auwain's Profile

半年前喺銅鑼灣食過，已經念念不忘，只係冇過海所以冇食。之後睇到上網話尖沙咀開咗分店，今日即刻嚟試，服務真心好，嘢食都好好食，好正宗，一定會再嚟。除咗個必食嘅辣炖雞湯（加咗刀削麵同多蒜），忍唔住叫咗個薯仔煎餅，好好食，煎到好脆，真心推薦🫶🏻…Read More

去完會展行到攰，諗住隨便搵間餐廳填肚。諗住食越南菜實冇死啦，點知完全中晒伏。食物：叫咗一碟豬肉米紙卷，一碗香茅雞翼湯河，一碗扎肉撈檬。米紙卷普普通通，撈檬正常，香茅雞翼湯河味道OK，但係四隻雞翼裏便有兩隻未熟晒，當中分開送上的金不換只有兩小片樹葉仔…衛生狀況：極度惡劣全間餐廳冇一張凳係乾淨，凳同埋地下全部都係食物碎… 服務態度：幾個店員淨係掛住賭馬，到你叫佢嘅時候就個個賭輸馬咁嘅樣，嘢食送上枱嘭嘭聲，講嘢冇聲冇氣，態度極差。PS. 部份枱同凳之間離到勁遠，可能要姚明咁嘅身高先食得到……Read More