jassie1550's Profile

星期日同屋企人嚟呢度飲茶。我哋一行6人，響酒樓未開門已經去到，等到餐廳夠鐘開門，職員好好安排二張枱響旁邊的比我地，唔知係人手唔夠定侍應唔記得左，order 左二壺茶，但係其中一壺等咗15分鐘都未有。食物方面，野米珍珠雞同埋炒飯係最好味嘅。炒飯足料嘅鑊氣好夠，唔算多油天下第一包其實係3個細細個既焗叉燒餐包仔，味道都ok的。芋頭，蝦餃，燒賣，腸粉等等味道一般，無特別。我哋一共食左70分鐘。可能因為中午時段假日比較多人，職員間中催我哋埋單。…Read More

朋友話好耐無黎過，約好左一齊響田舍家食lunch。我早3星期訂左枱，個職員好有禮貌問坐鐵板燒，壽司定爐端燒位。我地怕鐵板燒油煙。所以揀左壽司table 😃職員亦有打黎reconfirm booking去到餐廳，我地被安排坐窗邊位。因為天氣好好個景好正！我點左鵝肝、活鮑魚及美國牛肉套餐$690, 套餐包左沙律、鵝肝、活鮑魚、牛肉厚燒、炒菜、炒飯、香菜、麵豉湯及甜品。沙律菜落左好多沙律醋。唔怕酸既我好啱食！鵝肝煎得好香，鮑魚都勁好味。可惜牛肉少少韌。甜品係牛奶布甸❤️朋友點左壽司定食$480, 包左個牛舌前菜、沙律、茶碗蒸蛋、雜錦壽司、野菜天婦羅、迷你湯烏冬及甜品。壽司上面既魚生都ok既，朋友話唔算非常新鮮。如果以食物質素同價錢去比，性價比就一般。不過無得出去旅行，偶然食一次，獎勵下自己，逗自己開心下都ok既！…Read More

餐廳分咗兩間舖，週末排隊排左30分鐘先有位，餐廳唔會派飛。明白而家生意難做，不過又要搭枱，疫情期間向每張枱嘅距離都好近好似防疫做得唔係太好。。。一籠蝦餃$30/2粒,係好大粒嘅，不過蝦重雪味。燒賣又係$30/2粒，普普通通甘筍鹹水角，賣相ok但超厚粉，未食過禁難食既鹹水角🤢同之前有個OpenRice 嘅評論一樣，腸粉係凍嘅。長頭髮，身材豐滿的女職員大聲呼喝客人，態度惡劣咁鬧隔離枱嘅客。真係唔明白點解個女職員禁既態度仲有人幫襯。。…Read More

而家冇得去旅行，響屋企悶到發慌，唯有留港消費。行過見到呢間餐廳轉食松露嘅見每一道菜都會配上松露，就決定同朋友試吓可能因為weekday ，餐廳嘅人好少，大概坐得4成滿。點菜後職員馬上送上麵包，麵包有三個，三個都係唔同款嘅，因為我地都好鍾意食牛角包，但只得1個，職員覆可以食完之後可以叫多同一樣的包1次個包配嘅芝士醬真係好好味牛油得好香，所以不消10分鐘我哋就清左啲麵包啦，同職員講佢就話牛角包冇晒:(其實冇晒牛角包唔緊要不過職員啲態度就唔係太好啦，講真10分鐘都唔夠，就話無哂，真係有啲失望。。。不過唔緊要啦，我哋喺度都係為咗松露。。因為見到Tasting Menu唔係所有嘢都啱食，我哋叫咗一個4courses 既tasting menu 包括香煎北海道帶子，海膽汁意粉，澳洲M6和牛西冷同松露芝士球。另外再al la carte 煎鴨肝， 龍蝦， 千層薯餅仲有cream brûlée 一上枱聞味道好腥，我朋友都唔敢試就同職員講，發現原來上錯咗菜，請完佢哋換返鴨肝。。不過一句唔好意思都無。。。帶子配上蘆筍嘅味道清新。略嫌帶子嘅份量比較少。松露好似無乜香味。煎鴨肝配紅酒燴蘋果，蘋果嘅酸中和左鴨肝嘅油膩。好味。可惜松露亦都係冇乜香味海膽醬意粉海膽嘅味道好濃，唔錯。可惜都係冇乜松露味。龍蝦🦞配上龍蝦湯汁千層薯餅配松露，千層薯餅嘅味道唔錯如果薯仔淋同濕少少會更好味。澳洲m6和牛，好味，可惜都係冇乜松露香味松露芝士球，一般，其實𥚃面係cream cheese, 杯底係碎左的餅，可惜完全食唔到松露味最後，散叫既焦糖燉蛋（$98）味道都OK。個人鐘意食Paul Laxxxxx既多啲總括嚟講，呢一餐主菜嘅食物都可以嘅，而且餐廳個海景真係唔錯。美中不足嘅係主角—松露嘅味唔突出，另外如果職員嘅態度好啲就更好啦。…Read More

