jt2570's Profile

以前常去太古城但樓下的餐廳都唔太吸引，依加竟然有咁高質的cafe，都幾驚喜。Black Bear位置係太古站D1出口明宮閣地下，地鐵站出去行幾步就見到，非常易搵。日式小清新cafe，牆上的掛畫都係滿滿的details，畫有可愛黑熊卡通同menu上的食物，位置都非常舒適。晚餐過尼食物選擇唔算多，但每樣味道都唔錯，唔怕中伏。主菜先點咗香草醬煙三文魚長通粉(88$) & 照燒牛肉定食(88$)，意粉望落簡單但食落有驚喜，香草醬不是太濃但香氣十足，非常creamy及滿滿嘅醬汁，配埋煙三文魚及車厘茄，滿足。 牛肉飯亦都係簡單好味道，日式家常牛肉丼配味噌湯及小咸菜。甜品點咗黑熊芭菲(88$) & 香蕉朱古力牛角包窩夫(88$)，黑熊芭菲係非常香濃的咖啡味雪糕，底層有粟米片、mousse及海綿蛋糕，再配上焦糖餅同咖啡凍，口感層次豐富，亦唔太膩，coffee lover必試。Croffle份量十足，入口酥脆鬆軟，香蕉同朱古力亦係絕配。飲品方面，熱情果檸檬梳打(50$)絕對係酸甜解膩之選，比較特別嘅係班蘭拿鐵(42$)，香港cafe都比較少見，而且係小熊拉花，真係唔捨得飲，醇滑牛奶帶有淡淡班蘭香氣，小朋友都好岩飲呢。…Read More

試試restaurant week的lunch menu，麵包同頭盤都唔錯，但未覺太大驚喜。主菜的香烤雞胸肉配迷你胡蘿蔔及黑胡椒，食第一舊時覺得雞肉烤得剛好，剛剛熟，唔多亦唔少，口感嫩滑，但食第二舊發現帶點生，唔知係咪正常呢。最後待應會問需唔需要茶/咖啡，留意係要另外加錢的。…Read More

Lunch set份量唔多但尚算扺食，如果一個人尼唔太肚餓都可以點。我地2人叫咗一個牛胸花lunch set (60$) + 四重奏 350g (165$) share，一次過可試晒蒽燒牛胸花、汁燒肩胛片、味噌豬五花、柚子胡椒雞腿肉，大滿足！份量剛好0浪費，食到好飽呀〜…Read More

Weekend同公眾假期另加10$，另收加一，不過都算係抵食。份量方面如果唔係食肉獸，60分鐘一人一鍋有2盤肉都夠晒食，自助餐吧有各款丸類同蔬菜，飲品都有非常多選擇，另外重有雪糕都係任食。時間方面正常速度的話60分鐘真係剛剛夠，未必有時間慢慢嘆，但整體都好唔錯。…Read More

機場店真係無乜選擇，只有screen的餐牌option。本身想食燒味，但無最愛的燒肉，呢到亦無招牌冰鎮奶茶，都有d失望。叫咗乾炒牛河，ok不過不失，另外叫咗金銀蛋肉碎配時菜，呢個真係中伏，個底係娃娃菜，個芯重好硬，面頭重有生嘅蛋白，蒸唔熟。…Read More

無食一排，已轉menu，唔知係員工問題定點，份量明顯少咗。菜式方面，新menu有香芋栗子櫻花蝦沙律，覺得以前南瓜個款好食好多。另外燴高野豆腐栗子比目魚都唔錯，但亦都係之前個款比目魚更野味。…Read More

Lunch set有餐湯及飲品，點咗鮮忌廉黑松露雜菌長通粉 (98$另別一)，份量大，足料，餐湯係椰菜花煙肉湯，都唔錯，飲品叫咗水果茶，唔洗加錢都有非常多選擇，全部可選凍/熱，唔係剩係得熱飲同檬水/檬茶/奶茶。…Read More

