Jas Jas lo's Profile

早兩日去咗朋友新屋，係天水圍濕地公園，個度環境真係唔錯，我地揀咗間食越南嘢餐廳晚餐，見到哩間Viesta Express 店內店外環境都好正，環境好清幽，我個人好怕嘈，哩度好寧靜好舒服、私人屋苑地方真係唔同啲，門外有水松木地下好高級嘅感覺，我地二個人叫一份二人餐，餐廳二人餐份量都好夠，我同老公都唔細食，我地都夠飽，有主食、小食、甜品同飲品，我地叫咗個爆脆燒肉飯、咖哩牛腩飯、越南炸蝦餅、一杯奶茶同一杯越南咖啡，甜品芒果小丸雪露，另外加個金絲網春卷、煙煄辣醬雞翼，最後我都都係食唔哂，好滿足食飽飽就走了。…Read More

今日去左南豐紗廠chill 一chill， 行下順便食埋lunch本身我地係比D 精品吸引左入去，但行行下發現原來呢間舖頭有野食 咁就直接坐低埋😂美國豬肉眼扒．配飯個擺盤已經好吸引，豬扒好冧身，juicy，同埋好大塊抵食，有D 似韓式嘅style，帶少少甜，非常開胃易入口。另外，不得不讚個伴碟沙律，新鮮爽甜，由其係個車厘茄係甜㗎，仲有D 蟹子魚子夾埋一齊，真係唔好睇少呢個side-dish 😍蜜糖芥末吉列豚肉漢堡豚肉即叫即炸， 上到枱熱辣辣，雖然好厚， 但一D 都唔痴牙唔un。蜜糖芥末醬係神來之筆，甜甜地，又可以減輕熱氣同油膩感，仲有好大塊嘅羅馬生菜，將肉同菜嘅比例balance 得好好， 食完都唔覺heavy另外仲叫左杯精品咖啡：維也納咖啡+法式焦糖咖啡維也納咖啡好有奶香味，上面仲加左whipped cream，口感更順滑。而另一杯咖啡，上面有層焦香嘅焦糖，容易入口，咖啡味比較香濃突出雖然我無寵物，但我見有其他食客有帶同狗狗一齊喺呢間餐廳食。原來呢間係Pet friendly 餐廳，可以同寵物一齊食野、休息、行街、嘆冷氣的確係好Chill地址：荃灣白田壩街45號南豐紗廠1樓111號舖…Read More

去探朋友後係佢屋企附近搵食，睇到間打邊爐環境唔錯，所以去試試。我地比門口啲貓貓裝飾吸引咗，環境好寬敞，好乾淨，坐得好舒服，每個卡位私隱度都幾高，呢個時勢真係夠曬私隱度。佢仲落地玻璃VIP房有得唱卡拉OK, 調味料都有好多選擇材料乾淨整齊我哋叫咗個四川麻辣鍋中辣，入邊本身已經有鴨血同豆腐。我哋仲叫咗手打墨魚丸，墨魚丸爽滑好味，安格斯牛小排，牛味好重夠淋，牛胸爽，唔會食到成口油，好爽有牛香味，簿切牛舌心，好淋爽好重牛味份量好足夠，叫咗一個脆炸響鈴，諗住打邊爐放湯食，點知嚟到發現係新鮮即炸，仲配有錦鹵雲吞醬，於是我哋兩個都冇放喺湯度淥，免得嘥咗個響鈴。響鈴炸得酥脆推介必食。整體都好滿意，每碟餸嘅份量都好充足，我哋兩個人都食到好飽，下次約埋朋友一齊嚟食。…Read More

觀塘碼頭附近唔好以為得工廠大廈、食肆沙漠，原來都有隱世小店，食物高質用心，份量超大慷慨，服務態度超級友善紅燒牛肉麵湯底香濃，麵質有D 似讚岐烏冬，軟硬適中。牛肉好大舊，肉質稔，一咬就可以分開。配菜紅蘿蔔同白蘿蔔都係重點，本身都已經好鮮甜，索埋D 牛肉湯真係好好食魯肉飯魯肉係半肥瘦，唔會攪到成碗飯油笠笠，仲有珍珠米同溏心蛋。另外仲配埋日本小甜薯、中華沙律、黃豆粉麻薯。食曬真係超級飽足，除左碗飯，仲有咁多野食，估唔到呢個價錢可以有呢個份量府城蝦卷超級推介。用腐皮包住D 蝦滑炸，比春卷好食同無咁熱氣，好食程度出乎我意料，大家不妨試試芋圓仙草凍呢到仲有甜品食， 夏天真係一流。仙草好消暑解膩，本身仙草帶微甜，而唔係苦味，加埋芋圓、紅豆、花奶，非常豐富…Read More

