yanyanbbg's Profile

今日係平日，我大約夜晚6點到🕕，店入面得兩三枱客，唔洗等位就入得🫣。每張空枱上面已經放左2張點餐紙同1支筆喺度。我之前同朋友黎過一次，果次我就食海老沾麵🍜，湯底係好食嘅，不過因為我食唔慣沾麵，所以我覺得麻麻地，冇網上講到咁好食😬。今次我就食海老拉麵（$88），麵質揀左較柔。落單5分鐘後就上枱，好快手🤣。碗拉麵有半隻唐心蛋🥚，2塊豚肉，同好多櫻花蝦鋪喺上面。飲左一啖湯底，熱辣辣，蝦味好濃郁🦐，好正！拉麵都好掛湯，每啖都好滿足🥰。份量我覺得啱啱好，食完一碗已經飽飽地🤰🏻，所以試唔到啲小食🤧。同埋佢地冇收加一😆，所以服務方面就冇乜特別啦。…Read More

因為要訂生日蛋糕🎂，見到網上呢間嘅希臘乳酪芝士蛋糕好多好評，想去試左味先再訂。去到果陣咁啱係lunch hour，所以就順便喺度食埋個lunch啦🫣~店內裝修幾有風格，餐枱用左雲石紋。蛋糕櫥窗對面係一排sofa🛋️，上面有幾個馬卡龍cushion，張sofa好軟好淋，坐得好舒服💆🏼‍♀️。Lunch Set我揀左食和風帶子意大利麵（$138），個價錢包埋salad🥗同一杯野飲☕️。個salad有車厘茄同菜，不過就好細碗，可以3啖食哂🤣。個和風帶子意大利麵被餐廳標左為Lanala’s recommendation，黎到果陣好熱，應該整完即刻上嘅😋。上面有4粒帶子，可惜意粉份量比較少，女仔食應該都還好，男仔食一定唔會夠飽😢。可能餐廳係想我地留肚食佢哋嘅蛋糕吧🫣。野飲我就揀左café latte☕️，有心心拉花🤍。杯咖啡好濃味，甘味好出。跟lunch set嗌蛋糕嘅話，可以+$30嗌迷仔size或者+$50嗌正常size。不過我都係為左試味，所以平平地揀左迷你size就算。我揀左迷你白桃玫瑰希臘乳酪芝士蛋糕🍰🍑🌹。個蛋糕口感同味道上一啲都唔單調。蛋糕上面桃紅色係玫瑰味啫喱🥄，中間果層係乳酪芝士夾集左啲白桃粒粒🍑，底果層係餅乾底🍪，同埋碟上面有蜜糖🍯。夾埋一齊食真係好好食😋😋😋。最後埋單計埋加一要$185一個人，食物份量唔多，性價比偏低，不過喺中環，都預左嘅🥹。但係我會推薦大家黎食佢個希臘乳酪芝士蛋糕，因為真係好食的😋。…Read More

Bookmark左呢間餐廳已經有一段時間，今日終於有時間的起心肝去試下😋。我地book左星期六夜晚8:30，去到見到幾乎坐滿晒人，好熱鬧😆。喺門口等左差唔多10分鐘就帶我地入座😍。坐底之後枱面得一張飲品menu，原來呢間扒房得一個餐（$398），包左前菜🥖🥗，牛扒🥩，同任食薯條🍟，啱晒選擇困難症嘅我💯。落完個牛扒要幾成熟之後就比左籃麵包我地🥖。我自己就覺得個包太硬，所以只係食左一舊。跟住就到salad🥗。啲菜中間有啲nuts，口感加分👍🏻，加上個salad淋左酸酸地嘅汁，食落好開胃😋。飲品我嗌左杯French Martini🍸（$128）。甜甜地嘅菠蘿酒🍍，可以點綴下成個晚餐🙈✨。等左一陣，碟ribeye🥩終於黎啦！我地2個都係嗌左7成熟。啲牛好淋，冇乜筋位，點少少芥末醬食真係好好食，好正😭。碟牛扒下面會有爉燭一直㷫住🪔，等啲肉都keep到溫度。仲有當然唔少得餐廳嘅賣點啦，係任食薯條呀🍟~睇相都見到個侍應毫不吝嗇咁夾啲薯條落隻碟度🍽️。暖暖地嘅幼薯條配茄汁🥫，好快就清左一碟。同埋食到咁上下，餐廳侍應見到我地個碟冇乜薯條會行埋黎問洗唔洗加薯條，服務算不錯~👍🏻食到七七八八果陣，侍應會推住架甜品車仔介紹甜品，會問你需唔需要嗌。因為我地喺OpenRice訂左位，所以會送免費甜品。當晚仲有檸檬撻🥧，不過我地揀左黑森林蛋糕🍰。蛋糕2個人食一件都好夠，因為已經食薯條食到好飽🤣。最後我地埋單人均$500左右，性價比黎講都算正常嘅。餐廳好好氣氛，當晚有2枱客生日，餐廳會播生日歌同埋啲侍應會圍晒過去同壽星慶祝🎂🎉。幾推薦未試過嘅大家去試下👍🏻~…Read More

