eat.ley's Profile

荔枝角d2place嘅麵包舖:)睇相佢啲包全部細細粒咁好似幾精緻 都有comments話幾好食 就一於去試下布甸包同麻糬波都好多品味隔離仲有少少位可以坐低食都有其他麵包 但就所剩冇幾了牛奶布丁麻糬 $13細細粒咁13蚊真係小貴布甸都幾滑嘅 偏實 都重牛奶味個殼係黑芝麻味 食落都有咬口仲買咗4隻麻糬波($32)貴過平時嗰啲幾多下 但佢話係流心 可能特別啲呢👌🏽～芋泥麻糬波一拎上手都覺得好輕🫡一咬開直程surprised 個餡竟然可以細到咁🤨個皮好薄 冇乜咬口好啦試流心🙂～玄米茶流心麻糬波記得個staff同我講唔建議翻熱 咁我放隔夜直接食如圖:冇流心 2pat醬 冇醬個啲位唔知食緊咩Ps 味道係ok嘅 茶味都出 唔似撈咗好多添加～開心果味我試下氣炸加熱一咬裏面超多醬湧出嚟🫡係多到漏 噴出嚟千祈唔好加熱⚠️Anyway 唔算好重開心果味😔～焙茶味重茶味呢個個味係最出色都係噴餡 因為我係一齊加熱食完除咗覺得唔抵之外😂真係好好奇係點食先做到流心嘅效果 因為我跟佢指引食一個先😊我唔係冇聽人講Overall 雖然精緻 但好細粒 性價比低我概念中嘅麻糬波係會有空心 但個皮唔至於咁薄 同埋會有煙韌感🫡…Read More

呢間gelato愈嚟愈多分店 睇佢網上menu啲口味都幾特別仲成日會轉款個招牌唔太顯眼😂但地點方便 一上電梯就係真係超多人排長龍 立食區都企滿人好彩有得睇佢社交平台揀定味🤡如果唔係排到去睇到都揀唔切有個牌寫明要先比錢後試食🙇🏽‍♀️不過我見咁多人就冇試Triple scoop $70(Thai milk tea, tofu, crème brûlée)太多選擇真係好多味都想試最後揀2個classic味, Thai milk tea係月份限定🧋豆腐味好清新不過紅糖冇咩存在感Crème brûlée真係嗜甜人限定裏面混咗焦糖碎 呢一scoop都幾大球😛食完都幾甜滯奶茶比想像中重茶味微甜 適合中和返球crème brûlée😂Overal份量都ok算大 性價比中上見多人話服務態度差但我掛住揀雪糕冇留意佢咩面口 語氣普通啦😂唔expect佢要幾熱情 始終都好多人好忙…Read More

銅鑼灣高質朱古力專門店🍫😈之前都聽講過銅鑼灣有$10抵食蛋撻但又唔算太多人講就冇諗住特登去試聽朋友食完feedback幾好就去食下location好易搵 bakehouse行上少少就到 出奇地唔多人 排幾個人就到主要係賣朱古力 但都幾多麵包pastry 另外仲有雪糕🍨一場嚟到就試埋第隻味買咗70%黑朱古力千層撻（$10）同巴斯克撻（$15）行出門即食 個撻仲暖笠笠撻皮好脆 個底一啲都唔會油膩 中間朱古力同蛋醬好夾又唔會太甜巴斯克相對就普通少少裏面係偏實淨嘅芝士 食落都比較滯整體嚟講個朱古力撻超值得encore又好食又唔太漏又抵…Read More

舊式嘅傳統食品店 冇ig冇剩 招牌亦都唔太顯眼😂之前成日經西營盤都唔知佢嘅存在Ig見過有人po但睇comments又比較參差但式逢我係中意厚皮糯米糍就特登嚟試下買咗呢排好興嘅開心果糯米糍（$8）Size中等 個皮一啲都唔厚😂食落煙韌軟熟餡係開心果碎撈芝麻同砂糖 但糖嘅份量唔太多 係少甜版 （fyi冇均香咁甜)餡量都唔少 $8真係好抵 好似係我見過最平嘅開心果糯米糍另外仲試咗南瓜餅（$6）拎上手仲暖暖哋 好軟熟淡淡南瓜味 好天然無添加嘅感覺整體2樣野都好好食仲要係其他地方好難買到 又賣得好平好抵間野都唔少負評好唔好食見人見智 可能比較啱啲淡口味/唔想食咁多添加糖嘅人…Read More

