al1bbfoodie's Profile

星期六晚最好就係同朋友食下野傾下偈，黎到尖沙咀K11附近嘅串燒店試下，晚上真係好full，一定要訂位，同埋有戶外位，坐一晚都幾舒服呢度串燒款式都幾多，原來我哋2個人都叫左21樣食物😮😮真係睇到menu樣樣都想食🥟小食類蟹粉日式豆腐 : 初頭以為係凍豆腐加啲蟹粉，原來係炸豆腐加大量蟹粉，份量好多，蟹粉好滑好香墨魚滑紫菜大蝦: 呢個係想像唔到咩樣，原來係紫菜包住墨魚滑同你蝦一齊炸，口感彈牙，海鮮新鮮，好特別嘅組合芝士年糕: 好特別地跟左練奶上枱，又咸又甜又幾好食蝦多士: 蝦膠份量仲厚過塊多士，炸起熱辣辣係好食🍡肉肉串燒類鹽燒西班牙五花腩味噌松阪豬豚肉秋葵卷鹽燒雞腿肉鹽燒牛舌芯韓風燒牛肋肉鹽燒和牛牛小排山椒鰻魚汁燒白鱔以上我覺得樣樣都好高質，肉質新鮮，調味適中，上枱又熱辣辣，其中牛肋肉，牛小排，豚肉秋葵卷，味噌松阪豬係幾推介🍡甜甜串燒類蜜糖燒菠蘿蜜糖燒粟米港式蜜糖多士夾住雪糕食完肉串就好想食甜野，菠蘿多汁好甜蜜糖多士夾住舊大雪糕，多士燒得好脆，配埋雪糕好夾🍹飲品荔枝檸檬梳打可樂…Read More

黎左Airside返工返左半年，第一次黎呢間餐廳食晚飯4個人叫左4個dinner set有湯/沙律、主菜，甜品係另叫主菜嘅pizza個樣普普通通，估唔到整得幾好食，底又薄又脆，饀又多主菜嘅牛面頰沙律，份量好大，牛面頰肉味濃又淋主菜嘅羊膝同豬鞍扒，煮得剛剛好甜品叫左焦糖燉蛋同蘋果撻，賣相精緻，味道亦好好全部食物都好高質，坐得又舒服安靜，服務殷勤，平日晚上冇乜人，可以坐耐啲…Read More

新城市近排開左好多新餐廳，一人一鍋都未食🥲隔離就開左間韓國菜，特登睇完戲4點就黎食，好彩唔使等位兩個人叫左個年糕鍋，炸雞芝士年糕鍋，2,3人份有炸雞，芝士，炸餃子，鵪鶉蛋，魚糕，拉麵，長年糕其實係想食長條年糕所以黎🤩年糕口感都不錯，幾得意味道揀左韓式辣醬，甜甜辣辣都惹味唔食辣可以揀卡邦尼，不過我驚太漏雖然話2,3人份，但份量我覺得幾少，二人食完都唔太飽年糕得4條，餃子得兩隻，比想像中份量細以接近300蚊黎講定價係幾高，唔怪得好多人睇完menu就走🫣🫣…Read More

田浦終於開到比較近我嘅地方啦😃😃之前去過大角咀食過幾次，質素真係幾好，好有韓式嘅風味今次觀塘新店就食午餐，裝修比較失望，因為唔係傳統韓式燒肉店嗰啲鐵枱叉凳，仲要燒肉係喺廚房度燒出嚟，而唔係喺枱面嗰度即燒即食，咁咪冇咗韓式燒肉嗰種感覺囉🫠🫠午餐就係定食嘅類型，叫咗個烤牛肋骨同埋辣章魚套餐份量都幾多，仲有好多個前菜同埋白飯、湯質素都keep到，但係就冇咗佢哋嘅賣點，就係Oppa幫你燒肉😆星期六嘅午市都幾靜，得2,3張枱，可能平日午市會旺啲…Read More

一班同事同admin 同事Farewell，同事介紹左呢間有懷舊特色嘅火鍋店裝修係懷舊中式酒樓主題，仲有龍鳳大禮堂，有好多張唔同大細嘅圓枱，好適合一大班人聚餐我哋十個人，叫咗一個8人餐，之後仲另外加咗雞煲兩個雞煲，一個椰子雞煲雞煲嘅雞原來特別在釀左墨魚滑，無骨嘅，叫咗一個中辣、一個小辣，小辣我都食到，幾香，但唔會太辣8人餐內容都非常豐富，有兩set牛肉，海鮮拼盤，油甘魚刺身，幾個配料又有菜，份量都好足呢度仲有好多唔同款式嘅雞煲，下次可以再試…Read More

