Dailoyin's Profile

今朝同女朋友睇完戲就係附近搵地方食晏晝, 行行下見到呢間小店有隻蜜蜂做招牌, 買熱狗覺得幾得意就入去食啦。睇下睇下, 見到二人餐有12吋蜂狗+豬頸肉法+2件蝦多+4條薯波+2杯熱飲, 好似幾抵食就點左黎食。店內雖小,得4個位到, 但坐得幾舒服, 隔左陣d野食就黎lu~首先黎左係蝦多同薯波, 佢地d薯波係一條條~蝦多我同女朋友都覺得差少少, 因為內裡係蝦膠唔係蝦肉, 呢度扣左少少分, 大致好食, 因為外面都好脆卜卜!!!!至於薯波就一般啦, 不過不失~主角之一出場, 秘製豬頸肉法包!!好好食, 個包好脆, 內裡的豬頸肉好香口, 唔會話太「鞋」,配料的青瓜,蘿蔔絲同扎肉一齊食好正!!!尤其蘿蔔絲, 佢地整o既醬料好好食!!!!~正野~主角之二, 12吋蜂狗!呢個製作時間比較耐, 但一出到黎好有驚喜!!條腸真係唔講得笑!!脆皮, 內裡的肉好好食~而且連其他配料+包+腸一齊咬個感覺好正!!!!( 女朋友試唔到呢個感覺,因為佢個口太細)~正野!!整體而言, 好食!!!!!佢地主打o既包真係有水準~~小食有空間去改進~~有機會一定會再黎食~因為個包真係好好食~~~~~~價錢方面應該加左價, 番黎睇番之前係平d, 而家一個二人餐要$99~不過都抵食o既~~…Read More

見係復活節假期就同女朋友去食豚組啦~以為會好多人, 所以都book 定位, 但點知一去到, 都有好多位, 可能d人未黎一坐底就即係叫野食啦!!!!!標準炸物鋪的芝麻醬女朋友叫左個薄紙豬扒定食, 塊野真係好大塊, 但又真係好薄, 女朋友話好似食炸粉, 但我就唔係好覺, 幾好食我就叫左白豚+炸蝦, 白豚幾彈牙, 炸蝦就幾大隻, 幾好食都唔算太貴, 而且可以無限量加菜, 幾好~~可以再食過~ …Read More

今日放假, 就同女朋友一齊去呢間飲下茶, 睇下係唔係真係咁好食~我地9:45 去到, 都已經好多人, 結果10點拎完籌都要等一個鐘先有得入去食, 不過冇所謂啦, 等咪等~11點入去食啦, 由於係入門口前已經點好曬要食d乜, 所以d 野食都黎得好快~第一個就黎呢樣!!!!!酥皮叉燒包!!!!好好食好似食菠蘿叉燒包!!!!!正!!!!!!!外表係酥脆的!!!!!蘿蔔糕都好滑好軟~腸粉就一般, 冇乜味, 唔係太香口馬拉糕熱辣辣, 好鬆軟!!!!蝦餃雖則同出面好似冇乜分別, 但我個人覺得就好彈牙奶皇包入面d奶皇好香~佢應該試整流沙奶皇包~腐皮卷有「九」王係入面, 好脆口糯米雞就好大隻!雖則料就差少少, 但整體都ok食左咁多野連$2/人的茶錢都係$13x, 幾抵食~一定會再黎食多幾次。食緊野個陣, 見到老闆周圍走, 又教人點食蘿蔔糕/燒賣先係最好食, 又幫手執下位咁, 感覺上真係好nice, 連我自己跌左隻筷子落地...我想搵人黎換時, 佢地已經聽到跌野落地的聲音, 跟住即刻拎新一對黎~今次我地都覺得服務真係幾好~…Read More

今日同女朋友plan左去中山紀念公園，所以就順手黎試下排頭位的舊式茶樓。見到好多人都講話，坐二樓先正...所以都特登早d 去到...但我地8點半去到都要坐三樓.....茶樓狀況係二樓好多人，三樓無乜人........一入到三樓，見到有幾張吉枱，咪諗住行過去坐...點知d 伙記係咁迫人同其他人搭枱....而家個幾張吉枱係坐3個人law...:(都唔明白點解叫人去搭枱....咁我地個日都有好多野拎，於是咪拎多一張椅黎擺野........但個陣時三樓唔爆.....d人仲陸續係咁走，但有個伙記就黎問我地做咩霸多張住椅....我話其他人都可以咁霸...點解我地唔得.....但個伙記都唔理...係咁嘈....但女朋友又想試...我地就放棄左張椅....攬實d 野一路飲茶.....由於服務唔太好....結果佢整個d 野食...我都覺一般......等唔到蝦餃....唯有食呢個....結果....一隻蝦都搵唔到.....叉燒腸d 叉燒細到見唔到......而同碟春卷又係凍冰冰......雞扎出色!!!!!入味!!!!!我冇食到，女朋友食左都為左過口癮，佢話一般~蘿蔔糕都好食，即叫即煎，唔係太多油。好耐冇食過鬆軟的馬拉糕，呢度整得唔錯。唔知係唔係坐3樓關係....d車仔推黎推去都個幾樣..:( 所以食左少少野就走....埋單就$131....一般抵啦......但下次就真係有緣再試啦.....…Read More