夜晚經過北角，就入咗北角匯行下睇下有咩食。見呢間個menu好似ok，就入去試下啦😋。我地嗌左個自選二人套餐🍜。主食我地揀左白豚拉麵，赤豚拉麵(+$5)。小食嗌左雜錦串燒🍢，自家製餃子(6隻)🥟，天婦羅魷魚🍤。拉麵口感都正正常常嘅，白豚拉麵個湯底好淡，啲豚肉偏靭😢，整體水準麻麻👎🏻。小食方面就ok嘅。餃子夠熱🥟♨️，好味👍🏻。炸魷魚都好食，可以叫嘅。總結：食物都叫做食得落肚嘅，但餐廳有個女服務員態度完全唔掂，其他同事出錯餐，安排入座等等，佢都講野超級大聲，成餐飯都要一路聽住佢鬧一路食，真心好影響客人用餐👎🏻👎🏻👎🏻，冇下次。…Read More

平日大約夜晚9點鐘去到👣，入面都坐滿9成，好熱鬧，不過好彩吾洗等位，一入去就有位坐🤪。枱面有比menu，但用紙仔落單。同埋餐廳有提供免費(蜂密)綠茶🍵，不錯👍🏻。我地嗌左一人一碗烏冬🍜，炸雞軟骨，茄子串🍆，同汽水🥤。我就嗌左沙嗲湯吉列蠔手打烏冬($88)🍜。個湯底好香好濃沙嗲味，隱約仲有花生味添🥜！烏冬食落都好彈牙，正呀。碗烏冬黎到5分鐘後，碟吉列蠔先上。個蠔都好好食同夠哂熱。個雞軟骨就完全吾掂😭，因為之前黎過都食過幾次，都係好好食的，但吾知點解今次會食到成口粉，仲要吾熱🫠，浪費左$52💸💸💸。我本身好中意食茄子🍆，見到佢當然唔放過！今次個配搭都係第一次食，之前喺其他地方都係食開蒜蓉味🤣。呢個茄子串食落口個味好新奇，會encore👍🏻👍🏻。加一後埋單$305，人均約$150🧾。…Read More

今日要出旺角買野🛍️，就上OpenRice search下附近有咩食啦，見到book位食午市套餐就送一份炸日式餃子🥟，同埋睇埋menu見到唔洗加一就即刻book左位😋。地理位置都算好方便，出油麻地地鐵站行唔洗2分鐘就到🧍🏼‍♀️。坐底之後都係QR code落單📲。嗌左一碗濃厚蝦湯拉麵🍜（$98）。值得一提同要贊嘅位係落完單，啲野食5分鐘內就送到，真係超快手👏🏻🙈。啲炸餃子正正常常啦，不過嫌佢炸得有啲太過乾身同太過脆，我自己就麻麻地，但呢份係送嘅，就由佢啦🙈。如果要我比錢嗌，我就唔會啦😢。碗麵送到黎果陣聞到好香好濃嘅蝦湯味🦐，飲落都好正😍，可惜係啲麵質偏淋，同埋食到中途會開始覺得悶同反胃，個味濃得黎太單一😢。總括黎講，呢間拉麵店🍜試一次就夠，冇咩特別都唔會再去😢。…Read More

