兩個主菜等了很久. 但我仍然喜愛呢間麻布茶房係一個同朋友傾計食飯的好地方!!…Read More

見食評唔差, 所以同男友特意放工一試.其實入店前都有心理準備服務麻麻, 可能無太大期望, 反而感覺OK!見附近食客都有點叉燒飯, 我倆都唔執輸, 叫一碟試試. 叉燒偏瘦, 但都幾林, 反而飯唔夠汁, 令到成個叉燒飯較乾. 食叉燒我都係較愛太興!因為想食得健康, 我倆叫了一碟白菜仔, 落單時, 伙計問係咪要湯? 其實我倆都應到奇怪, 明明叫白菜仔, 點解會問係咪要湯? 後來則邊坐左一對年紀較大的夫婦先知道原來好多人都會係點菜湯的!! 不過白菜仔都不錯, 只是低較油, 味道清清地不致於淡而無味! 另外再點一碟咸旦蒸肉餅. 原來份量都幾多, 兩個人都食唔晒. 好有家庭feel, 肉餅口感豐富, 中間夾雜住肥豬肉同瘦肉, 加上咸旦黃, 幾唔錯的配搭. 個人幾buy呢個餸, 但男朋友話膽固醇高所以我做主力. 但最後都有三份一要打包. 好彩有呢個餸, 第日返工有得帶飯呢. :)臨走見到有食客點左窩旦牛肉粥, 好吸引, 下次一定要試下. …Read More

為了答謝朋友仔幫忙, 特意請食晚飯, 朋友仔推介Pancake colours, 所以故且一試....由於餐廳非常客滿, 故此需預早一天訂位. 幸好朋友仔醒目, 早點訂位, 本想訂七點半都已爆滿, 幸好七點仍然可以訂位!:)七點鐘準時到逹, 朋友仔還未收工, 唯有一個人先到餐廳坐坐. 一出電梯已被閃令令的裝飾吸引. 裝飾明顯能展示出老闆落足心機佈置得靚靚, 單是櫈已有不少於六款! 可按喜好揀選坐位都未嘗一件唔好的! 侍應安排坐低後, 先睇睇餐牌, 大致上main menu是可以不理, 因為set menu基本上跟main menu相同, 只是每個main course貴了大約十幾蚊就可以轉set. 大約七點半, 朋友仔到了, 研究一輪後, 決定點兩個set, 分別係:-1. 芝士焗燒大蝦海鮮燴飯2. 龍蝦汁蝦寬條麵先講一下芝士焗燒大蝦海鮮燴飯. 大蝦比圖片中略細, 但味道尚算可以, 蝦肉幾爽口, 但芝士不夠. 燒得有點點過火, 令蝦有點苦味. 燴飯夠濕潤, 中間加入魷魚, 蜆肉作海鮮, 個人認為如budget容許可多加一點帶子粒或蟹肉更佳. 整體不過不失, 唯一美中不足是蝦有點苦. 龍蝦汁蝦寬條麵味道不錯, 龍蝦汁濃道適中, 蝦肉爽口, 而且份量都算多! 寬條麵有咬口, 不過過林, 但較面的比較乾身, 應該是因為沾不到龍蝦汁的效果. 食到碟低的寬條麵好食得多, 因為龍蝦汁能鋪滿整條寬條麵! 除了主菜, 餐湯就略為遜色, 過酸的雜菜湯實在令人精神一陣! 湯料不足, 而且較稀. 敗筆之作! 跟餐甜品綠茶布甸, 綠茶味淡淡的, 不會太甜, 對唔好甜的不二之選! 另一個set加錢轉心太軟, 等了大約十幾分鐘. 滿心期待. 雖不致失望, 但比上不足比下有餘. 非常流心, 外皮較硬, 而且實太甜, 食了整整一個後已太漏了! 幸好有雲尼拿雪糕伴碟, 中和甜度:) 最後餐飲不過不失, 但尚算大杯!整體服務平平, 隔離有食客倒瀉飲品, 侍應反應不夠迅速, 而且好奇點解唔係用布抹而係用大量紙巾? 好唔環保呢!九點離開餐廳時才發現, 全場已爆滿. 而且有人在門外等位...好誇喔!…Read More

