Jackie94's Profile

今日夜晚6點17分攤飛等4位 枱,號碼B9,等到7點17分仲未有位,擺飛時顯示現時係B6,顯示等3個number,但係係等位個1個鐘頭內,s枱入阻6張,s2係過号,都叫番佢7點13分,帶位職員叫b8号, 我問職員,我b9飛要等多幾耐,該職員表示,下張枱會叫s飛,大概10多分鐘,b9大概要多20幾分鐘，當刻我已經立刻走人,因為我唔相信20多分鐘後會有枱對你地咁樣等位分法表示極度失望同憤怒，你地餐廳只顧服務會員，如果係咁，咁麻煩你地唔好公開比人禁飛等walkin，全比會員制…Read More

之前都食過1-2次下午茶，都幾好唔錯，但今次係星期六下午茶去食，叫阻炒薯粉，鹽酥雞併薯條，凍鴛鴦同熱橙紅茶下午茶我預阻份量唔多，但賣得40蚊，我預計鹽酥雞唔會太多，但起碼有薯條搭救個份量，點知一上黎，我地呆阻一呆，呢碟野叫下午茶？？40蚊？？依家薯條好貴咩？？呢份係下午茶既價錢，加錢小食既份量！個薯粉就不過不失，比上次食份量少阻同濕阻，薯粉濕得濟冇阻彈牙個口感野飲都係正正常常，不過唔知係咪我奄尖，個阿姐上野飲個陣，佢自己睇住張單兼擺低杯野飲問，係唔係你地架？，我下意識答返佢，我點知係唔係我架，佢冇理就走阻去，我係靠朕味先知係橙紅茶跟住杯凍鴦又係，個阿姐係我後面攝出黎擺低杯野就走，依家去茶餐廳食野，個伙記擺低都會講聲杯野係咩，我杯係凍鴦，靠個樣我睇唔出係奶茶定咖啡，聞下冇太濃既咖啡味，我先飲啖睇下，確定係凍鴦依家講下杯野係咩係咪好難？？…Read More

星期六夜晚去食，3個人坐卡位，算闊落。睇人推薦湯底間阻麻辣牛同椰子雞，鴛鴦煲要加48，麻辣牛間阻少辣，對我地黎講已經夠，碌野食已經多味，椰子雞甜阻d，但唔係清甜個款。肉類得個2款牛同豬，仲有d咩豬腸牛栢葉諸如此類，牛豬上到枱，每盆得個4塊，塊塊仲薄過紙，透到見到個碟。d丸仲好笑，細粒到呢，街邊d魚旦仲大粒過佢，碌完都撈唔番上黎。野飲種類都叫多，有瓶裝飲品，酸梅湯呀冬瓜檸檬茶呀桂花烏龍呀咁個d囉，冇乜特別。雪糕每人只限叫一客，movenpick, KitKat, Häagen-Dazs，每個品牌得個2－3個味間。成餐飯落肚，都唔知食過d乜，自己打邊爐仲好過佢，呢間野埋單落樓，每人300幾，total千幾，間直不知所謂！收得呢個價錢，麻煩比多d選擇，d肉唔好咁孤寒，片得咁薄，d丸大粒番少少，雪糕唔好每人只限一客。收得咁貴，但係d食物質素完全唔值！係一啲都唔值！呢個價，夠我地去食唔係自助餐既火鍋。…Read More

一行3人，星期日一點開始等位，等到接近2點先有位坐，期間有人埋單走，但冇入過人，搭10先開始call人番黎，中途問幾時入得因為見到有3-4張吉枱，但個男店員話答我唔到，因為有90分鐘時間限制，當下心諗，唔係想全部一次過起先被人入呀，最後接近2點先入去。一坐低就立刻落order,上野食都快，不過聽到隔離枱個2位男仔話漏阻單，我地都叫同一款意粉，不過我地上先，而佢地係入先過我地，d食物都幾好食，意粉軟硬適中，唔會好喊，唔駛狂飲水。其中一款有少少辣，幾吊味。飲品都ok,唔會好甜。食物飲品既名都好搞笑總結黎講，除阻等得耐之外，都幾ok。要黎除非3點去，如果唔係，一！定！要！book！位！…Read More