ka ee's Profile

荃灣海之戀部分餐廳享有海景，今天特意來到這間餐廳，已經過了中午食客高峰期，人流不算多 ，可惜還是坐不到近窗邊的位置，望到部分也算吧～ 入座時唯有要求坐較近窗邊位置，惜前食客枱面仍未清潔，只有等待，侍應顯得懶懶閒，你有你等，他怠慢地清枱。終於坐下，叫了牛脷蛋包飯和漢堡包餐，食物水準一般，不過不失，但感覺似快餐店水平，薯條overcooked 油膩膩，真可惜。店舖已位於商場角落位置，雖有海景，而食物一般，卻有一班服務的員工～…Read More

太古城港鐵站一出，就近來到康怡廣場，場內美食商店有多種選擇，今次選了日式料理--穴，店內裝修華麗，高級，服務態度一流。早輪午膳，人流未算太多，但已有限時交枱，我被安排坐近bar位置，能看見廚師預備刺身，感覺不錯。叫了一客吉列廣島蠔蛋飯套餐，是即叫即煮，需要時間等候，上枱時，熱騰騰的飯加上吉列蠔，蠔身變得淋，不夠干身，不似如期，加上天時暑熱 我叫了這一款，實在有點後悔，下次掛住某種食物，都係要坐✈️去食。套餐包了一件大福，全餐最愛食品，甜而不膩，軟硬度適中。…Read More

朋友仔放假，黎試一下呢一間位於元朗大馬路的 土耳其小店，店舖細細，但裝修，枱與枱之間不感狹窄，特別喜愛那幅彩色的瓷磚牆，感覺進入土耳其世界。我們叫了二人餐，揀選了包括：陸州沙律、鬆化咖哩角、烤野雞肉捲餅、草原牛肉水稻飯、芒果乳酸。沙律份量足夠；咖哩角內的餡料，個人非常欣賞，唯獨是皮邊較為厚；捲餅用料十足，用料味道和一般外邊食到的近似；草原牛肉與其他評論者一樣，感覺乾身，但味道不錯。總括來說可以一試，份量足夠～ …Read More

侍應整體都有禮貌，唯獨３人或以上才可訂位，同朋友兩個人只能早點walk in碰碰運氣，因為他們會留少量位置給walk in 客人。店舖位置不太大，地下坐位算寬敞，知道樓上還有一層但無上過，唔知咩環境。兩人不能點太多款式，我們點了鴨肉生菜包、泰式鮮蝦金柚沙律、泰式串燒五花腩及泰式檸檬茶。鴨肉生菜包香辣醒胃，鴨肉有鴨味及「有咬口」。泰式鮮蝦金柚沙律，蝦夠爽，金柚不是碎上，食落啖啖肉好爽快，沙律汁配合適宜，不會搶走金柚味到。特別推薦泰式串燒五花腩，一碟有六串，其實每人兩串分量都足夠，如３人點一碟罪惡感唔會咁大，燒得很香，唔會燒到乾淨淨，五花腩肥瘦很平均，咬落很juice，配埋佢果西檸汁減輕油膩感，食得很滿足。泰式檸檬茶一般，不過不失。…Read More

下午茶過來小休一下，好似去咗另一個平行時空咁。坐響度食又得，瞓響度食都得~ 我就揀咗坐響度食。拎本自己喜歡的書，一個下午很快就過了。如喜歡打卡分分鐘夠你影一個下晝。叫咗杯Piccolo，比white 的奶少點，相對white的咖啡味濃啲，細細杯，慢慢淺嘗口，我自己就幾喜歡，飲到尾尾帶點酸。熱情果芒果芝士蛋糕本身已有熱情果的fresh，再加上脫水山渣乾的配撘，減輕chesses cake 的heavy 感，食落很清新。喜歡慢活嘅你，不妨來感受一下。…Read More

去完西九參觀故宮博物館，出返佐敦揾食，行過這間小店，店內不大，只有一圍枱食客，憑藉幫襯小店觀念，盡管去試一試。叫了3～5人B餐，份量十足，紫菜粉絲卷夠香口，明顯是即叫即炸；炒粉絲份量十足，味道不錯；無骨炸雞唔會乾身感覺juicy，拍得住某某連鎖店；特色蛋捲煙煙靭靭，口感有彈性；部隊鍋食曬先記得影相，口感似茶餐廳餐蛋麵；最後來個無骨豬手 ，啖啖肉啱曬今晚啲男士。 總括來說：整體食物不錯，套餐份量足夠，唯獨餐廳比較細小。後記：雖然來的時候，只有一台食客，但我們走的時候，是坐滿食客，證明信譽不錯，若行開這區，不妨也來這小店光顧支持。…Read More

坑口站上蓋商場內，美食選擇多，今日選了有多間分店嘅連所餐廳來試一試。嫻日來食個早午餐，不用等候，坐得舒服。落咗一個餐叫多幾個配餸，兩個人食，飽足～香濃龍蝦湯，值得一試，龍蝦味重，正～芝士薯條，熱脆，分量適合。榛子朱古力賣相吸引，簡直唔想破壞杯面的一幅畫，朱古力味味道濃沃。主角Backyard：Benedict 配合得好好，還有菇、腸、哈密瓜、小donut、羅馬生菜～好多嘢味道多元化，相信總有一款啱你心意。…Read More