碌ig見到話呢間係芋泥控必去麵包舖❣️即刻遠征去北角試下地鐵站行幾分鐘就到weekday唔太多人 可以慢慢揀超級多款呀真係會選擇困難 最後揀咗最出名嘅芋泥布甸包同開心果布甸包個日咁啱冇芋泥bagel🥯就試住焙茶bagel先即刻試食咗開心果❣️一打開個盒已經勁香 佢係外面係法包 裏面成pat都係開心果呈半流心狀態 好濃開心果味食得出好足料 個size又算大 咁樣都只係$24真係良心價外皮比較韌 meet/切都會幾難好難影得好睇 食落就好有口感佢係似開心果布甸而唔係直接成pat醬 所以1人食晒成個都唔滯👅芋泥放到第日食 店員有提話放第日要焗爐/氣炸鍋翻熱氣炸咗2分鐘:)布甸同芋泥嘅texture都keep得好好 外皮對比起即食會比較脆同冇咁有咬口開頭仲驚布甸同芋泥會唔會唔夾原來係超好食芋泥食落好天然 唔似撈過糖 裏面仲混咗粒粒芋頭增加口感整體嚟講芋泥會偏甜過開心果嗰個因為層布甸都幾甜 焙茶bagel🥯 $20開頭見啲bagel細細粒咁仲覺得好似唔係好抵夾起個下就發現佢好重磅😂返去切開真係好足料 焙茶奶蘇份量好多差唔多啖啖都有樣樣都超好食❣️個人覺得開心果最值得encore 佢嘅撻同開心果千層酥都好吸引價錢中等但就足料同好食過唔少出名嘅連鎖麵包舖…Read More

近屯門中央廣場 附近人流都唔算多 搭車去嘅話就輕鐵屯門泳池站最近🤔早幾年整回鄉証都食過一次個smoked salmon bagel超好食食物款式都多咗幾多menu係散叫冇set今次就試咗個vegan all day breakfast ($95)🍴擺盤好靚整體唔算大份所以一個人都絕對食得晒本身係想食牛油果🥑所以先叫adb 不過個portobello 先係mvp新鮮整熱辣辣上枱 煎得好juicy2塊sourdough都好好食唔係硬到切唔到個種其他野就中規中矩🤔炒蛋都整得滑 茄汁豆同沙律菜偏小🥗拉花好靚環境好chill都唔少人會帶埋狗仔嚟 超得意🥰…Read More

尖沙咀k11 art mall隱蔽餐廳匿埋係間家品店裏面聽講平時排晒長龍所以佢未落完場就去定門口等位! 17:45重新營業都已經有3-4組人等緊🤔店裏位置唔多所以遲幾個字嚟真係要排隊la❕主要係食牛 所以小食同甜品選擇都唔多慢煮牛($88)+温泉蛋($10)同朋友分別揀咗配白飯同意粉意粉超好食 有拉絲芝士紅酒燒汁 食落係甜甜地撈埋飯好好食牛嘅質地都正 上菜快至於份量方面 的確係偏細一上菜都覺得比我想像中迷你👀牛知道係90g 但飯量都偏小 好快就食晒味道上的確係冇咩挑剔🫡但份量唔太夠飽 性價比偏低 不過佢係呢個商場貴啲都合理啦:)如果係食肉獸/餓底建議去食大角咀個間慢煮手🫢…Read More

新開麵包舖 係正百佳對面中式包鋪隔離放工等巴士嘅打工仔又多個醫肚選擇因為新開 所以都幾多人圍觀下😂放工時間去 有啲款e.g.牛角包🥐 danish個啲都sold out麵包款式都幾多港式有豬仔包 菠蘿包 都有西式啲嘅tart cinnamon roll etc.買咗蕃薯包($14) 睇下可唔可以做a1平替係唔得的因為咬開發現好小餡 性價比麻麻🫢包體係好食嘅好軟熟感覺好新鮮 另外試咗紅莓cream cheese包個包同樣係好軟熟放隔夜都keep到唔洗reheat就可以食呢個個餡就超足料勁滿cream cheese 食完都幾滯 紅莓粒都幾多但本身唔覺得呢個combination特別夾🫢所以都未必encore…Read More

灣仔新開嘅cafe係港灣道體育館/會展行過嚟都好方便平時仲會有outdoor位 不過個日咁啱擺booth冇咗空間都幾闊落 坐得舒服weekday去人流唔多食物嘅款式超多價錢實惠 賣相都好好❣️揀咗柚子撻同flat white都算重柚子味唔會得個甜字 食晒成個都唔會覺得滯個底係偏實淨個種😂用叉吉都會有啲難度拉花都有心機如果可以唔用外賣杯上就更加靚整體成間野都唔錯一大個櫥櫃display啲野食出嚟超吸晴👀同埋每張枱都有放紙巾超貼心…Read More

荃灣昭和風cafe冇預先book位好彩個日walk in都只係等1,2枱室內設計超有feel好似去咗日本旅行咁枱嘅數量唔算多 spacing都夠嘅 但每張枱嘅size偏細 似係食light meal會比較適合正餐會唔夠位放野食叫咗2個main 2個甜品share維也納咖啡 pat cream幾正的經典蛋包飯隻蛋整得好靚不過比我切fail咗食落嫩滑 飯裏面都有啲菇粒唔會太膩白味噌野菜雞腿雞腿好滑 不過成個汁撈飯會小滯建議shareSeason menu嘅basque cheesecake同蒙布朗蛋糕🍰😍巴斯克唔算流心狀 面頭嘅焦香有啲太焦 同個蛋糕分離開咗蒙布朗 好甜 同好甜甜品冇乜特別🤣可以略過唔試…Read More

