amiejudsietsang's Profile

今次去咗Mue Mue試佢嘅週末早午餐🤭同朋友點零鐘去到，見到個場將近全滿，就估倒應該會幾好味啦～成個餐好多嘢食，除咗定量嘅前菜、湯、主菜同甜品，最吸引就係泰式小食放題！就算每樣菜細細份，加埋加埋已經好飽好滿足😗喺度分享下幾樣覺得好深刻嘅item～酸辣無骨鳳爪：拆曬骨嘅鳳爪咬落爽脆，酸辣汁好開胃，加埋蒜蓉同辣椒碎好夾摩登海鮮冬陰功：呢個湯真心驚喜～本身有少少擔心好辣，但係原來呢度嘅冬陰功係以香茅同檸檬葉味為重，海鮮以蝦同蜆為主，仲有好多車厘茄，整體味道偏酸，好適合超熱嘅夏天飲☀️炭燒豬頸肉沙津：話就話係「小食」但份量唔少，四大塊燒得幾香嘅豬頸肉配埋用薑蒜整嘅醬，同青木瓜沙津一齊食又香又清爽馬拉盞炒椰菜：唔好以為炒菜好普通，個人覺得要炒得好味都唔簡單㗎🫡 呢碟椰菜嘅熟度好適中，唔會太硬但又唔係冧到爛，馬拉盞醬取代咗草青味之餘亦冇掩過菜嘅清甜，份量仲幾多，係幾意外地深刻嘅一道呢麥皮金沙原隻蝦球：送上嚟見到滿滿嘅麥皮同鹹蛋黃已經好期待🥹隻蝦幾大幾新鮮，炸粉好鬆好脆，聞落同食落都好濃鹹蛋黃味，加埋麥皮碎令香口度更上一層樓，勁邪惡但好味！黑糖椰子雪糕：對於我呢個椰子控嚟講，呢個甜品實在係啱曬🤤雪糕幾滑好香椰子味，淋面嘅黑糖醬唔係好甜，仲有龍眼肉、桃Jelly同好多烤過嘅椰絲，俾咗呢餐飯一個好好嘅ending😚總括而言呢份早午餐菜色非常豐富，野食味道都好唔錯；餐廳環境精緻，佈置有心思啱曬打卡，好適合週末約埋親朋好友一齊吹下水jap好西🤤…Read More

去完香港佛羅倫斯，我哋決定食一餐西餐配合返個氣氛，所以嚟到呢一間小店見佢佈置得好有心思，所以就坐低咗啦。我哋兩個就叫咗兩個set dinner😁我哋主菜叫咗帶子蟹肉蘆筍羅勒忌廉汁意粉同埋意大利露絲瑪莉黑醋烤雞，前菜方面我哋就叫咗牛舌同埋南美香料炸雞塊，嘢飲方便養生嘅我就叫咗熱紅棗蜜，我阿嫲就叫咗牛仔很忙， 係一個好特別嘅特飲，同埋好靚🤣是日餐湯法包係南瓜湯，有好Creamy嘅質感再加埋蒜蓉包薄薄一片烤得夠晒薄，充滿蒜蓉味正。我哋嗌完嘢食之後好快就有嘢食啦。啲牛舌好大塊，所以食落口好彈牙，另外嗰個炸雞塊炸煙唔會好厚，而且加埋個芥末醬，零舍醒神最前菜啱晒。至於個主菜我就鍾意食呢個羅勒忌廉汁意粉，首先舊蘆筍夠晒爽口，咬落去唔會有草青味，羅勒忌廉汁掛晒喺個意粉度，越食越好味。另外個黑醋烤雞，個雞皮敲到夠晒薄，咬落去脆卜卜。呢個特飲真係好特別，芒果加上鮮奶真係好夾呀，另外影相都好靚打卡一流😆 見到佢仲有甜品下次等我哋試吓先😆…Read More

