Korilakkuma (°®°)'s Profile

灣仔藍屋附近竟然有一間CP值超高的小店，午餐晚餐同樣抵食。同朋友一人點咗一個餐，朋友點咗蒲燒鰻魚飯定食，鰻魚大大舊，仲有跟菜，好健康。成個餐仲包埋住家靚湯，小食同飲品。住家靚湯好足料，紅豆冰大大杯，仲有單骨雞翼作為小食，真係好好好抵食呀。小店仲好細心幫我地分別準備咗2款味道，一款係玫瑰蜜，一款係柚子蜜，一次過試晒2款口味。柚子蜜就酸酸甜甜，玫瑰蜜就花香嘅幸福滋味，2款都好好食。我就點咗一份蜜汁豬頸肉定食。呢個豬頸肉定食我真係俾好高分，啲豬頸肉完全唔會肥，又唔會燒到乾噌噌，食落仲好juicy (大滿足) 。最抵讚係佢用咗厚切，好有咬口 (嚼勁)。飲品點咗羅漢果茶，唔會太甜好滋潤，啱晒成日坐冷氣房嘅OL 店員仲要勁 nice，咁親切嘅小店，一定要多多支持。…Read More

元朗多美食，但高質西餐廳真的不多，跟同事到元朗覓食，經過 1987 Kitchen，見地方光猛，企理乾淨，原來已經開業半年了，店員很殷勤地介紹餐牌上的餐點，聽着很吸引，就嚐一下。。。👉🏻 分子料理 菠蘿泡泡 沒想到餐點居然還附有餐前甜點，店員介紹說是分子料理 - 菠蘿泡泡，名字一聽就覺得很有趣。吃下去口味很清新，菠蘿甜甜酸酸的味道充滿整個口腔，泡泡的質感非常綿密，不會過於空氣感，拿揑得剛剛好。👉🏻 餐包 - 配玫瑰花牛油 + 自家製蜜糖芥末醬 玫瑰花牛油非常漂亮 (尖叫尖叫再加心心眼) 餐包上有黑白芝麻，烤得很香脆，厚薄也恰到好處，不會太厚太硬，我個人很怕要跟餐包多士角力。餐包可選擇配牛油或自家製蜜糖芥末醬，也可以配餐湯一起吃。蜜糖芥末醬很有驚喜，非常喜歡。👉🏻 餐湯 - 蕃茄忌廉湯 :)這是蕃茄跟忌廉的完美結合，濃濃的蕃茄味道，不會過份的酸，濃稠度也很適中。唯一美中不足是上面的麵包粒拍照後已經變得不脆了。所以美食還是要襯熱吃。👉🏻 沙律 - 香檳汁藜麥沙律 沙律菜非常新鮮爽口，搭配藜麥更健康美味。沒經新烹煮的食物通常少了點香味，香檳汁剛好彌補了這個不足，令一個看似普通皂沙律也色香味俱全。如果香檳汁再多一點點就更好。👉🏻 主菜 - 澳洲香草和牛肩肉配自家製薯蓉我們點的主菜終於來了，是2人份的澳洲香草和牛肩肉配自家製薯蓉，足足有 500g 那麼大，絕對足夠兩個人吃。和牛肩肉屬於牛隻運動較多的部位，肉質結實，富有彈性，不會太肥膩。和牛牛肩燒至7成熟，吃下去肉質軟腍，牛味重，配上燒汁，非常美味。也可以選擇配上海鹽，帶出牛肩肉本身最好的一面。·自家製薯蓉非常幼滑，沒有加重的牛油味 (不然應該會很膩)。注意旁邊的小蕃茄也非常可愛，從菠蘿泡泡、玫瑰花牛油到可愛小蕃茄，都可以看出小店的用心和心思。很讚。現在有限時優惠，2 個人 $488 就可以吃到這麼棒的和牛肩肉 (原價是 $688)，還是每天限量供應，幸好我吃到了！(之後來的客人已經吃不到了)。👉🏻 餐飲 - 菠蘿汁 + 蕃茄汁其實我們點的2人份和牛肩肉只要每人加 $32 就可以轉套餐，就可以有餐包，餐湯/沙律，還有餐飲，之前也介紹了餐包餐湯沙律，都是很高汁的。餐飲也不例外，可愛的杯子，裝滿一大杯，太划算了。吃和牛肩肉配上酸酸甜甜的果汁，大滿足。…Read More

【蘿蔔糕】被蔡瀾喻為「香港最好食的蘿蔔糕」，諗住叫一件試下。 點知原來佢話一件唔煎，三件先會煎。我問，咁唔煎係凍嘅？佢話係。 但問題係三件食唔晒架嘛，所以我答佢，好啦，咁要一件唔煎啦。 佢跟住同我講，凍嘅唔好食架喎，你要兩件啦，兩件都同你煎啦。 咁就兩件啦 ， 咁件蘿蔔糕又真係好食嘅，下次黎都會再點 。【邊頭肉攦粉】之前見過有人推介邊頭肉，所以就點呢個啦。而咩叫攦粉呢？其實就係瀨粉嘅原稱！用米漿做出黎的攦粉米味十足，口感幼滑。湯底用豬骨熬成，豬骨湯底都加有蔬菜，更加清甜。邊頭肉即係「面豬登肉」，口感軟腍，肉味濃。 一大碗攦粉先 $38，好抵食 ， 絕對會再 encore 。下午茶時段仲有飲品跟。超值。…Read More