小小祖's Profile

今日去咗呢間餐廳食晚飯。今次我對食物方面，喺度唔作評論，因並非重點。重點在於當我食完埋單時，有一名店舖職員(肥身型女子)，喺我用八達通俾錢後(聽到嘟一聲清楚表示已付費)，但依然唔俾我離開。當時她表示一直未收到錢。她一直叫我再俾錢，我初時一直順從，並將八達通一直拍在她的拍咭機上。但她則向我表示一直都收唔到錢，並一直呼喝我要再拍咭，再拍咭，再拍咭。拍幾次後，我開始覺得奇怪，於是立刻檢查八達通付款紀錄。紀錄清楚顯示我早已經付款，而八達通總額亦有扣數。我將資料立刻展示俾該女店員，但她竟然一直態度囂張，對客人超級無禮，並一直呼喝我未付款唔准走，全程耽誤我時間。當時有另外兩名店員出來制止，並向我了解。我向他們清楚展示付款記錄，他倆亦確實我已付款。但該名女店員仍然對我呼呼喝喝，並且一直不覺得自己有錯，一直繼續喃喃自語：「未俾錢唔准走，未俾錢點解要放你走。」雖然其他店員早已確認我已經付費，但該女店員繼續對我態度超級囂張及無禮。我對該女店員態度萬分失望及感到委屈，亦開始向她索取名字，準備作出投訴。但她卻一直態度囂張及無視我，並同我一直講：「我唔會俾你，唔會俾你！」雖然另外兩名店員已對她的行為加以制止，但她在現場一直癲癲瘋瘋，並未有理會。在另外兩名店員現場多番確認我已付款下，我才得以離開。最後該名無禮女店員自稱名叫「嘉嘉」。…Read More

喺附近做完嘢，咁啱經過，見到餐牌，心郁郁想食返個燒味飯坐低嘅時候，可能因為肺炎影響，餐廳好少客，有9成都係吉枱，所以啲侍應都係行行企企，無乜邊個特別忙。當我叫嘢食嘅時候，俾我嘅感覺好差，唔知點解，當時叫咗幾個侍應都十問九唔應，嘴藐藐，個個都唔願做，唔知以為爭佢錢咁！起碼有3個都掉頭走，又扮睇唔到！最後等咗幾分鐘，終於有個侍應行過來。唉，一場入到黎，算！就照嗌嘢食啦！嗌咗碟燒肉飯，點不知，第一啖擺入口就知賴嘢，嘩！痴線㗎咩！咸到呢！！！我真係咁大個人都冇食過一碟咁咸咁難食嘅燒味飯！坦白講，雖然燒味一定會有咸味，但過份咸嘅食物對腎臟真係會有不良嘅影響。認真講，呢間算係我有生之年，其中一間點解服務態度又差，食物又難食嘅鋪頭。希望大家三思。…Read More

其實唔止一次去莉苑，平時都有幫襯開。係今日得閒就上嚟寫兩句介紹吓大家啦。今日想食腸粉燒賣，瞓醒就落嚟食。最後嗌左炸豬扒菜飯，炸雞翼幼麵，腸粉，燒賣，凍豆漿。炸物方面，坦白講，脆，絕對達到應有水準，我覺得係出色嘅。而且份量足，一定飽住走。腸粉燒賣豆漿都係正常水準。對我嚟講，簡單一句，平靚正。咁多樣嘢食，食到食唔晒，都只係82蚊。當然，如果要挑剔的話就係環境方面並唔係啲西裝友會去嘅地方，但對我呢啲平民百姓嚟講，呢啲地方啱晒我🤣今時今日，呢個價錢有呢個質素，真係唔係度度有。本人絕對支持。…Read More

格仔餅嘅精髓在於佢裏面嘅醬料，好心你買得咁上下價錢，亦有返咁上下名聲，就唔好慳慳埋埋嗰少少醬料。咁多次食格仔餅，今次一定係最失望嘅一次。雞蛋仔無須醬料，都還可以讚佢外脆內軟。但係格仔餅，就一定唔係讚佢嘅質地咁簡單。今日食嘅格仔餅，令我覺得超級失望。裏面嘅醬料少之又少，一啲甜味都冇，又稀，溝晒水咁。食嗰時簡直就好似乾哽麵包一樣！再係咁樣落去，你呢間鋪頭只會越嚟越冇生意，唔會再有人嚟排隊！真心希望你地可以作出改善！…Read More

每一次經過都想入去試試，但礙於漢堡包薯條實在太邪惡，每一次都卻步。今日，我終於鼓起勇氣，行入去食個lunch。今次我揀選咗Classic，係set，連薯條同汽水，$130。另外再加個fish and chips，因睇相好似幾吸引，$100。食物到，so far個包味道okay，可惜個包勁勁勁細，唔夠食。而啲薯條同魚柳就真係令我勁失望，嘩咸到呢。。食咗一半都無已停止，我真係怕自己再食落去個腎會有事。總括而言，無下次。…Read More