天氣咁熱去咗荃灣行幾個連住嘅大商場，買咗好多野行到好攰，諗住坐底早啲食飯。經過一間日式餐廳，比門口條手繪龍吸引到，又見間餐廳咁早都有人排隊應該唔錯的店舖木系風格，雖然坐位唔算多，但環境都好闊落坐得好舒服我地叫咗煙花，清酒煮蜆、店舖推介的金龍卷及龍卷風沙律煙花係有辣味三文魚、辣味吞拿魚、蟹子，廚師好慷慨，放到D 料滿一滿，每一啖都好滿足食品擺盤有心思，啲份量都唔細清酒煮蜆上枱時熱辣辣，啲湯比我飲哂，鮮甜得黎仲有少少清酒香，有回甘店舖推介的金龍卷隻蝦好好食，炸得又脆又新鮮， 每一舊D 料都好豐富同工整龍卷風沙律蔬菜清甜﹐加上少少辣醬同沙律醋味道好夾，份量亦都非常大餐廳好細心，上菜時間剛剛好好，等你食完一樣先上一樣，又唔會等好耐，食物會逐碟上枱，下次同多幾個朋友嚟就可以試多幾款野…Read More

今日好大雨唔想周圍行搵野食， 喺駱駝漆行街就順便食埋Late Lunch，行到最後一層見到一間好新淨，食雞嘅舖頭就行左入去。舖面好乾淨企理，D 坐位又唔會好迫。我同朋友叫左一人一碗米線同野飲，仲有一份雞翼。🌸 椰子雞米線成碗雞湯奶白色，唔油膩，入口好順滑，仲有微微椰子香味。米線入味，軟硬適中，份量仲好多。店主好有心思，碗米線仲加左不同配料，金銀花、雲耳、椰子片，當然仲有主角「雞」啦。雞件份量唔少， 就算有雞胸肉質都好淋身，而且D 皮好簿唔肥， 食埋都唔會有罪惡感。最後梗係成碗米線連湯清曬❤️🌸 姬松茸竹笙花膠雞米線 本身諗住都係雞湯，D 湯底大同小異，但原來兩個分別好大。姬松茸好香，似菇菌嘅味道，湯底濃郁，但唔會過鹹，味道調較得剛剛好。呢碗有竹笙、花膠，竹茸爽口而家有厚度，個質感係令人滿足嘅，而花膠都好優質，好淋同漿口，膠質非常重🥰🌸 悍匪雞翼(胡椒孜然）我地仲叫左個小食，雞翼上到枱熱辣辣，而上面灑左少少胡椒，好惹味，雞皮脆口， 肉質嫩滑有汁，好食👍👍…Read More

旺角好多樓上餐廳，但今次食嘅呢間裝修精緻，有好多打卡位，而且食物質素唔錯💕日本三文魚子海鮮龍蝦汁意大利飯意大利飯好香濃，未食已經聞到濃濃嘅龍蝦汁味。每粒飯都索曬D 汁，亦都唔會煮到過份淋，仲保留點點嘅咬口，軟硬適中。三文魚子粒粒都好飽滿，新鮮鮮甜，夾埋意大利飯一齊食，令到個飯嘅鮮味更加突出。而隻虎煎到好香，肉質彈牙，仲好大隻添💕北海道帆立貝海膽意粉個意粉好足料，加左D 木魚碎增加香味，口感一流。海膽汁非常香濃，而且意粉個質感適中，加埋D 汁令到個粉更加順滑。帆立貝鮮味，有微輕煎香，而且大大粒，成碟份量唔少💕冰玫瑰拿鐵、冰玫瑰抹茶分別叫左兩杯飲茶，外型都好打卡-able, 玫瑰味突出，兩杯都唔會過甜，飲埋野成餐就非常圓滿嘞…Read More

食出新天地今日去完玩係中環落船，過左中環街市搵食，呢度有D 似foodcourt 咁，幾間唔同既餐廳自己拎完餐就搵位坐底，有洗手機水機好自助，呢度坐得幾舒服，地方乾淨，係中環黎講呢度價錢都係一個唔錯既選擇，今次一次過介紹2間餐廳啦 同姊妹店Pulau 鋪🔅檳城蝦麵入哂味既米粉加油麵，一次滿足2個口感，湯底好夠味，仲有少少辣辣地，有蝦、豆卜、腩肉做餸，碗麵足料又大碗🔅半熟蛋配咖吔多士香脆多士配上咖吔醬同邪惡既牛油，就咁食又得，點下半熟蛋濕濕地食又得，牛油非常鹹香，咖吔少少甜，真係好想食多幾件🔅燒魷魚鬚一串串魷魚鬚配埋沙嗲醬，味道香濃，愈食愈滋味，肉質唔un 唔鞋，而且仲大大條添Attap 鋪🔅海南雞飯配蘇東魚丸雞湯人氣推薦之一，大大碗油飯好夠味，雞好滑啖啖肉，伴碟既青瓜都好fresh 好好味，魚丸雞湯味道好濃，仲有好耐無食既魚蛋過下口癮…Read More

