黑豬Baby's Profile

第二次嚟呢度買外賣，每一次店員都會落錯食物。 我叫的是泰式肉碎煎蛋飯，佢俾咗香草肉碎燴飯我。 那個廣東話都講不正的女店員，辯稱這個飯更好吃。 只是那麼簡單的一個飯亦都落不了…Read More

為咗嚟睇minions展，係太古城中心搵d 野食。 晏畫1點幾見冇乜人，中環果間分店又聲稱有米之蓮，就試下。 結果係早知去等Sensory入餐廳既staff 係 english speaking 幾有禮貌。 但落單果個係一個譚仔阿姐🤣。 都明既將貨就價。間餐廳都幾多大陸人幫襯。。。,見Set lunch d 野食麻麻，叫左a la cate. 叫左個carbonara同m5澳洲和牛同杯latte. 上菜前，例排會比幾舊包，都細心有整番熱。但個油醋樽係disaster,就好似大排檔d醬料瓶，流曬出嚟黐立立。 倒少少出嚟用已經成隻手都係。。。carbonara一黎到好驚艷，色水好靚，醬好濃郁。 一食落去，意粉係好彈牙。但除咗鹹味，冇咗carbonara嘅蛋香味。 鹹嘅程度會覺得佢挑戰緊你個腎功能。 M5和牛，叫左medium. 幾好冇overcooked. 不過好普通。 Ciak 作為麗新集團旗下嘅餐廳,如果定位係同系bombana 既平價版。 價錢上係做到既。 今餐$623. …Read More

今晚本身想去旺角間天_丼食天婦羅飯，但上到去超過40人等緊。 Google見到Element都有天婦羅丼食飯食就飛車去。 去到見到門面同環境都ok. 加上佢有個差唔多全日文既名。。。2個人叫左1個特上天丼(天婦羅) ，十勝豚丼，一個名太子蛋卷。食物上菜速度唔算快，正常既，因為睇番佢既定價同定位都唔係sell快餐。先講個十勝豚丼，好似大概$160. 上枱碗飯幾靚仔既，蓋滿唔太薄既豚肉，都有燒過既"火農" 邊。 但食落似煲湯豬肉再拎黎燒，佢寫就十勝豚，但以我食過既日本豚黎講，佢都幾冇日本豚既肉味同肉汁。個飯極鹹，加左幾粒青豆係裡面。 特上天丼(天婦羅) 一上枱就知中伏。呢幾年開既天婦羅丼飯，都係將各自制既天丼醬汁淋係係天婦羅飯上，因而叫天丼。呢碗野收大接近$200. 佢冇將醬汁淋面，比左枝野你自己淋，但枝野可能只係鼓油(極鹹). 天婦羅方面比左2隻都幾"梅"既蝦，一條整薄有D腥既魚尾同埋幾片疏菜同一舊好油既炸帶子。 所有炸物都有浸油"益"味，個油味食落有少少似係港式煎釀三寶既味。 食到一半真係唔對路，點解可以咁難食。上網search下呢間帯広はげ天原來係美心集團旗下。 全晚既感覺係坐係間裝修ok既日式餐廳食緊廉價港式日本菜。埋單4百幾，惟一好處係食幾百，商場比左8個鐘我停車。但可惜食完10點幾，d舖頭都關曬。 …Read More

黎新浦崗整車，等拎車其間，誤打誤撞入黎食個lunch. 真係可一不可再。 2個人分別叫左個常餐- 叉燒通粉，西多炒蛋； 肥叉燒蛋飯。通粉硬，湯底冇味。上面果幾舊叉燒色澤古怪好柴冇味。 炒蛋，冇蛋味，唔知係咪用預製蛋漿。。。多士，塊包唔知放左幾耐。肥叉燒蛋飯 - 份量都算多，面頭2隻蛋冇脆邊，連煎香既感覺都冇。飯又濕又爛。重點d 叉燒都係柴同硬，少少叉燒香味都冇。 去附近其他茶記食好過。 以食叉燒作招來，真係一大敗北。 見佢餐牌整得幾靚，查看一下。原來係富臨集團其下既餐廳。可能係集團旗下餐廳，都係大批供貨，且存貨其長。質量低。後記。餐廳抽風好差，食完出門口，個人由頭到脚都係油煙味。…Read More