多謝富士55在多年前令我認識了日本沾麵，亦令我愛上沾麵。可是，現在我們是時候分手了。如果說在香港，我一生裏品嚐沾麵的歷史，富士55絕對是一間帶我進入沾麵領域的其中一間店舖。還記得多年前的富士55只有尖東總店，當時第一次品嚐的時候，我真係叫咗出嚟：「好好味呀！」 因本人吃面較慢，亦想慢慢品嚐，但是沾麵的一個少少壞處就是，湯底變凍時，沾麵就不太好吃。所以以前的富士55亦很貼心地會有數個電磁爐在枱上，讓客人可即時自行在電磁爐上加熱， 十分貼心。當時自己吃完的湯底可以加$20做芝士飯，當時感覺價錢實惠，芝士條亦很重芝士味。我們亦可以自行製造自己喜愛的芝士飯，不用假手於人。就像一個小廚師在店內，使用電磁爐，煮一頓自己喜愛的午餐或晚餐。不知不覺，銅鑼灣的店舖也開了，當時我也曾到過銅鑼灣店品嚐富士55沾麵，我個人最喜愛豚骨沾麵。最近，經過尖東，我也再一次品嚐富士55。可是，今次的體驗也令我感覺到，我與富士55是時候分手了。以前彈牙麵質已再感受不到，沾麵浸在湯時，湯已不再掛在麵上，好吃程度大不如前。現在唯一的可取之處是他已經換了裝湯的器皿，換成可以保溫。現在慢慢品嚐沾麵時，湯底不在哪麼容易變凍。亦因此原故，枱上的電磁爐也已經全部收起。吃完沾麵後，我加了錢品嚐芝士飯。多年後的價錢原來已經變了$32 ，在幾年間足足加了$12。因為枱上的電磁爐已收起，現在食客已不能自行烹調芝士飯，而且不再使用自己吃剩的湯底，而是改由廚房重新製造。芝士飯亦已沒有太多的芝士味，味道很輕，並無濃郁的感覺。今次，我真的失望了。…Read More

是咁的，話說我喺facebook見到呢個promotion，$270任食牛扒+薯條，我呢個牛魔王心諗嘩正呀喂！加上見呢間餐廳平時啲comment都唔係太差，我又一向唔算超嘴刁，咁諗住食佢兩塊牛回個本就走人。好啦坐定定之後二話不說就點菜啦仲等乜不過當時我都覺得好奇怪，我見侍應係咁promote 呢個package俾客人，但竟然無人理，當時有一刻心諗係咪中咗伏。。。好嘞食物到賣相唔多講，咪就係有薯條加牛扒，無拌碟，不過佢原本promotion張相都無嘅，佢無呃人。好嘞到食嘅時候，我落order時係medium rare，睇睇先唔知大家睇唔睇到，其實佢煎咗個well done嘅扒出來，嘩啲肉太熟啦又硬又實，我心諗唉all you can eat仲想點，快快脆食咗佢，俾多次機會佢下一塊做好啲啦。到下一塊，我已經再三叮囑要medium rare，有咁生得咁生啦大佬，但。。。到最後。。。都係令我好失望。又係well done，又難咬，完全食唔到，真係10蚊都唔值！總之一個字「好難食」，下次咪攪我，講完。…Read More

本人一向極愛沾麵，亦經常隨處搜羅唔同地方嘅日本沾麵，希望搵到一間最好嘅😋今次經openrice search 到位於鰂魚涌嘅’周月’，見一般食評都唔錯，又有幾間分店，一於趁放假嚟一試！！一向嗜辣嘅我，忍唔住點左個辛辣沾麵🤤，而我身邊嘅就點左周月沾麵沾麵方面可選100g, 200g, 300g 全部同一價錢，一般份量係200g，其實一般食量嘅人已經足夠。’周月沾麵’嘅味道揀左濃味。‘辛辣沾麵’則得一款辣度，無其他選擇。麵到嘞，大家起筷😋😋200g份量本人認為剛剛好，絕對夠飽又不會浪費。味道方面，個人認為濃度絕對足夠，可能有部分人會認為太濃或大鹹，不過我就覺得味道絕對剛剛好，兩個字，好味！湯入面有肉，芽菜，荀，等等，有部份肉有啲偏肥，但雖然肥，又覺得好惹味🤩 (好矛盾呀！)另一美中不足係太過油，你會見到表面有一層好厚嘅油，坦白講，平時都唔太介意油膩嘅我見到層油咁厚咁浮左喺面，當時我都呆左5秒😨不過之後我已經俾味蕾牽住我隻手係咁食😂 我已經唔理太多，食左先講🤣🤣麵質非常彈牙！一試難忘！不過美中不足嘅第三之處係啲麵隔左一段時間會癡實晒，勁纏綿咁，我好唔容易先夾到出來！每間舖都會有好有唔好。不過個人認為呢間舖嘅沾麵絕對係讚多過彈！湯底味道夠，麵質彈牙，絕對係會再encore！老實講，我自問食過咁多款沾麵，’周月’暫時喺我心目中嘅No.1.…Read More

晚餐揀咗$239特選牛肉因見佢有海鮮，但我真係估佢唔到原來海鮮只係得蜆，蠔同埋帶子。蝦都無。打邊爐唔係用桶蠔，係用生蠔？ 我生食又唔係，放落個鍋到佢即刻變左隻蠔豉咁細粒。 自問都算食過唔少shabushabu。牛方面，$239質素同其他shabushabu舖頭嘅最低價錢差不多。其他配菜就一般般。 烏冬質素差，同嗰啲街市2，3蚊一包質素差不多。嗱！我就覺得一啲都唔值，堅無下次。如果閣下只係為左填包個肚唔講求質素嘅，你都可以照食。…Read More