jackie_lsc0507的個人專頁

經朋友介紹去食，價錢無特別貴，同其他拉麵舖差不多價位。麵：自家製麵係舖頭特色，我就揀咗今期限定柚子麵。果然自家製麵有料到，彈牙！冷麵熱湯，基本合格。湯：我揀咗普通豬骨湯，有啲豬味但唔濃，個人覺得配沾麵可以再濃厚啲。湯希望係即滾即出餐。環境：無乜環境可言，座位同走道偏窄。沾麵舖嚟講幾不錯，可encore，可惜住得太遠😂…查看更多

今次又係朋友介紹，話說係美孚工作咁耐，都唔知道饒宗頤有間西餐廳。其實離港鐵唔遠，5分鐘左右腳程就到文化館，再搭𨋢上去，行兩步就見到餐廳，旁邊仲咁啱有人行禮。4個人叫咗好多野食，上正餐前又有餐包送，無影到相，不過係熱嘅蕃茄法包，好好食！十分驚喜，我願意俾錢買幾條返屋企（當然無）。湯：泥蟹湯味道：食得出海鮮風味，甜而有些許蟹嘅海鮮味（正常嘅，非腥臭）前菜1：海膽燉蛋味道：老實講呢個還好，我個人好怕腥味，而燉蛋入面有海膽醬汁，係有啲腥。佢係甜甜地嘅，但肯定唔係鮮。前菜2：牛骨髓配阿根廷醬味道：牛骨髓香！阿根廷醬望落好多草咁，但唔草青味！減少咗骨髓個浸油膩感！配搭脆包一流！主菜1：焗羊架配羊腸味道：羊架係寶雲酥整法，外脆內唔算嫩，切起上嚟因為有筋膜，所以有啲費勁（餐廳應該幫人切埋就最好）。羊架味道一般，但估唔到黑馬竟然係羊腸！羊腸小小兩條放係一邊唔起眼，但食入口有好大浸羊味！超正嘅中東風味！！我願意俾錢買幾條返屋企（當然又無）。主菜2：紅蝦意粉（個名太長但差不多係咁）味道：呢個紅蝦十分棧鬼，原來個底個塊紅色野就係紅蝦本體！但係腥！老實講個浸腥味大，撈埋意粉同醬汁都無法掩蓋。但創意滿分！主菜3：牛排味道：牛部位唔記得，但有𡁻口嘅，無點太多醬汁，就咁配鹽都好出色。甜品1：apple pudding出色！！！熱辣辣配雪糕，上面仲有蘋果金寶，法官大人我無野好講。甜品2: tiramisu普通，比起apple pudding 失色，配跑。最後呼籲飲酒唔好揀rose vine, 好難飲。…查看更多

經朋友推薦，嚟到呢間餐廳。員工十分友善禮貌，招呼周到。我地一行人早咗15分鐘到，就俾我地入餐廳坐住先，無叫人企門口等。餐廳燈光較為昏暗，影唔到靚相，不過幾有情調。成晚就不停聽到happy birthday歌，我諗成間餐廳得我地無人生日，差啲就想扮自己生日。上餐前就送咗個餐包配sour cream，個包食落唔算太硬，個cream中規中矩啦，我朋友就唔多like。3個人總共叫咗3道菜，前菜係tuna tartar一件可以一啖過，味道不錯，以脆餅盛裝tartar，口感豐富。之後主菜叫咗juicy lobster rice，聽聞係必點，果然出色。首先龍蝦肉唔係霉嘅，未至於十分爽口但還可以（唔知係咪急凍，定係烹調方法影響）。而個飯係吸滿咗汁，粒粒飽滿同甜。另一道主菜叫咗rib eye(medium rare)。肉質係還可以，未至於嫩，係要𡁻多幾下嘅。個味道都係中規中矩，無特別風味。另外野飲方面，餐廳有bartender，所以有cocktail 飲嘅。cocktail 我就叫咗一款vodka + ginger beer+唔記得咩，嚟到係幾好飲嘅。餐廳飲cocktail多數預咗伏（多數藥水味），咁所以呢度係算幾好。最後埋單每人盛惠6xx (呢度無加一，要就俾錢個陣講明幾多%係小費)，呢個地段餐廳收費算係咁，係值得嘅。…查看更多