同幾位友人係城門水塘行完山，諗住揾個地方抖下食下野，又可以泊到車既。 我地當中既一位朋友建議我地去呢間Kitchen Corner. 我地將車停左係荃昌中心前既馬路(需承擔抄牌風險lol). 餐廳係大廈既一樓，個商場都幾舊，商舖部分應該唔會有人行。 但我地上到1樓，已經見到好多人。果度有3間cafe/餐廳相連，星期日既大概1點大約有20人排隊。大家香港人都井然有序既等餐廳安排。 我地選擇既Kitchen Coner 店面頗細，只能坐20人左右。 餐牌主要分意粉類，burger, 小食同飲品等。 我地6個人，由於想輕食既關係， 叫左1份芝士磨菇漢堡，1份雞漢堡，1份催淚蝦堡，1份炸魚薯條。 我見到佢餐牌有幾款milkshake, 我揀左Oreo Milkshake.由於係小店，員工人數不多，所以上菜時間會有少少長。但可以體諒。反正係happy sunday, 最緊要有個輕鬆既地方比朋友gather 下傾下計。我同frd share 個催淚蝦堡同Cheese burger. 餐廳幫我地切埋~ 2個都熱喇喇，即整！ 配料醬汁配搭適宜，cheese burger 牛肉夠厚& juicy, 連漢堡芯都夠熱。 蝦堡應該係用蝦膠整既蝦餅，彈牙足料，配wasabi 醬汁，催淚得黎好惹味。食Wasabi 肯定健康過食彈，起碼知係咩成份。全日最愛既係佢杯Oreo milkshake, 唔係用粉開既milkshake, 滑濃香，甜度適宜。但去肥人士應該就唔鍾意wkakaa. 炸魚薯條同個雞堡我冇食，但見d frd 都清曬，應該係唔錯既。整體黎講， 雖然食店位置及裝横都一般。但勝在食品出品優質，食出香港小店cafe 風味，係會令味蕾有驚喜既食店。…Read More

今日係好值得開心既一日，慶幸上星期已經BOOK定呢度同幾位志同道合既朋友食lunch。 餐廳位於交加里屬後街，因此叫後街牛扒應該都係咁既意思。 餐廳係地舖，門面今日係好值得開心既一日，慶幸上星期已經BOOK定呢度同幾位志同道合既朋友食lunch。 餐廳位於交加里屬後街，因此叫後街牛扒應該都係咁既意思。 餐廳係地舖，門面日係好值得開心既一日，慶幸上星期已經BOOK定呢度同幾位志同道合既朋友食lunch。 餐廳位於交加里屬後街，因此叫後街牛扒應該都係咁既意思。 餐廳係地舖，門面寬闊所以好寄容易搵。 我book左1點，12點50分到。 好快待應就安排位置。 坐位，台面舒適，空間感還好，冇好逼夾既感覺。 我係第一次黎，見到Lunch set 總共有18款既選擇好surprise，價錢由$68 至$188，以小店黎講LUNCH MENU 做到咁多款食物，好抵讚。 加上價錢亦都涵蓋到唔同人既需要。 餐廳叫得做 "後街牛扒"，應該對自己既牛扒好有信心。 我就叫左個 Prime Holstein 牛腰扒 7 Oz, z, medium，跟餐配左SALAD 同粟米湯 ($188)，再加埋凍檸茶($15，好似有D 貴，但佢係用hoegaarden size 既杯...即係普通杯3倍)， 店員表示檸檬來源安全及經過處理，可放人飲用。店員亦有為訂座既顧客每日送上2款餐前小食，非常貼心。主角牛扒，肉質非常鮮嫩，完全冇"鞋"或韌。我之前箍完牙已經好怕食牛扒，呢塊係我食完最舒服既牛扒。 牛扒面煎得好香，冇太乾，仲保留到牛扒本身既油份。 牛扒滲出黎既油，我拎左黎點薯條，好正! 真係唔太相信自己食緊$188 既牛扒有咁既質素。 當然冇得同出名既酒店扒房比，但質高過好多連鎖式既西式扒房賣緊3-4百既質素。呢間我係一定會回頭既餐廳，因為見到第2台叫左個惡魔溶岩炸雞個賣相好得，同埋有幾個拳頭加埋咁大既炸雞，好想試。提議想黎食既朋友記住訂台，我地2點15分食完，仲見到有7-8人排緊。 …Read More