疫情期間，各大酒店都推出左唔同嘅優惠。四季酒店推出左特價下午茶卷，剛剛好有朋友生日，就毫不猶豫咁買咗啦。唔知係咪因為疫情關係啦，本身張券係響lobby lounge度享用afternoon tea 既，酒店今次特別安排咗我哋去45樓嘅行政樓層度食tea Lobby lounge嘅好處係有人彈奏鋼琴，45樓由高望海景，感覺好似靚啲。Voucher 既下午茶內容應該同walk in 食嘅食物內容好似有啲唔同。我哋今次係用voucher 的。介紹下個Menu 先食物方面有4款鹹點同四款甜點另外配上原味同埋提子味嘅傳統英式鬆餅。每人可以揀返一壺自己喜歡嘅茶，茶葉都好多選擇有4款綠茶，4款黑茶，4款花草茶同埋白茶。鹹點方面，有蟹肉牛油果軟包，三文魚香草意大利奶酪泡芙，青瓜千層酥（個人覺得似青瓜三文治多啲) 同埋西班牙火腿迷你軟包。甜品有玫瑰蛋糕，玫瑰蛋糕入口酸酸甜甜幾好味不過個人認為玫瑰味唔出。雜莓法式馬卡龍有少少過甜，檸檬凍配moose口感清新，上層白色的moose口感實左少少鬆餅方面分左原味同埋提子鬆餅，配上英式奶油同埋自家製果醬味道唔錯。因為小妹係鬆餅控，食完個tea之後去咗酒店大堂嘅pop up store 買左2件返屋企同屋企人分享呢！($28 each with jam and cream) …Read More

日山響3樓LCX嘅盡頭，呢個位睇海景真係一流！食飯前二日打電話去查詢星期六有無lunch set先, 職員服務超好好貼心問，因為最近海港城都好多人，需唔需要幫手訂枱，禁我就毫不猶豫決定試吓先。餐廳門面好靚好好彩被安排到坐響窗邊位Interior 前菜: 凍蕃茄白酒啫喱，菜同茶碗蒸朋友揀咗一份$488 既和牛sukiyaki野菜盛，職員介紹喺鹿兒島和牛。一共3大片牛分左2個唔同既部位。職員會俾你影咗相先，然後再攞走幫你烹調，咁就確保唔會煮得太過熟或者過生啦。我就揀咗A5和牛牛扒配日式芥末酸汁個牛都ok，不過個人prefer 壽喜燒多啲包左一個柚子雪糕，雪糕有柚子粒，感覺都幾清新，因為食咗一個豐盛嘅午餐，雪糕份量好細，剛剛好。今餐試到壽喜燒好滿意…Read More

好耐冇黎過whisk 啦，上二次黎已經係2年前，而家有restaurant week再嚟食lunch 先！Restaurant week offers 3道菜lunch menu, 主菜揀左珍寶扇貝，main 要左鹽燒櫻鯛而甜點就揀左豆腐雪糕頭盤嘅帶子真係幾大粒，配襯着鮮姜同埋香菜，出奇地好夾，帶子都幾甜，唔會過熟，好味！魚質ok，但係可能落鹽落得太多，所以好咸呢道菜用左海膽汁坦白講，顔色係似海膽但真係食落唔覺得太似海膽。。。而鮑魚係拌碟既，所以份量都好迷你我最鍾意就係呢個甜品，豆腐雪糕雖然唔係咩新奇野，但係呢度嘅豆腐雪糕豆味真係好濃，配上煎菜啫喱，同埋酸酸嘅芒果 感覺好清新總括嚟講，restaurant week Whisk menu 性價比…Read More

聽講呢間米芝連餐廳食物既水準幾高，最近呢間酒店有做醫護人員優惠，毫不猶豫即刻試吓！一坐低我哋點左鐵觀音茶，呢度啲茶好香，好好飲！點心叫左春風腸同，極品三色餃，腸粉係紅米漿整既，包住脆脆蜂巢春卷，𥚃面有蝦，豬肉等，好味！春卷擺左一陣都唔會腍，抵讚本身三色餸係蝦餃，帶子賽螃蟹同菜苗蝦三種。落左單唔夠2分鐘先知蝦餃已經賣晒。細心既服務員提議自己配搭做二色餃，我哋就揀左帶子賽螃蟹同菜苗蝦餃啦！點心賣相唔錯，食得出食物用料都新鮮，而且無乜味精，唔會似傳統酒店食完點心要馬上飲水！和牛炒飯啲飯炒得好靚，粒粒分明，顯得廚師功架好，但和牛太少，太細粒，一般極品叉燒叉燒一上枱，我地3個叉燒控15分鐘全部食晒，唔記得影相叉燒應該係用左梅頭部分所以肉質夠腍，推介！埋單用左醫護半價優惠後每人盛惠300，下次如果有折，可以考慮再黎…Read More

