Jane faim's Profile

朋友仔生日自己搵咗呢間開咗無耐嘅韓燒店。可能因為太新，平日7點幾都無乜人。本來對啲新鋪都無乜期望，但一入到去就見到有兩三檯韓國人幫襯， 個心即刻定啲。點完菜好快就上咗一大堆小菜，起碼有7-8款，樣樣都好好味，最愛佢個魷魚同鵪鶉蛋😋😋朋友點咗個醬油蟹，可能因為當時無乜客啦，個staff仲幫手拆埋蟹撈埋飯，勁正！！！我哋又點埋佢個韓牛set， 油花靚但食落唔似日本和牛咁油膩，又濃肉味！必點五花腩， 勁jucie！如果再多啲肥膏就無得輸豆腐鍋都好飲，唔會太過濃味可能之前喺韓國食過一個最好味嘅生伴牛肉太過驚艷，相比之下佢呢個略顯失色。但都推薦一試，牛肉無乜筋都嫩滑。如果肉類部位嘅選擇再多少少就perfect!呢間值得encore…Read More

平時行過見咁多人排隊， 所以水咗朋友陪我食。 今日試完差啲要洗腎， 石窩烏冬個湯勁咸， 真係搞唔掂。朋友要咗個咖喱底嘅，我就要咗個黑蒜，兩個都偏咸。但黑蒜個味唔太出。烏冬係好食嘅，份量夠， 都足料。 係個湯做咸，食完真係要飲番幾升水洗洗胃。今晚仲叫咗個黑胡椒煮花甲，啲花甲大隻應該係新鮮嘅，但可惜佢冇吐乾淨啲沙，食落索索聲。但湯飲落同黑蒜個湯底差唔多無乜黑胡椒味。🥹🥹另外都叫咗兩款串燒，燒帶子同埋燒牛舌 … 不過不失…Read More

以前喺上環返工，一路都想試呢間阿根廷餐廳。事隔多年，終於去咗。因為臨時約朋友食。飯，佢又想試啲唔同嘅菜式，就醒起呢間餐廳。 佢個Set lunch 價錢合理，包頭盤,salad，主菜同杯餐飲， $13x -$2xx,視乎你點咩Main。我同朋友都點咗佢個肉眼， 第一次試阿根廷牛，大有驚喜！！！今次要咗medium rare， 煮得啱啱好，個肉好淋， 肉味又夠，加埋有啲charcoal嘅烤味，好香好Juicy ，再加上佢哋秘製個chimichurri， 無得彈！😋😋😋頭盤我就揀咗吞拿魚ceviche, 不過不失，好足料！朋友就揀咗個傳統阿根廷酥皮餃子 Empanada，裡面釀滿咗牛肉餡， 大大隻，勁滿足佢個沙律分量都唔係講笑，睇得到佢哋唔係hea 揀食材， 好新鮮。食完個lunch，晚飯都唔洗食🤣…Read More

是日同朋友行完山, 喺大圍個邊落, 佢帶咗我嚟呢間cafe,仲極力推介我試個個有得扑扑下嘅BROWNIE。 由於本來約咗人食晚飯, 所以淨係叫咗杯咖啡,另外仲有個BROWNIE兩份食。咖啡算係不過不失啦, 無乜特別, 但佢嘅BROWNIE真係無敵!!! !咪睇佢又朱古力又雪糕又焦糖漿咁, 但食落去甜度啱啱好, 一D都唔漏 , 我自己一個都可以KO到。望埋隔離檯嘅食物, 賣相都相當吸引, 值得再encore 同埋 去打下卡。…Read More