嚟到好炎熱嘅夏天，梗係要去返啲商場嗰度涼下冷氣啦，今日就嚟到尖沙咀所以入咗嚟海港城，見到出邊今日天色都幾靚，所以呢就入咗嚟呢一間喺270度海景平台下面嘅羲和雅苑啦呢度出名食片皮鴨，所以呢我哋就叫咗半隻片皮鴨😀佢呢度非常之講究，首先就係有一個廚師出嚟切咗啲唔同片皮鴨嘅部份，跟住就會有唔同嘅部位都有特別嘅建議食法，包括用爆炸糖同埋藍莓味嘅醬汁真係非常之特別前所未見，就好似跳緊舞咁嘅片皮鴨真係食過返尋味啊另外仲有其他部份係用芥辣同埋京蔥等等嘅餡料，加埋塊皮其實食咗兩塊都好夠飽跟住就唔少得食吓其他嘅菜式啦，包括有龍仔櫻花蝦海味蒸飯同埋松鼠桂魚😚🙌🏻🙈呢個蒸飯係非常之新鮮，份量非常之適中上面有唔同嘅海鮮包括魷魚，櫻花蝦同埋蝦米等等😗🙆🏻‍♀️我覺得呢個羲和小肉丸真係幾出色，食落去好有肉餅嘅口感，加上喼汁，真係好夠飽，同埋味道好特別另外覺得佢啲茶有桂花香都非常之好飲，加上今日景色都幾靚，睇到個夜景覺得好開胃同埋幾好…Read More

今日嚟咗我最鍾意嘅中上環，所以呢就發掘吓呢度嘅美食啦。朋友話呢度有間幾出名嘅居酒屋，所以就過咗嚟試吓啦，我哋都叫咗好多唔同嘅串燒同埋食物。當中包括有明太子玉子燒 $98，想到嚟嘅時候熱辣辣有啲好新鮮嘅名牌子加埋邊皮嘅玉子同埋蘿蔔真係絕配😃另外叫咗一煲清酒煮蜆 $108，感覺上都幾新鮮下，熱辣辣嘅。另外仲有鐵板牛柳粒 $168，覺得食落都幾好味，加埋啲配菜感覺上有一啲小清新嘅感覺啊另外我哋都叫咗幾款唔同嘅串燒，包括日本番薯同埋焦糖燒菠蘿，焦糖燒菠蘿我自己都幾鍾意嘅因為都，真係都覺得幾唔錯嘅，我都覺得菠蘿都幾新鮮啦都唔錯幾好食。另外仲叫咗雞胸軟骨 $48、免治雞肉軟骨棒 $58、牛舌$58、芝士年糕 $28 。另外唔少得嘅梗係黑松露三文魚炒飯 $98，見好多人都幾鍾意食，加埋個味道都幾夾覺得食過返尋味。…Read More

今日去開銅鑼灣返工，之後想約個朋友食個晚飯，就嚟咗呢條好多靚餐廳嘅耀華街，今次朋友介紹嚟咗呢間旺角都有分店嘅little fresh真係有啲小清新嘅感覺入咗嚟一陣就上咗洋蔥牛肉湯，仲有蒜蓉包，真係好新鮮呀。上菜速度都幾快，同埋呢度都幾清靜偈一流，下次都可以再嚟😘😘😘我哋就叫咗兩個餐，包括黑魚子蟹肉忌廉意大利長通粉同埋油封鴨髀，都係即叫即整🫶🏻雖然長通粉個樣貌似好平凡，但係真係令人感到好驚喜，真係好好食呀😀魚子同埋蟹肉真係好夾，醬料啱啱好有啲白汁嘅感覺，包住啲意大利粉真係好好食呀同埋油封鴨髀感覺上好高級，同埋啲配菜都幾好味，下次可以再叫埋飲品，不過因為今次都有啲飽，所以就冇叫啦🫶🏻…Read More