今日去完圓方shopping, 諗住行去佐敦買麵包。行行下發現有一間裝修好精緻嘅餐廳，以為食西餐，睇清楚個menu，原來係食中菜煲仔飯，好surprise特色臘味煲仔飯間餐廳好雅致，喺到食煲仔飯個感覺好好，好企理。個煲仔飯出曬煙，充滿焦香味，仲有專人幫我地處理，大排檔真係比下去。呢個飯粒粒分明，甜豉油可以好平均咁沾滿D 飯到但又唔會過份濕潤。臘肉臘鴨臘腸好惹味，臘肉一D 都無肥膩感，臘肉油潤多汁，臘鴨一D 都唔柴皮仲帶有少少鹹香，撈飯一流沙茶鮮淮山排骨煲呢個煲又係惹味之選， 離遠都聞到超香。上到枱熱辣辣，新鮮淮山口感好爽，索左D 汁真係好好食。排骨數量唔少，同埋好大舊， 有肉汁唔un 唔鞋。原來呢到有得買佢地嘅自家蠟味，比起街市嘅乾淨企理得多，平時喺屋企用黎蒸下飯都應該唔錯。…Read More

今日銅鑼灣影完靚相打卡，揀左個好地方同朋友繼續自high，座位坐得舒適又望到𥦬外既藍天白雲，價錢又唔貴，一於試試🔅蕃茄忌廉湯個湯幾新穎，重重嘅蕃茄味，帶有甜味，入口好滑好rich🔅是日沙律沙律有西柚，我幾鍾意，酸味突出更加開胃🔅龍蝦汁意大利粉配虎蝦一黎到就聞到好香，龍蝦汁既香味誰也抵擋唔住，醬汁好足夠，全碟意粉食哂都唔會覺得唔夠龍蝦汁，亦係呢碟意粉既重點🔅香煎比目魚拼西班牙紅花忌廉汁香煎比目魚啖啖魚岩哂我呢D 怕比魚骨吉親既人，魚皮煎得脆脆，加上伴碟既薯蓉，出街食都可以健康又夠飽🔅Tiramisu配合番餐廳月球既感覺，球體月球裝上tiramisu，比較creamy，質感徧軟，咖啡酒味都幾濃，兩個人嘅份量食完個甜品飽哂，呢餐好滿足呀，坐得舒服又可以醫肚…Read More

灣仔道近天樂里嗰邊食肆都多選擇，咁啱睇到間裝修光鮮市正，而且價錢非常大眾化嘅星馬菜舖頭，諗都無諗就入左去，重點全日免加一🤭🥕芽籠喇沙摻摻摻摻即係粗麵同米粉嘅合體，做到有不同嘅口感。喇沙味道好濃郁， 忍唔住飲左半碗湯，D 湯又掛曬落麵到，又有少少辣，又有椰汁香，係食星馬菜必點嘅main course🥕海南雞飯拼肉骨茶雞嘅份量好多，而且肉質好滑無骨，加埋沙薑蓉油飯超香唔膩，一黎就齋食左半碗😂肉骨茶好多料，味道好濃，仲有少少白胡椒嘅辣味🥕鹹蛋黃魚皮呢塊炸魚片價錢好抵， 出面食閒閒地都50~60 蚊。魚皮好大塊，炸到非常脆口，而且咸蛋黃又多又均勻，仲要唔油膩，下次去都一定會再叫🥕玫瑰荔枝沙冰夏天飲真係一流，好消暑，同埋食完魚皮再飲呢杯係可以減熱氣感。玫瑰味好香，荔枝味唔會過甜同無人造味，非常解渴…Read More