Team Leader請食lunch，梗係去間又靚又新嘅餐廳食🤣大家都係第一次黎，叫左個 Two Courses Set Lunch 包前菜同主菜，咖啡要另外加錢前菜分別有松葉蟹肉他他、椰菜苗、羊奶芝士三個都唔錯，份量好足，椰菜苗原來係辣嘅🥲所以我唔係好食到主菜🍝蒜香蕃茄汁鳳尾蝦捲義粉我叫嘅呢個意粉好好食，個汁好香好濃，捲義粉係有空心嘅長意粉，質地彈牙，又掛汁，推介呢個🍝檸檬廣島蠔扁義粉🍣慢煮三文魚同事叫嘅主菜都不錯，扁意粉個汁比較淡，三文魚好淋，份量幾大，質地好特別☕️咖啡有Latte, Mocha 咖啡比較普通，唔夠香咖啡味，有點淡環境有點嘈同熱，可能因為算開放空間，所以幾嘈，坐得唔算太舒服…Read More

放假同爸爸媽媽去科學園行吓，原來佢哋都好耐冇嚟過，仲特登行去嗰個蛋度打卡😆😆而家科學園都多咗好多嘢食，原來仲有間幾高質嘅中菜，除咗小菜之外，仲有好似私房菜咁嘅tasting Menu 㗎🍅話梅漬車厘茄仔話梅味好出，反而食唔到車厘茄嗰種草青味，幾開胃🍲瑤柱螺片燉雞湯個湯真材實料，一啲味精都冇，雖然好清，但係好濃味，連阿媽都大讚🥓焦糖脆皮拔絲叉燒皇上枱賣相好吸引，叉燒好大嚿，但係好腍，燒得好香，配埋上邊嘅拔絲甜甜地好好食🍤荔茸蝦多士原來係蝦當時中間有一層芋頭蓉，第一次食咁樣嘅配搭，好特別🦪椒鹽鮑魚好多中菜都會有呢一樣菜，呢度炸得通透，椒鹽唔會太濃蓋過個鮑魚味🦪撈汁浸花甲呢一味係唯一辣嘅餸，對我嚟講係辣咗啲，但係爸爸媽媽都覺得好惹味🥗鮮魚湯杞子浸津白好清又新鮮嘅菜🍛黑松露蛋白瑤柱炒飯呢個炒飯又係炒得好好食，粒粒分明，飯粒好有咬口🍨黑糖冬瓜牛奶桃膠最後嘅糖水都好出色，黑糖冬瓜唔會太甜，埋好清甜嘅桃膠，好完美咁完咗呢餐飯…Read More

好鐘意食Bakehouse嘅麵包，灣仔餐廳一直都冇機會試今次竟然試到沙田嘅新餐廳平日1點去到攞飛，等4張枱，人齊先入得，限時75分鐘，比我想像中少人🧐見隔離Pici，樓下simplylife 都排晒隊Lunch Set 包前菜、主菜、無糖茶我地三個人叫左3 Set加配菜薯條🥗前菜 沙律、磨菇湯🍔主菜 非洲辣醬雞扒漢堡🦪主菜 辣肉腸白酒忌廉汁青口配酸種法包🍟配菜 薯條☕️無糖茶食物上菜幾快，環境坐得舒服食物質素普通，份量偏少，我食晒個青口都唔夠飽🥲🥲漢堡size都比較細，仲唔包薯條😅唔怪得冇人等位，試過一次就夠下次都係就咁買麵包算😄…Read More

正宗韓國風嘅刺身、燒肉同魚湯叫一條刺身已經包前菜、燒餅、魚湯好豐富，刺身好新鮮，肉質厚實有口感燒肉叫左牛肋骨同豬腩，份量好足魚湯係最好食，辣辣地又香濃，加個公仔麵超好食…Read More

見到黎自台灣嘅鐵板燒Omakasa覺得好特別，咁啱媽媽生日就一齊黎食飯慶祝，訂左吧枱位，睇住廚師煮食，媽媽好開心😆餐廳得兩個menu，我地兩款都有叫，每個menu都有14道菜，食到一半已經飽飽地，真係非常豐富，性價比幾高，餐廳問我哋有咩feedback，我哋話可唔可以set少啲野食🤣生日嘅話餐廳會送一件蛋糕🍰，服務都好殷勤，成餐飯食左2個半鐘😌…Read More

行過見啲poster好吸引，價錢又平，特登過去試晚飯時間好多人，堂食坐滿，外賣都多人叫左兩個最普通嘅牛丼，賣相同poster爭好遠啲牛係肥牛咁，但有啲靭，肥果邊又好肥咁，燒汁唔太惹味，白飯算唔錯食完一次我諗我唔會再幫襯…Read More