今日食完晚飯又未覺得飽，行過就入去買左一盒6件churros。等拎果陣可以睇到佢哋現場整緊churros。我買左1box，有6件churros，同埋可以揀3隻醬。好靚，好色彩繽紛啊🌈，望落去都好吸引~我返到屋企先食都仲算熱。但真係好甜，會食到牙痛果隻🥹。如果只食一件都還好嘅🤣。食完咁多件，我會揀Matcha/ Wonderland為最好食👍🏻。Marshmallow 就不太推薦😢。喺OpenRice上面可以$70買現金券當$100用(7折)，即係最後只係比左$158，都算幾抵。…Read More

今日同媽咪👩‍👧2個人去食川菜，book左6:30pm，上到去得2枱客🤣🤣，去到差唔多7:15pm先開始多人。環境方面：地方唔算好大。我地嗌左涼拌花甲($78)，香辣魚皮($68)同埋金湯酸菜魚($188)。呢個花甲好好食，冇沙，同埋份量都唔小。雖然Menu上面寫左一個🌶️，但我食唔出辣味🤣。我好推介大家嗌呢個食💯。呢個魚皮Menu都係寫一個🌶️，但就相比會辣。魚皮好爽口，加埋蘿蔔絲做搭配，稱得上好開胃嘅前菜😋。魚肉好彈牙，好入味。但薯粉就一般。如果有額外嗌白飯，啲汁送飯一流。凍檸茶茶味偏重，可以解渴，解辣。要加一，最後埋單每人唔洗$200，真係好抵食！…Read More

今日約左媽咪👩‍👧去西營盤《日月》度按摩💆🏻‍♀️，所以book左隔離嘅《不籽是咖啡》食嘢先。一開始搵唔到(個餐廳名寫得好細隻)，行左2個圈先知呢間就係🤭。入到去一眼睇哂，用左落地玻璃窗，同埋擺左好多綠植物🪴，環境👍🏻，坐得好舒服。餐牌如下👇🏻我地一人嗌左一個麵🍝，同埋我嗌左杯柚子蜜梳打🍹。呢個麵幾好食，推介👍🏻，蟹肉蟹籽rich😝，啖啖都有味，唔好冇味/好乾。份量望落雖小，但食哂都有小小飽肚感。👍🏻👍🏻呢個麵係我媽咪嗌嘅，我只係食左小小，我自己就會推介上面果個麵多啲。呢個冇乜話好特別，但當然都唔差🤣。杯野飲唔錯，開頭飲落冇味，原來係未攪🤣，之後就好好多，同埋都好解到喝👍🏻。…Read More

我地2個人👩‍👧去食，嗌左個二人套餐。拼盤有三款野食，分別係兩件泰式炸魚餅，一串炭燒雞，一串牛沙嗲同埋柚子大蝦沙律🥗。隔離果碟醬係泰式辣醬同埋花生醬。整體ok la，稱不上好好食，但都算開胃嘅。隻雞都幾大下，我地2個人食，食唔哂，超飽🥵。店員有比即棄手套我地，用手食更滋味😝！金邊粉冇乜特別，中規中矩。甜品拼盤有三樣嘢，芒果鴛鴦糯米飯🥭，泰式斑蘭千層糕同埋椰汁西米糕。係不錯嘅ending👍🏻。泰式特飲要+$15嗌，我揀咗三色冰，好香椰子味🥥，幾解渴。買單嗰陣老闆話淨係做埋呢個月，俾咗張$50 coupon我地🤭🤭。…Read More

夜晚喺銅鑼灣食完野，但又未夠飽，就上OpenRice搵間甜品舖坐底食下，去到冇乜人仲以為會中伏，點知坐底冇耐就開始多人，食完之後出到黎仲見到條人龍，真係誇張😳。Menu如下👇🏻堂食每位低消$40，不設加一。我同媽咪👩‍👧2個人，嗌左1個刨冰食🍧。佢係黑芝麻味刨冰。上面白色嘅係豆腐花，啡色係蛋捲🤔。第一啖食落好重黑芝麻味，啱哂黑芝麻愛好者🖤。食到中間有雪糕，頭幾啖都係苦嘅涼茶味😰，但之後又變返甜味😐。味道各方面都唔錯，但真係no next time🙅🏻‍♀️，試過一次就夠。原因浸味越食越厭(唔係唔好食‼️)。或者可能我唔係黑芝麻重愛好者😬。下次再黎會試其他口味，希望都會好食啦。…Read More