今日去左旺角行下，見到有一間拉面店好有日本Feel，地方乾淨企理，而且價錢又唔貴，咁就入去試一試。入到去坐低，D 店員好熱情又有耐性解釋每款麵嘅特色，方便我地可以揀到適合我地嘅食物。🔅特選拉麵 (Special Ramen)配豬骨濃湯，入面既配料有叉燒1.5倍+炙叉燒+紫菜2片+葱+味筍+味付鷄蛋對男士黎講， 呢款拉麵應該好啱食，因為有好多肉🤣1.5 倍叉燒唔肥膩，但又唔會乾爭爭同柴口，每一片都係大大塊。而炙燒叉燒就帶D 肥肉，肥瘦相間同有焦香。另外，個湯底非常rich，夠味但又唔鹹，又可以令到D 麵掛曬湯，鍾意濃味嘅係一個好選擇。🔅人氣拉麵 (Popular Kamen)配豬骨鹽味清湯，配料有叉燒＋紫菜4片＋粟米+味筍＋味付鷄蛋呢款拉麵肉量會少D，比較適合女士。豬骨清湯食落會無咁飽濟，仲有D 粟米粒粒。味付蛋非常好食，外層有少少咸味，中間流心，賣相一流。🔅炸章魚章魚脆口唔油膩，而且又唔會韌，炸粉剛剛好無過厚又唔會炸皮同章魚分離，加埋蛋黃醬，好好食。🔅柚子梳打、桃梳打最後飲返樽日本直送梳打👍🏻👍🏻，柚子並唔會係似人手成pat 糖漿求其沖嗰D味，甜味適中，仲有微微柚子澀味。桃味都好出色，無人工香味，又唔會太多氣飲到谷胃。…Read More

今日去探朋友，順道試一下呢間台灣野，裝修華麗夠哂光猛，食物飲品選擇都幾多，手工麵、便當、小食同有幾款鍋物揀🔅藥膳花雕雞鍋配料都幾多，有桃膠、滑雞、紅棗、人蔘、蟲草花、貢丸、蓮藕、娃娃菜、水餃、鵪鶉蛋、金菇、炸枝竹、嗚門卷，真係佢寫既都有齊哂呀。湯底唔會好濃藥膳味，加埋本身既薯粉去淥，索哂個湯底好正，一個唔會好多肉既鍋，感覺好健康，有補身唔膩唔燥既感覺🔅士林鹽酥雞排便當雞排份量多，2塊好大既雞排配上滷食飯，夠哂飽肚，仲有紫菜貢丸湯，性價比高🔅台南烤蒜香腸平時食香腸都係就咁食，朋友教連埋蒜片一齊食，別有一番風味，雖然食完個口會好濃味，但好食大過天🔅紅豆仙草珍珠芋圓非常既多料，唔會太甜，珍珠同芋圓都煲到岩岩好，煙煙unun🔅古早冬瓜茶食完鹽酥雞，飲番杯冬瓜茶，好有清熱效果呀…Read More

今日同朋友去左間串揚店食lunch。唔好以為得串揚食，中午仲有唔同嘅lunch set，而且價錢都十分相宜🎏日式咖哩豚肉飯咖哩好香，唔辣，而且豚肉份量好多，帶有少少肥，一D 都唔乾唔柴。食咖哩另一個重點就係D 配料～薯仔，薯仔好淋好入味，仲加左D 芝麻調味，成碟食光光🎏和風照燒雞扒湯鳥冬呢個雞扒唔係hea 你搵個pan 香煎就算， 而係真係有燒過，可能呢D 就係串揚店嘅堅持，所以食得出唔油膩，有炭燒嘅香氣，而且外皮脆口，加埋D 照燒汁甜甜地，好開胃🎏燒茄子我地另外再加左個茄子串，好surprise 係有麵包糠喺面，外皮脆卜卜，而裡面嘅茄子好多汁好juicy，但茄子汁又無令外皮濕淋淋，口感好好，好推介👍🏻👍🏻🎏香脆雞翼雞翼非常juicy，肉質幼嫰，外皮脆口。調味都做得好好，一食就知本身隻雞翼唔係cheap 野，食得好開心😆…Read More

餐廳有d 可愛背景可以影下相，有屏風可以自成一角私隱度高，想食抵食鑊氣中菜就要黎試下啦🔅椒鹽粟米一黎到就聞到好香啦，椒鹽栗米都幾特別，呢度栗米切細左，老人小朋友都更方便食，用筷子一夾就食到，就算同男朋友食都唔會無曬儀態🔅涼拌青瓜青瓜好清爽，食完熱氣野再食條青瓜，唔知點解真係無咁上火，而且個汁唔會太酸，又無嗱喉，食下食下就不知不覺食鬼曬🔅蟲草花燉湯天氣涼涼地飲湯暖下身，真材實料無味精，每碗都有湯渣食，而且湯面無油，成個拎去燉都好原汁原味🔅泰式蝦膏炒粉絲唔會好濃蝦膏味，粉絲炒得好乾身唔會油淋淋，亦斬唔會一pat pat, 粉絲同蝦嘅份量都好多，好野味，送啤酒一流🔅芥蘭炒牛肉牛肉份量好多，食落好嫩滑，唔un 無痴牙嘅纖維，芥蘭都好嫩，唔會有D 草青味呢到嘅職員好好，有D 似家庭式小店，如果食小炒呢到都唔錯…Read More