去完旅行番黎，好掛住香港既茶記。一起身就衝入荃灣搵好西食。見到呢間咁多人排隊，應該係好野。 店員安排得好好，排左大概10分鐘就入到。 店員落單，跟單，出食物都有禮貌同快。 我同老婆分別叫左蔥油鴛鴦扒飯加太陽蛋+凍奶茶（$42+$8），生滾沙爹牛肉一丁配火腿奄列方包（$44）+熱奶茶。餐廳最好的就是凍熱飲同價，多士唔駛加錢。本身想叫佢個三眼仔飯（即係3隻太陽蛋加排）, 但去旅行期間真係爆曬quota,留番下次。蔥油鴛鴦扒飯大大碟，用厚身豬扒，雞扒JUICY，2塊排都冇雪味。 本身覺得隻蛋要加$8有D貴。 但出奇地隻蛋好好食, 個黃好香，撈埋佢D 豉油去送飯好正。沙爹牛麵，用一丁,唔駛加錢，比埋原裝麻油同味粉你，抵讚! 沙爹牛好得，個沙爹醬好"結"身，好香沙爹味，所以個湯可以唔駛落太多味粉。跟餐有多士配奄列，都係傳統港式味道，方包已塗上牛油，由於佢個蛋高質，連帶奄列都好好食。 凍/熱奶茶都好飲，茶底夠濃，個人唔鍾意太奶既。 總結，荃灣區CP值高，必回頭既港式茶記。…Read More

係太子同朋友飲完野，好想填滿個肚。 行出大街見到呢間小店咁夜仲開門，同埋望落乾淨衛生，就一於坐低試試佢。呢間舖睇餐牌就知，主要係食餃，有鍋貼，雲吞，紅油抄手，葱油餅，小籠包同埋一d 麵食。我地3個人叫左2份小籠包，2份鍋貼，2份小雲吞，1個擔擔麵，1份雞翼。大概等左7-8分鐘d野食就開始黎，要讚既係全部食物黎既時候都熱辣辣，要知包點凍左就會失分。 店員放低食物亦放低調咪料，有醋，自家制豆瓣醬，同秘制辣汁(有少少沙嗲加XO醬既味<好惹味). 小籠包，size比連鎖店果d 細隻小小，一口可以食曬，皮薄多肉汁，肉汁冇好油膩，比例岩岩好。個人覺得鍋貼最出色。 我本身麻麻地食鍋貼，因為出面果d 通常都好油，皮又厚，有d 又會做到好似小籠包咁裡面出曬汁。 呢度既鍋貼首先夠熱，鍋貼底部香脆乾身冇油膩感同冇煎燶，咬落去肉有汁但有太多，亦冇雪藏肉咪。加小小呢間舖既秘制辣醬，超級好味。雞翼個味好特別，我估佢係用佢個秘制辣醬奄既。 小雲吞皮好滑，裡面餡料比例適合，加d 豆瓣醬食一流。 紅油抄手，個味唔係好正宗，冇好油亦都冇好辣。食完上面既野我地3個都好飽。發現完來仲有個擔擔麵，我地3個分左佢。麻醬味好夠，湯裡面有榨菜抵讚！麵底佢用既係似油麵既粗麵，好感好好，個人鍾意呢個多過傳統幼麵。 雖然好飽，但我地最後連湯都飲埋。呢餐宵夜非常滿足，酒氣全消~ 我食既時候見都有幾多人黎叫外賣番屋企。 呢d 咁高汁既小店，下次黎太子飲野一定黎打打底。…Read More