趁假期，約左朋友去銅鑼灣sogo 行下順便食lunch，因為知道一門有做lunch set 就即興黎左。我點左牛肉烏冬同炙燒油金魚壽司，烏冬賣相幾好，牛肉嘅份量都幾多，唔錯朋友叫左個海鮮意粉，好正，有蜆，琵琶蝦，貝柱，好豐富！更餐會附送小前菜同埋飲品，下次一定會再來的！…Read More

朋友發現左呢一間平時好難訂嘅酒店而家竟然有折扣優惠，毫不猶豫就訂枱試吓。今次做緊榴槤甜品主題，啱晒鐘意食榴槤嘅朋友仔呀！食物種類都算幾多，而且質素都OK，冷盤方面例如龍蝦，長腳蟹都幾新鮮，最好味係魚子醬蟹肉多士😋刺身有甜蝦，三文魚，帆立貝，吞拿魚。帆立貝好大粒，好味！燉湯係椰皇雪耳瘦肉燉雞，好大碗亦超級足料！熱盤方面呢有炒蟹，牛仔骨，泰式蝦餅，印度咖喱，豬頸肉，叉燒，海南雞飯，蒸沙巴龍躉，鵝肝等，個人覺得牛仔骨叉燒同海南雞比較好食😋呢度有幾款pizza. 即燒牛扒同羊扒等，試左牛扒，味道唔錯！食自助餐當然最重要係食甜品啦，呢度嘅甜品款式好多。雪糕好正有Godiva 軟雪糕，movenpick雪糕同自家製榴槤雪糕。因為今次係榴槤做主題所以當然唔少得榴槤做嘅甜品啦例如係榴槤布甸，榴槤湯圓，榴連蛋糕，炸榴連脆脆配榴連蓉。唔食榴連嘅朋友唔使擔心，因為呢度有鐵觀音大菜糕，芒果甜品，燕窩甜品等都幾好味㗎！飲品方面，自助餐提供左自助橙汁，西柚汁同凍檸茶，另外每位送餐茶一杯既。如果嚟呢度食自助餐呢可以嘅話肯定枱嘅時候或者可以備注坐近啲食物區。因為坐得遠行去拿食物唔太方便喔！…Read More

表妹生日想食日本嘢，咁啱佢想食嗰間已經滿座，亂打亂撞之下黎左呢一間💛店試吓啦星期六lunch time 超級多人，座位好迫，可以太多人，真係幾熱鬧，有lunch set ，價錢由60到150。如果唔食生野，可以揀熟食例如牛肉飯，烏冬等。　Lunch set 叫咗鰻魚飯，因為生日，想食豪少少😊 A la carte 叫咗杯千層海膽飯因為當日剩係得日本海膽所以要$298另加100，即係變相$398 一杯海膽飯，好彩勁多海膽😍😍海膽都算甜既，但唔係超級新鮮，配上紫菜，好味！鰻魚飯上面快鰻魚都算大塊嘅都唔算好多骨幾好，午餐附送左一個沙律同埋湯。如果要飲品，加3到5蚊就有啦！…Read More

聽朋友講呢間酒店嘅下午茶唔錯，復活節終於可以同我嘅閨蜜試吓啦！酒店位於紅磡碼頭附近，離黃埔地鐵站步行大概6分鐘左右。入酒店之前因為疫情關係所以每位顧客都係要探熱，而且一入咗就要填寫一份問卷睇吓本身身體有冇唔舒服。今次下午茶係同茶靈cha Ling 合作，食物都圍繞着茶做主題。茶靈係法國LVMH集團旗下嘅護膚品牌，產品賣點係以珍稀森林古樹普洱茶為美顏之本。一坐低侍應就為我哋安排左一杯香甜嘅薄荷茶，薄荷味唔會太濃，就算唔係太鍾意薄荷味嘅我都接受到。飲品我哋2個分別揀咗熱朱古力同埋烏龍茶，因為公眾假期關係本身係無限refill 飲品，只限2個鐘無限refill 同款嘅飲品。熱朱古力好香濃，而且唔係太甜好好飲。可惜烏龍茶就一般啦一啲茶味都冇好似有顔色嘅水咁。講到食物侍應提議我哋先食咗熱食先。熱食呢主要包括左羊肚菌糯米雞，蛋沙律鵪鶉蛋包配魚子醬，黑毛豬面頰肉同鮑魚柚子沙律。糯米雞啲飯好硬，而且羊肚菌味道有啲似叉燒; 柚子沙律同蛋沙律包冇乜特別。反而個黑毛豬面頰就幾好食。下午茶又點少得scone 呢，個scone 細細個，一款係原味，另一款係茶味。外面唔夠酥脆，不過𥚃面都幾軟，唔會太乾。配上三款sauce 包括李子，榛子同雜梅醬，都唔錯。甜品方面呢，最好味係梨香焦糖撻，撻底係拿破崙，好脆好味，其餘三款，包括貝殼蛋糕蛋白餅同沙巴翁，個外觀幾靚，可惜真係太甜。餐後侍應送上左一份7.5毫升嘅茶靈香水一小罐茶葉同一張刮沙體驗卡。因為係復活節，酒店好貼心送左盒小小的朱古力就結束左今次既茶靈之旅啦。總括嚟講，我哋覺得服務務真係幾好，但食物同甜品有改善嘅空間，相信我哋都會再光臨既！…Read More

