Albert_Tsang's Profile

今次約咗個朋友食晚飯，大家都係食炭燒美國頂級牛肩板腱肉8oz，加多20數轉餐，有餐湯，餐包同餐飲塊Steak要求7成熟，唔會太韌，薯條炸得香脆，但美中不足嘅係冷氣太大，熱嘅食物嚟上枱好快就凍哂個餐好夠食，所以都唔駛嗌其他小食，本身想叫三味雞翼(蒜香、甜酸、水牛城）起初兩個人食諗住叫dinner for 2，不過個main得2款揀1，因此拆開叫，圍番每個main加多20蚊轉餐，埋單都平過dinner for 2，最多只係無個salad…Read More

當晚book咗枱同女朋友食飯，訂之前見到話消費500蚊有100蚊平，去到先知原來係散嗌先有。事關佢哋有個set dinner for 2 ppl，當時嘅我只掛住我女友，所以唔記得影個餐牌=_="，價格方面無記錯大約係448蚊。同場有另一枱4位女士，佢哋都係點咗2個set dinner，最後個女侍應無解釋清楚，直到後面經理再解釋不適用set dinner。而我女友因為工作關係遲到，直到佢到達，我哋望多咗陣就決定嗌set dinner，經理有同我哋講話如果我哋食得唔多，可以集中叫一樣共享前菜，因為食物質素會比set dinner用嘅料更好，雖然性價比較為高，最後我哋考慮過都係維持原判叫set dinner。Set dinner係前菜，主菜，甜品及餐飲各揀2樣，有啲就要加錢，例如steak and fries，朱古力心太軟同帕爾瑪火腿蕎麥餅等等。我覺得喺依家嘅時勢，set dinner嘅價格不算太貴，尤其是食到咁嘅質素。我都會推薦其他人情侶去食，事關環境唔錯，氣氛都算浪漫。埋單加埋10% service charge 596蚊。真心算幾抵。…Read More

近排因為武漢關係已經甚少出街食飯，咁啱同女友傾起話約出嚟食晚飯，事緣自新年後都少見面，女友就揀咗鮨月，因為果邊唔係成日去，初頭睇完地圖都有啲迷路，最後兜咗個圈去到永樂里行條長樓梯見到O.N.S.再轉咗次左向前行就到到。昨晚去到見連我哋在內大約得兩三枱客，坐低同女友傾咗幾句就睇餐牌，服務絕對滿意，可能客人相對地少，無幾耐就會加水。睇餐牌見到樣樣食物都好正好想食，如果唔想自落單食物，可以交比廚師發板，但會貴多少少，我哋睇咗餐牌一陣，最後分開點咗三Round食物，埋單個價唔算太貴，價位係中上。食物方面色香味俱全，勝價比真心贏好多日本餐廳。如果大家想食可以嘗試搵搵有無額外優惠lol，最後因為女友訂枱關係，佢睇過張單無問題我就埋單，所以無影到張單留底。真心滿意昨晚餐晚飯XD，將來會必定再去食。…Read More

同朋友第一次嚟食，無限時，目測好多人，就算訂咗位，8點前都要等一陣。跟隨點菜紙提示，每個牛的部位要嘅時間都唔同。而牛心椗，胸口膀，尾龍同牛駝峰真係必食。湯底牛雜湯底好足料。前後點咗兩轉，加埋枝朝日，真係正，最重要係價錢唔算貴。…Read More

想打電話訂位同個朋友食餐飯，因為佢就飛走，點知由19:00打到19:22，打極都係話繁忙Okay fine，新開張做緊優惠又無限時，多人打電話訂位而打唔通我接受到但打通左一直長響無人聽電話囉，打左成62次，3次接通響到斷線其實係咪做生意！？唔接受電話訂位就講明只接受現場攞位其他食客讚啲環境，食物同服務好，捧到佢地天上有地下無都無用，剩係電話訂位依項已經失哂分啦，真係未食已經成肚氣…Read More