又嚟到令人懷疑人生嘅星期四，今日放工之後決定食啲好嘢，嚟咗銅鑼灣嘅一間新興fusion菜，佢係中日創新嘅合併，入到嚟覺得呢度真係好靚好創新同埋有少少暗黑嘅風格嘅裝修令我真係覺得好舒服。你張吧枱都好靚，有好多唔同嘅美酒，我就鍾意啲清新啲嘅風格，所以叫咗bao guk而朋友就叫咗另一種玄米茶味嘅雞尾酒，出邊都比較少見🙌🏻😊有啲小清新嘅感覺食物方面我就叫咗個黑色嘅炸雞，佢哋係包括咗芫荽沙律蛋黃醬同埋一啲芝麻炭燒炸雞，真係令人覺得好好味😆同埋好特別🙌🏻作為芫荽嘅我，真係識過花層味，第一次見到有呢一種嘅配搭另外我叫咗一個龍蝦意大利飯同埋打芝士製成嘅前菜，仲有好新鮮嘅海膽主菜方面我哋叫咗個牛油清酒蜆肉煲同埋牛蝦腩嘅薯蓉，呢個口味有少少似叉燒同埋加上一啲榛子醬，真係一個好創新又好出奇地配搭嘅組合…Read More

星期日過開嚟airside，朋友講呢度開咗間幾靚嘅西餐廳，就喺對面所以我哋就過咗嚟😌呢度感覺比起大商場清幽少少，好友去咗郊區愉景灣嗰啲感覺呢間餐廳睇落都幾高級，全部都係外國人侍應😊個吧好似都幾靚咁樣，我哋叫咗兩杯酒同埋pasta, 朋友就話要蟹肉意粉，個樣好似幾好食咁😶‍🌫️🥰另外我哋都叫咗啲海鮮做開胃小菜，係來自紐西蘭嘅mussels and clams ($168）😌雖然係開胃小菜，但係都幾大碟😁我都幾鍾意佢嘅甜品，就係朱古力心太軟仲有雪糕，唔知係咪自己整嘅心太軟，好似熔岩咁樣流出嚟又脆脆地唔會太滯，雪糕都有好似忌廉咁嘅感覺，食落去做咗一個完美嘅結束，呢度嘅氣氛氛圍都唔錯，下次都可以過嚟😃😚啱晒，一家大細喺度慶祝特別日子…Read More

難得經過尖沙咀，所以呢我就同咗朋友去呢間想去好耐嘅酒吧嗰度食啲嘢。入到嚟覺得真係好有氣氛啊，啲裝修好靚同埋好有神秘感，入到嚟酒吧就梗係要嗌啲Cocktail啦🥰因為呢度係圖書館做主題，所以啲Cocktail都好有書卷味😙包括有四大美人，千尋，傲慢與偏見。有個員工行埋嚟問我哋想飲乜嘢，我就話我想飲啲花果味重啲嘅，所以就叫咗呢杯好靚嘅四大美人。入邊有白酒荔枝提子，仲有梨汁嘅liquer🥰 朋友就叫咗另一杯叫做librarian mocktail🥰我哋就叫咗個炸薯條，送酒唔錯😂😄煮食方面我哋就叫咗個紅酒燴牛肉麵茴香豬肉腸貓耳朵，聽聞啲貓耳朵呢係自己手作嘅，食落去感覺幾特別都幾好食有啲煙靭。牛面肉食落去非常之腍，好有牛味幾好食，加埋啲紅酒真係好夾呀。難得經過尖沙咀，所以呢我就同咗朋友去呢間想去好耐嘅酒吧嗰度食啲嘢。入到嚟覺得真係好有氣氛啊，啲裝修好靚同埋好有神秘感，入到嚟酒吧就梗係要嗌啲Cocktail啦🥰…Read More