同學仔生日, 有人提議去滬江飯店, 因為大家都未試過, 所以一致贊成通過!:)同學仔早於一星期前已打電話訂位. 接線的小姐提醒我地當日要早點到, 免得人多要等. 所以我地訂了七點半都於七點三左右便到了... 先坐下, 坐位尚算舒適, 不過唯一不好係我地張枱位於正中, 但由於全場爆滿, 無其他枱可轉給我們...由於壽星女未到, 我地四人先商量一下點菜....由於壽星女遲到, 我地都無等佢就點菜了....八點多先有得食, 大家已經好肚餓了...幸好第一道菜無令我地失望. 宮保蝦. 雖然唔辣, 但食落口感不錯, 蝦肉爽口彈牙, 幾新鮮, 而且味道濃道適中, 只是不辣而已. 辣椒一點都不辣, 有點奇怪的是, 明明宮保的東東都係辣, 點解一點辣都味道都無!? 好快蟹粉小籠包都上枱, 大家好珍而重之去食, 因為100蚊只有五隻的小籠包真的有點貴, 蟹粉尚算充足. 汁多肉滑. 皮夠薄, 但比想象中不夠熱, 沒有燙口感覺. 更要一提的是隨小籠包送上的浙醋! 同學仔非常欣賞, 侍應同我地講醋同外面的不同, 買都要百幾蚊一支, 所以同學仔不惜一切都要乾左佢呢!! 因為有同學仔唔食炒飯關係, 我地每人叫左一碗白飯, 糖醋魚塊送飯一流! 酸酸甜甜非常醒胃. 魚塊炸得好脆香口, 而且一點雪味都沒有! 果然貴得值得!! 之後上的家常豆腐都不錯. 豆腐香滑, 肉片切得很薄, 非常入味! 汁既味道濃郁, 又一送飯絕配! 大家都已經過半飽後砂鍋雲吞雞終於送上. 雲吞不錯, 肉味夠而且肉質鮮嫩, 雞已被煲得無味. 所以湯有好濃郁雞味! 大家都飲左兩碗, 但我被逼食了三隻雲吞..真的好飽. 但我地都不忘點甜品. 由一坐低時已打算叫薑茶湯圓, 大家雖然好飽, 但都努力實踐目標, 所以點了八粒薑茶湯圓. 薑茶好香, 而且夠辣, 芝麻湯圓好滑, 彈牙, 而且皮薄料足!! 有點點流沙感覺! 兩點都不太夠喉呢! :)食完點甜品, 大家已經飽得郁唔到, 但仍不忘交換禮物應下節....整體感覺, 服務, 食物質素都唔錯, 感覺, 比預期中好, 可能始終位於尖沙咀遊客較多, 裝修不錯, 而且環境舒適! 服務, 侍應服務態度良好! 食物質素更不在話下, 大家雖然飽得要命, 但都清了大大大大部份美食!! 唯一可惜係我地隔離一大枱d人可能太高興, 嘈得很, 就連侍應們都覺得佢地太過份! 我地差點要用大聲公先聽到大家講野呢~!…Read More

同男友仔兩週年紀念, 本打算食豪點, 但最後想慳慳地平平淡淡過便算了....男友仔提議到chili club. 事關之前食過覺得好好食, 所以十分推介!!:)去到駱克道, 一帶都係night club, chili club就係隱藏於呢堆酒店其中一角, 位置尚算開揚. 而且白色+綠色招牌絕對容易識認!上到餐廳, 幸好時間尚算早, 所以人不算太多, 但以外國人居多. 侍應安排我倆於較偏僻位置, 方便談情呢! ^^ 先睇menu, 蔬菜類於餐牌內無例明. 其他食物款式都尚算有得選擇. 唯一可惜在全個餐牌都無圖片, 大家要憑空想象喔! 我倆點了三款菜. 第一道上的係泰式炒飯. 男友仔極力推介. 可選配豬肉, 雞肉或牛肉. 我倆選了豬肉. 豬肉幾入味, 而且好淋. 但略為大件. 炒飯唔算太乾身, 味道唔錯, 而且好香! 配料方邊有紅蘿蔔粒, 洋蔥, 蕃茄同青椒等等. 算唔錯的一個炒飯, 但如能乾身一點更佳!! 份量唔算太多, 兩個人岩岩好!第二道上的係蒜蓉炒通菜. 菜炒得好靚, 好綠. 味道不濃不淡, 幾岩口味! 食前多點一下汁會更好味!最後係主菜清蒸鮮魚鱸. 原條鱸魚放在爐上蒸, 汁有少少酸酸甜甜. 不會太過濃味. 魚幾新鮮, 肉質爽口且滑, 雖然整整一條魚, 但我倆最後都能將佢KO! 雖然簡簡單單一餐晚飯, 但非常滿足, 滿足在於可以食到好味的泰菜, 亦在於同身邊的人一齊過左一個甜蜜溫馨的一晚 …Read More

今晚老細話要去鴨寮街做market survey, 所以順道一行五人慕名黎試燒肉. 由於時間尚早, 食客不算太多.一坐低, 伙計介紹左幾款小菜, 只可惜我地大半個鐘前才食過腸粉, 所以不太肚餓. 隨意點左幾款小菜.最先上枱既係燒肉(大) 燒肉非常香脆, 皮好脆, 肉好淋, 好香口. 而且仲熱辣辣的! 之後係豆腐魚雲湯, 湯既顏色頗白, 好足料, 好多魚肉, 加上白菜仔, 幾清甜唔腥! 下火一流! 沙疆雞(半隻)跟住送上, 雞肉好滑, 幾新鮮, 而且唔肥. 沙疆汁好香, 送飯唔錯呢! 齋菜卷, 好多件, "獻"汁略杰, 但整體感覺ok. 金銀蛋豆苗, 由於太飽, 無試到, 但色水唔錯. 最後仲點左一煲排骨煲仔飯. 細細煲, 12蚊算幾抵. 幾香口, 因為飯焦都幾多呢!!服務一般, 伙計有點hard sell, 樣都話好食. 其實個人感覺好一般! 係燒肉同沙彊雞較佳!:)…Read More