週未駕車經過，見到間粉紅色小店，蠻別緻的。 停下來看了看餐牌，反正有點餓，入去吃頓午餐。 餐廳裝修都幾特別，工業風得黎，放左d 結他，ukulele 既擺設，好有假日慢活feel.午餐選擇都有10多款擇。 我跟女朋友點了all day breakfast 同 crab eggs benedict. 一般All day breakfast烹調都大緻一樣，最大分別係食材上既質素。 呢個all day breakfast冇一般都有提供既香腸，但有牛扒，大菇，薯餅，炒蛋，沙律等。，有7 款食物。 當中main 係牛排， 煮得剛剛好，好juice, 一d 都唔"刃". 煎蛋仲有蛋汁，仲有塊薯餅。份量對於女友來說有點多，我當然很樂意幫佢分擔一下。 我個Benedict 一樣豐富， 蟹餅很厚，蟹肉充足。 以呢個價位，呢個benedict 非常抵食。放係面既poached egg, 一篤，蛋汁一瀉而下， 配合個crab cake 同muffin 係最佳享受。伴碟既side 係薯條， 脆口唔油膩。 配合埋一杯咖啡，一個relax 既週未下午就係咁過。 …Read More

總覺得一頓簡單而豐富既晚餐，可以舒緩整日上班既壓力。 女友見我近期辛苦，所以好體貼咁book 好餐廳約我去食。 餐廳位置好方便，係正sogo 隔離。 雖然今日落雨，但不沾一滴雨水就到達。 餐廳環境乾淨簡潔。 重點係食串燒但冇好大油煙味， 空氣流通做得好。 餐牌好多選擇。 前菜，刺身， 主食，同今日既主角串燒都好多選擇。 另外有一特點，就係餐廳有多款清酒選擇，有d 9 點後仲半價，可惜今日渣左車。 今晚既目的主要係想食串燒，所以我地叫左燒豚之腸，燒白鱔，燒免治雞肉棒，荔枝豚肉串，燒雞翼。 仲叫左個鵝肝多士同西京燒銀雪魚。 鵝肝多士有水準， 用日式燒汁去燒既鵝肝，味道好夾。 銀雪魚本身食材靚，所以亦係水準之作。 燒物黎講，我最鍾意燒白鱔。 我本身個人唔好食鱔。不過呢度燒到個皮好脆，但同時肉質仍保持到鮮嫩，一咬落去仲有魚油滲出。免治雞肉棒好正宗，附有温泉蛋黎沾食， 味道同口感都有提升。食完呢餐完全填補曬忙碌既心情。…Read More

放工係觀塘工業區買完野，同my dearest darling食餐好~ 新開The Wave商場幾好，暫時都仲幾鬆動、又新淨~呢間餐廳係6樓~ 直接lift 到，撘lift唔洗等! 正! Openrice仲有9折tim!! 一於衝上去試下~餐廳環境不錯，lighting OK~ 唔太光太暗~ D凳夠大張，坐得舒服! 雖然半open, 但唔熱岩岩好~ 好適合情侶黎! 環境都係其次，食物質素先係最重要~ 我地叫左一份黑毛豬扒set dinner餐湯: 好熱，creamy 但唔膩~ 前菜 – 黑松露雲吞¬: 好香~ 好煙韌! 白汁同雲吞好夾~主菜 – 黑毛豬扒: 香草味濃郁~ 好Juicy~ 邊邊位帶肥，好香口! 一D都唔韌~$300唔洗仲有餐飲~ 另外，小食好吸引，所以叫左兩款小吃: 1) 春卷: 呈長條狀，都幾脆~ 最驚喜係配個黑松露沙律醬! Yummy2) 芒果蟹肉沙律蝦多士: 簡直係一試難忘! 蟹肉同芒果不嬲都係絕配! 蝦肉超大隻, 長過包tempo!!! 性價比極高 ~ 我同darling本身好鐘意沙律醬，呢個蝦多士極多醬! 好好味啊!兩個人都係食左$500~ 抵啊~ 會再去~…Read More