麵：無得揀麵質，有咬口，但究竟係熱嘅？！湯底：魚介豬骨湯，有加入少量柚子，減少油膩口感，味道濃淡適宜。失敗之處係唔夠熱，一上枱連煙都無，可以直接放入口，唔怪得要用熱麵，因為用凍麵兩下就成碗凍晒。配料：荀同蛋合格，蛋入味有流心。叉燒：有2塊，不過不失，唔柴。價錢：＄7x，無加一，合理。服務：細舖位，一個侍應生run全場但都應付到。會fill冰水，fill湯。但慘在食食下停電（唔關舖頭事），趕走晒啲客，但舖頭有應變（應該並非第一次發生），即刻攞手提燈同風扇仔出嚟，值得加分。…查看更多

係openrice同lihkg都見到高分推介mamaday抱住支持黃店一心嚟食餐飯點知就係噩夢嘅開始一早打電話嚟book位，懷著興奮嘅心情上到餐廳，一開始係餐廳係咁影影影，見到啲菜式配搭充滿新鮮同驚喜，食落口就驚嚇多過驚喜......第一個叫咗個沙律，係普通沙律菜+水果每樣幾粒(非罐頭菠蘿，樹莓，藍莓)+超市普通芝麻沙律醬。我以防大家唔記得係邊隻沙律醬，附上圖片一張，無錯，就係呢隻熟悉嘅味道。佢應該係盤沙律度落咗幾多，十分重口味。咁樣盛惠$78。飲品方面，叫咗杯叫Mai Tai嘅cocktail，簡介寫住呢隻cocktail係世界top 100嘅飲品。杯野嚟到，第一印象「嘩~好靚」。放入口係一大浸藥水糖漿味，合埋眼會以為自己飲緊樂x咳藥水。佢係難飲到我飲一啖就會打冷震，但因為呢杯野盛惠$86，我都堅持飲咗大半先放棄。之後就到重頭戲首先係呢個蒜蓉虎蝦pizza，千算萬算都無諗過竟然係酒樓嘅味道。無錯，就係蒜蓉清蒸蝦(無豉油版)個味道。蝦明顯係冰鮮貨，仲要無調味個下好嘢啊! 成口就係蒜蓉味，連下面塊Pizza咩味都食唔出。重點係個餅都好伏，見唔見到圖中個Pizza黑邊。個邊係燶晒，黑過非洲人。食個陣係要掉晒D邊，食咗一塊邊就成口燶味同苦。我唔知呢個菜係咪fusion，但係十分唔夾。個情況就好似你加D燒賣去煲豬骨湯咁，燒賣本身唔難食，個湯都無錯，錯就錯在你將佢地放埋一齊。好啦，餐飯嚟到呢度都接近尾聲。最後一道食物，係「玉子豆腐無乜豆漿味嘅豆漿燉飯驚唔驚」。係我同友人嘅心目中，係經典，亦係無法磨滅的傷痛。首先我承認低估咗餐廳誠實嘅程度，我無諗過佢個菜名係直接反映出事實。「無乜豆漿味嘅豆漿燉飯」，大家諗諗，無豆漿味嘅豆漿係咩味，無錯啊就係飲水嘅味。所以同樣D飯係無味架! YEAH! 仲有，佢寫明係risotto，但係D飯係淋晒，一D咬口都無，完全唔知佢邊忽可以叫risotto。係咪有飯有汁就可以自稱risotto，咁全港茶記碟頭飯都係risotto啦。米好明顯係用普通米，玉子豆腐只經油炸處理作為配菜(伴碟?)放係一邊，同你放粒車里茄係隔離無分別，完全無參與入個飯個度，上面放咗隻cheap cheap釀蟹蓋，同我上網訂過返屋企食個味一樣，$6~7 一隻左右，加多兩條打邊爐蟹柳。呢間嘢真係食到我地想嘔，完全唔明點解咁多正評...麻煩負責人正視一下定還是佢一早知都唔改，仲將個名改做麻麻地，連門口個燈都寫住its a trap。CONCLUSION: THIS WHOLE THING IS A SCAM.回頭率: 0%…查看更多