今日返工真係好攰，所以決定食返餐好嘅，咁我就嚟到尖沙咀 , 喺加連威老道嘅盡頭搵到呢一間新開嘅日式居酒屋 一入去發現呢個好適合打卡嘅千與千尋無面男，行上樓梯發現呢度係一間好油氣氛嘅居酒屋雖然係八點幾，但係已經座無虛席。因為都幾肚餓，所以就叫咗好多唔同嘅食物😆包括有：海膽拖羅千層塔 $268，海膽真係好鮮味🐟🐟好似新鮮拎出嚟咁樣跟住係好鬆化嘅厚切吉列豬扒芝士千歲米豚 $128，啲芝士會流出嚟嘅跟住叫咗幾個串燒：明太子雞腿肉串 $38 ，汁燒麵豉雞軟骨肉棒 $68；全部都好有風味🤲🏻 仲有就係鰻魚玉子燒$78，呢個熱辣辣，出邊其他舖頭非常之少見跟住我哋仲叫咗個燒飯團$28、鹽燒厚切牛舌千歲米團腩片$38😚😚燒飯團食落去係甜甜地嘅，同佢其他嘅食材都幾夾本身諗住叫埋海膽芝士燒龍蝦，不過已經賣晒，唯有下次啦今日返工真係好攰，所以決定食返餐好嘅，咁我就嚟到尖沙咀 , 喺加連威老道嘅盡頭搵到呢一間新開嘅日式居酒屋 一入去發現呢個好適合打卡嘅千與千尋無面男，行上樓梯發現呢度係一間好油氣氛嘅居酒屋雖然係八點幾，但係已經座無虛席。因為都幾肚餓，所以就叫咗好多唔同嘅食物😆包括有：海膽拖羅千層塔 $268，海膽真係好鮮味🐟🐟好似新鮮拎出嚟咁樣跟住係好鬆化嘅厚切吉列豬扒芝士千歲米豚 $128，啲芝士會流出嚟嘅跟住叫咗幾個串燒：明太子雞腿肉串 $38 ，汁燒麵豉雞軟骨肉棒 $68；全部都好有風味🤲🏻 仲有就係鰻魚玉子燒$78，呢個熱辣辣，出邊其他舖頭非常之少見跟住我哋仲叫咗個燒飯團$28、鹽燒厚切牛舌千歲米團腩片$38😚😚燒飯團食落去係甜甜地嘅，同佢其他嘅食材都幾夾本身諗住叫埋海膽芝士燒龍蝦，不過已經賣晒，唯有下次啦…Read More

今日去開深水埗買嘢，順便午餐所以喺度食， 經過大南街就過咗呢一間poke go🤲🏻嚟到呢條好多Cafe嘅街， 呢間嘢都算幾出眾入面嘅裝修有啲壁畫咁樣，聽聞係人手畫落去嘅，都幾靚，另外座位方面都坐得幾舒服佢喺嘢食上面都有好多唔同嘅選擇，咁我自己就揀咗個自選嘅bowl當中包括吞拿魚燥飯，青瓜豆腐，蕃茄仔木魚😁😁另一個就叫咗個特別啲嘅hot ono, 佢係用熱石鍋裝住嘅，入邊有三文魚壽司飯，溫室青瓜雞蛋絲蟹棒沙律芝麻醬同埋芝麻😙用料非常之新鮮食落去幾好食，下次可以再返嚟試😃多啲唔同嘅款式另外都見到佢有好多種唔同類型嘅小食，包括有蕃茄秋葵，和風炸雞黃金蝦卷等等大家可以支持多啲間小店🤲🏻🤲🏻🧘🏻‍♀️🍵…Read More