今日返到Airside已經見到有好大個玉桂狗裝置喺中庭，原來6樓嘅Terrace in seaside仲有玉桂狗聯承套餐，放工就去左食，6點到已經要等位🥞飄浮與藍天雲朵裏的Cinnamoroll 悠閒套餐聽個名已經覺得好可愛好舒服嘅感覺，玉桂狗造型嘅牛奶卷蛋白雪雪好得意，牛奶忌廉好香滑，卷蛋口感軟綿綿，配上4塊厚厚嘅窩夫，外脆內軟，加上藍色白色忌廉營造到藍天白雲，成個甜品都好吸引，套餐搭配酸甜清爽嘅藍調乳酸梳打，好滿足🌯 萌萌小雞蛋飯卷復活節先有嘅限定飯卷，用雞蛋做主菜，仲有新鮮嘅配菜，最好食係有啲肉鬆喺上面，飯卷份量十足，食半份已經飽🍊 濟州柑橘乳酪非常吸晴嘅飲品，原個柑橘擺喺杯上面，下面係柑橘乳酪，清新酸甜好啱夏天飲，之後仲搣埋個柑橘黎食，好正食完7點零愈來愈多人排隊，好多小朋友黎打卡，佢地都著晒玉桂狗嘅衫同袋，好可愛…Read More

康城開左牧羊少年之後，次次weekend 行過都好多人，今次平日晚上去終於都食到😃晚上氛圍幾好，燈光暗暗，好舒服安靜嘅感覺🥗紅石榴大蝦菲達芝士沙律配紅莓油醋汁沙律賣相吸引，味道仲好食！大蝦鮮嫩，菲達芝士嘅鹹香加上紅石榴嘅果香，口感層次非常豐富。再加上清新嘅紅莓油醋汁，非常清新，係完美嘅夏日選擇🍝日式燒汁西班牙豚肉長通粉長通粉味道好似大板燒嘅味道，好特別！豚肉片肥瘦適中，燒汁味道濃郁唔油膩，同長通粉嘅搭配真係絕配🌮牛油果莎莎墨西哥脆片配酸忌廉每次去餐廳我都會叫Nachos 😃 呢個墨西哥脆片香脆可口，牛油果醬係用真牛油果整，絕對唔係一般餐廳用現成嘅牛油果醬，真係非常欣賞佢哋呢一點嘅認真，加上酸忌廉，令整個味道更加昇華🍹蘋果蜜桃鮮打紅茶充滿蘋果同蜜桃果肉嘅紅茶，飲得出真係新鮮打嘅，清爽又冰涼，果香四溢🥞日落巴黎每次黎都必食窩夫😁窩夫厚厚的，但外脆內軟，真係整得好好，比好多餐廳都好食，配上香甜嘅香蕉、濃郁嘅朱古力漿，仲比利時朱古力雪糕、冧酒提子雪糕，超級豐富又好食…Read More

上個月公司搬左去Airside，實在太開心，因為太多新餐廳可以試😬😬有日好想食pizza就試下地下嘅pizza店，次次行過都好多人咖喎，仲介紹埋同事一齊食🍕Pepperoni Pizza🍕Mortadella & Burrata Thick Crust Romano Pizza🍝Chicken Alfredo & Cream Sauce🍝Beef Bolognese 🍝Pesto Prawn & Cherry Tomato🍝Carbonara呢度出名係pizza，成個menu都係唔同嘅手工pizzaLunch menu有兩款，薄底嘅pepperoni ，同平時食嘅一樣而think crust Romano pizza係好似三文治咁，有塊包，上面係火腿同芝士，幾特別另外我哋差唔多叫晒成個menu嘅意粉😃每款意粉都唔錯，份量又夠，配埋coffee tea 幾完滿…Read More

公司搬左去啟德之後就日日喺附近揾好野食，發覺體育園零售館果邊都幾多野食，今日食完lunch 就買外賣返公司食😃😃🍮蝶豆花茉莉豆乳凍呢個係期間限定嘅，顏色係淡淡嘅藍色，好夢幻 (雖然影相唔係好睇到)，聞落有茉莉花味，豆乳凍口感滑順，搭配蝶豆花嘅淡淡花香，清新又不膩🍧三色芋圓西米露芋圓口感Q彈，顏色鮮豔，食起嚟既有嚼勁又不失柔滑，西米露嘅甜度恰到好處，搭配著椰漿嘅香氣，好適合下午茶食🍡奶蓋芋泥小丸子一樽嘅設計，可以就咁用粗飲管，小丸子口感煙韌，芋泥香濃滑順，奶蓋濃郁而不膩☕️即磨咖啡豆乳咖啡香氣同豆乳嘅順滑完美結合，既有咖啡嘅濃郁又不失豆乳嘅柔和，係咖啡愛好者不可錯過嘅選擇原來石磨樂豆係新加坡30年老字號品牌，創辦人喺新加坡旅行嘅時候偶然發現，所以引入香港，保留新加坡傳統小食，仲加埋香港地道嘅食物，推出季節限定餐品，例如鹹蛋黃碎蛋吐司、川貝枇杷膏豆腐花，冬天仲有三款熱飲供應，咖啡豆乳可以叫熱飲咖…Read More