茶木開咗好幾年，每次諗起茶木，都係嚟食甜品蜜糖磚，今日終於突破自己，來食個午餐。平日中午人流唔算多，始終係大型商場，咁多食店選擇下，都有不少競爭對手。等咗一陣，安排咗座位，叫咗個炸魚加肉燥飯套餐，還有少量配菜，份量足夠，加多杯冬瓜茶，幫助消暑，台灣味道，返晒黎～炸魚唔會淋配上醬汁啱味道，與飯分開上唔怕淋晒，肉燥比例肉和肥都剛好配合，啱晒我口味，配菜有fresh感覺，整體唔錯，下次可叫紅燒牛肉麵再試一試。…Read More

今日去南豐紗廠走一趟，享受文青風嘅環境，原來紗廠內係可以與竉物共融，周圍都拖住狗狗，仲有冷氣嘆，真是消暑熱點，但係停車場就大排長龍去到街尾有車就真係要預鬆小小時間。揀咗呢間餐廳，諗住試下啲日本米，可惜竟然售罄，要等45分鐘煲一煲飯，太餓了沒耐性，唯有轉稻庭烏冬。叫咗牛肉黑咖喱撈稻庭烏冬，黑咖喱味道濃沃，醬汁撈烏冬感覺拮pat pat，個人不太喜歡。老公叫咗吉列豚肉稻庭烏冬，豚肉 炸得爽脆，味道適中，熱騰騰的上枱，加埋湯烏冬，配搭啱我口味。 整體來說又沒有網友的說得那麼差，可能餐廳係自助型式運作，自己去攞餐，食完要自己收盆，不是個個客人滿意。…Read More

元朗做街坊生意的小店，間唔中就係我嘅選擇，今天來了有特別改變，平日叫阿姐落單，今次QRcode 落單，唔係好慣，但都冇難度。外賣多，但堂食一樣坐足7成。食物質素保持水準，有風味嘅薯粉麵，唔會太淋，可配湯也可配冇湯，睇下餐牌就見可有好多餸嘅配搭，辣味也有不同程度嘅選擇，相信會適合不同人仕。隨著科技先進，疫情下還接收不少外賣，比起疫情下沒有人的情景，今天不見，只見忙碌的景況再現，好事但太忙之下員工有點勞氣～…Read More

今日約咗朋友嚟呢一間cafe以為係有兔仔玩嘅cafe 其實係冇嘅餐廳內枱與枱有足夠空間食物種類多 店外還有幾張枱 可選戶外位置叫咗意粉，burger和牛扒飯，大家都清晒碟，証明啱口味。需改善地方：坐下叫了食物和飲品，飲品先上，但食物就等了很久，還要追單，最後等咗半小時。 另結賬方面仍然比較舊式，冇一張整體食物收據，未能對數，點員用計算機計完講總數，付款方法也只收現金，今時今日科技咁發達，係咁新興嘅店舖，真係覺得差一點～…Read More

聚會梗係要揾地方hea，要方便大家，有要坐得咁上下人數，又要食又要玩，福利小姐揀選咗這間火煱加卡拉ok，大家盡情玩咗一晚。叫咗麻辣鍋中辣，唔錯夠辣，手切牛肉，一口肥牛粒，餃子併盤等，上餐快，食物質素唔差，有加一服務，茶芥及醬料每位20。包房唱k最低消費4千大元，歌曲唔算舊，音響唔錯，但得2支咪，細心有咪套更換，房內有私人洗手間，唔駛出去同人迫，自成一角，正～唯一覺得問題係，唔知點解間房個地下係濕嘅，感覺怪怪。…Read More

今日中午去試這間台灣小店，平日中午都要等一等，店舖大量四人座位，埋邊還有二張大枱，可坐六人+，環境算是 okay。叫食物要到收費抬，付款後再落單買食物。原本想試下店舖招牌牛肉麵，最後試咗個新口味秘罈酸菜魚麵，湯味濃郁，魚片大大塊冇骨，份量足夠有餘。另再加小食鹽酥雞扒，味道不錯，香口。加埋鐵觀音珍珠奶茶，茶味龍澳，珍珠彈牙，全部台灣口味，一次過返晒黎。 整體來說算滿意，希望疫情快過去，可以遊走一轉‘真’台灣。…Read More

這黃色小屋一共有三層， 可以隨便選擇自己喜歡的座位， 室外室內都有。 當品嚐美味食物之餘也可享受赤柱海灣的風景。 這店以西餐為主，有All day breakfast,  Egg Benedict, 意粉， burger，沙律等。老公選擇了Beef burger lunch set。漢堡包肉味濃厚， 配有爽脆蔬菜口感一流。薯條火候控制得相當好， 香脆之餘又唔會乾硬。套餐配有飲品沙律及甜品 Tiramisu，分糧相當充足。我選了煙三文魚Benedict，嫩滑雞蛋 配上特製醬汁，使味道層次生色不少。此餐廳無論食物質素，環境，服務態度，清潔度都值得推介給大家。…Read More

經過街頭，見到外星人標記嘅裝修，幾吸引，賣台灣飲品，入去試一試。指定動作，珍珠奶茶少甜少冰，等候時間大約三分鐘，就有一杯凍冰冰的飲料。珍珠奶茶是我經常選擇的飲品， 此店的珍珠大細適中彈牙，有咬口。 可惜茶味略為淡了一點，或是茶味及甜味搶去！？ 下次再光顧就走多一點甜先，此店還有很多另外選擇， 例如奶蓋系列水果茶系列， 都可以一試。 他們的價錢合理 分店也遍布各區。炎炎夏日飲返杯，簡直係賞心樂事，中暑機會也降低。:)…Read More