在繁忙的銅鑼灣，係時候搵返去旅行嘅感覺，適逢今日係潑水節，所以我就去咗一間泰國餐廳🤗裝修真係好有泰國嘅嘅感覺，加埋啲泰文歌就好似真係去咗泰國咁現在讓我們來談談最重要的部分，水門雞飯的招牌菜是他們的經典水門雞飯，這道菜絕對是他們的招牌菜。當菜餚端上桌時，我被它的外觀所吸引。雞肉色澤金黃，散發著令人垂涎欲滴的香氣。第一口，我立刻被它鮮嫩多汁的口感所征服。雞肉用特殊的調味料醃製，口感鮮美，不會過於油膩。每一口都帶來滿滿的滿足感。除了水門雞飯，他們的配菜也非常出色。他們的醃漬黃瓜清爽可口，能夠增添整體菜餚的口感層次。此外，他們的船面也是一個不容錯過的選擇。麵條爽滑彈牙，搭配著豐富的調味料同埋牛肉，真係非常完美我哋仲叫咗泰式鴛鴦同埋好似好健康嘅蘋果雪梨茶，炎熱嘅夏天真係一個小清新嘅配搭…Read More

今日8號風球又黑雨，晏晝返工返得咁辛苦，梗係要食啲好嘢啦🤣 放工就同朋友揀咗呢一間都算新嘅和食屋入到嚟環境唔錯，幾適合傾偈約會🫧見happy hour仲有酒🥃下次可以試吓不過聽日要返工就冇叫我叫咗個熱嘅焙茶鮮奶，佢拉花拉得好靚係一個女人嘅人樣😘🥰日式玉子燒明太子美乃滋（$78）佢係即叫即整熱熱地幾好食🤤令我朋友叫咗個熱朱古力鮮奶都唔錯，唔會太甜😁唔少得仲有香煎大蝦，明太子意大利麵 ($128)🤭佢啲大蝦好新鮮，食落去又啱啱好乾身🤲🏻…Read More

我最鍾意就係食日本嘢，今日嚟到九龍城😀就嚟咗呢一間朋友介紹咗好耐嘅隱世小店度食啦最鍾意就係呢一個蟹肉羹🫶🏻作為前菜嚟講，幾開胃，蟹肉亦都非常之鮮甜加埋佢嘅配料，酸酸地幾我都好鍾意呢個海螺🥰上嘅時候非常之架勢，佢係有專人嚟加乾冰點火儀式🔥🔥🔥啱晒打卡，而且三文魚子都係非常鮮甜嘅另外我最鍾意嘅就係成個蟹殼上嘅夾羅燒✨都幾足料，包括有鵪鶉蛋蟹膏，蟹肉等等另外，仲有串燒嘅豬肉同埋淮山幾好味😀😀😀😀🔥…Read More

好耐都冇食過日本嘢，今日就同屋企人過咗嚟九龍城，經過呢一間日本小店，有啲似食阿媽家姐😄不過我哋就咁入咗嚟食吓啲壽司咁樣見佢都有啲期間限定嘅食物，好似係特登喺日本空運過嚟嘅魚，老細都好好咁介紹咗俾我哋😎咁我哋就叫咗富山灣白蝦軍艦🤩果然係非常之鮮美嘅因為屋企人都比較鍾意食熟野、佢就叫咗個壽司拼盤咁我就梗係叫返個井飯😎😎😎😎最鍾意食嘅就係海膽啦，遲啲到啲海膽都冇令我失望值得推薦✨✨✨👌🏻…Read More

好掛住🇯🇵 雖然啲yen平咗但係都唔知幾時有得返去🥹🥹所以就嚟呢間日本嘢食左當去左啦啦😎今次就食咗呢一間位於荃灣嘅日本菜，就算落晒大雨，入邊都係好多人🤭一定好好食啦我哋要咗一個吞拿魚拼盤，佢又唔同種類嘅壽司，全部都非常之新鮮。之後亦都要咗一個海膽嘅拼盤，包括有凡立貝蟹肉甜蝦等等，海膽非常之鮮甜好味，有一陣淡淡的清香🥰🥰🥰另外朋友亦都試咗水母刺身，我都係第一次試，感覺好特別好爽口☺️…Read More