深水埗老店糯米糍均香地點唔算就腳地鐵站行去都有段距離 今次去開石硤尾邨終於去到試！Weekend嘅下晝去 都有好幾個人企門口等緊落單嘅形式係同門口伙記講 佢再用張紙mark低然後等叫飛好似係即叫即包所以都要等~10min㗎糯米糍價錢同連鎖店(e.g. fresh fresh bakery)咁上下不過就冇話買幾隻會有discount咁樣今次買咗3隻試下先開心果 榛子朱古力 花生🥜見唔少人都話有比錯味嘅情況所以拎到都即刻睇下 好彩開心果 榛子都易識別 不過其他basic味可能就難睇啲糯米糍餡料十足好香開心果味 皮亦都唔會太薄太易穿(個人中意偏厚皮🫢) 不過食落個餡都混咗幾多砂糖嘅感覺 整體會偏甜榛子放到第二日先食(suppose建議即日食)拎起個皮比尋日硬少少 但食落仲係超軟熟個餡感覺好似食緊金莎朱古力咁 係朱古力甜味(冇粒粒砂糖feel)花生最特別個位就係面頭鋪咗椰絲 個餡係撈糖一齊炒(好似係)所以偏橙色3粒裏面最好食係開心果如果可以撈少啲糖會再好啲整體價錢同市價差唔多 做得最出色係個皮如果本身中意薄皮就唔洗為咗個餡專登山長水遠嚟排隊🤫另外鋪頭嘅排隊安排都小亂 一堆人企係度 都唔知佢係落單定等緊糯米糍🫡…Read More

Bookmark咗一段時間終於去到6點幾去到都有人龍了 最後大概排咗個幾鐘鋪面偏細 位置唔多放咗好多公仔 盲盒裝飾超得意叫咗2款牛share👅揀咗最多肉嘅size跟set會有前菜同湯等緊main嘅時候唔會太餓太無聊牛肉排得超靚份量真係好多 味道上唔會太多調味而遮過佢嘅原味好有嚼口又唔會太un整體份量都好多🤰🏻1人應該食唔晒呢個size 最後仲食埋個甜品cream好滑 不過成件係算light 飽到捧住個肚走每枱其實都會食個幾鐘起跳🥹因為份量好多好彩呢間係冇限用餐時間…Read More

Soft thunder堅尼地城店係地鐵站出口行前少少就到啱晒買完pastry去行海旁鋪面闊落 包點嘅種類超級多近窗個櫃仲有好幾款蛋糕 巴斯克都有 後面靠牆櫃就有袋裝麵包🍞價錢都算扺食大大隻bagel🥯平均都只係~$20今次試咗custard tart ($12)同hojicha black sugar mochi scone☕️趁新鮮就即刻食咗個撻酥皮層次分明 又唔會太油膩 中間個蛋都好滑好香濃個scone留咗第日食焙茶味都濃 texture唔太鬆散值得一提嘅係個staff全程都好friendly超好禮貌呢間bakery暫時仲未係網紅店🤭所以唔算太多人 但質素好過唔少要排長龍買嘅bakery…Read More

係會展返工食lunch冇咩選擇🥹唯有揀最近又唔洗等位嘅餐廳3日都係~12:30-13:00食 唔洗排隊啲位仲幾闊落每日有4-5款飯 款款$68 🤔呢個價係呢個地段嚟講算係咁雲耳蒸雞飯雞嘅份量算多整比想像中好食杞子榨菜蒸肉餅飯榨菜嘅存在感太低令個肉餅太油太鹹 食到一半就好膩咖哩牛肋肉飯🍛牛肋條燜得夠淋個咖哩汁都好食 唔辣所以係老少咸宜 裏面仲有啲薯仔 紅蘿蔔3個嘅飯量都有啲偏小68蚊少餸都理解嘅 但飯都小就對企咗成日嘅展覽員工唔太friendly同埋因為紙兜裝 有啲飯痴實晒係個邊度…Read More

開頭見個名以為係sell生酮products 不過睇ig見係暫時停咗生酮見ig有foodies推介 6點幾去到都幾多人圍住間鋪:)買完個staff同我講要等18-20min 叫咗雙重開心果格仔餅($41)落單時staff仲問埋想要脆定淋~15min返返去拎已經整好放咗係度了但拎上手又唔覺熱 第一啖咬個邊係脆嘅 但之前就少硬整體個餅嘅texture同味都一般開心果醬嘅量都算ok嘅 雖然未去到爆醬嘅程度呢個價錢同waiting time應該唔太值得encore…Read More