今日約左女朋友去佐敦行街，咁就順便叫佢搵野食，佢話搵到間食意粉o既，咁就去啦。初頭我一見到間鋪頭寫「cafe」...心諗大鑊啦...會唔會又貴又唔飽ga......點知食完番出黎就覺得初頭諗o既係錯。雖則門面舊，但食野當然要試下食物水準，所以一坐底就即係order 左2個套餐。先黎2 杯湯，初頭黎o既時候，以為係飲品...我仲第一時間諗住落糖.....好彩俾女朋友阻止左先冇做傻野.....講番個湯，睇落好似濃咁，但其實飲落好淡，但對我黎講都ok，唔算太濃又唔算淡~~~之後黎左杯熱奶茶，飲落....奶好多,茶好少....個人黎講唔係幾like.....女朋友叫左杯熱檸茶....佢話d 檸檬好「kip」......所以都覺麻麻.....:(第一個主菜黎lu!!!!!!!好味!!!!!意粉彈牙，煙肉唔會炒得好多油份。但d 汁少左d第二主菜亦都到埋。一睇好細.....但塊龍脷柳有手掌咁大塊。:)蕃茄入味，龍脷柳亦煎得香口，而我覺得個龍脷柳可以加番d 汁上去等佢唔駛咁dry~~~食飽飽啦，跟住仲有甜品。我睇其他人食評個芝士餅好好樣....唔知點解我的會縮左水.......而且個餅底淋左d......女朋友就吉士蛋個汁就麻麻.....所以都唔係好試真正的味道......總括來說，$42 一個餐包湯，飲品，意粉，甜品，都幾抵，相信會再光顧!!!!!!!!…Read More

見到前幾篇食評都話抵食，於是乎就黎試下。但之前女朋友食過同一間集團的牛涮鍋，但感覺麻麻，所以一開頭都係抱住唔係太驚喜o既心情入去食，點知食完都有驚喜~6點半去到，唔駛等位，一坐低就見到套餐牌，跟住醒起之前有食評講過套餐唔抵食，反而散叫會更好，所以就向散叫進發。價錢唔係好貴，所以都同女朋友叫左5樣野。一碗仔，料都幾足，個人覺得可以再辣d~皮幾薄，餡料可以多番少少就好啦，美中不足就係個醋就麻麻了。呢個冇乜特別，但個煉奶反而唔係好甜!!湯正!!清清地，雞幾好肉，麵好彈牙!!值得一讚擔擔麵的湯底有微辣，呢個正，但個排骨就差d，林左少少最後埋單$179都幾好，至少咁樣叫仲平過二人套餐，而且都幾好食~會再次光顧的~ps. 佢會收茶錢的~每位$3....同埋佢d人手可能少左d...埋單找錢等左半個鐘....期待在這些地方會有改進。…Read More

之前睇落有本雜誌有晚餐9折優惠，於是乎就同女朋友黎試下呢度d 咖喱。大概7點到鋪頭，唔駛等位直入，跟住d 侍應就好快咁斟杯綠茶黎，味道似大快活的低糖綠茶，幾好飲的。睇餐牌啦，見到咖喱飯都係$42-$45 到，於是乎就叫左咖喱豬扒同咖喱炸蝦，再加多個蟹肉忌廉餅。餐牌到冇寫有前菜，但佢就送左黎俾我地食，同埋每人都有一碗麵豉湯。個前菜，我地一開頭以為係個忌廉餅....原來一食落就知係炸魚柳啦。蟹肉忌廉餅，普普通通。唔算太有驚喜。主菜黎到，第一時間試下個咖喱先。佢地黎到係甜咖喱，餐牌上亦都唔係好見到有得加辣，所以都冇得食下d辣咖喱。豬扒就一般啦，反而炸蝦炸得幾好，幾大隻，唔多粉，幾好咬口。反而飯就差左少少，我的一來到係暖的，好彩女朋友的係熱的。我諗呢個係睇彩數je......總共食左大約$110 啦，咁岩有張9折優惠，折完都有$97~~有機會番下黎試下嘅，因為水準都係中等到，不妨可以一試的。…Read More

