Shelia Lai's Profile

今日8號風球一早落左，開心🥳咁放假既我就當然出去行下，食返d好野慰勞一下平日返工咁辛苦嘅自己，哈哈😆其實都係借口去左中環行街，但又擔心出邊落雨所以都係決定喺IFC入面搵食，行到DALLOYAU見到個杏仁牛角包好吸引所以就決定坐係到食🥐🥐🥐🥐🍵🍵🍵🍵環境都可以啦，係IFC入面都有background music，唔會差得去邊，開放式可以比行過既人睇下你食緊d咩，可能可以幫佢哋吸引下d人，櫈都幾舒服咁叫左杯鮮奶抹茶，好香抹茶，夠滑，跟住就食物黎到，牛角包係熱辣辣，仲好香添，急不及待嘅我好快就動刀，唔好比佢凍左，一刀落去點知有意外嘅驚喜，原來佢係杏仁流心牛角包黎架，食完個包同飲品就已經好飽，好滯，今晚晚餐都唔洗食啦，可以慳返一餐嘅錢😂仲有要提提大家呢度係有最低消費😂😂及加一服務費😂…Read More

落雨天又凍凍地🥶最啱就食返啲熱辣辣嘅糖水，可惜食完晚餐之後冇堂食，不過唔緊要，買個外賣返屋企一家人一齊食個暖笠笠既仙草糖水啦！先黎講下服務👌🏻晚上買外賣等候時間唔會太耐，店員都會重複一次你所叫的糖水，及告知外賣要加一，唔會覺得你一定知就唔通知一聲直接收錢跟住就食物質素買完返屋企都要20分鐘路程，但返到屋企啲嘢食都仲係暖笠笠👏🏻芋圓好煙韌，由於仙草係熱嘅所以係落單嘅時候職員都有提醒會同凍既唔一樣值得一讚揚。仙草和豆腐都好滑，芋泥好香外賣包裝非常好，包裝紙盒拎到返屋企都唔會有一種會溶溶爛爛嘅感覺，膠袋硬度高，可以循環再用。…Read More

今日天氣一般，搞到心情又好似唔係咁好，咁就搵d好野食下，開心下啦🥳反正好耐好耐無出國，日本又去唔到，咁就愉快地決定係香港食個壽司🍣當去左日本食開心下啦😁咁就去左日本人氣迴轉壽司郞。。。等咗一個鐘嘅壽司。。。首先黎講下職員服務服務係十分之好，令人很滿意，由帶位到入坐最後還做了一個簡單介紹，令第一次黎既客人清楚知道杯碟，醬油餐具嘅位置，另外可以用ipad點你想要既壽司或其他食物，食物會由上面的運輸帶送到。跟住就講食物品質食物好新鮮😋3文魚好滑，蟹膏松葉蟹都非常之好食，唔會有腥味，炸物脆口，應該係即叫即炸，茶碗蒸材料充足，甜品芭菲不論視覺定係口感都係多層次嘅享受，單食雪糕可以享受濃郁的奶香味，但混合水果嘅酸味同朱古力又係另一番味道，雪糕唔會只係得一種甜味令人生厭。最後講埋環境環境衛生都很滿意👍🏻但有一個問題就係如果坐門口位置朋友就會俾正在等候的客人睇住你進餐，應該會有d唔係咁自在。整體黎講由入坐到離坐不論職員服務，食物質素，環境衛生，都很滿意👏🏻下次可以再次光顧👏🏻…Read More

係朋友既介紹下就去咗尼間餐廳試一試，睇下尼間店舖既環境食物如何啦～一入到去環境幾好，我哋被安排到sofa既位置坐，要讚佢地既坐位舒適，地方闊落，但唯一覺得唔好既地方係有啲嘈吵，如果想要一個寧靜嘅地方傾下偈就唔太建議啦😂😂到食物方面啦…我最欣賞既係佢個蘑菇湯，夠晒creamy 😍 好好飲。另外，我哋仲叫咗烤魚食，令到我依家都印象深刻，我未食過咁特別既烤魚，佢地應該係用咗香茅來醃製令到條魚食落去好入味☺️卡邦尼都係我果晚食得最多既一樣食物，意粉硬度煮得啱啱好，煙肉一啲都唔吝嗇😂豬肋骨多汁，有嚼勁，醬汁調教非常好，又濃郁，又入味，佢仲配搭左薯條🍟服務方面，侍應做得非常好，係我哋需要佢嘅時候好快就出現，服務一百分💯…Read More

朋友突然揾到一間隱世美景西餐廳。既然係咁，擇日不如撞日，所以我哋決定過去這間西餐廳一試他們的set lunch。我哋即時打電話book 位過去食😚原本想坐窗邊的位置嘆住美食觀看著美景地享受午餐， 但服務員表示已經冇哂窗邊位置，但我哋為咗可以品嘗一吓，最後也決定過去😋服務員態度：非常友善，值得一讚，我哋一坐低就送上溫暖的餐包，然後我哋每人叫咗一個set lunch，仲加配甜品。食物味道方面：色香味俱全😋即時令我口水分泌增加😂連沙律擺盤也很美，一看便知很用心製作👍🏻配著美景享用增添不少分數環境方面：環境一流，可以觀望馬場，亦可觀望維港景色在灣仔區148+的價錢，可以享用到高級餐廳，值得一試…Read More

中午既時間先來到赤柱的芬蘭節，所以決定食個午餐先再慢慢行，左揀右揀都係決定去食下點心，地方乾淨，環境都好靚，就係霞飛點心拉麵啦～我地好快被安排到卡位坐，我地睇左餐牌好多上海美食...正呀～最後我地叫左3個麵+小籠包....小籠包皮厚，麵一般般，服務太度唔得只好期待芬蘭節的美食…Read More

進店後發現店裡沒有客人，但服務員也有禮貌 邀請我們，所以就選擇了窗邊位置坐下，本來我們是選擇了坐在旁邊，但服務員要求我們要對住坐(但整過午餐時間也只有一位食客上門，也不讓我們選擇坐的方式，這方面我們不太滿意)，中午食飯千萬不要選擇窗邊位置，因為會直接曬著來食飯，店裡也很悶熱。食物普通，可接受…Read More