or#Tm65771554's Profile

公司聚餐。難得老闆出錢梗係要食好啲。又估唔到咁抵食。推薦：同事推介明太子長芋，無影相，但真係好好食。坊間都好少見。清酒，三粒米。唔知係推廣價定點，四百幾蚊有支720ml, 好易入口好順滑，店員推介話係女士酒，有啲似香檳。刺身，嗌咗粒貝，海膽，北寄貝，拖羅，牡丹蝦。樣樣都好新鮮👍🏻價錢唔清楚冇特別睇。仲有啲黑板上寫住嘅當日推薦濱燒 - 燒蠔同燒大蝦。睇價錢，估唔到係咁大隻，賣相似$88🤣竟然只係$38一隻。…Read More

開左分店仲要選址荃灣真係好開心。比石門嗰間起碼大1倍，座位多左無甘難搵位。石門蒸廬嘅燒賣蝦賣都大大粒勁足料好味，但荃灣呢間一上碟size就已經唔對路，應該係唔同貨源，小失望。不過味道依然不錯。試咗個茶樹菇花湯，唔會過鹹，味道清甜，合格。記得石門嘅雙菇雞粒飯係最好食，但呢度無左，結果叫左個普通嘅飯😂仲有個好奇怪嘅綠茶紫薯包，聽個名幾特別想試下新鮮野，但真係唔夾，太甜😂😂非常不建議點。除非你好好好食得甜。…Read More

係荃灣要我飲茶呢間已經係首選，唔想去大酒樓，唔想去太連鎖嘅，都係呢啲點心小館最啱我。舖頭唔大，檯同檯之間係逼啲嘅，不過坐定定等食又無咩必要走黎走去我又覺得無乜所謂。燒賣蝦餃嗰啲可以揀2件或4件咖，正，又可以有空間食其他。叉燒腸粉又滑又多料，推。乳鴿細細隻，少食多滋味，唔會炸過龍，推。蝦餃皮薄，蝦大隻，正。燒賣上面有啲黑松露，仲有隻係無黑松露，兩隻都好食。大推石斑塊蒜蓉蒸飯，好香蒜油味，石斑好滑，唔會過熟！佢個飯有套餐價應該係包埋湯，下次要試埋…Read More

自己唔係特別大食，所以平時會少啲揀任食。手上有張滿＄450減100嘅券想用左佢，就挑戰下任食。 又 比 想 像 中 好 喎 ！ 唔記得店員推介嗰個級別牛肉係叫咩名，任食自助點餐有雞，幾款牛，同2款豬揀，仲有海鮮，牛摩飯（真係有人會係任食叫飯？），仲有好小食喎！樣樣食啲都幾抵食。甘最主要一定係留肚食肉😆出面自助區唔算大，第1時間衝出去拎左兩兜雜果，加汽水自製雜果檳志（敬佩自己食得甘刁鑽😆😆）話曬任食，策略同單點一定唔同，全部嗌晒牛完全無點過雞，回本第一。都唔明點解甘多人挑剔啲肉唔靚，叫高個grade啲肉咪靚啲囉🤣而且任食喎，仲想點？…Read More

千色匯真係無city walk嗰邊甘多野食，不過都有幾間唔錯嘅細舖，唔洗點等位，又幾好食。（2條友食已經唔想再過去大鴻輝，等lift等到頸都長）睇完menu諗都唔洗諗，食泰國野必嗌燒豬頸肉，燒得香口juicy係基本，個汁都好食。海南雞睇相都唔錯，所以都試下，一定無其他海南雞專門店甘好食。算係滑同嫩嘅，浸得唔錯。凍檸茶無走冰，但唔够凍😅叫左職員換杯，爽手有禮貌，值得讚兩句。舖頭細細，凳都細啲，坐梳化位會好過坐木凳。…Read More

總結：其實味道真係好ok (以呢個價錢嚟講)..仲要有大檯可以5個同事一齊食👍👍食物種類多，又可以QR code落單正。係個位比較難搵😅推薦：燒豬頸肉（建議唔配麵，單叫一份，真係好食）海南雞（嫩滑，皮薄）香葉肉碎煎蛋飯（可以轉油飯，唔記得洗唔洗加錢，但要開口request, 油飯正😋）豬手（好多膠質😍呢個可以拎生菜包嗰份菜黎包住食，無甘膩）芒果糯米飯（外賣帶走，無影相。食嘅同事反映好好味）椰子水（唔推薦，呢個牌子太甜）…Read More

疫情之後開番晚市就轉左做西日式洋食餐廳，anyway，見有coupon就試試佢。好多人嗌All day breakfast，但今日唔想食，所以叫左個牛油果三文魚子沙律。Very nice and fresh! 而且牛油果份量好多。日式帶子手打寬條麵幾好味，略咸，可能係個sauce重手左。帶子大大粒，無雪味。另外仲嗌左即叫即燒香草春雞（隔離檯隻雞太香，忍唔住）。外皮少少脆，係烤焗嘅感覺，唔會太熱氣。但入面意想不到甘滑甘Juicy! 雖然好多餐廳都有燒春雞，不過呢個真係對得起呢個價錢，Good Good..…Read More

貪新鮮試下重口味嘅野。有鍾意印度菜嘅同事推介左3間，就揀左呢間黎試試。好食係好食，但都係偏重口味。重甜，重咸，重辣。坐係outdoor得檯面小燈，食物影得好暗，不過氣氛唔錯。室內更有一群‘同鄉’載歌載舞好熱鬧。侍應全部外國人，不過好nice.…Read More