預先喺網上面攞咗飛，8點去到要等14張飛，等等下有個姐姐問我哋食唔食雪糕，話係送嘅，有得揀原味/朱古力，我就揀咗原味，個雪糕牛奶味都算濃👍🏻。最後我哋等咗差唔多30分鐘先入到去。湯底我地揀左小麻小辣。清江魚好滑，都唔算多骨，唔錯。仲有佢好大份，我地得2個人食👩‍👧，一開頭以為會食唔晒，點知食到最後開始飽都好想繼續食落去🤣，真係名不虛傳，會越食越上癮😍！烤魚可以揀配菜，配菜每份$20。我哋淨係嗌咗一份金針菇。份量中規中矩，冇乜特別，但等佢索晒啲湯再食好正😋。入邊有花甲，粉絲同埋少少金菇。我地揀bb辣但我都覺得辣🥵，同埋我比啲辣油嗆到幾次🫣，食到辣先好嗌呢個。娃娃菜有兩串，一邊落左孜然粉，另一邊係辣油，唔錯，幾好食😋。呢杯水果茶我見差唔多枱枱都有嗌。酸酸甜甜咁，可以解渴之餘仲可以解辣。同埋佢都算好大杯，我由開始食飲到食晒都未飲完，飲到最後仲可以食埋啲生果，抵嗌啊🥳！呢間一定會再encore！！啱啱先食完已經又掛住個湯底🤣。唯獨不足係等位比較耐，要早啲攞飛😢。…Read More

今晚又係我同媽咪2個人去食🥳。去到發現平日夜晚好小人，環境好闊落，坐得好舒服。舖頭入面都有大電視播緊近排hit嘅K-pop，好有韓國feel🇰🇷~我地嗌左雙重滋味🍗🍗，韓式手抓飯🍙同埋Mango Ade🍹。雙重滋味，我地揀左香辣炸雞同埋香蒜炸雞。可以揀有骨或者冇骨。我唔係食得好辣，所以覺得香辣味好辣🤣。香蒜味就中規中矩。啲雞肉好實，食幾舊就開始飽🥵。韓式手抓飯主要有3種材料—紫菜，蟹籽同蟹柳。店員都有比手套我地自己整，唔怕會整污糟隻手。撈埋之後個飯好好食👍🏻💯，未試過一定要試可以試！野飲可以揀嗌一杯或者一jar。芒果味梳打🍹好好飲，好解喝~🌟用OpenRice訂座可以享用75折優惠，小心唔好錯過‼️…Read More

星期二晚7點去到，唔洗等位，但去到7:30就開始多人。店入面唔算大，枱與枱之間出入都要打側行。但想贊下服務員嘅，媽咪開頭嗌左一個set，但黎到之後發現唔啱食，服務員都好好咁比我地換另一個set，搞到我地都唔好意思😬。我就嗌左一個黑松露吉列牛🥩同一枝水蜜桃梳打🍑。呢個餐原本有白飯跟，但加$38就會有飯素嘅飯，1隻溏心蛋同埋一碗湯。個湯好鹹，好重味精👎🏻。個飯好好食，飯素都比得足嘅。黑松露吉列牛💯，好香黑松露味，牛嘅份量都好多，我係女仔，食淨2-3塊。食食下頸喝，嗌左枝水蜜桃梳打。好香水蜜桃🍑，唔係藥水味👍🏻。整體性價比都唔錯，可以有下次！…Read More

食完晚飯之後行下Sogo超市，經過見到圍左一排人，所以吸引左我過黎望下🤣。發現原來係賣gelato嘅，之前喺其他地方都見過呢間，但價錢都唔平，所以一直就冇去試😢。佢放左好多五顏六色嘅gelato雪糕筒做裝飾，好靚啊🥰。我買左Mini size。如果要cone，要+$15。我試左幾隻味都覺得唔錯，最後揀左榛子雲石巧克力🍫同埋芒果味🥭。隻朱古力有啲似Nutella同埋金莎入面果隻朱古力味，好好食，越食越上癮😙，一定要試！芒果味就酸酸甜甜，不太推薦。…Read More