餐牌加晒價，但呢到食點心質素真係唔錯，員工service亦都非常好。麻辣濃湯小籠包 (78$) — 外皮非常之薄，夾嘅時候要小心，滿滿湯汁，淡淡麻辣味，較特別。蟹肉南瓜餃 (98$) — 足料，啖啖蟹肉，非常唔錯。黑椒安格斯牛肉腸 (98$) — 一般般，無乜特別，可以唔洗試。香煎椰汁年糕 (78$) — 新年menu item，都係一般啦，椰汁味香濃。雪山叉燒包 (78$) — 必點，麵包鬆脆軟熟，叉燒餡料夠惹味。芙蓉海鮮芋角 (88$) — 必試！酥脆唔油膩，咬落啖啖海鮮粒同芋蓉。潮式灌漿蘿蔔糕 (88$) — 好特別的口感，軟軟糯糯，唔似食緊蘿蔔糕，但都唔錯。京都豆腐始凍 (78$) — 少少甜味，奶味香濃！…Read More

半自助午餐有沙律(自助)+餐湯(自助)+小食+主食+甜品+飲品，主食重可以揀細份/正常份量，唔太肚餓可以揀細份，唔洗浪費食物。食物質素都唔錯，推介牛肉飯同肉醬意粉，抵食又滿足…Read More

話係意大利餐廳不過俾我感覺更加似樓上酒吧，環境較暗，亦都比較嘈吵，不過都叫做有氣氛，同朋友尼飲杯野食下西餐都唔錯。食物方面水準都算高，最愛truffle pasta，小食同甜品都係非常唔錯，可以一試…Read More

帶朋友尼食晚飯，必點片皮鴨就唔多講，今次試多咗幾款菜式，整體都係唔錯。石鍋海皇野米貴妃泡飯 — 非常暖胃，足料，湯底鮮甜，重有配埋脆米，多重口感。黑松露蠔仔煎蛋 — 好大份，蠔仔都多，煎蛋配黑松露醬一流，中意食辣可以問店員拎辣椒醬。巴蜀口水雞 — 雞肉去晒骨啖啖肉，口水雞醬唔太辣，胡麻味濃，幾特別。…Read More

去Airside必食cafe，lunch menu 2道菜238$，但份量大，食物高質，對得住價錢，待應服務同環境都唔錯。頭盤分別試咗炸甜粟米、布拉塔芝士(+32$)、淺漬帶子(+48$)，都非常唔錯。主菜嗌咗平目魚邊手捲義麵、黑蒜蘑菇扁義麵、牡丹蝦魷魚義麵，推薦平目魚邊手捲義麵，手捲義麵口感特別，醬汁creamy，平目魚邊油脂甘香，必試！…Read More

每次行完ikea都鐘意過尼食飯，各式各樣中式/台式菜。今次試咗川味麻婆豆腐，夠麻夠辣，送飯一流，不過唔小心咬到啲辣椒都真係幾辣下。另外點咗鹽酥雞髀菇，夠酥脆夠juicy，覺得好味過雞肉。飲品都唔錯，推介芒果海鹽芝士奶蓋。…Read More

呢到位置非常方便，黃埔站A出口一出去就係。網上睇餐廳係由韓國夫妻打理，店面裝修都係韓國餐廳風格，好homey舒服的感覺，不過今日尼到就撞唔到老闆。 一坐低店員會先上三款泡菜，包括辣白菜、菠菜同醃蘿蔔。第一道菜先上醬油韓國蟹+白飯 (198$) —— 香港都食過幾間醬油蟹，呢到質素真係唔差，完全無腥味，只食到蟹肉鮮甜味，蟹蓋嘅蟹膏mix埋生蛋黃，配上紫菜拌飯簡直一流。 下次真係要試埋醬油蝦！必食燒肉點咗豬肉Set A (399$) —— 夠晒兩人食，有烤五花腩、辣醬烤五花腩、烤豬頸肉，配菜有腸仔、芝士、茄子、炮菜，比較特別係有雪耳，第一次韓燒時食到！店員教路芝士可以剪細塊夾埋燒肉一齊食，好邪惡〜 豬肉肉質亦都非常唔錯，好juicy，燒耐咗都唔會柴，而且每塊都係厚切，絕對啖啖肉。燒雪耳第一次試，軟軟糯糯，口感都唔錯喎有驚喜！另外亦都點咗個韓式牛展冷麵 (118$) —— 食完熱辣辣韓燒後食返個酸甜水冷麵特別解腻，而且非常之大碗呀，兩個人share都夠晒。…Read More

經過坐低飲杯野，分別叫咗芋頭鮮奶同珍奶，兩杯都嗌咗少冰，但最後成半杯都係冰，唔敢想象正常冰係點 底下d珍珠同芋泥都較難吸，要大啖吸先食到，感覺飲幾啖都飲完了 味道不過不失，都好飲但無太大驚喜。…Read More