收工之後同朋友嚟到朝聖。chatterbox 響星加坡好出名好好食。唔知係咪因為星期五呢都幾多人，我哋都等左1小時15分鐘😱好耐 我哋叫咗一份鹹蛋黃雞翼，珍寶帶子喇沙，海南雞飯，同兩杯美祿恐龍。鹹蛋黃雞翼，大家都認為係今晚最特別同好味嘅。海南雞飯包咗個湯，雞份量都唔少有，幾好食只可惜雞唔夠新鮮。個湯就一般招牌珍寶帶子喇沙😬😬個湯底好濃杰，記得上枱就要食啦如果唔係個面會發脹變得冇咁好食 。個帶子係幾大粒！不過唔算太新鮮未來可能都唔錯嘅朱古力粉係唔太多，如果濃啲就好啦…Read More

本身小編都係Tiffany嘅忠實fans期待左香港Cafe好耐。今次專程同朋友試吓本身想預約下午茶不過日日都full左唯有book晚餐。晚餐嘅選擇唔太多分兩道菜同三道菜兩款。因為我同朋友都想試blue box cake，所以只係揀咗每人兩道菜。starter方面我哋分別點左油金魚刺身同埋加錢轉配龍蝦沙律,油金魚刺身普通，相反龍蝦沙律有驚喜！龍蝦肉嘅份量比想像之中多，亦都尚算鮮甜美味沙律菜亦都好新鮮仲加咗三小片牛油果添！主菜方面呢, 我哋分別叫咗海鮮墨魚汁意大利燴飯同埋龍蝦意粉龍蝦意粉係要加錢嘅價錢比龍蝦沙律嘅加配價貴！龍蝦肉雖然唔多但係都幾新鮮，而用龍蝦湯整嘅意粉，好好食，個pasta做到好al dente, 墨魚汁意大利飯上枱嘅時候仲好熱呀，海鮮都OK新鮮嘅，做得幾出色！至於招牌蛋糕呢我覺得個味道都可以嘅，唔太甜，蛋糕係海鹽焦糖味，中間有少少朱古力蛋糕，不過蛋糕太少喇，所以如果正式海鹽焦糖，就會有少少太膩。蛋糕嘅外圍藍色嘅部份呢其實係啫哩狀嘅，唔係坊間買嘅糖霜皮，欣賞！…Read More

同朋友第一次lunch嚟食飯，見到會員有買一送一優惠所以叫咗一個特價大閘蟹套餐套餐前菜揀咗小排骨同埋蒜泥白肉排骨甜甜的很入味，可惜肉質很硬，食咗一半便想放棄了蒜泥白肉唔知道係咪廚師唔記得咗放蒜泥？因為根本無蒜頭味。值得欣賞的是白肉不算太肥，吃起來挺爽口。大閘蟹（四両）大閘蟹都幾多羔唔錯。餐廳提供膠手套，濕紙巾，鉸剪同埋捧仔方便食蟹:)很貼心蟹粉小籠包正呀呢度嘅小籠包皮薄餡靚，蟹粉都幾多唔錯唔錯花膠羹係黃色嘅，點解？因為裏面充滿着蟹粉，真係好正！建議可以放多少少大閘蟹嘅肉放落去一齊食咁樣食落去蟹肉更鮮甜，個羹就口感會豐富左蟹粉炒河蝦仁蝦仁好細粒，感覺上唔叫太新鮮，不過味道都可以嘅，食物亦都夠熱！雞油竹筍豆苗呢款唔錯！不過個人認為稍為鹹咗少少黑芝麻湯圓薑糖水湯圓得一粒好大粒。個芝麻餡亦都好好味呀想提一提呢度嘅服務真係幾好。尤其是戴眼鏡嗰位經理，非常好人！…Read More