係北角開完會都7pm，直接收工~ Partner 介紹過附近小菜館幾次，好味又抵食云云~ 咁岩個老婆返外家，一於同個兄弟食個浪漫嘅晚飯先返去啦~兩個男人無咩Idea, 就見圖點菜 XD 哈哈雞煲 (小辣) 果然係招牌菜，超惹味! 雞件生熟程度岩岩好，又香又滑~特別在有已索晒汁嘅支竹和豆卜~ 男人的浪漫~墨魚餅好彈牙~ 師傅手勢好，將簡單菜式變得出色，煎到外脆內軟~ 令人回味無窮!牛肉炒雜菌，夠穫氣~ 菇菌極香濃，牛肉應該至少係安格斯級! 厚切片，諗得黎，有咬口~ 牛油香味沒法擋!鹹肉炒韭菜花，估唔到又幾夾~ 味道有驚喜~ 樣樣都惹味，滋陰嘅兄弟特登叫楂竹蔗茅根清下熱氣，廢時飲啤酒wor~ 都OK, 幾襯~總括黎講都真係幾抵食，遲下凍D再黎試下打邊爐先。…Read More

觀塘區中式小菜雖然多選擇， 不過我一向勇於出外覓食。 今次揾左呢間豪園，見佢餐牌又有潮洲菜又有廣東小炒蒸餸，選擇多籮籮。 豪園係現崇山商場向街舖位， 門口就可以泊車(有機抄牌的), 我地選擇左靠窗位置，可以望到架車。 叫小菜都跟例湯，是日例湯菜乾豬骨，非常足料，好飲。 我地叫左香橙骨，紅棗雲耳蒸雞同鹹魚蓉炒介蘭。 香橙骨炸得甘香鬆化，酸甜汁包住肉排，味道得宜好岩餸飯。份量方面都算多， 約有十多舊肉排。 蒸雞店員話係即叫即蒸，所以都等左約15分鐘。 上菜時，碟雞係好熱既，所以應該都係岩岩蒸好。 餐廳用約左半邊雞，雞肉嫩滑冇"鞋"口。 叫小菜跟左2個白飯，飯後仲有2 碗甜品送。 2 個人食左約$270 . 餐廳内當眼處都有電視，等上菜時都冇咁悶。 …Read More

星期六於荔枝角一帶遊走。 由於近年該區好多工業大廈都轉型，所以多左好多餐廳食肆同消閒地點，人亦多左。 黎之前search 左下，見呢間食物同其他人評語唔錯，一於試下。 餐廳位於工業大廈内的2樓， 大堂有部lift serve 1 樓同2樓，所以唔駛排隊等lift. 我地book 左3點， 去到餐廳時都仲有8成滿。 餐廳佈局開揚，清新簡潔，頗算舒適。 我地選擇左lunch menu 既煙豬肉番茄意粉同Sea bass fillet. 我好鍾意個意粉，食落去個番茄醬好fresh, 意粉有略為煎過再燴，好彈牙。 配埋煙豬肉好香，令整體感覺好好，係一碟好高質既意粉。 Sea Bass 份量都算大份， 差唔多由我大食既女友一手包辦。 佢話個魚冇煎得太老，剛好。 食材質素不俗，入口鮮嫩。跟餐仲會有茶或咖啡選擇。…Read More

近排天氣咁熱，最好都係匿埋係石屎森林度，涼冷氣揾美食。 住觀塘有個好處，真係好多野食，餐廳種類選擇又多。見餐廳個名(Mini Friday) 咁得意，就選擇呢間。 餐廳位於一幢活化工業大廈内，所以環境衛生都非常好。 一出電梯，全層分為2間餐廳， mini friday 同米走雞live. 餐廳open plan 佈置，所以空氣流通同空間感不錯。 Set lunch 有9款選擇，價錢由$59至$109 不等，不設加一。 我地分別選擇左雞扒配意粉及黑毛豬配意粉。 跟餐有餐湯，餐前小吃，炸脆片及餐飲。 小食我地都係揀左炸花枝丸。 炸雞扒係去骨雞脾肉，炸得金黃，再配以白汁，紫蕃薯，沙律菜，同埋一隻鮑魚！份量都算幾多，男士食都好夠。黑毛豬扒，肉質香嫩，切開入面係有少少粉紅色，煮既時間係岩岩好，配上BBQ 醬，送意粉一流。 整體黎講，服務，上菜速度，食物質素加埋價位，性價比非常高。係可以再回頭的午餐選擇。 …Read More