係openrice 見到幾多好評，而且又係米芝蓮一星，所以就同女朋友一齊去試下究竟米芝蓮餐廳係點啦。去到鋪頭都係6點，已經要等位，大概等左25分鐘就有得入去食，我見其他網友的食評都係35分鐘，所以我覺得又唔算太耐。入到去就唔理啦，係咁剔點心。order 完之後，等左一陣就開始有野食lu~先黎就叉燒腸粉，一般貨色，內裏的叉燒就好細舊，反而伴碟的荷蘭豆好食d接住黎o既春卷同腐皮卷就脆卜卜，好好食，d蝦好彈牙!!!!佢寫就薄皮...但食落就厚皮...呢個似鮮竹卷o既腸粉版....我地覺得麻麻......棉花滑!!正!!!!不過d 雞就差左少少我覺得太少奶黃啦，食左兩啖就冇曬d奶黃....淨係食個包....個排骨蒸到好似肉餅咁...痴埋一舊...而且都有d 肥下....仲有個香煎蘿蔔糕，但唔記得影相，都係一般貨仔....不過女朋友試左佢地o既甜醬就覺得似藥水味.....9 籠點心，連茶錢每人$2 ，總共就$150總括來言，都算平，起碼平過茶樓先，但水準就一般啦，不過有機會都會再去幫襯o既。…Read More

某日同女朋友行過坑口見到呢間係食咖喱，咁就一於入去試下啦。呢間野算係咖喱快餐店，有最平最普通的咖喱飯$17，去到最貴嘅富士山咖喱飯$65(睇相都見到好大個!!!!!!)但都係第一次食，所以都係穩陣d，試過咖喱豬扒蛋包飯。等左10分鐘到，個待應會拎埋個飯俾你。其實又唔係太特別，但勝在$30 就可以食唔錯嘅豬扒同咖喱，個人黎都接受到。女朋友就揀左個咖喱芝士飯，但佢就覺一般。呢間野，有學生證就有一杯免費汽水，而且有得免費加做大辣。而今餐就總共約60 啦，唔太記得清楚個銀碼。會再番去試呢間，因為都幾想試下個富士山咖喱飯係點樣!!!!!!:)…Read More

女朋友話上次同朋友去食完覺得好正...於是就帶左我去啦....見到鋪位，都心諗應該中規中矩的貨色，於是乎都入左去試下。一坐底就叫左：酸辣湯，10隻鍋貼，擔擔麵同炸雞翼菜飯+豆槳首先係黎就湯同鍋貼。鍋貼ok 啦，有肉汁，又幾大隻，仲要$11有5隻，算係幾抵食，不過就得個暖字...熱d會好食d:)酸辣湯就麻麻啦，食落好似稀左嘅碗仔翅咁....同埋味道一般。:(一般貨色，但幾大碗。雞翼就炸得幾好食，呢個真係唔錯，但係個菜飯就乾憎憎.....2樣乾嘅擺埋一齊食個感覺就變到好一般仲有杯豆槳嘅...但都係一般貨色, 跟餐叫$4一杯，算抵飲呢間野依肚飯就幾好啦，都算抵食，今餐都係用左$81，好飽的，但味道可以再做好d 嘅。…Read More

係openrice 見到咁多人去食，又話好食，於是同女朋友一齊去試下，食落又唔錯喎。7點去到丼丼屋，唔駛等位直入坐低。睇下個menu，個價錢都幾合理啦，所以叫野食都冇乜點理會價錢。我地叫左：雜菜天婦羅島冬，煎蛋卷，芝麻雞翼，滑蛋豬扒飯(+$15套餐)首先係煎蛋卷，如果撇除蛋卷上類似柚子的物體會好好食，但一齊食....個味道會怪怪地....跟住係芝麻雞翼，外表好脆。呢個雜菜天婦羅有洋蔥，青椒，冬菇同蘿蔔(仲有一樣唔係記得係乜)，外型ok，但我覺得一般啦，女朋友就話烏冬一流，好食過出面的。呢個係加左$15 變套餐的，多左麵豉湯，黃蘿蔔，沙律同牛蒡小食附加個d野ok la, 不過不失，同埋我唔食牛蒡...所以唔知呢個點...希望佢個小食會有揀會好d個滑蛋豬扒飯就好好食，炸豬扒個水準泊得住出邊炸野專門店的level!!!!但我覺得呢個炸豬扒配咖喱會好食d，所以下次一定要試咖喱埋單就大約$200，唔太記得實數總結黎講都好好食，會再去幫襯佢!!!…Read More